Gazetari Panorama.al, Mariglen Kume ka zbardhur debatin me dyer të mbyllura, ku mësohet se Basha është shprehur se Policia ka gënjyer ndërkombëtarët, ndërkohë që u ka ardhur në ndihmë deputetëve brenda selisë 37 minuta me vonese.

“Ajo që ndodhi më 8 janar me Policinë që u vonua 37 minuta për të ndërhyrë ishte prova më e fortë e bashkëpunimit Rama-Berisha për të marrë godinën me gjakderdhje. Policia është njoftuar edhe nga Garda e Republikës, përfaqësuesit e së cilës ishin në seli dhe nuk erdhi. Gënjeu partnerët tha se nuk ka njoftim nga PD-ja”, mësohet të jetë shprehur Basha.

Ndërkohë që gjatë diskutimit, Nënkryetari i PD-së, Enkelejd Alibeaj ka thënë se Lulzim Basha do mbahet mend gjithmonë si njeriu që hoqi Sali Berishën nga Politika.

DEBATI ME DYERT TË MBYLLURA NË PD:

Agron Gjekmarkaj: Edhe unë kam pasur informacion se do na respektonin në mënyrë të veçantë disave prej deputetëve. Ndërkohë, ne kemi dalë në takime me njerëzit nuk jemi mbyllur, por i pari që e ka këtë detyrim më shumë se kushdo është Lulzim Basha. Ju jeni kryetari i partisë dhe ju u bie detyrimi t’i sqaroni njerëzit i pari, vijmë edhe ne në krahun tuaj. Mbase nuk është e lehtë, do ketë edhe duf, edhe sharje edhe provokime, por duhet t’i përballojmë. Qytetarët duhet t’ju dëgjojnë dhe jam i bindur që komunikimi sjell pozitivitet.

Nuk jam dakord me fortifikime të PD-së, për ta parë atë si kështjellë. PD-ja është një institucion. Atë duhet ta mbrojë ligji pa asnjë kompleks. Nëse duhej demonstruar qëndresë deri tani është demonstruar. Për mua është kriminale të përballen njerëzit tani e tutje. Unë nuk mendoj se jam ndonjë trim i madh, por as për frikacak se njoh veten, por nuk jam stërvitur për karate e boks. Dita e 8 janarit ka qenë tragjike. Në pak minuta, gjithçka mund të eskalonte në ferr.

Ata njerëz që drejtuan turmën kundër nesh nuk na llogaritën në as për deputet, as për koleg, as për miq e as për njerëz. Nuk patën emocione për këtë. Ishin të qartë pa llogaritur që na kanë “shkarkuar” me 11 dhjetor. Na sulmuan me egërsi, me mjete dhune faqe gjithë botës. Ndonjë e dija për mik, dhe unë kurrë nuk do shkoja ta sulmoja dhe t’i vija në rrezik jetën e integritetin personal e publik. Sado i krishterë që ndihem kulturalisht e kam të vështirë bashkëjetoj me persona të tillë. Ndaj mbështes çdo vendim që kjo kryesi merr sonte për të ndëshkuar dhunën e datës 8 dhjetor, duke shpresuar që dikush do distancohet prej saj.

Kryesia e PD11

Ervin Salianji: Dhuna është e papranueshme dhe duhet të distancohet çdo përfaqësues i Partisë Demokratike, kriteri për përjashtim duhet te jete ky kufi, ndarja me dhunën dhe mjete para politike! Ky diferencim duhet te jetë edhe për të mos përjashtuar në bllok. Duhet të japim mundësinë e reflektimit dhe distancimit nga dhuna e pjesëmarrësve që mund të jenë aty dhe jam i bindur që janë aty për shkak të zhgënjimit dhe dëshpërimit të mosfitores në 25 prill! Nxitja për dhunë dhe përkrahja e dhunës duhet të jetë kriteri ndarës për përjashtimin ose bashkëjetesën, nëse ka kolegë që pranojnë rriskimin e jetës dhe eliminimin fizik të drejtuesve të degëve, të Këshillit Kombëtar, deputetëve kjo është vijë ndarëse dhe këtu nuk i kemi përjashtuar ne, por ata!

Dalja në terren dhe kontakti me demokratët duhet të ishte i shpeshtë në këto muaj, madje dhe zëvendësimi i kujtdo që nuk ka më peshë elektorale ose është i papranueshëm për demokratët apo qytetarët në zonat që mbulojnë, ne kemi tentuar të imponojmë politikanë të diskredituar që populli i ka refuzuar me votë disa herë! Merita duhet të kthehet në themel të kësaj force….

Lulzim Basha: Ajo që ndodhi më 8 janar me Policinë që u vonua 37 minuta për të ndërhyrë ishte prova më e fortë e bashkëpunimit Rama-Berisha për të marrë godinën me gjakderdhje. Policia është njoftuar edhe nga Garda e Republikës, përfaqësuesit e së cilës ishin në seli dhe nuk erdhi. Gënjeu partnerët tha se nuk ka njoftim nga PD-ja.

Rolant Bejko: Të gjithë dhunuesit e mijë më dukeshin me fytyrën e Berishës dhe në fakt ajo që mora vesh më vonë ishte se të gjithë ishin kushërinjtë të tij. Ne duhet të shkëputemi një herë e mirë nga këta.

Enkelejd Alibeaj: Mos e marrshim kurrë pushtetin, por një gjë do të mbetet një vlerë: që ti ke përjashtuar Sali Berishën dhe këtë nuk do ta harrojnë njerëzit. Ne sot ke përballë PS-LSI dhe Berishën. Ne do ta kemi të vështirë duhet të përjashtohej e të ikë nga politika.

Endri Hasa: Ata erdhën për të na vrarë dhe ne vazhdojmë të diskutojmë për t’u ulur me të njëjtën tryezë dhe për të ndarë vendimmarrje të përbashkëta? Ata nuk mund dhe nuk duhet të jenë këtu. Ata erdhën të organizuar për të dhunuar dhe për të vrarë, në të mendohemi? Nuk behet politikë më dhunën, më 8 janar mjetet politike mbaruan! Në 8 janar ishte vetëm një turmë banditësh që erdhi për të dhunuar. PD-ja është parti perëndimore dhe ne duhet të distancohemi përfundimisht nga të gjithë ata që nuk e përfaqësojnë këtë. E kam thënë që në mbledhjet e shkuara, që gjërat nuk zgjidhen duke i ardhur anash e anash.

Italianet thonë “duhet këputur koka e demit, po nuk ia këputëm kokën demit, do të kemi pasoja të tjera”. Unë s’mund të pajtohem me njerëz që nxitën dhe frymëzuan dhunë në 8 janar! Ata nuk janë kurrsesi demokrat, rruga jonë me ta është ndarë njëherë e përgjithmonë. Nëse kjo është partia e tyre, kjo nuk është partia ime. Kush ka hyrë në oborr në krah të atyre që mbanin hunj dhe leva ka damkën e kriminelit, jo të demokratit. Vendimet sot duhet të jenë shumë të forta. As Edi Rama, s’ka arritur të shkojë deri këtu. Kush erdhi për gjak, nuk mund të ketë vend në këtë parti, sot dhe kurrë./Panorama/

The post “Duhet t’i këpusim kokën demit” zbardhet debati me dyer të mbyllura në PD! Basha akuzon Policinë: Donin gjakderdhje! appeared first on Albeu.com.

Mësohet se para se të mbërrinte Berisha, në selinë blu janë fikur dritat në koridorin e brendshëm të selisë së PD.

Menjëherë pas këtij veprimi të gjithë protestuesit janë acaruar duke vijuar me thirrjet e tyre kundër Bashës duke i kërkuar këtij të fundit të dilte dhe të largohej nga zyra ku ndodhej.

Rikujtojmë se kjo protestë po mbahet në të njëjtën orë ku në Shqipëri zbret Aleksandër Vuçiç në një takim me kryeministrin Rama për “Open Balkan”. /albeu.com/

The post Incidenti në selinë blu, çfarë acaroi protestuesit para se të mbërrinte Sali Berisha appeared first on Albeu.com.

Në selinë blu po zhvillohen dy mbledhje paralele, Basha me grupin e tij dhe Berisha, i cili më 11 dhjetor ka shkarkuar Bashëm, me grupin e vetë.

Mësohet se ka pasir tensione në hollin e selisë dhe se kanë mbërritur forca policie në godinë./albeu.com

The post Berisha dhe Basha në selinë e PD, forcat e policisë zbarkojnë në godinë (FOTO LAJM) appeared first on Albeu.com.

Pas kësaj deklarate të fortë nga kreu i PD, Lulzim Basha, ka reaguar sërish Sali Berisha i cili me anë të një postimi në Facebook, Kuvendi do të mblidhet duke i dalë kundër Bashës.

Statusi i plotë: Njoftim shtypi! Per 8 vjet Edi Rama vazhdon te qendroje ne pushtet sepse eshte ne pazar me dike qe eshte shume i kenaqur te qendroje edhe 80 vjet ne opozite.

Kuvendi i PD do mblidhet ne perputhje me statutin e PD dhe askush qe tmerrohet prej tij nuk mund ta pengoje. Ai nuk nuk do te mblidhet per te shqyrtuar vendimet e asnje qeverie por vetem vendimet e pengut te Edi Rames.

Kuvendi do mblidhet gjithashtu per te shpetuar PD nga pazaret e peng Bashes me Edi Ramen dhe per t’u rikthyer dinjitetin dhe shpresen demokrateve pas 4 humbjesh radhazi perballe regjimit me te korruptuar dhe inkriminuar te Europes. PD nuk i duhet nje lider i kapur peng qe ben pazar me Ramen dhe shpall non grata bazen e partise i tmerruar prej saj. sb /albeu.com/

The post Berisha nuk i ndahet Bashës pas deklaratës së fortë: Kuvendi do të mblidhet! appeared first on Albeu.com.

Berisha e ka quajtur vendimin e Bashës një “thikë pas shpine” dhe tradhti shumë e lartë duke shtuar se ky përjashtim është i paligjshëm.

“Vendimi i jetës së tij duhet të ishte largimi i Edi Ramës dhe jo thika pas shpine ndaj Sali Berishës…”- tha ndër të tjera Berisha.

FJALA E BERISHËS:

Anëtarësisë së partisë do ti kërkoj vlerësimin e vendimit. Nuk është qëllimi të rikthej kryetarin Berisha.

Kjo betejë në radhë të parë ka një qëllim, që kurrë më një kryetar të mos i thotë anëtarësisë së saj se unë e mora këtë vendim duke shkeluar ccdo rregull dhe duke e quajtur vendimin e jetës time.

Vendimi i jetës së tij duhet të ishte largimi i Edi Ramës dhe jo thika pas shpine ndaj Sali Berishës.

Jahtë statutit nuk është marrë një masë ndaj anëtarëve në periudhën që kam qenë unë.  Lulzim Basha nuk më tha kurrë që të përjashtohem nga grupi parlamentar. Tre ditë para më tha kemi problem me atë ligjin. /albeu.com/

The post Berisha “fishkullon” Lulzim Bashën: Përjashtimi, thikë pas shpine! appeared first on Albeu.com.

Beisha shtoi se vendimi i tij është ai që kanë vendosur qytetarët që e kanë votuar, të futet në Parlament, pavarësisht se ishte vetë ambasadorja e SHBA-ve, Yuri Kim, ajo që kërkoi të kundërtën e kësaj gjëje, sot.

“Unë as nuk e kam pyetur dhe as nuk më tha asgjë Basha. Nuk e pyeta. Drejtimi im dihet, do të jetë ai që kanë zgjedhur qytetarët shqiptarë (nënkupton futjen në Parlament),”_ tha Berisha. /oranews

The post Çfarë i tha Basha pas takimit me Yuri Kim? Berisha: Do të futem në Parlament! appeared first on Albeu.com.

“E kam nisur fushatën për zgjedhjet brenda partisë me bindjen se nga kjo garë duhet të dalim më të fortë dhe më të bashkuar.

Kam refuzuar reagimet që nxisin përçarje edhe pse çdo ditë ndaj meje janë hedhur sulme personale dhe politike të pavërteta dhe të padrejta. Por çdo gjë e ka një limit. Ndaj sot hedh poshtë me neveri shpifjen e ulët të Bujar Nishanit.

Inati e mllefi personal e ka një limit. Por sot ai limit është kaluar, sepse lidhet me një çështje që ka prekur thellë jo një individ, jo Sali Berishën por gjithë partinë tonë.

Këto shpifje të ulëta i shërbejnë vetëm atyre që bëjnë gjithçka të përçajnë Partinë Demokratike. Dhe unë këtë nuk do ta lejoj” tha Basha.

The post E dinte se Berisha do të shpallej “non grata”? Reagon ashpër Basha appeared first on Albeu.com.