Mbrëmjen e sotme, Elbasani nis aventurën në turin kualifikues të Conference League, teksa do të luajë ndeshjen e parë ndaj BATE Borisov.

Në dispozicion të trajnerit Ivan Gvozdenovic për këtë sfidë do të jenë jo vetëm shumë prej futbollistëve të skuadrës, por edhe Bernard Karrica dhe Marjo Bajramaj. Të dy lojtarët janë afruar nga Vora në huazim, vetëm për këto përballje europiane, dhe mund të marrin minuta në këtë takim.

Në prag të kësaj ndeshjeje të rëndësishme për nënkampionët, klubi i Superiores ka shpërndarë një mesazh mbështetës për futbollistët.

“Suksese djemve tanë në sfidën ndaj BATE Borisov në kualifikueset e UEFA Conference League! Ju urojmë një paraqitje sa më të mirë dhe shumë fat. Na bëni krenarë”, shkruan Vora.

The post Vora motivon Karricën dhe Bajramajn para duel-it të Elbasanit me BATE Borisov në Conference League appeared first on Albeu.com.

Të dy lojtarët janë ndarë nga Vora, ndërsa për momentin është bërë e ditur se ata do të jenë pjesë e Elbasanit vetëm për ndeshjet e Kupave të Evropës.

Njoftimi është dhënë nga vetë klubi nënkampion i Superiores, teksa duhet theksuar se Karrica dhe Barjamaj ishin mes elementëve më të dalluar të vorakëve në sezonin e kaluar.

“Bernard Karrica dhe Marjo Barjamaj i bashkohen ekipit në rrugëtimin tonë për edicionin e parë në UEFA Conference League. Mirë se erdhët djema”, shkruan klubi i Elbasanit.

The post Elbasani afron Bernard Karricën dhe Marjo Barjamajn, dy nga emrat më të spikatur të Vorës appeared first on Albeu.com.