Më 18 nëntor (e enjte) 2021, katër autobusë të agjencisë “Besa Trans” prej Maqedonisë së Veriut janë nisur për ekskursion në Stamboll. Pas disa ditësh shëtitjesh, turistët në mbrëmjen e 22 nëntorit (e hënë) janë nisur për t’u kthyer në shtëpi. Autobusët, e kanë kaluar kufirin Turqi-Bullgari dhe kanë vazhduar rrugën për në Sofje.

Rreth orës 1.30 kanë ndaluar për pauzë të shkurtër në një pompë benzine në autostradën “Struma” në afërsi të Pernikut (rreth 580 kilometra pasi kanë udhëtuar prej Stambollit dhe rreth 30-35 kilometra afër Sofjes).

Rreth orës 2 autobusët kanë vazhduar rrugën, derisa pas orës 2, vozitësi i autobusit me 52 udhëtarë, i cili ka qenë duke lëvizur i fundit (prej katër autobusët) e ka humbur kontrollin dhe është aksidentuar duke goditur bankinën. Pas goditjes autobusi është bllokuar te bankinat dhe nuk kanë mundur të hapen dyert. Sipas dëshmitarëve fillimisht është dëgjuar shpërthim i fuqishëm prej pjesës së përparme të autobusit.

Pastaj, zjarri e ka kapluar pjesën tjetër të autobusit. Disa prej udhëtarëve kanë arritur që ta thyejnë dritaren e pasme dhe 7 prej tyre dalin prej autobusit. 45 të tjerë, fatkeqësisht kanë mbetur brenda, ndërkaq automjeti është djegur tërësisht për disa minuta./Portalb.mk

The post Një vit nga aksidenti i autobusit në Bullgari, gjithçka që ndodhi në tragjedinë ku humbën jetën 45 persona appeared first on Albeu.com.

Në intervistë, Haxhiu thotë se autobusi i tragjedisë ka kaluar të gjitha kontrollet teknike para se të shkojë në Turqi dhe gjithçka ka qenë në rregull. Ai përjashton mundësinë që ndonjëri nga udhëtarët të ketë bartur materiale shpërthyese. Haxhiu deklaroi se ai dhe familja e tij nuk kanë qenë pjesë e udhëtimit, por kanë udhëtuar me autobus tjetër, ndërsa fëmijët e tij kanë qenë në autobusin e fundit.

Ai tha se autobusi ka qenë prodhim i vitit 2007, por është blerë nga kompania e tij para tre vjetësh. Sipas pronarit, deri tani nuk ka pasur probleme teknike me të.

Nga Maqedonia e Veriut u nisën katër autobusë. Gjatë kthimit nga Turqia, në autobusin që lëvizte i pari ka udhëtuar pronari i kompanisë dhe bashkëshortja. Fëmijët e tyre kanë qenë në njërin nga autobusët. Në kufi, në dalje nga Bullgaria, Bekim Haxhiu ka mësuar se autobusi është aksidentuar.

“Ju thash të më dërgojnë në vend dhe të shoh me sy të mi çfarë ka ndodhur”, ka shtuar ai.

Haxhiu ka shkuar me taksi në vendin e tragjedisë, por refuzoi të komentojë fatkeqësinë pasi hetimi është ende në rrjedhë.

“Para se të largohemi për në Turqi i kemi servisuar, kontrolluar dhe madje edhe kur arrijmë në Stamboll, edhe atje i dërgojmë në servis për kontroll. Transportojmë udhëtarë, të shohim në çfarë gjendje janë. Gjithçka ishte në rregull aty”, tha pronari i “Besa trans”, Bekim Haxhiu./alsat

The post Pronari i “Besa Trans”: Unë dhe familja ime ishim në njërin nga autobusët që udhëtuan në Turqi appeared first on Albeu.com.

“E njejta kompani ka pasur licencë për transport të brendshëm, ndërsa kjo licencën ka skaduar në tetor, dhe e njëjta po ashtu është e pavlefshme”, tha Boçvarski.

Boçvarski tha se ata kanë pasur licenca për 4 autobusë.

“Autobusi i djegur, nuk është paraqitur nga pronari në bazën elektronike të Ministrisë për Transport dhe Lidhje, kështu që autobusi nuk ka pasur licencë, ndërsa ka shfrytëzuar licencë të nj autobusi tjetër”, tha Boçvarski.

Boçvarski, tha se transportuese as nuk e ka paraqitur dhe as nuk ka kërkuar licencë për autobusin që është djegur.

“Transportuesi ka keqpërdorur leje nga autobusë tjetër dhe me këtë ka shkelur rregulloret. Për këtë shkak ia kemi marrë lincën. Me kërkesë të prokurorisë kemi dërguar të gjitha materialet, dhe në të ardhmen do të përgjigjemi në bazë të kërkesës së prokurorisë”, u shpreh më tej Boçvarski. /shenjatv/

The post Boçvarski: Besa Trans ka transportuar udhëtarë në linjën e brendshme me licencë të skaduar në tetor appeared first on Albeu.com.

Lajmin e la bërë të ditur Ministria e Transportit dhe Lidhjeve në Maqedoninë e Veriut përmes një njoftimi.

Aty thuhet se sipas të dhënave zyrtare të dorëzuara nga Ministria e Punëve të Brendshme e që ka të bëjë me autobusin e djegur me tabela SK-0884-BA në pronësi të firmës “Besa Trans BTB”, ministria ka vërtetuar se për automjetin e përmendur nuk është dhënë licencë për transportim ndërkombëtar të udhëtarëve dhe as ndonjë lloj tjetër të transportimit të udhëtarëve.

Ata shtojnë se po ashtu nuk është evidentuar në evidencën elektronike të licencave të dhëna për kryerjen e transportimit të brendshëm ose ndërkombëtar të udhëtarëve që e udhëheq Ministria e Transportit dhe Lidhjeve.

Nga kjo ministri thonë se ka regjistruar tre automjete të licencuara të firmës “Besa Trans BTB”, ndërsa autobusi i djegur nuk është në mesin e automjeteve të regjistruar.

“Në pajtim me nenin 12 të Ligjit për transport rrugor dhe për shkak të mungesave që janë vërtetuar nga ana e Ministrisë së Transportit dhe Lidhjeve dhe me qëllim që të parandalohet ndonjë veprim tjetër nga firma që do të mund të nxisë pasoja negative, firmës “Besa Trans BTB” i merret licenca për punës, përkatësisht ndalesa për kryerjen e veprimtarisë”, thonë nga kjo ministri.

Kështu, firma detyrohet që dorëzojë licencën për transportimin ndërkombëtar të udhëtarëve dhe certifikatat për licencë për transportimin ndërkombëtar të udhëtarëve në Ministrinë e Transportit dhe Lidhjeve.

Nga kjo ministri po ashtu theksojnë se qeveria në mbledhjen e fundit ka detyruar Inspektoratin Shtetëror të kryejë kontroll të jashtëzakonshëm në firmën “Besa Trans”./albeu.com/

The post Aksidenti me 46 viktima në Bullgari, kompanisë së udhëtimit i hiqet licenca e punës appeared first on Albeu.com.

Në fjalën e tij ai ka thënë se nuk e di se çfarë mund ta ketë shkaktuar këtë tragjedi me 45 viktima dhe thekson se ai gjendet në vendin e ngjarjes që në orën 3 të mëngjesit.

“Nuk e di se si ka ndodhur rasti. Që nga ora 3 e mëngjesit jam në vend të ngjarjes për të marr informacione nga institucionet bullgare, por deri më tani ende nuk dihen shkaqet”, tha ai.

Kujtojmë se ngjarja e rëndë ka ndodhur në orët e para të mëngjesit, ku një autobus i kompanisë “Besa trans” nga Shkupi, me udhëtarë kryesisht shqiptarë, është rrokullisur dhe ka marrë flakë në Bullgari, teksa ka qenë duke kthyer në vend turistë që kanë qenë për fundjavë në Stamboll të Turqisë.

Në aksident jetën e kanë humbur 46 persona dhe janë lënduar 7 të tjerë. Në mesin e viktimave janë edhe 12 fëmijë./albeu.com/

The post Humbën jetën 46 persona, vjen reagimi i pronarit të “Besa trans”: Nuk e di si ka ndodhur rasti appeared first on Albeu.com.

Sipas informacioneve të para me autobusin në fjalë udhëtonin kryesisht persona të moshës së re të cilët ktheheshin nga një ekskursion.

Më herët kryeministri Zoran Zaev tha për MIA-n se kjo është një tragjedi e tmerrshme ku 12 fëmijë janë nën moshën 18 vjeçare, ndërsa të tjerët janë të rinj rreth moshës 20-30 vjeçare.

The post Tragjedia në Bullgari, autobusi i përkiste një agjencie me emër shqiptar appeared first on Albeu.com.