Në një postim në Facebook, Hoti ka shkruar se gjatë takimit në Washington më 4 shtator të vitit 2020, Kosova ka pranuar kërkesën e SHBA-së që të hyjnë në “Ballkanin e Hapur” pasi kanë marrë garancinë e tyre se pjesëmarrja do të jetë mbi baza të barabarta dhe të marrin të gjitha vendet.

Sipas tij, këto dy parime, nënkuptojnë që Serbia detyrohet ta njohë subjektivitetin shtetëror të Kosovës dhe se nuk mund të dominojë tregun rajonal.

“Këto dy parime, si dhe faktin se kjo nismë është vetëm për bashkëpunim ekonomik, u theksuan dje në Ohër shumë qartë nga zyrtarët amerikan. Në terma praktik, parimi i parë nënkupton se Serbia detyrohet ta njoh subjektivitetin shtetëror të Kosovës në marrëdhëniet rajonale në çdo aspekt sikurse të çdo vendi tjetër, pasi pjesëmarrja e palëve është në baza plotësisht të barabarta. Ndërkaq, parimi i dytë nënkupton se Serbia nuk mund të dominojë tregun rajonal kur të gjitha vendet e rajonit marrin pjesë në këtë nismë”, ka shkruar Hoti.

Ai tha që çdo nismë rajonale është e përkohshme, sepse orientimi i Kosovës është integrimi në BE.

Sidoqoftë, çdo nismë rajonale është e përkohshme, pasi orientimi ynë është integrimi në BE. Kosova duhet të bashkërendojë politikën e saj të jashtme me partnerin e saj strategjik, Shtetet e Bashkuara të Amerikës, si dhe me Bashkimin Evropian”, ka shkruar ai. /GazetaExpress

The post Ish-kryeministri i Kosovës: Vendi ynë mund të bëhet pjesë e “Open Balkan” me këto kushte appeared first on Albeu.com.

Ish-kryeministri Sali Berisha po flet në këto momente në protestën e tij të thirrur para Kryeministrisë kundër vizitës së Vuçiç në Shqipëri.

Ndër të tjera Berisha u shpreh se kjo është një protestë mbrojtje të interesave jetike të kombit shqiptar dhe shoqërisë shqiptare.

Sali Berisha: Me këtë protestë ngrihemi në mbrojtje të interesave jetike të kombit shqiptar dhe shoqërisë shqiptare, kemi mbledhur sot këtu për të protestuar kundër projektit fantazëm të Beogradit-Tiranës-Shkupit. Kjo nuk është një protestë kundër bashkëpunimit rajonal; ne jemi të angazhuar për një bashkëpunim të frytshëm rajonal në kuadër të integrimit euroatlantik.

Kjo është një protestë kundër një projekti i cili shkon në kurriz të mbarë kombeve të Ballkanit përpos Beogradit. Jemi kundër një projekti i cili ëhstë refuzuar nga 3 shtete të Ballkanit dhe është shpallur si kërcënim nga Kroacia.

Ky projekt do të vendosë hegjemoninë serbe në rajon. Në fillimit e tij ky projekt donte të mashtronte kombet e Ballkanit dhe më vonë mori emrin Ballkani i Hapur duke nderuar autorin Soros, i cili nuk nguronte të promovonte ndarjen e Kosovës në baza etnike.

Ky është një projekt përmes të cilit Vuçiç dhe Rama e kanë rrethuar Kosovën dhe duan t’i asgjësojnë pavarësinë asaj. /albeu.com/

The post Vuçiç në Tiranë, Sali Berisha zbulon “planin” me Ramën: Duan të asgjësojnë pavarësinë e Kosovës appeared first on Albeu.com.