Besar Gudjufi ka mbyllur kapitullin e tij me Partizanin në Superiore, duke zgjedhur të vazhdojë karrierën te Tikveshi, në elitën e futbollit të Maqedonisë së Veriut.

Vetëm disa orë pasi u prezantua te skuadra e re, sulmuesi shqiptar ka bërë një veprim të papritur në Instagram. Gudjufi publikoi fotografi ku shfaqej me fanellën e Partizanit gjatë periudhës së tij në Shqipëri, një postim që shkaktoi jo pak habi.

22-vjeçari iu bashkua “Demave të Kuq” në janar të vitit 2025, pasi mbërriti nga Shkupi. Me ekipin kryeqytetas ai regjistroi 24 paraqitje, duke realizuar 1 gol dhe duke dhënë 1 asist.

The post U largua nga Partizani drejt Tikveshit, Gudjufi befason me postimin për kryeqytetasit vetëm pak orë pas prezantimit appeared first on Albeu.com.

Besar Gudjufi do ta vazhdojë karrierën te Tikves. Pas përvojës së fundit me Partizanin në Superiore, sulmuesi ka vendosur të rikthehet në kampionatin maqedonas për një aventurë të re.

Vendimi i 22-vjeçarit vjen pasi trajneri Florian Bratu nuk e përfshinte në planet e tij dhe miratoi largimin e futbollistit, ashtu siç kishte raportuar “Newsport.al” disa javë më parë.

Gudjufi ndërpreu marrëveshjen me “Demat e Kuq”, ndonëse kontrata e tij ishte e vlefshme deri në vitin 2029. Më pas u raportua për bisedime me Drenicën në Superligën e Kosovës, por sulmuesi nuk u bind nga kjo mundësi dhe përfundimisht zgjodhi transferimin në Maqedoninë e Veriut.

Tikves kryeson aktualisht renditjen e kampionatit maqedonas, ndërsa afrimi i Gudjufit i shton më shumë cilësi repartit ofensiv të skuadrës.

The post Jashtë planeve të Florian Bratut te Partizani, Besar Gudjufi zgjedh skuadrën e re appeared first on Albeu.com.

Florin Bratu ka vendosur të përjashtojë tre futbollistë nga faza përgatitore që Partizani po zhvillon aktualisht në Pogradec për sezonin e ri të Superiores.

Mes lojtarëve të cilëve u është bërë e ditur se nuk bëjnë më pjesë në planet e trajnerit është edhe Besar Gudjufi, sulmuesi 22-vjeçar i krahut të djathtë. Sipas informacioneve të “Newsport.al”, ai ka nisur bisedimet për një kalim te Drenica, skuadër e Superligës së Kosovës.

Palët vazhdojnë të jenë në kontakt, por deri tani nuk kanë arritur ende një marrëveshje paraprake. Negociatat pritet të vijojnë deri në përmbylljen e tratativës.

Gudjufi iu bashkua Partizanit më 10 janar 2025 dhe në atë kohë u konsiderua pasuesi i Tedi Carës. Tashmë, sulmuesi duhet të mendojë për etapën e ardhshme të karrierës së tij. /Ermal SPAHIU/

The post Bratu e lë jashtë fazës përgatitore, sulmuesi 22-vjeçar i Partizanit nis negociatat me Drenicën appeared first on Albeu.com.

Nën drejtimin e Florin Bratut, Partizani po vijon me ritëm të lartë përgatitjet në Pogradec për sezonin e ri të “Abissnet Superiore”. Gjatë kësaj faze, tekniku rumun ka marrë vendime të prera për përbërjen e skuadrës.

Sipas informacioneve të “Newsport.al”, Adnard Mehmeti, Gjergji Kote dhe Besar Gudjufi janë larguar nga grumbullimi përgatitor i të kuqve. Asnjëri prej tyre nuk po stërvitet me ekipin, çka përbën një tregues të qartë se tre futbollistët nuk bëjnë pjesë në planet e “Demave”.

Qëndrimi i Bratut përputhet me vlerësimin e ish-trajnerit Oltijon Kërnaja. Edhe ky i fundit nuk i shihte tre lojtarët e përmendur si pjesë të skuadrës, ndërsa të njëjtën linjë po ndjek tashmë edhe trajneri i ri, Florin Bratu.

Mbetet për t’u parë se si do të zgjidhet e ardhmja e Mehmetit, Kotes dhe Gudjufit. Kote dhe Mehmeti aktivizohen në mesfushë, ndërsa Gudjufi luan në rolin e sulmuesit të krahut të djathtë.

The post Florin Bratu merr vendimin e prerë, përjashton 3 futbollistë nga faza përgatitore e Partizanit appeared first on Albeu.com.