Deri më tani është arrestuar një person për këtë vrasje, derisa fakte të reja kanë dalë në mediat gjermane.

Sipas asaj që ka raportuar gazeta gjermane ‘Westfalen-Blatt‘, policia gjermane tani posedon një letër (email) ku thuhet se është tregimi i njërit prej të dyshuarve për vrasjen e boksierit kosovar.

Fjala është për Ayman Krit i cili në atë letër ka pranuar vrasjen e 38-vjeçarit me prejardhje nga Mitrovica.

“E rreme apo e vërtetë? Doli letra e rrëfimit për vrasjen e Besar Nimanit”, thuhet ndër të tjera në artikullin e publikuar nga gazeta gjermane.

Gjithnjë sipas dëshmitarëve të cilët kanë qenë afër vendit të ngjarjes, para se të ndodhte vrasja një grup burrash i janë afruar Besar Nimanit.

Policia gjermane po vazhdon hetimet që quan te vrasja, derisa dy persona të tjerë janë ende në arrati dhe duke u kërkuar. /Telegrafi/

The post Fakte të reja dalin në Gjermani, policia tani posedon një letër ku ishte planifikuar vrasja e Besar Nimanit appeared first on Albeu.com.

Sipas raportimeve të radios gjermane radioguetersloh.de, të dyshuarit me siguri janë tashmë jashtë vendit.

Sipas vëllait të Nimanit, ka video të arratisjes së vrasësve.

Vëllai raporton se Besar Nimani është kërcënuar vazhdimisht nga vëllezërit kurdë.

“Prandaj i ka rrahur tre vjet më parë. Ai mori armë për të mbrojtur gruan dhe tre fëmijët e tij”.

Një vit më parë, Nimani u kap në kufirin austriak me pesë armë zjarri.

Çka dihet për vrasjen e boksierit?

Të shtunën në mbrëmje Besar Nimani u vra me armë zjarri në Bielefeld të Gjermanisë. Sipas dëshmitarëve okularë, një grup burrash i janë afruar viktimës përpara ta qëllonin. Ai ka vdekur nga plagët e marra në vendngjarje.

Grupi i personave që qëlluan janë në arrati. Dëshmitarët i thanë Radio Bielefeld se ishin në një kafene në Obernstrasse përpara se të kryenin krimin, ndërkohë që viktima kishte dalë nga një parkueri kur u qëllua.

Besar Nimani, 38-vjeçar, edhe në vitin 2013 ishte viktimë e një sulmi të tillë, në atë kohë ai u qëllua në një qebaptore në kryqëzimin e Feilenstrasse dhe Bahnhofstrasse. Ai kishte marrë plagë në kofshë dhe gju.

Nimani ishte me origjinë kosovare-shqiptare, në vitin 1997 ai u zhvendos në Bielefeld. Ai fitoi titullin evropian në peshën e mesme të lehtë dhe humbi vetëm një herë në karrierën e tij profesionale.

Vdekja e boksierit, Besar Nimani e ka prekur dhe pikëlluar edhe ish-kampionin botëror të boksit, Marco Huck.

Huck i tha me trishtim BILD-it: “Jam i tronditur. Besari ka qenë shoku im i fëmijërisë. Kur isha në Bielefeld, ishim çdo ditë dhe gjithmonë bashkë. Vetëm dhjetë ditë më parë takova Besarin në Bielefeld. Ne biseduam për kohët e vjetra në një kafene dhe qeshnim shumë. Shoku im ishte një djalë shumë argëtues dhe i fortë, me shumë energji dhe gjithmonë i dobishëm. Është e gjitha kaq mizore. Ende nuk mund ta besoj se nuk do ta shoh më kurrë këtë mik të mirë.”

Pas kohës së Bielefeldit, dy boksierët u ndanë. Marco Huck u bë profesionist në Berlin Sauerland dhe më vonë u bë kampion botëror në WBO nën drejtimin e trajnerit Ulli Wegner. Nimani u zhvendos në Berlin-Marzahn, ku u përgatit për meçet e tij nga trajneri i njohur profesionist, Otto Ramin.

Ramin për BILD: “Më vjen shumë keq. Besari kishte talent dhe ishte shumë punëtor. Me ne stërviti edhe motra e tij, e cila më vonë boksoi me kombëtaren amatore”.

Marco Huck nuk mund të besonte atë se çfarë ndodhi

“Çfarë akti i tmerrshëm, askush nuk e meriton këtë. Unë fola në telefon me vëllain e Besarit, Beratin, i cili ishte një vit më i madh se unë dhe gjithashtu boksier, dhe i shpreha ngushëllimet e mia familjes”.

Marco Huck ka humbur një mik dhe shpreson “që autori ose autorët do të kapen dhe do të marrin dënimin e tyre të merituar”.

The post Dy kurdë të dyshuar për vrasjen e boksierit shqiptar në Gjermani, si nisi konflikti appeared first on Albeu.com.

Ngjarja ndodhi në qytetin Bielefeld të Gjermanisë, mbrëmjen e së shtunës.

Kjo ka ngjallur interesim të madh edhe tek mediat gjermane.

Nimani, ishte plagosur në vitin 2013-të.

Sipas gazetës gjermane Landes-Zeitung, ai ishte përfshirë në një shkëmbim zjarri, bëhej fjalë për betej për pushtet mes grupeve rivale në Bielefeld.

Raportohet se në atë kohë ka pasur konflikte mes grupeve shqiptare, të cilave dyshohet i përkiste ai, dhe një grupi tjetër me prejardhje turke.

Por, ende nuk ka ndonjë konfirmim zyrtar nga autoritetet e Gjermanisë se kjo vrasje mund të ketë lidhje me ngjarje e para një dekade.

The post Pse ishte plagosur në vitin 2013-të boksieri nga Kosova që u vra në Gjermani? appeared first on Albeu.com.

Në një prononcim për Paparacin ai thotë se Besari u qëllua në rrugë derisa po shkonte në një organizim për përvjetorin e vdekjes së shokut të tij.

“Kur ka ndodh rasti Besari i ka sjell fëmijët dhe bashkëshorten te unë, pastaj ka dal në qytet për të shku në përvjetorin e vdekjes së një shokut të tij, gjatë rrugës ka shku me marr një shok tjetër në lokal ndërsa tre persona e kanë pritur në rrugë dy nga të cilët e kanë qëlluar Besarin”, tha Nimani.

Tutje, Nimani shtoi se para tre viteve viktima me njërin nga të dyshuarit kishte pasur një problem.

“Para tre viteve njëri nga të dyshuarit kishte hyrë në lokalin e Besarit, dhe kanë pasur një debat aty, Besari e ka qitur jasht lokalit”, shtoi ai.

Ndërkaq sipas Nimanit njëri nga të dyshuarit është dorëzuar në polici, ndërsa dy të tjerët janë në arrrati. Në njoftimin e policisë gjermane thuhet se operacion i madh policor është duke u zhvilluar aktualisht në zonën e qytetit Bielefeld derisa vijon kërkimi për autorin/autorët.

The post “Dy persona e kanë qëlluar” – Vëllai i boksierit Besar Nimani zbulon prapaskenat se si ndodhi vrasja në qendër të qytetit appeared first on Albeu.com.

Tanimë vrasja e tij është konfirmuar edhe nga policia gjermane dhe prokuroria të cilët kanë dhënë detaje shtesë rreth vrasjes së ish-boksierit me pasaportë kosovare.

“Të shtunën më datë 9 mars rreth orës 18:00 një 38-vjeçar nga Bielefeld ka mbetur i vdekur si pasojë e plagëve të marra nga të shtënat që ndodhën në qendër të qytetit”.

“Autori ose autorët janë në arrati, pasi deri më tani dëshmitarët kanë thënë se kanë parë mbi dy persona duke ikur nga vendi i ngjarjes”.

“Policia gjermane ka kryer disa kontrolle në disa apartamente në Bielefeld, por deri më tani autorët ende nuk janë kapur. Megjithatë operacioni i madh kërkimor është duke vazhduar në zonën e qytetit të Bielefeldit deri në arrestimin e autorëve të këtij krimi”, thuhet në një deklaratë të përbashkët të policisë dhe prokurorisë gjermane.

Detajet e tjera që ka raportuar ‘Radio Bielefeld’ është se ata autorët e krimit kanë qenë një grup burrash të cilët para krimit kanë qenë në kafene në Obernstrasse.

Ndërkohë sa i përket tanimë ish-boksierit Besar Nimani, ai ka qenë në një sallon parukerie dhe momentin që ka dalë nga aty ai është qëlluar. /Telegrafi/

The post Policia dhe prokuroria gjermane japin detaje se si ndodhi vrasja e boksierit shqiptar në Gjermani appeared first on Albeu.com.

Siç raportohet nga mediet gjermane të bazuara në deklaratat e dëshmitarëve, 38-vjeçari shqiptar u qëllua me armë teksa po dilte nga një restorant i qytetit. Sipas ‘BILD’, Nimani vdiq në vend. Autoritetet gjermane nuk kanë bërë ende asnjë arrestim, ndërsa janë në ndjekje të autorëve.

Nimani nuk është i panjohur për botën e krimit pasi edhe më herët, në vitin 2013 ka rënë pre e një sulmi të ngjashëm.

Besar Nimani ka qenë një boksier i kategorisë “Super Welterweight” dhe në 27 ndeshje numëron 26 fitore dhe vetëm 1 humbje. Në vitin 2019, ai hoqi dorë nga ky aktivitet.

The post Vritet me armë boksieri shqiptar në Gjermani appeared first on Albeu.com.