Shqipëria përfaqësohet nga dyshja e përhershme Eklent Kaçi dhe Besar Spahiu, të cilët sot kishin përball në raundin e parë ekipin e kombëtares italiane të përfaqësuar nga Corrieri dhe Candela.

Dyshja e Shqipërisë ishte perfekte në çdo raund dhe duket qartë që arma e tyre kryesore është besimi te njëri tjetri.

Lojtarët e kombëtares tonë fituan 7-2 ndaj Italisë.

Besar Spahiu dhe Eklent Kaçi kanë kaluar tashmë në fazën tjetër të Kampionatit Botëror ku do të përballen me fituesin e Spanjë-Australi./ h.ll/albeu.com

 

View this post on Instagram

 

A post shared by Matchroom Pool (@matchroompool)

The post Kampionati Botëror i Bilardos, Shqipëria nuk e llogarit Italinë, Kaçi dhe Spahiu dhurojnë “show” appeared first on Albeu.com.

Pandemia i ndali një vit më parë, por tani Eklent Kaçi dhe Besar Spahiu janë gati për Kampionatin Botërot të Bilardors, dyshe-dyshe, në disiplinën 9 ball. Tre vite më parë dyshja e bilardistëve shqiptarë tërhoqën madje edhe vëmendjen e kryeministrit Rama (Shikoni videon këtu).

Edhe pse nuk është se kishte shumë informacion, në një takim elektoral në ai shprehej “uou, janë të paparë”, pasi Kaçi e Spahiu mposhtën Rusinë dhe kaluan në raundin tjetër, ku u përballën me Filipinet. Një “jump” i bilardisti nga Kukësi u bë viral.

Kundërshtarët e tyre ishin perfektë dhe fituan, ndërsa më pas shkuan deri në finale. Tani Kaçi e Spahiu rikthehen sërish dhe në raundin e parë do të përballen me Italinë. Kampione në fuqi është Gjermania, që ka një yll të bilardos si Joshua Filler.

Dyshja shqiptare sigurisht nuk do ta ketë të lehtë, duke parë që në Kampionatin Botëror që zhvillohet në Britaninë e Madhe në periudhën 14-19 qershor marrin pjesë më të mirët e këtij turneu, madje rikthehet edhe një legjendë si Efren Reyes.

Kaçi dhe Spahiu janë gjithmonë të rrezikshëm për kundërshtarët e tyre, pasi  lojtarët e kombëtares sonë janë të stërvitur shumë mire dhe vizioni i tyre në tavolinën e bilardos është tepër i gjerë.

Nga Botërori i fundit kanë ndryshuar shumë gjëra, Kaçi ka dalë kampion bote në 10 ball dhe së fundmi edhe Spahiu ka bërë një paraqitje të mirë në Eurotour. Të dy së bashku do bëjnë maksimumin për lavdinë, në një sport që shqiptarët e pëlqejnë dhe e praktikojnë masivisht./ h.ll/albeu.com

The post “Fiksuan” edhe Ramën me “jump”, Kaçi-Spahiu për lavdinë në Botërorin e Bilardos appeared first on Albeu.com.

Kaçi e nisi garën me një fitore të thjeshtë kundër grekut Nick Chatoupis, me rezultatin 9-1, ndërsa në raundin tjetër Sebastian Batkowski rezistoi, por shqiptari e theu 9-6 me lojë.

Bilardisti kurbinas në “Winners Qualification” u ndesh me gjermanin Tobias Bongers dhe triumfoi 9-5, duke kaluar në “Last 32”. Iker Andoni Echeverria ishte kundërshtari i radhës që e pësoi me Kaçin, po me rezultatin 5-9.

Në “Last 16” shqiptari kishte përballë holandezin e njohur, Niels Feijen. Kaçi e mundi “The Terminator” 9-7, kurse në çerekfinale Maximilian Lechner e pësoi me rezultatin 9-2.

Edhe në gjysmëfinale Kaçi ishte i papërmbajtshëm, pasi mundi 9-3 Tomasz Kaplan. Finalja me Joshua Filler ishte një tjetër histori dhe gjermani që fitoi e pranoi se ishte një duel shumë i vështirë dhe taktik.

“Hapja e gurëve nuk funksionoi për të dy në shumicën e rasteve dhe u desh të luanim taktikisht. Unë kisha finalizimin më mirë. Eklenti bëri një lojë të pabesueshme. Të dy meritonim diçka, por kështu është sporti: ka vetëm një fitues dhe për fat këtë hera isha unë dhe jam i kënaqur që e fitova për herë të tretë Euroturin”, tha Filler pas ndeshjes.

Në këtë Eurotur ishin të pranishëm edhe disa bilardistë shqiptarë, me Besar Spahiun që u rendit i 17-ti dhe mori hak për humbjen në Botëror, pasi mposhti spanjollin David Alcaide. Gentjan Gega doli i 33-ti, Eduard Bregu dhe Arjan Matrizi e mbyllën në vendin e 65-të, kurse Admir Muho dhe Zamir Hodaj në të 97-in. /h.ll/albeu.com

The post Eurotour Treviso: Eklent Kaçi mposhtet në finale, Besar Spahiu pozicionohet i 17-ti appeared first on Albeu.com.

Lojtari nga Shqipëria vazhdon performancën e tij mbresëlënëse dhe rrugëtimi për në finale nuk duket i pamundur për të. Katër lojtarë u ndeshën me njëri tjetrin ku secili nuk duhej të gabonte. Secili lojtar kishte hapësirën e vet personale për të shfaqur perforfmancën e tij. Besar Spahiu po ndeshej me David Alcaide, Stefano Dellino dhe Danny Hewitt.

Besar Spahiu dhe David Alcaide janë kualifikuar për në fazën tjetër tek tetë më të mirët dhe tashmë këta dy lojtarë do të ndeshen bashkë në fazën tjetër. Sfida pritet të jetë emocionuese dhe konkurruese. Besar Spahiu ka realizuar një performancë spektakolare ku dhe komentatorët e ndeshjes kanë mbetur të surprizuar nga goditjet e tij. /h.ll/albeu.com

The post Bilardo, Besar Spahiu dhuron spektakël dhe kualifikohet në tetë më të mirët (VIDEO) appeared first on Albeu.com.

Sot u zhvillua raundi i kualifikimit direkt midis Besar Spahiut, Danny Hewitt dhe Chris Akexander. Sfida u zhvillua online dhe përsëri emocionet nuk munguan.

Lojtari ynë nga Shqipëria, Besar Spahiu arrin të marrë një fitore të çmuar duke u kalifikuar për në raundin tjetër.

Spahiu realizoi disa goditje spetakolare të cilat i dhanë dhe një fitore me vlerë. Nga komentatorët Spahiu u lavdërua për saktësinë e tij por edhe nga goditja e fortë gjatë hapjes së bilave e cila ishte shumë e saktë./h.ll/albeu.com

The post Bilardo, Besar Spahiu kalon në 16-tëshe (FOTO LAJM) appeared first on Albeu.com.