Ai theksoi se në tryezën e tij mbërrijnë çdo javë dhjetëra kërkesa nga agjencitë e zbatimit të ligjit, duke e cilësuar këtë si një proces dinamik që vazhdon nga dita në ditë. Sipas Lamallarit, nëse rezulton se këta individë janë të përfshirë në krim të organizuar, krime të rënda, mashtrime apo shantazhe ndaj qytetarëve shqiptarë, institucionet do të veprojnë.

Lamallari u shpreh se, edhe në rastet kur persona të tillë marrin pjesë në protesta krahas veprimtarisë së tyre të përditshme, kjo nuk do ta pengojë zbatimin e ligjit. Sipas tij, detyra është që ligji të zbatohet pikë për pikë dhe që Policia e Shtetit të qëndrojë në krye të përgjegjësisë për mbrojtjen e qytetarëve shqiptarë, pavarësisht nuancave politike apo rrethanave të ndryshme.

Ai shtoi se institucionet nuk duhet të tërhiqen as nga presioni publik dhe as nga gjykimet e ndryshme që mund të shfaqen. Në përfundim, Lamallari nënvizoi se kjo është detyra e tij dhe e qeverisë shqiptare, duke theksuar se mbi të gjitha qëndron interesi publik.

The post Lamallari: Qeveria shqiptare mund të shpallë edhe persona të tjerë “Non Grata” appeared first on Albeu.com.

Sipas Lamallarit, vendimi është marrë pas grumbullimit dhe analizimit të informacionit të mbledhur prej kohësh për këtë shtetase. Ai sqaroi se institucionet ligjzbatuese, policia, antiterrori dhe shërbimi inteligjent, në bashkëpunim edhe me partnerët, mbledhin çdo ditë dhe në mënyrë periodike të dhëna për shtetas të ndryshëm që mund të përbëjnë rrezik për sigurinë, sigurinë publike, sigurinë kombëtare apo interesin publik.

Ai theksoi gjithashtu se ministri i Brendshëm ka në dispozicion edhe urdhrat e përgjigjes parandaluese, për të cilat nevojitet miratimi dhe autorizimi i GJKKO-së, sa herë që ka dyshime për financim të terrorizmit, nxitje të dhunës apo nxitje të urrejtjes. Sipas tij, kjo është pjesë e funksionit të institucionit që drejton.

Lamallari nënvizoi edhe një herë se kjo çështje i përket një periudhe më të hershme dhe se publiku duhet ta ketë të qartë që e drejta për të protestuar respektohet plotësisht. Ai shtoi se institucionet dëgjojnë shqetësimet e çdo protestuesi që shpreh sinqerisht mendimin e tij ndryshe, por pjesëmarrja në një protestë, sipas tij, nuk mund të shërbejë si imunitet për këdo që ka një agjendë të caktuar, e cila është dokumentuar edhe nga agjencitë e zbatimit të ligjit.

The post Lamallari jep arsyet e shpalljes “non grata” të Ikballe Hudutit appeared first on Albeu.com.