Përmes një postimi në rrjetet sociale, Balla u shpreh se do rrisim investimet gjermane në Shqiperi dhe se Gjermania ka qenë ndër partnerët më të rëndësishëm të Shqipërisë gjatë 35 viteve të fundit, duke u renditur e para për mbështetjen e drejtpërdrejtë ndaj vendit.

Ai theksoi se aktualisht marrëdhëniet mes dy shteteve janë në nivelin më të lartë historik, duke reflektuar një bashkëpunim të konsoliduar në shumë fusha.

Sipas Ballës, të dy vendet bashkëpunojnë ngushtë edhe në kuadër të organizatave ndërkombëtare ku janë anëtare, ndërsa Gjermania mbetet një nga mbështetëset kryesore të rrugëtimit të Shqipërisë drejt Bashkimi Evropian.

Balla nënvizoi gjithashtu se në vijim pritet të rritet prania e kompanive gjermane në Shqipëri, duke e konsideruar këtë një tregues të rëndësishëm të besimit ekonomik dhe forcimit të mëtejshëm të partneritetit mes dy vendeve.

The post Balla nga Berlini: Do rrisim investimet gjermane në Shqipëri, marrëdhënie në kulmin historik appeared first on Albeu.com.

Ai theksoi se Shqipëria ka nevojë për një qeveri të re, që të punojë për standardet evropiane dhe integrimin e vendit në BE.

Gjithashtu, kreu i Grupit Parlamentar të PD-së theksoi se PS po pengon drejtësinë, duke mbrojtur zyrtarët e korruptuar, si rasti i Belinda Ballukut, ndaj shton se janë të nevojshme zgjedhjet e lira dhe të ndershme për të mundësuar rotacionin dhe pasur një qeveri në shërbim të qytetarëve.

“Shqipëria ka nevojë të zbatojë standardet europiane në vend, jo vetëm me fjalë, por me vepra. Për fat të keq, Partia Socialiste, ka treguar përmes veprimeve se pengon drejtësinë dhe merr në mbrojtje zyrtarë të lartë të përfshirë në korrupsion. Kjo pengon procesin e integrimit.

Prandaj nevojitet ndryshimi. Na duhen zgjedhje të lira dhe të ndershme, për të pasur një qeveri të përgjegjshme që punon për standardet europiane dhe integrimin e Shqipërisë në BE”, shprehet mes të tjerash deputeti demokrat.

Deklarata e plotë:

Dy ditë intensive në Berlin, me takime të ngjeshura së bashku me kolegët Jorida Tabaku dhe Klevis Balliu. Takimet nisën me raportuesin për Shqipërinë në Bundestag dhe do të vijojnë me Kryetarin e Komisionit për Çështjet Europiane, Kryetarin e Komisionit të Jashtëm dhe një numër të madh deputetësh. Më pas, axhenda vijon në qeverinë federale, në Ministrinë e Jashtme, me Ministrin e Shtetit për Çështjet Europiane.

Ndërsa në Shqipëri opozita përjashtohet nga një mazhorancë që kontrollon të gjitha institucionet, në Berlin zëri i saj dëgjohet me respekt dhe vëmendje.

Shqipëria ka nevojë të zbatojë standardet europiane në vend, jo vetëm me fjalë, por me vepra. Për fat të keq, Partia Socialiste ka treguar përmes veprimeve se pengon drejtësinë dhe merr në mbrojtje zyrtarë të lartë të përfshirë në korrupsion. Kjo pengon procesin e integrimit. Prandaj nevojitet ndryshimi. Na duhen zgjedhje të lira dhe të ndershme, për të pasur një qeveri të përgjegjshme që punon për standardet europiane dhe integrimin e Shqipërisë në BE.

Mirënjohje pa fund për të gjithë kolegët dhe autoritetet këtu në Gjermani për pritjen dhe diskutimin e hapur. Uroj që për Shqipërinë dhe shqiptarët procesi i integrimit të ecë përpara me një qeveri të përgjegjshme që punon për interesin publik. Ju përshëndes nga Berlini.

The post Bardhi flet nga Berlini: PS po pengon drejtësinë dhe mbron zyrtarët e korruptuar, Shqipërisë i duhet një qeveri që punon për integrimin evropian appeared first on Albeu.com.

Zelenskyy u ul me të dërguarin special të Presidentit të SHBA-së Donald Trump, Steve Witkoff, dhe dhëndrin e Trump, Jared Kushner. Udhëheqësi ukrainas postoi fotografi të tryezës së negociatave me kancelarin gjerman Friedrich Merz të ulur pranë tij përballë delegacionit amerikan.

Duke iu përgjigjur pyetjeve të gazetarëve në klipet audio në një grup bisedash në WhatsApp para bisedimeve, Zelenskyy tha se meqenëse SHBA-të dhe disa vende evropiane kishin hedhur poshtë përpjekjen e Ukrainës për tu bashkuar me NATO-n, Kievi pret që Perëndimi të ofrojë një sërë garancish të ngjashme me ato të ofruara anëtarëve të aleancës.

“Këto garanci sigurie janë një mundësi për të parandaluar një valë tjetër agresioni rus. Dhe ky është tashmë një kompromis nga ana jonë,” tha Zelenskyy.

Presidenti rus Vladimir Putin e ka cilësuar përpjekjen e Ukrainës për tu anëtarësuar në NATO si një kërcënim të madh për sigurinë e Moskës dhe një arsye për nisjen e pushtimit në shkallë të plotë në shkurt të vitit 2022. Kremlini ka kërkuar që Ukraina të heqë dorë nga kërkesa për anëtarësim në aleancë si pjesë e çdo marrëveshjeje të mundshme paqeje.

Zelenskyy theksoi se çdo garanci sigurie do të duhej të ishte ligjërisht e detyrueshme dhe e mbështetur nga Kongresi i SHBA-së, duke shtuar se priste një përditësim nga ekipi i tij pas një takimi midis zyrtarëve ushtarakë ukrainas dhe amerikanë në Stuttgart të Gjermanisë.

Uashingtoni është përpjekur për muaj të tërë të gjejë zgjidhje për kërkesat e secilës palë, ndërsa Trump bën presion për një përfundim të shpejtë të luftës me Rusinë dhe po acarohet gjithnjë e më shumë nga vonesat. Kërkimi për kompromise të mundshme është përballur me pengesa të mëdha, përfshirë kontrollin e rajonit lindor të Donetskut në Ukrainë, i cili është kryesisht i pushtuar nga forcat ruse.

Putini dëshiron që Ukraina të tërheqë forcat e saj nga pjesa e rajonit të Donetskut që është ende nën kontrollin e saj, një kërkesë e refuzuar nga Kievi. Ndërsa, Zelenskyy tha se SHBA-të kishin hedhur një ide që Ukraina të tërhiqej nga Donetsku dhe të krijonte një zonë të lirë ekonomike të çmilitarizuar atje, një propozim që ai e hodhi poshtë si të pazbatueshëm.

Zelenskyy e përshkroi çështjen si “shumë të ndjeshme” dhe këmbënguli në ngrirjen e konfliktit përgjatë vijës së kontaktit, duke thënë se “sot një mundësi e drejtë e mundshme është që të qëndrojmë aty ku jemi”. Por, këshilltari i Putinit për çështjet e jashtme, Yuri Ushakov, i tha të përditshmes së biznesit Kommersant se policia dhe garda kombëtare ruse do të qëndrojnë në disa pjesë të rajonit të Donetskut, edhe nëse ato bëhen zonë e demilitarizuar sipas një plani të ardhshëm paqeje.

The post Bisedimet në Berlin/ Zelenskyy: Gati të heqim dorë nga anëtarësimi në NATO në këmbim të garancive perëndimore appeared first on Albeu.com.

“Gjatë 11 muajve të fundit, ne kemi çelur pesë nga gjashtë grupkapitujt dhe presim me padurim të çelim grupkapitullin e fundit deri nga fundi i vitit, me shpresë që praktikisht do të shënojë një rekord për sa i takon shpejtësisë në proces. Kjo na inkurajon shumë. Në këtë moment në kohë, Europa është plotësisht e zgjuar, çka nuk ka qenë kështu deri pak vite më parë. Për fat të keq, për të pasur një zgjim të tillë duhej agresioni i tmerrshëm dhe brutal kundër Ukrainës, por tashmë mund të shohim një dallim të madh. Më parë BE-ja thoshte se Ballkani Perëndimor është shumë i rëndësishëm gjeopolitikisht, por vetëm me fjalë. Tashmë edhe veprat po tregojnë se ka një angazhim të mirëfilltë për të na sjellë më pranë.”

Rama shprehet se synimi është që brenda dy viteve të përmbyllen negociatat dhe grupkapitujt.

“Kemi rënë dakord për një kalendar. Kalendari i punës nënkupton që të gjitha detyrat e shtëpisë, që duhet të bëjmë për të arritur anëtarësimin me të drejta të plota në aspektin teknik, do të vazhdojmë t’i realizojmë deri në vitin 2027 dhe t’i mbyllim kapitujt atë vit.”

Pas kësaj, vëmendja do të jetë te marrja e dakordësisë nga të 27 vendet anëtare, me qëllim anëtarësimin.

“Do t’u kërkojmë shteteve anëtare të ratifikojnë. Për procesin e ratifikimit kemi parashikuar edhe dy vjet të tjera, që do të thotë 2027-2029. Ja pse kam thënë 2030, bazuar në këtë marrëveshje. Nuk është një gjë që thjesht e dëshirojmë.”

Kreu i qeverisë theksoi se për këtë proces është në bashkëpunim të ngushtë me krerët e Bashkimit Evropian.

The post Forumi ndërkombëtar “Berlin Global Dialogue”! Rama: Kemi çelur 5 nga 6 grupkapituj gjatë 11 muajve të fundit, kemi pasur një vit të mbarë appeared first on Albeu.com.

Ministria e Jashtme gjermane deklaroi se qeveria “nuk planifikon të ofrojë mbështetje të mëtejshme financiare për organizatat joqeveritare që merren me shpëtimin e emigrantëve në Mesdhe”.

Në vitin 2022, Bundestagu kishte vendosur të financonte shpëtimin civil detar me rreth 2 milionë euro në vit deri në vitin 2026.

Financimi i OJQ-ve nën qeverinë e mëparshme Scholz kishte shkaktuar polemika në Itali dhe ishte kritikuar gjithashtu në Gjermani, veçanërisht nga CDU, e cila ishte në opozitë në atë kohë.

The post Berlini ndërpret financimet për OJQ-të në Mesdhe që merren me shpëtimin e emigrantëve appeared first on Albeu.com.

Pyetje: Ku e gjen energjinë?

Rama: Energjinë e gjej te hakmarrja. Dua të marr hak, na kanë poshtëruar shumë gjatë. Na kanë poshtëruar të huajit, tanët, ne dhjetëra vite. Tani duhet të marrin hak duke u ulur në tryezën e BE.

Të bëjmë histori së bashku, si për mua që jam dy metra si për ty(komentuesit) dy metra gropë kemi.

Asgjë s’mbetet përveç emrit dhe kujtimit të mirë që lëmë në këtë botë dhe ua kemi borxh fëmijëve tanë mos ua trashëgojmë poshtërimin.

The post Rama flet nga Berlini: Energjinë e gjej te hakmarrja, dy metra gropë kemi të gjithë në fund, asgjë s’mbetet përveç emrit dhe kujtimit të mirë që lëmë pas appeared first on Albeu.com.

Rama teksa iu përgjigj komentuesve të cilët e pyetën se pse nuk shkon në SHBA, iu hakërrye duke i thënë se e paska kaluar mbrëmjen në kënetë

Ai tha se jo vetëm do ta kalojë oqeanin, por la të kuptohej se do të ketë surpriza nga vizita që ai do të zhvillojë.

“Unë me oqeanin nuk kam pasur probleme, por ti qenke zgjuar në kënetë sot. Të jesh i sigurt qe re kaloj sa herë të dua. Edhe mos u çudit kur ta shohësh që jo do ta kaloj, por… nuk po flas më shumë, sepse dua t’ju bëj një surprizë të këndshme ty dhe Kënetës”, tha ai.

Po ashtu, Rama komentoi edhe regjistrimin në KQZ të koalicionit prej 26 partishë opozitare.

“Të jeni të bindur se emrat që do jenë në listat e mbyllura do jenë llumi i politikës.

Ndaj mos i merrni në qafë fëmijët tuaj duke votuar ata”, tha Rama.

The post Pse s’e kalon oqeanin? Rama u kthehet ndjekësve, sulmon Opozitën: Paske fjetur në kënetë appeared first on Albeu.com.

Kryeministri tha se se, “jemi përgatitur të lëmë mbresë të veçantë me ofertën dhe prezantimin tonë”.

Dhe në kuadër të këtij prezantimi, Rama publikoi këtë të hënë dhe video-përshëndetjen e qeverisë shqiptare për këtë panair.

“Mirëmëngjes dhe me video-përshëndetjen surprizë për Panairin e Turizmit në Berlin, ku do të më shihni duke folur edhe gjuhë që nuk i di fare, ju uroj një javë të mbarë”, shprehet kryeministri Edi Rama.

The post Rama publikon videon për Panairin e Turizmit në Berlin: Do më shihni duke folur edhe gjuhë që s’i di fare appeared first on Albeu.com.

“Mirëmbrëma nga Berlini! Pas një dite të bukur në Athinë për Panairin e Punës, erdhëm këtu në Gjermani, ku Shqipëria do të nesër çelë panairin e turizmit, ku Shqipëria është zgjedhur vend i nderit për vitin 2025. Kush e imagjinonte disa vite më parë Shqipërinë në këtë pozicion? E ftuar si vend nderi në panairin më të madh të turizmit, ku jemi përgatitur të lëmë mbresë të veçantë me ofertën dhe prezantimin tonë.

Nesër, në prani të shumë mediave dhe gazetarëve, ne do të jemi së bashku me prezantuesit e panairit që në mëngjes, për një ditë të jashtëzakonshme nxemjeje që kulmon pasdites me e spektaklin Shqipërisë. Dhe pasnesër, në pavionin e Shqipërisë, edhe në praninë e autoriteteve të shtetit gjerman në Berlin, do të hapet zyrtarisht panairi i turizmit.”

The post Panairi i Turizmit në Berlin/ Rama: Shqipëria është zgjedhur vendi i nderit për vitin 2025 appeared first on Albeu.com.

Gjatë vizitës, Berisha u takua me Kryeministrin e landit të Renanisë Veriore-Vestfalisë, Hendrik Wüst, ish-eurodeputetin Elmar Brok dhe deputetin e Bundestagut Gjerman, Volkmar Klein.

Gjithashtu, ai zhvilloi takime me ish-Presidentin e Ukrainës, Petro Poroshenko, dhe Kryetarin e Bashkisë së Berlinit, Kai Wegner.

Kjo shënon vizitën e parë jashtë Shqipërisë për Berishën që nga heqja e masës së sigurisë “arrest në shtëpi”. Për këtë udhëtim, ai mori leje nga SPAK, pasi vijon të jetë nën hetim nga autoritetet shqiptare.

The post Berisha në Kongresin e CDU-së në Berlin, kreu i PD publikon pamje nga takimet me zyrtarët gjermanë appeared first on Albeu.com.