Superliga e Kosovës ka tërhequr ndër vite futbollistë të njohur, nga reprezentues të Shqipërisë, Kosovës dhe vendeve të tjera, deri te lojtarë me përvojë në kampionate të ndryshme evropiane.

Zhvillimi i futbollit kosovar është vërejtur jo vetëm në organizim dhe konkurrencë, por edhe në profilin e lojtarëve që kanë zgjedhur të jenë pjesë e këtij kampionati. Prania e futbollistëve që kanë luajtur në gara evropiane apo në liga të huaja i ka dhënë Superligës një dimension të ri dhe më shumë vëmendje gjatë afateve kalimtare.

Shembulli më i fundit është Besar Halimi, i cili pak ditë më parë u prezantua si përforcim i Dritës. Mesfushori, që ka luajtur në Bundesliga, Superligën e Danimarkës, Zvicër, Poloni dhe Letoni, iu bashkua klubit nga Gjilani pas periudhës së kaluar në Marok.

Megjithatë, Halimi është vetëm njëri nga emrat e shumtë me karrierë ndërkombëtare që kanë zgjedhur të luajnë në futbollin kosovar.

Armend Dallku

Mbrojtësi shqiptar kaloi tetë vite te Vorskla Poltava në Ukrainë, ku u shndërrua në një prej futbollistëve kryesorë të ekipit. Në vitin 2016, ai u transferua te Prishtina, duke ardhur drejtpërdrejt nga Vorskla.

Debatik Curri

Ish-mbrojtësi i Shqipërisë kishte përvojë të rëndësishme me Vorskla Poltava, Genvlerbirligi, Hoverla Uzhhorod dhe Sevastopol. Në vitin 2017 u kthye në Kosovë për t’iu bashkuar Prishtinës, pas periudhës së tij te Flamurtari i Vlorës.

Besart Berisha

Berisha është ndër sulmuesit shqiptarë më të suksesshëm në futbollin australian, ku ka luajtur për Brisbane Roar, Melbourne Victory dhe Ëestern United. Ai ka pasur gjithashtu eksperienca në Gjermani, Angli dhe Japoni. Në shtator 2021 u bë pjesë e Prishtinës, duke ardhur nga Western United dhe duke u rikthyer për herë të parë në futbollin kosovar.

Besar Halimi

Mesfushori kosovar ka mbajtur fanellat e klubeve si Mainz, Brondby, Sandhausen, Riga dhe Slask Wroclaw, ndërsa karriera e tij përfshin Gjermaninë, Danimarkën, Zvicrën, Letoninë dhe Poloninë. Në shtator 2026 iu bashkua Dritës, pasi vinte nga Raja Casablanca dhe pas aventurës së tij në Marok.

Ergys Kaçe

Ish-mesfushori i Kombëtares së Shqipërisë u formua dhe u afirmua te PAOK-u. Në vazhdim ai luajti edhe për Panathinaikos, Viktoria Plzez, Aris, Partizani i Tiranës, Panevezys dhe Kalamata. Në vitin 2024 u transferua te Gjilani, nga Kalamata.

Alban Pnishi

Qendërmbrojtësi i Kosovës e zhvilloi pjesën kryesore të karrierës në Zvicër, ku përfaqësoi Wohlen dhe Grasshoppers. Ai pati gjithashtu përvoja në Izrael me Bnei Sakhnin dhe Bnei Yehuda. Në gusht 2020 kaloi te Feronikeli, duke ardhur nga Bnei Yehuda.

Kristi Vangjeli

Mbrojtësi shqiptar, i cili ka qenë edhe pjesë e Shqipërisë, ka luajtur për Aris, Chornomorets Odesa, Skënderbeun, Astra Giurgiu dhe Tiranën. Në verën e vitit 2021 u bë pjesë e Prishtinës, pas largimit nga Tirana.

Herolind Shala

Mesfushori i Kosovës ka luajtur në kampionatet e Norvegjisë, Çekisë, Turqisë dhe Shqipërisë. Gjatë karrierës së tij ka përfaqësuar Odd, Sparta Praga, Slovan Liberec, Kasimpasa, Valerenga, Erzurumspor dhe Partizani. Në shkurt 2026 firmosi me Feronikelit ’74, pasi më herët gjatë atij sezoni kishte qenë pjesë e Partizanit.

Anel Rashkaj

Pjesën më të madhe të karrierës së tij, ish-mesfushori i Kosovës e kaloi në Suedi dhe Norvegji. Ai luajti për Halmstads BK, Sandnes Ulf, AFC Eskilstuna, SJK dhe Orgryte. Në gusht 2017 u transferua te Prishtina nga AFC Eskilstuna.

Toni Domgjoni

Mesfushori kosovar u formua te FC Zurich, ndërsa më pas vazhdoi karrierën në Holandë me Vitesse. Ai ka përfaqësuar edhe Zvicrën në grupmoshat e reja. Në shkurt 2026 iu bashkua Ballkanit, pas ndërprerjes së kontratës me Vitesse.

Toni Gomes

Sulmuesi i Guinea-Bissau-së ka luajtur në Turqi, Azerbajxhan, Izrael dhe Korenë e Jugut, ku ka përfaqësuar klube si Menemen, Zira, Hapoel Hadera dhe Seongnam. Në korrik 2025 u transferua te Prishtina e Re, pas aventurës me Seongnam FC. Gomes ka qenë gjithashtu pjesë e akademisë së Liverpoolit dhe tani luan te Liria e Prizrenit.

Cheick Doukoure

Mesfushori nga Bregu i Fildishtë ka një karrierë të rëndësishme në Francë dhe Spanjë, ku ka luajtur për Lorient, Metz, Levante, Huesca dhe Leganes. Më pas ai vazhdoi në Greqi me Aris dhe Iraklis. Në tetor 2025 iu bashkua Prishtinës së Re, pas përfundimit të aventurës te Iraklis.

Gjelbrim Taipi

Mesfushori shqiptar i Kosovës ka kaluar një periudhë të gjatë në futbollin zviceran, me Wil, Schaffhausen, St. Gallen, Grasshoppers dhe Winterthur. Në Shqipëri ai ka luajtur për Kukësin dhe Partizanin. Në vitin 2025 iu bashkua Prishtinës, duke ardhur nga Partizani. Taipi tani është pjesë e Feronikelit ’74.

Hysen Memolla

Mbrojtësi i Kombëtares së Shqipërisë ka pasur eksperienca në Itali, Slloveni, Kroaci, Finlandë, Hungari dhe Rumani. Ai ka luajtur për Hajduk Split, Koper, Salernitana, Diosgyor dhe Chindia Targoviste. Në vitin 2024 u transferua te Suhareka, pasi vinte nga Egnatia, kampionia e Shqipërisë.

Enea Koliçi

Portieri shqiptar ka një përvojë të gjatë në futbollin shqiptar dhe atë ndërkombëtar. Ai ka mbrojtur portën e Skënderbeut, Kukësit, Partizanit dhe Flamurtarit, ndërsa ka luajtur edhe në Kosovë. Te Gjilani kaloi nga Skënderbeu, duke sjellë përvojën e fituar në futbollin shqiptar dhe në garat evropiane. Më vonë, Koliçi luajti edhe te Ballkani.

Prania e këtyre futbollistëve tregon se Superliga e Kosovës është kthyer në një destinacion për lojtarë me eksperiencë të konsiderueshme. Përveç atyre që kërkojnë një sfidë të re, në kampionat po rikthehen ose po afrohen emra që kanë lënë gjurmë në liga dhe gara ndërkombëtare.

The post 15 futbollistë me përvojë ndërkombëtare që kanë luajtur në Superligën e Kosovës appeared first on Albeu.com.

“Të dashur tifozë, tani ka ardhur koha dhe do t’i jap fund karrierës sime futbolliste. Ka qenë një periudhë fantastike. Mbaj mend që kur e nisa këtë lojë gjithmonë kisha një buzëqeshje në fytyrën time dhe sot po buzëqesh përsëri duke menduar të gjitha kujtimet e bukura që kam pasur në këtë lojë.

Në momnetin që nisa të luaj futboll, gjithmonë ëndërroja të bëhesha profesionist dhe do të doja të falënderoja Zotin që e bëri ëndrrën time realitet. Dua të falënderoj familjen time për mbështetjen dhe që ka qenë gjithmonë pranë meje. Dëshiroj të falënderoj të gjitha ekipet e mia:

Hamburger SV, Aalborg, Horsens, Burnley, Rosenborg, Arminia Bielefeld, Brisbane Roar, Melbourne Victory, Sanfrecce Hiroshima, Wester United, Prishtina dhe FSHF e FFK. Ju e bëtë këtë periudhë të jashtëzakonshme.

Mezi pres detyrat emocionuese që më presin së shpejti. Unë do t’i qëndroj besnik futbollit. 1000 herë faleminderit për kohën e kaluar së bashku, do ta mbaj gjithmonë në zemër këtë lojë të bukur”, shkruan Berisha në llogarinë e tij në “Instagram”. /h.ll/albeu.com

 

View this post on Instagram

 

A post shared by Besart Berisha (@besartberisha08)

The post Besart Berisha pensionohet nga futbolli (FOTO LAJM) appeared first on Albeu.com.

Golashënuesi më i mirë në histori të ligës australiane do të vesh fanellën e FC Prishtinës.

Pas një karriere mbresëlënëse në Gjermani, Norvegji, Danimarkë, Angli, Australi e Japoni, me Kombëtaren e Shqipërisë dhe Kosovën, futbollisti me prejardhje nga qyteti i Prishtinës ka vendosur t’i bashkohet skuadrës “bardhekaltër”.

Berisha ishte në kontakte edhe me Ballkanin, por në fund Prishtina arriti t’ia mbush menden lojtarit.

The post Dikur refuzonte Kombëtaren për shkak të distancës, Besart Berisha transferohet te Prishtina (VIDEO) appeared first on Albeu.com.

Sipas gazetarit sportiv të Artmotion Arlind Sadiku, ai është në negociata me dy klube, Ballkanin dhe Prishtinën.

Nga informacionet që i ka siguruar Klankosova.tv sulmuesi kosovar gjatë javës pritet të vijë në Kosovë dhe të vendos për të ardhmën.

Besart Berisha në dy sezonet e kaluara ka shënuar 26 gola dhe ka bërë tre asistime për ekipin Western United në Australi.

The post Besart Berisha në negociata me Prishtinën dhe Ballkanin appeared first on Albeu.com.