Vera e vitit 2026 u shoqërua me një numër të madh transferimesh për futbollistët shqiptarë dhe kosovarë. Nga rikthimi i Vedat Muriqit te Fenerbahçe dhe kalimi i Mirlind Dakut te Spartak Moska, deri te destinacionet e reja të Berat Gjimshitit, Kristjan Asllanit, Mario Mitajt e shumë të tjerëve, lojtarët shqiptarë nisën aventura të reja në kampionate të ndryshme të Evropës dhe Azisë.

Afati kalimtar veror rezultoi mjaft i ngarkuar për përfaqësuesit shqiptarë, një pjesë e të cilëve ndryshuan skuadër për të vijuar karrierën në nivele dhe ambiente të reja.

Disa prej tyre u transferuan për shuma të konsiderueshme te klube të njohura, ndërsa të tjerë zgjodhën liga të reja dhe sfida të ndryshme. Këto lëvizje konfirmojnë rritjen e pranisë së futbollistëve shqiptarë në tregun ndërkombëtar.

Një nga transferimet më të rëndësishme të kësaj vere ishte ai i Vedat Muriqit. Sulmuesi i Kosovës u largua nga Mallorca dhe u kthye te Fenerbahçe, klubit turk iu bashkua për rreth 15.5 milionë euro, duke rikthyer veten në skuadrën ku kishte spikatur edhe më parë.

Edhe Mërgim Vojvoda ndryshoi ekip në Itali. Mbrojtësi kosovar u transferua përfundimisht nga Como te Udinese, ku firmosi kontratë deri në vitin 2028, me mundësi zgjatjeje edhe për një sezon. Vlera e raportuar e marrëveshjes është rreth 1.5 milion euro.

Një tjetër mbrojtës kosovar, Lumbardh Dellova, u largua nga CSKA Sofia. Kalimi i tij u realizua për afërsisht 1 milion euro, duke shënuar një tjetër hap përpara në rritjen e vlerës së tij në futbollin evropian.

Albion Rrahmani do ta vazhdojë karrierën në Itali. Sulmuesi u transferua nga Sparta Praga te Venezia, e cila pagoi rreth 8 milionë euro për kartonin e tij.

Elvis Rexhbeçaj u transferua brenda futbollit gjerman, nga Augsburgu te Wolfsburgu. Lëvizja e mesfushorit kosovar tërhoqi vëmendje, pasi skuadra e re do të luajë këtë sezon në Bundesliga 2.

Valmir Matoshi la Thunin për t’iu bashkuar Sturm Grazit. Mesfushori kosovar kaloi te klubi austriak për rreth 1 milionë euro, duke fituar mundësinë për të konkurruar në një nivel më të lartë.

Sparta Praga nuk do të jetë më skuadra e Ermal Krasniqit, i cili u transferua te Amedspor në Turqi. Sulmuesi anësor kosovar ndryshoi ambient për rreth 1 milion euro, me synimin për të pasur më shumë minuta dhe një rol më të rëndësishëm.

Pas një dekade të kaluar te Atalanta, kapiteni i Shqipërisë, Berat Gjimshiti, i dha fund qëndrimit te klubi italian. Ai do ta vijojë karrierën në Arabinë Saudite me Al Diriyah, ndërsa transferimi i tij i kushtoi klubit saudit 3 milionë euro.

Në Superligën arabe do të luajë edhe Nedim Bajrami. Mesfushori me tipare sulmuese u largua nga Rangers dhe kaloi te Al Taawoun në formën e huazimit për një vit.

Kristjan Asllani mbylli aventurën me Interin për t’iu bashkuar Al Jaziras në Emiratet e Bashkuara Arabe. Mesfushori i Shqipërisë u huazua kundrejt 2 milionë eurove, ndërsa marrëveshja përfshin edhe mundësinë e blerjes për 7 milionë euro tjera.

Mario Mitaj do të luajë këtë sezon me Genoan në Serie A. Në të kundërt, Ylber Ramadani u largua nga kampionati italian dhe Lecce për të kaluar në Superligën turke, ku do të përfaqësojë Corum FK.

Mirlind Daku realizoi gjithashtu një transferim të rëndësishëm. Sulmuesi kaloi nga Rubin Kazani te Spartak Moska, për një shumë të deklaruar mbi 10 milionë euro.

Bujar Pllana është bërë pjesë e Grasshopperit në kampionatin zviceran. Ndërkohë, portieri Simon Simoni u largua nga Eintracht Frankfurti dhe do ta vazhdojë karrierën te Luzerni.

Tashmë që afati kalimtar është mbyllur, futbollistët shqiptarë përballen me një sezon të ri, të mbushur me sfida dhe pritshmëri. Performancat e tyre në klubet e reja mund të ndikojnë jo vetëm në zhvillimin e karrierave personale, por edhe në të ardhmen e përfaqësueseve të Kosovës dhe Shqipërisë, që mbështeten te cilësia dhe përvoja e lojtarëve të tyre në arenën ndërkombëtare.

The post Muriqi rikthehet te Fenerbahçe, Daku shkon te Spartak Moska – lëvizjet e Gjimshitit, Asllanit, Vojvodës dhe yjeve të tjerë shqiptarë appeared first on Albeu.com.

Berat Gjimshiti ka lënë pas eksperiencën e tij te Atalanta dhe ka nisur një etapë të re në karrierë, pas transferimit te klubi saudit Al Diriyah.

Vëmendjen nuk e ka marrë vetëm kalimi i kapitenit të Kombëtares së Shqipërisë në Arabinë Saudite, por edhe vlera e kontratës që ai pritet të përfitojë me skuadrën e re.

Sipas raportimeve, mbrojtësi shqiptar do të marrë rreth 4 milionë euro në vit. Marrëveshja me Al Diriyah raportohet se do të jetë në fuqi deri në qershor të vitit 2028, shkruan Indeksonline.

Duke marrë si bazë një pagë vjetore prej 4 milionë eurosh, të ardhurat e Gjimshitit përllogariten përafërsisht në këto vlera:

4 milionë euro në vit

333 mijë euro në muaj

76.9 mijë euro në javë

10.9 mijë euro në ditë

456 euro në orë

7.6 euro në minutë

Nëse shifrat e publikuara konfirmohen, Gjimshiti do të arkëtojë afro 77 mijë euro në javë vetëm nga paga e tij.

Me transferimin në Arabinë Saudite, mbyllet një periudhë e rëndësishme e karrierës së tij te Atalanta. Me këtë klub, mbrojtësi shqiptar ndërtoi një pjesë të konsiderueshme të rrugëtimit të tij dhe u bë një nga liderët e ekipit.

Al Diriyah raportohet se ka paguar rreth 3 milionë euro për kartonin e Gjimshitit, duke e renditur atë mes emrave të njohur që i janë bashkuar projektit të futbollit saudit.

Nëse kontrata deri në qershor të vitit 2028 parashikon pagën e raportuar prej 4 milionë eurosh në sezon, atëherë Gjimshiti do të fitojë rreth 8 milionë euro vetëm nga paga gjatë dy viteve të ardhshme. Në këtë përllogaritje nuk përfshihen bonuset, shpërblimet apo përfitimet e tjera që mund të jenë pjesë e marrëveshjes.

The post Paga e Berat Gjimshitit te Al Diriyah: ja sa përfiton në ditë, javë, muaj dhe vit appeared first on Albeu.com.

Berat Gjimshiti do të vazhdojë karrierën tek Al Diriyah. Sipas ekspertit të merkatos Fabrizio Romano, klubi saudit do të derdhë 3 milionë euro në arkat e Atalantës për transferimin e mbrojtësit shqiptar.

Reprezentuesi i Shqipërisë do të firmosë një marrëveshje 2-vjeçare, duke mbyllur kështu etapën e tij në Itali. Gjatë aventurës me Atalantën, Gjimshiti fitoi trofeun e Europa League-s si kapiten i skuadrës, ndërsa tashmë do të nisë një kapitull të ri në Ligën saudite.

Në këtë kampionat, ai do të takohet edhe me shokun e Kombëtares, Nedim Bajramin, i cili u prezantua të hënën si përforcimi më i ri i Al-Taawoun.

The post Kapiteni që ngriti trofeun e Europa League-s largohet nga Atalanta, Gjimshiti transferohet në Arabinë Saudite appeared first on Albeu.com.

Ramadani luajt der në minutën e 68-të për tu zëvendësuar më pas nga Lassana Coulibaly.

Ndërkohë, tre minuta më vonë nga fusha e lojës u largua edhe Gjimshiti, i cili u ndëshkua dhe me karton të verdhë në këtë sfidë, në vendin e tij u aktivizua Kossonou.

Golat për zikaltërit u shënuan nga Scalvini 29’, Krstovic 59’ dhe Raspadori 73’. Leçe mbetet e parafundit me 27 pikë, e barabartë me Cremonesen. Atalanta buzëqesh, ngjitet në kuotën e 53 pikëve.

The post Gjimshiti fiton duelin me Ramadanin në Serinë A appeared first on Albeu.com.

Ndërsa portieri i më i mirë i 11-shes së javës është zgjedhur ai i Sasuolos, Arijanet Muriç.

Gardiani pati një mbrëmje magjike ku arriti të neutralizonte 7 gjuajtje të Juventusit, drejtuar kuadratit të tij, ku më e rëndësishmja padyshim ishte penalltia e pritur ndaj Lokatelit në minutën e 87-të.

27-vjeçari në fund u zgjodh “Lojtari i Ndeshjes” dhe u vlerësua me notën 8.7 nga SofaScore.

The post FOTO/ Kapiteni i Kombëtares shqiptare Berat Gjimshiti, pjesë e formacionit të javës në Serinë A appeared first on Albeu.com.

“Këputje fasciale të gradës së parë në muskulin biceps femoris të djathtë” do të thotë se ka një dëmtim të lehtë të fibrave ose të fasciës (kapakut që mbulon muskujt) të këtij muskujt në pjesën e pasme të kofshës së djathtë. Grada e parë e parë për fat të mirë tregon që këto janë dëmtime të lehta, që zakonisht nuk përfshijn çarje të plota të muskujve. Ka dhimbje të lehta dhe mund të ketë disa kufizime në lëvizje, por funksioni i muskulit mbetet kryesisht i ruajtur.

Koha e rikuperimit

Për një futbollist, rikuperimi nga një këputje fasciale të gradës së parë mund të zgjasë zakonisht nga disa ditë deri në tre javë, në varësi të intensitetit të dëmtimit dhe trajtimit të ndjekur. Rëndësishme është që futbollisti të ndihet mirë dhe të bëjë stërvitje dhe rehabilitim para se të kthehet. Kështu një mënyrë lehtësimi, por që gjtihësesi situata mbetet delikate pë rtë parë se si do të shkojë kjo periudhë rehabilitimi dhe sa kohë do të duhet që kapiteni i përfaqësueses sonë të jetë në formën optimale.

Kujtojmë që Shqipëria do të luajë më 26 mars ndeshjen e parë të Play-off-it të Botërorit përballë Polonisë në Varshavë dhe sipas parashikimeve, Gjimshiti në afatin maksimal do të ketë rreth 20 ditë kohë për të rigjetur formën në ritëm të plotë stërvitor.

The post Përfundojnë kontrollet e imtësishme për kapitenin kuqezi, ja cila është diagnoza dhe kur do të rikthehet në fushë appeared first on Albeu.com.

Kapiteni u ngjit në skenë për të marrë çmimin dhe falenderoi të gjithë protagonistët që e kanë ndihmuar që të arrijë atë çmim, ndërkohë që pas ceremonisë foli para mediave ku u ndal edhe te Kombëtarja dhe ndeshjet e “Play Off” në mars.

Gjimshiti e mori këtë çmim nga votat e bashkëlojtarëve të tij, të cilët zgjodhën pikërisht kapitenin si më të mirin e vitit.

ÇMIMI- “Së pari ju përgëzoj për organizmin dhe faleminderit. Besoj se vitin e kaluar, mami im bëri një figurë më të mirë se imja. Falënderoj çunat e Kombëtares sepse pa ata nuk vlen asgjë. Futbolli është kolektiv dhe i falënderoj ata, stafin dhe presidentin Duka. Falënderoj edhe kryeministrin dhe më të rëndësishmit, familjen time për sakrificat që kanë bërë. Jam shumë i lumtur që jam sot këtu dhe që e fitoj këtë çmim. Është krenari, por sërish e them që futbolli është një lojë kolektive dhe e ndaj me të gjithë bashkë lojtarët e mi. Sigurisht që është edhe fitore e atyre”.

PLAY OFF- “Rivalët sigurisht që kanë më shumë eksperiencë, kanë shkuar shumë shpesh në Botëror, por prapë besoj se shanset tona janë 50 me 50. Pse jo, të ëndërrojmë. Të jenë të gjithë çunat gati në mars dhe të shkruajmë historinë e futbollit shqiptar”.

PREMTIM- “Si të gjithë, do të japim maksimumin dhe shpirtin në fushë. Të gjithë së bashku do ta arrijmë qëllimin që kemi”.

DËMTIMI- Aktualisht, Gjimshiti ndodhet jashtë fushave për shkak të një problemi fizik. Në ndeshjen e fundit kundër Kaljarit, kapiteni i Kombëtares u detyrua të largohej në minutën e 55-të pas një tendosjeje muskulore në fleksorin e djathtë.

Gjendja e tij do të monitorohet në ditët në vijim, por kjo ndalesë e përkohshme nuk e zbeh aspak një sezon ku ai ka qenë protagonist absolut. Me shumë gjasa, Gjimshiti do të mungojë për skuadrën e tij në ndeshjen e radhës, por pritet që të rikthehet në fushë menjëherë pas kësaj jave dhe mund të kontribuojë me fanellën e Atalantës, që po kalon një moment shumë të mirë.

The post Berat Gjimshiti: Kemi shanse për në Kupën e Botës, të gjithë çunat të jenë gati në mars appeared first on Albeu.com.

Lajmi është bërë i ditur nga vetë Atalanta përmes një postimi në faqen zyrtare të klubit. Odilon Kossounou transferohet përfundimisht tek zikaltrit duke i ëuar Bayer Leverkusenit në arkat e klubit 20 milionë euro.

Berat Gjimshiti do të ketë përkrah mbrojtësin 24-vjeëar sërish sezonin e ardhshëm. Ndërsa në sezonin që lamë pas, Kossounou regjistroi 18 paraqitje me Atalantën në Serie A.

The post ZYRTARE/ Do të luajë sërish përkrah Gjimshitit sezonin e ardhshëm, Atalanta blen përfundimisht mbrojtësin appeared first on Albeu.com.

Mbrojtësi shqiptar u dëmtua në tentativën për të penguar një goditje nga Rafael Leao dhe u rikthye në stërvitje mëngjesin e sotëm në Zingonia.

Rikuperimi i tij ka të ngjarë të vijë për ndeshjen kundër Leçes: nëse ai kthehet në grup deri në seancën stërvitore të pasdites së nesërme, ai mund të jetë mes titullarëve të premten në mbrëmje në Bergamo.

The post Dëmtimi më i lehtë se sa pritej, Gjimshiti rikthehet në fushë kundër Leçes appeared first on Albeu.com.

Në vigjiljen e ndeshjes mes Milanit dhe Atalantës, mbrojtësi kuqezi ka treguar se hapat e parë në fushë i ka hedhur si… sulmues.

“Kur isha i vogël më linin përpara pasi isha më i gjati. Të shënoja gola ishte dëfryese. Një gol në ‘San Siro’ do të ishte fantastik, por objektivi i vërtetë është fitorja. Si mbrojtës që jam kam mësuar të lexoj lëvizjet e sulmuesve mbase kjo do të më ndihmonë që në një të ardhme të afërt të shënoj një gol vendimtar”, tha Gjimshiti.

The post Gjimshiti ëndërron golin në “San Siro”: Kur isha i vogël dëfrehesha duke shënuar… appeared first on Albeu.com.