Sipas dosjes hetimore, pronari i lokalit, E.V., dyshohet se drejtonte aktivitetin kriminal, duke siguruar dhe shpërndarë doza kokaine për klientët e lokalit.

Droga fshihej në mure, konsumohej në tualet.

Lënda narkotike mbahej e fshehur në blloqet e murit rrethues të lokalit dhe shitej në doza nga 0.2 deri në 0.5 gramë, me çmime që varionin nga 2 mijë deri në 5 mijë lekë.

Prokuroria provoi se klientët, pasi konsumonin alkool në ambientet e lokalit, kërkonin edhe kokainë, të cilën më pas e konsumonin në tualetet e klubit.

Në aktivitetin e paligjshëm, E.V. ndihmohej nga truproja e lokalit K.D., menaxheri K.I. dhe kamarieri R.Z., i cili merrte porositë nga klientët dhe i përcillte tek personat që kryenin shitjen e drogës.

Sipas hetimeve, të pandehurit përdornin termin “amaro” si kod për kokainën, në mënyrë që të mos kuptoheshin gjatë komunikimeve për shitjen dhe fitimet nga lënda narkotike.

Gjykata vendosi:

E.V. u dënua me 12 vite burg, dënim që pas gjykimit të shkurtuar u ul në 8 vite burgim;

K.I. u dënua me 7 vite burg, të reduktuara në 4 vite e 8 muaj;

K.D. u dënua me 7 vite burg, të reduktuara në 4 vite e 8 muaj;

R.I. u dënua me 7 vite burg, të reduktuara në 4 vite e 8 muaj.

Njoftimi:

Shpërndanin lëndë narkotike kokainë në lokal nate me pseudonimin ‘amaro’, me kërkesë të Prokurorisë Berat dënohen pronari, truproja, menaxheri dhe kamarieri

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Berat u shpallën fajtor dhe dënuan katër shtetasit, E.V., K.I., K.D. dhe R.I. për veprën penale ‘Prodhimi dhe shitja e narkotikëve’ e kryer në bashkëpunim, parashikuar nga neni 283/2 i Kodit Penal.

Në përfundim të hetimit dhe gjykimit të procedimin penal nr. 319 të vitit 2023, u vlerësua se akuza e ngritur në ngarkim të të pandehurve është tërësisht e provuar.

Hetimet nisën nga informacionet nga Seksioni për Hetimin e Krimeve, në Stacionin e Policisë Dimal, se shtetasi E.V. është i implikuar në aktivitetin kriminal të shpërndarjes së lëndës narkotike të llojit kokainë, në qytetin e Dimalit. Nga të dhënat e marra rezultoi se ky shtetas kryen aktivitetin kriminal të shpërndarjes së lëndës narkotike të llojit kokainë, me intensitet të lartë, në qytetin e Dimalit dhe më gjerë, të cilën e disponon në sasi të ndryshme.

Ky shtetas ka në pronësi edhe një lokal nate të quajtur “Star Club”, ku u provua se klientët pasi konsumonin sasi të madhe alkoli, kërkonin dhe lëndë narkotike, konkretisht kokainë. Lëndën narkotike e mban të fshehur në një nga blloqet e murit rrethues të lokalit dhe e ka të ndarë në doza të vogla 0.2 gr deri në 0.5 gr, të cilën e ka gati për shitje, ku një dozë shitej për shumën 2000-5000 lekë. Klientët pasi marrin dozën e kokainës e konsumonin në ambientet e tualetit të lokalit. Në këtë aktivitet ai ndihmohej edhe nga bodyguardi (truporoja) i lokalit K.D., menaxheri K. I. dhe kamarieri R.Z.

Nga të gjitha rrethanat e faktit dhe provat e mbledhura të analizuara si më sipër u provua tej çdo dyshimi të arsyeshëm që të pandehurit E.V., K.I, R. Z., dhe K.D., kanë realizuar tregtimin e lëndës narkotike të llojit “kokainë”, në mënyrë të vazhdueshme, të përsëritur dhe për një kohë të gjatë përdoruesve të lëndëve narkotike të cilët vinin në lokalin “Bar Star” dhe blinin lëndën narkotike.

Rezultatet e përftuara nga blerjet e simuluara të cilat janë pasqyruar të detajuara te rrethanat e faktit provojnë se të pandehurit shisnin në vazhdimësi lëndë narkotike personave të ndryshëm që vinin si klientë në lokalin “Bar Star”, ku lëndën narkotike të llojit “kokainë” e mbanin të fshehur jashtë lokalit në pjesën e mbrapme të tij, ku e merrnin në një kuti të vendosur te muri rrethues i lokalit, ndërsa pjesën tjetër të lëndës narkotike e mbanin të fshehur në banesën e të pandehurit E. V. Të pandehurit lëndën narkotike e quanin “amaro” në mënyrë që mos kuptoheshin kur bisedonin lidhur me lekët që kishin përfituar nga shitja e lëndës narkotike.

Nga analiza e provave dhe rrethanave të faktit provohet plotësisht se i pandehuri E. V. e kryente veprimtarinë e paligjshme në bashkëpunim dhe konkretisht në rolin e organizatorit dhe ekzekutorit. I pandehuri K.D., e ka kryer veprën penale në cilësinë e ekzekutorit. Ai ka ndjekur me përpikmëri detyrat e lëna nga bashkëpandehuri E. V. Edhe i pandehuri tjetër K.I., e ka kryer veprën penale në rolin e ekzekutorit, dhe ka ndërmarrë të gjitha hapat për ta realizuar plotësisht veprën penale. Ndërsa i pandehuri R.Z. e ka kryer veprën penale në rolin e ndihmësit, pasi ka ndërmarrë të gjitha veprimet e mundshme që vepra penale të realizohet plotësisht, duke marrë porositë nga klientët e lokalit për blerjen e lëndës narkotike dhe duke e përcjellë porosinë tek të bashkëpandehurit K.I. dhe K. D. të cilët kanë qenë në rolin e ekzekutorit pra shitësit të lëndës narkotike.

Sa më sipër, në përfundim të hetimit gjyqësor me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Berat u vendos:

Deklarimi fajtor i të pandehurit E.V. për kryerjen e veprës penale të “Prodhimi dhe shitja e narkotikëve”, e kryer në bashkëpunim dhe dënimin e tij me 12 vite burgim. Në zbatim të nenit 406 pika 1, uljen e dënimit me 1/3, dhe dënimit e të pandehurit përfundimisht me 8 vite burgim;

Deklarimi fajtor i të pandehurit K.I. për kryerjen e veprës penale të “Prodhimi dhe shitje e narkotikëve” dhe dënimin e tij me

7 vite burgim. Në zbatim të nenit 406 pika 1, uljen e dënimit me 1/3, dhe dënimit e të pandehurit përfundimisht me 4 vite e 8 muaj burgim;
Deklarimi fajtor i të pandehurit K.D. për kryerjen e veprës penale të “Prodhimi dhe shitje e narkotikëve” dhe dënimin e tij me

7 vite burgim. Në zbatim të nenit 406 pika 1, uljen e dënimit me 1/3, dhe dënimit e të pandehurit përfundimisht me 4 vite e 8 muaj burgim; dhe

Deklarimin fajtor të të pandehurit R.I për kryerjen e veprës penale të “Prodhimi dhe shitje e narkotikëve”, dhe dënimin e tij me 7 vite burgim.Në zbatim të nenit 406 pika 1, uljen e dënimit me 1/3, dhe dënimit e të pandehurit përfundimisht me 4 vite e 8 muaj burgim.

The post Shpërndanin lëndë narkotike në lokal nate, dënohen pronari dhe tre anëtarë të stafit appeared first on Albeu.com.

Sipas informacionit paraprak, një mjet tip “Volkswagen Golf”, që dyshohet se po lëvizte me shpejtësi, ka goditur një 60-vjeçar i cili po kalonte nga njëra anë e rrugës në tjetrën.

I plagosuri është transportuar me ambulancë drejt Spitalit Rajonal të Beratit, ku fillimisht është futur në sallën e operacionit për shkak të një dëmtimi në kokë. Më pas ai është dërguar në repartin e Urgjencës, ku ndodhet nën kujdesin e mjekëve.

Në vendngjarje kanë mbërritur forcat e policisë rrugore, të cilat po kryejnë këqyrjen e zonës dhe verifikimin e kamerave të sigurisë të bizneseve pranë vendit të aksidentit.
Ndërkohë, drejtuesi i automjetit, një 20-vjeçar, është shoqëruar në polici për të dhënë dëshminë e tij lidhur me rrethanat e ngjarjes.

The post Aksident në qendër të Beratit/ “Golf”-i përplas 60-vjeçarin, i plagosuri përfundon në spital appeared first on Albeu.com.

Sipas informacioneve paraprake, një mjet tip “Toyota”, që udhëtonte nga Berat në drejtim të Poliçan, ka humbur kontrollin duke përfunduar jashtë rruge.

Si pasojë e aksidentit kanë mbetur të plagosur tre persona, një 40-vjeçar dhe dy vajzat e tij, përkatësisht 14 dhe 9-vjeçe, të cilët ndodheshin në automjet në momentin e ngjarjes.

Të plagosurit janë transportuar me urgjencë drejt Spitali Rajonal i Beratit, ku ndodhen nën kujdesin e mjekëve.

Në vendngjarje kanë mbërritur forca të shumta policie, të cilat po kryejnë veprimet hetimore për të zbardhur shkaqet dhe dinamikën e aksidentit.

The post Aksident në Berat/ Makina del nga rruga dhe bie nga lartësia, plagoset babai me dy vajzat appeared first on Albeu.com.

Gazetarja Klodiana Lala, raporton se ata po gjykohen me procedurë të shkurtuar dhe do të përfitojnë ulje të dënimit.

Për 4 nga të pandehurit, Bashkim Mema, Drita Mema, Izmire Mema dhe Edison Mema, u kërkuar pezullimi i dënimit me burg dhe vënia e tyre në provë në 3 vite.

Sasia e kultivuar e kanabisit ishte 1.7 deri në 1,8 ton.

EMRAT

Sadetin Hasaj 13 vite burg

Blerim Xheka 13 vite burg

Sidrit Bisha 10 vite burg

Suad Smakaj 9 vite burg

Jurgen Ujkaj 10 vite burg

Samoel Lushaj 10 vite burg

Endriol Xheka 9 vite burg

Mirvaldo Disha 9 vite burg

Hamdi Dyli 8 vite burg

Arben Vrapi 6 vite burg

Adiol Çifkiku 6 vite burg

Lulzim Bushataj 5 vite burg

Mustafa Manej 5 vite burg

Bashkim Mema 5 vite burg

Drita Mema 5 vite burg

Izmire Mema 5 vite burg

Edison Mema 5 vite burg

The post Akuzohen se kultivuan deri në 1.8 ton kanabis në sera në Berat/ SPAK jep pretencën, kërkon 133 vite burg për 17 të pandehurit (EMRAT) appeared first on Albeu.com.

Ngjarja ka ndodhur në lagjen “Barrikadë”, ku, menjëherë pas marrjes së njoftimit për një person të plagosur me mjet prerës, shërbimet e Komisariatit të Policisë organizuan ndërhyrjen dhe mbërritën në vendngjarje.

Si rezultat i veprimeve të shpejta hetimore dhe operacionale, u bë i mundur identifikimi dhe kapja e autorit të dyshuar, shtetasit me iniciale A. T., 39-vjeç, banues në Berat.

Sipas hetimeve paraprake, ai dyshohet se mbrëmjen e djeshme, gjatë një konflikti për motive të dobëta, ka goditur me thikë shtetasin D. N., 48-vjeç. I plagosuri ndodhet jashtë rrezikut për jetën.

The post Plagosi 48-vjeçarin, policia vë në pranga autorin! Si nisi konflikti appeared first on Albeu.com.

Policia bën me dije se shtetasi S. R., 40 vjeç teksa drejtonte motomjetin ka humbur kontrollin, ka dalë nga rruga dhe ka rënë në kanalin kullues në anë të rrugës.

Si pasojë e plagëve të renda të marra nga përplasja 40-vjeçari ka ndërruar jetë.

Njoftimi i policisë:

Rreth orës 18:30, në aksin rrugor dytësor Berat–Roshnik, në fshatin Duhanas, shtetasi S. R., 40 vjeç, banues në Duhanas, duke drejtuar motomjetin, dyshohet se ka humbur kontrollin mbi drejtimin e tij dhe ka dalë nga rruga, duke rënë në kanalin kullues anës saj.

Si pasojë e përplasjes 40-vjeçari ka pësuar dëmtime të rënda dhe për pasojë ka ndërruar jetë.

Grupi hetimor po punon për sqarimin e rrethanave të aksidentit.

The post Humbi kontrollin e motorit dhe ra në kanal, ndërron jetë 40-vjeçari në Berat appeared first on Albeu.com.

Sipas raportimit të tij, ambientet e urgjencës ndodhen në kushte të rënda higjieno-sanitare, me mure të plasaritura, lagështirë të dukshme dhe prani myku.

Gjithashtu, në disa pjesë suvaja është e rënë, duke krijuar një pamje të amortizuar dhe të papërshtatshme për një institucion shëndetësor.

“Vijmë për t’u shëruar dhe sëmuremi më shumë,” shprehet qytetari, duke ngritur shqetësimin për rrezikun që këto kushte mund të paraqesin për pacientët dhe stafin mjekësor.

Ai i bën thirrje institucioneve përgjegjëse që të marrin masa të menjëhershme për përmirësimin e kushteve në urgjencën e qytetit pasi shëndetësia është sektori që përfiton më shumë nga buxheti i shtetit dhe situata të tilla vënë në pikëpyetje menaxhumin e parave publike.

Ministria e Financave: Rreth 167 milionë euro u transferuan në Fondin e Veçantë të Pensioneve
“Kjo eshte gjendja aktuale e urgjences se Beratit. Katastrofe. Vijme per tu sheruar semuremi me shume Muri i plasaritur me lageshtire dhe myk Suvaja e rënë”.

The post Urgjenca e Beratit e mbuluar nga myku, denoncimi: Vijmë për t’u shëruar, sëmuremi më shumë! appeared first on Albeu.com.

Që prej nëntorit të vitit të kaluar sipërfaqet bujqësore, serrat diellore dhe stanet e bagëtive janë të përmbytura.

Fermerët nuk po arrijnë dot të mbjellin për sezonin, ndërsa prodhimi që ishte gati për treg u kalb.

Banorët e Goriçanit thonë se i ka përmbytur uji që erdhi si pasojë e hapjes së digës së HEC-it të Moglicës.

Niveli i ujërave të lumit Seman, u ngrit mbi argjinaturën tre ditë më parë dhe mbrëmjen e djeshme ato përmbytën zonën.

Një përfaqësi nga prefektura Berat dhe Bashkia Dimal ishin në Goriçan në zonën e përmbytur për të parë nga afër situatën.

Sipas tyre, do të bëhet një studim i zonës për t’i paraprirë investimit afatgjatë, ndërsa për dëmshpërblim lista me emrat e të dëmtuarve do t’i dërgohet ministrisë së bujqësisë.

Banorët kërkojnë dëmshpërblim pasi janë të zhytur në borxhe dhe nuk kanë mundësi për të ringritur ekonominë bujqësore.

The post Përmbytje të tjera në Berat, lumi Seman del nga shtrati dhe shkatërron prodhimet bujqësore appeared first on Albeu.com.

Sipas njoftimit zyrtar të policisë, gjatë punimeve për rikonstruksionin e një banese, 50-vjeçari me inicale P.M ka rënë nga skelat dhe is pasojë ka humbur jetën.

Uniformat blu bëjnë me dije se, ndodhen në vendngjarje dhe po punohet për sqarimin e plotë të rrethanave të ngjarjes.

The post E rëndë në Berat/ Ishte duke rikonstruktuar një banesë, 50-vjeçari bie nga skela dhe humb jetën appeared first on Albeu.com.

“Rama drejton qeverinë më hajdute të Europës. Është e vërtetuar tashmë edhe nga prokuroria e gjykatat që ministrat e tij dhe ai vetë janë të angazhuar në dosje që vërtetojnë një abuzim me fonde të Republikës së Shqipërisë”, tha ai.

The post “Qeveria më hajdute e Europës”/ Lapaj thirrje qytetarëve në Berat: Më 31 janar, bashkohuni masivisht në shesh appeared first on Albeu.com.