Humbja 0-1 ndaj Korabit ka sjellë ndryshime në stolin e Besëlidhjes. Pas takimit të zhvilluar mbrëmjen e djeshme, u raportua se Elvis Plori kishte paraqitur dorëheqjen nga drejtimi i skuadrës lezhjane.

Largimi i trajnerit 48-vjeçar tashmë është konfirmuar edhe zyrtarisht nga klubi. Besëlidhja, e konsideruar një prej pretendenteve për ngjitjen në Superiore, do të nisë kërkimet për pasuesin e Plorit.

KF Besëlidhja ka bërë të ditur se bashkëpunimi me trajnerin Elvis Plori është përfunduar me konsensus. Klubi ka shprehur mirënjohjen dhe falënderimin për teknikun 48-vjeçar, duke vlerësuar përkushtimin dhe kontributin e tij gjatë gjithë periudhës si pjesë e familjes verdhe-kuqe.

The post Besëlidhja nis kampionatin me tronditje, Elvis Plori largohet nga drejtimi appeared first on Albeu.com.

Elvis Plori nuk do të jetë më trajner i Besëlidhjes. Sipas raportimeve të fundit nga burimet mediatike, tekniku ka dorëzuar kërkesën për largim te drejtuesit e klubit lezhjan.

Vendimi vjen pas disfatës 1-2 ndaj Korabit, e cila ishte humbja e dytë e Besëlidhjes në kampionat. Më herët, skuadra kishte dalë e mundur edhe kundër Kukësit, me rezultatin 2-0.

Pas përfundimit të bashkëpunimit me Plorin, drejtuesit e Besëlidhjes kanë nisur punën për të gjetur trajnerin e ri, emri i të cilit pritet të bëhet i ditur në ditët në vijim.

The post Elvis Plori largohet nga drejtimi i Besëlidhjes pas humbjes me Korabin appeared first on Albeu.com.

Pesë takimet e programuara për sot në Kategorinë e Parë kanë nisur në orën 16:00. Me këto përballje përfundon edhe java e dytë e kampionatit. Më poshtë mund të ndiqni në kohë reale rezultatet e të gjitha ndeshjeve.

LIVE:

Iliria 0 – 0 Kukësi

Sopoti 0 – 0 Besa e Kavajës

Oriku 0 – 0 Bylis

Besëlidhja 0 – 0 Korabi

Pogradeci 0 – 0 Kastrioti

The post Kategoria e Parë nis pesë sfidat e javës së dytë, vëmendje te Besëlidhja, Pogradeci dhe dueli në Librazhd! Rezultatet live appeared first on Albeu.com.

Sezoni i ri i Kategorisë së Parë, 2026/2027, starton këtë të shtunë me disa përballje interesante, mes tyre edhe dueli Kukësi–Besëlidhja, që do të shërbejë si një nga ndeshjet hapëse të kampionatit.

Pas një sezoni të kaluar ku verilindorët shpëtuan vetëm në momentet e fundit nga rënia në Kategorinë e Dytë, këtë herë klubi pritet të shfaqet me një tjetër qasje. Drejtuesit kanë vendosur një premio prej 10 mijë eurosh nëse skuadra arrin të mposhtë Besëlidhjen.

Skuadra lezhjane ka qenë ndër ekipet më aktive gjatë merkatos së verës dhe konsiderohet një prej pretendenteve për ngjitjen në Superiore. Përballë një kundërshtari të tillë, Kukësi do të ketë edhe një nxitje shtesë për të kërkuar fitoren.

The post Premio prej 10 mijë eurosh për Kukësin në përballjen hapëse ndaj Besëlidhjes appeared first on Albeu.com.

Erisildo Smaçi pritet të jetë afrimi i radhës për Besëlidhjen. Sipas burimeve të “Newsport.al”, mesfushori 28-vjeçar do t’i bashkohet skuadrës lezhjane nesër në Pogradec, ku ekipi po kryen përgatitjet.

Ky është përforcimi i dytë i Besëlidhjes brenda pak ditësh, pas marrëveshjes së arritur me sulmuesin Festim Alidema. Me Smaçin në dispozicion, trajneri Elvis Plori fiton një alternativë të rëndësishme në mesfushë, pasi lojtari pritet të sjellë përvojë dhe ekuilibër në këtë repart.

Smaçi e ka nisur rrugëtimin e tij futbollistik në Lezhë, te Brians. Gjatë karrierës, 28-vjeçari ka luajtur gjithashtu për Partizani U19, Laçi, Shënkolli, Apolonia, Dinamo, Bnei Yehuda në Izrael, Tirana, Drenica dhe Prishtina e Re.

The post Besëlidhja siguron firmën e ish-mesfushorit të Tiranës dhe Partizanit appeared first on Albeu.com.

Besëlidhja ka bërë zyrtarizimin e Festim Alidemës si përforcimin më të ri të skuadrës. Sulmuesi 28-vjeçar, i cili u largua nga Ballkani, ka zgjedhur të vijojë karrierën te ekipi lezhjan.

Përmes një njoftimi, klubi ka konfirmuar se Alidema do të jetë pjesë e Besëlidhjes në sezonin e ri. Sipas drejtuesve, futbollisti sjell eksperiencë nga kampionatet e Kroacisë, Kosovës dhe Shqipërisë.

Karrierën e tij e nisi në Kosovë, ku u aktivizua me KF Vllazninë. Më pas, ai luajti për Llapin, Slaven Belupon dhe Dragovoljacin në Kroaci, ndërsa ka mbajtur edhe fanellat e Dritës, Lirisë së Prizrenit dhe Erzenit.

Alidema ka spikatur më herët edhe në Kategorinë e Parë, gjatë kohës kur ishte pjesë e Pogradecit. Së fundmi, sulmuesi 28-vjeçar ishte pjesë e Ballkanit në Superligën e Kosovës.

The post Besëlidhja zyrtarizon afrimin e Festim Alidemës, sulmuesi bashkohet me lezhjanët appeared first on Albeu.com.

Festim Alidema është përforcimi më i ri i Besëlidhjes. Sipas burimeve të “Newsport.al”, ish-futbollisti i Pogradecit ka zgjedhur të vijojë karrierën me skuadrën lezhjane.

Vijon…

The post Besëlidhja godet në merkato, firmos me ish-sulmuesin e Pogradecit appeared first on Albeu.com.

Partizani regjistroi një tjetër sukses në ndeshjet miqësore, duke mundur me përmbysje Besëlidhjen me rezultatin 3-2.

Skuadra e Kategorisë së Parë e mbylli pjesën e parë në avantazh 1-2, por në fraksionin e dytë të besuarit e trajnerit Florin Bratu reaguan dhe realizuan dy gola.

Human ishte autor i dy golave për Partizanin, duke shënuar në minutat 30 dhe 64, ndërsa Kazzem përcaktoi rezultatin përfundimtar me golin e fitores në minutën 82.

The post Partizani përmbys Besëlidhjen dhe triumfon 3-2 në miqësore appeared first on Albeu.com.

Teuta e ka mbyllur me fitore miqësoren ndaj Besëlidhjes së Lezhës, të zhvilluar në stadiumin “Niko Dovana”, me rezultatin 1-0.

Goli që i dha suksesin skuadrës durrsake u shënua nga mesfushori Sherif Kallaku. Në këtë përballje, paraqitje pozitive bëri edhe Besëlidhja, e drejtuar nga trajneri Elvis Plori.

Edhe pse krijuan disa mundësi, durrsakët nuk arritën të gjenin golin e dytë. Miqësorja i shërbeu stafit teknik për të vlerësuar formën e ekipit, i cili po konsolidohet dhe po përgatitet për nisjen e sezonit të ri futbollistik më 22 gusht.

The post Teuta mposht 1-0 Besëlidhjen, Sherif Kallaku shënon në “Niko Dovana appeared first on Albeu.com.

Besëlidhja ka zyrtarizuar afrimin e Anteo Osmanllarit, i cili bëhet përforcimi më i ri i skuadrës lezhjane, siç raportoi dje “Newsport.al”. Mbrojtësi i djathtë ka mbyllur bashkëpunimin me Drenicën për të vijuar karrierën në Kategorinë e Parë.

Osmanllari kishte në tryezë edhe një mundësi për të luajtur në Ligën e Parë turke, por palët nuk gjetën dakordësinë për kushtet e marrëveshjes. Për këtë arsye, 27-vjeçari do të jetë pjesë e Besëlidhjes gjatë sezonit të ardhshëm.

Futbollisti e ka nisur rrugëtimin e tij te Skënderbeu, ndërsa më pas ka luajtur me Korabin, Burrelin, Pogradecin, Turbinën, Partizanin, Erzenin dhe Drenicën.

The post Besëlidhja përforcohet me ish-mbrojtësin e Partizanit, firmos Anteo Osmanllari appeared first on Albeu.com.