Berisha solli në fokus të diskutimit nismën “Ballkani i Hapur.” Sipas Berishës, kjo nismë nuk është asgjë tjetër veçse influencë e Rusisë dhe Serbisë në rajon.

Berisha: Evropa pati një projekt dhe ky ishte projekt i Berlinit. Përputhej me interesin tonë kombëtar. Me Vuçiçin shpikën Ballkanin e Hapur i cili s’është gjë tjetër veçse influencë e plotë e Serbisë në Rajon. Por e vërteta është dhe e Rusisë. Në shekull dy kanë qenë ambiciet kryesore ruse, Adriatiku dhe Dardanelet. Kjo është e vërteta. Por ne ku jemi? Ne jemi të rreshtuar me Beogradin. A është ky interesi ynë? Duhet të biem dakord, për një komb të qytetëruar që  ruan pasionin e lirisë së tij, asgjë nuk ka më të rëndësishme se interesi kombëtar.

Ky shkon në Bruksel me Ballkanin e Hapur në çantë dhe na deklaron se nëse këta nuk do marrin vendim të hapin negociatat me ne, atëherë ne do shohim drejtimin tonë. Njëlloj si etërit e tij, juve ju kujtohet. Në vitin ’90 Ramiz Alia, jo thoshte se nuk jemi as një lindje as në perëndim. Ky thotë unë do pyes atë anketën që mbush në zyrat e PS se çfarë drejtimi të marrim. Ky (Rama) mendon se mund të luajë me fatin tonë. Por Shqipëria nuk është e tij  dhe ne i themi mos tento sepse nuk do mundesh të shkelmosh interesin kombëtar./albeu.com

The post Berisha në Shkodër: Ballkani i Hapur influencë serbe dhe ruse në rajon appeared first on Albeu.com.

Përballë Berishës, garon Ibsen Eelzi. Shkodra ishte e vetmja bashki e fituar nga demokratët në zgjedhjet e pjesshme vendore të 6 marsit. Berisha e cilësoi Shkodrën si një diamant.

Berisha: Shkodra më 6 mars u paraqit si diamanti i kësaj përpjekjeje të madhe të demokratëve, të cilët nuk u pajtuan me një Shqipëri pa opozitë, nuk u pajtuan me përpjekjet e autokracisë shqiptare për të shndërruar PD në një kallp opozitë. Qëndruan në lartësinë e idealeve të tyre, lartësinë e interesit kombëtar të shqiptarëve, sepse për një komb që ka vuajtur nga tiranira për të egrat vetëkuptohet që demokracia dhe sistemi demokratik janë më të çmuarit

Berisha: Një qeveri e cila disponon mjete të jashtëzakonshme të paligjshme. Në dhunim të standardeve demokratike ka vendosur të çimentojë pushtetin e saj. Vota juaj e 6 marsit ishte një votë shpëtimtare për PD. Lëvizja jonë është e pandalshme. Demokratët sot janë misionarë. Vetëm si idealistë ne arritëm deri këtu se përndryshe do kishim mbetur rrugës.

Berisha u shpreh se vetëm si idealistë do ecin drejt të qëllimeve. Sipas tij, kjo lëvizje është lëvizje e misionarëve të cilët e shohin se shoqëria shqiptare janë në një udhëkryq të pamerituar dhe të rrezikshëm./albeu.com

The post Berisha në Shkodër: U paraqitët si diamant më 6 mars, demokratët sot janë misionarë appeared first on Albeu.com.