The post Aeroporti i Vlorës/ Ornela Çuçi replikon me Berat Buzhalën appeared first on Albeu.com.

Kjo teksa po debatohej për Gjykatën Speciale, debat që eskaloi.

Por, gazetari Blendi Fevziu, ka publikuar videon pas emisionit duke treguar se Buzhala dhe Rexhaj ia zgjatën dorën njëri tjetrit, duke u pajtuar.

Më parë, Buzhala ka shkruar në Facebook, duke kërkuar falje për incidentin.

The post VIDEO/ Pajtohen dhe përqafohen mes vete Berat Buzhala dhe Albatros Rexhaj appeared first on Albeu.com.

Mirëpo, në një moment debati mes të dyve është ndezur dhe Berat Buzhala është ngritur nga vendi i tij, shkoi në ulësen ku ndodhej Albatrosi dhe i vuri duart në fyt publicistit.

“Uuu, jo jo qetësohuni” u dëgjua të thoshte moderatori i emisionit “Opinion”, i cili me ndihmën e të ftuarit Ermal Hasimja e largoi Berat Buzhalën në vendin e tij dhe mundi të qetësojë gjakrat në studio.

Pjesë nga debati në studio:

Rexhaj: Je tu e degradu debatin! Kur e keni kalu këtë amendament, Dhomave Speciale i keni dhënë të drejtën për me e interpretu vetë Kushtetutën. Je tu e degradu debatin. Ata janë vetë pashë, vetë subashë, ju e keni votu. E ka votu Albin Kurti!

Buzhala: Trus aty!

Rexhaj: Ti po fol tan ditën për Kushtetutën, ai e interpreton vetë Kushtetutën.

Buzhala: Po ta kuptoj që ke ardh me prish debatin!

Rexhaj: O burrë, s’je ti pronar i debatit. Mbylle gojën or burrë.

Buzhala: Kujt i thua ti mbylle gojën?! Kujt?! (tha ai duke iu afruar Rexhajt dhe tenton ta godasë)

The post VIDEO/ Plas sherri në emisionin e Blendi Fevziut, Berat Buzhala i vë duart në fyt Albatros Rexhaj appeared first on Albeu.com.

Ai madje shtoi se inate të tilla mund të bëjnë atë që në ardhmen ta kalojë kufirin nga Rozhaja në Mal të Zi dhe jo nga Morina, në kufirin Kosovë-Shqipëri.

Ndërkohë, sot ka reaguar edhe Berat Buzhala duke iu përgjigjur Osman Azemit në lidhje me deklaratën e tij, shkruan Albeu.com.

Shihni me poshtë reagimin e Berat Buzhalës:

Ketu mund te ndiqni deklaraten e Osman Azemit:

The post Çfarë mendon Berat Buzhala për deklaratën e Osman Azemit: “Shqiptarët e Shqipërisë kanë inate ndaj atyre të Kosovës” appeared first on Albeu.com.

Këtë sezon të ri televiziv, ajo la shtëpinë e saj prej vitesh “Top Channel” dhe është vendosur në “Klan”.

Ndonëse duket se e nisi aty ku e kishte lënë, fansat e saj mezi e kanë pritur këtë rikthim të emisionit të saj. Ose këtë tregojnë komentete dhe shikimet e shumta, ku në vetëm disa ditë kapi 1 milion views.

Mirëpo të shumtë kanë qenë edhe kritikët, të cilët janë shprehur pa rezerva për “Zemër Luana”, duke e konisderuar si një emision që vetëm të qeshura nuk shkakton.

Një ndër këto kritikët është edhe gazetari Berat Buzhala, i cili i ka dedikuar një postim në faqen e tij në Facebook, emisionit të moderatores.

“Ka filluar emisioni “Zemër Luana” në “Klan”. U mbush skena me ‘humoristë’ dhe me moderatore të ndryshëm. Po qeshin e po piskasin në mënyrë histerike, ama mua ende as buza në gaz nuk më ka shkuar. Në televizionet e Shqipërisë, edhe pse është investuar shumë, ka shumë pak show dhe humor cilësor.

Nuk mundesh me qenë gjysëmanalfabetë dhe humorist. Mundesh me qenë gjysëmanalfabetë ose analfabet dhe clown, ama jo humorist. Humori është shumë serioz. Kërkon punë dhe përkushtim. Kërkon të lexosh dhe të mendosh.

Nëse veç shfaqesh në skenë edhe mendon me i bërë njerëzit me qeshë, atëhere ke dështuar tmerrësisht,”-shkruan Berat Buzhala.

The post “Gjysëmanalfabetë dhe humorist”, Berat Buzhala “shpërthen” ndaj emisionit të Luanës: Ke dështuar tmerrësisht appeared first on Albeu.com.

Në studion e ABC, Buzhala tha se përgjegjësinë për humbjen e PS pas Edi Ramës e ka Erion Veliaj. Gazetari thekson se kryebashkiaku i Tiranës është person i urryer në rrjetet sociale.

“Pas daljes parë të Ramës PS e kishte të nevojshme të nxirrte dikë që flet me shifra të pasaktë. Njeriu i duhur ishte Veliaj. Për Ramën do të ishte e tepërt. Përgjegjësinë për humbjen e PS pas Ramës është Veliaj. Nuk kam parë figurë më të urryer në Shqipëri se Veliaj. Nuk e di pse. Rama ka qenë lider i rrjeteve sociale dhe e ka humbur vitet e fundit. Erjoni duke u konsideruar një servil… Nuk ia paragjykoj punën në Tiranë. PS në 6 muajt e fundit ka blerë shikime në secilën lidhje live në Edi Ranmës. Vetëvendosje nuk blinte kaq shumë. Në përmbylljen e fushatës zgjedhore ka shkuar në 25 mijë etj…kishte edhe Guardian një shkrim për këtë kohët e fundit,” tha ai.

The post Gazetari i vë fajin Veliajt për rezultatet e PS-së: Është i urryer në rrjetet sociale appeared first on Albeu.com.

Buzhala tha se edhe nëse do të merrte 60 mandate, Rama do të tentonte që të bënte një koalicion të gjerë me demokratët.

“Edhe nëse do të merrte 60 mandateRama do të tentonte sërish ta bënte qeverinë. Sepse Rama nuk është nga ata politikanë që dorëzohet “, tha Buzhala.

“Rama e di që nuk i ka 71 mandate. Unë supopzoj që do t’ ofrojë PD-së një variant për të qeverisur bashkë”, tha ai.

The post Gazetari: Rama tregoi që nuk i ka 71 mandate, lëvizja që pritet të bëjë appeared first on Albeu.com.

Edi Rama aq shumë është plakur në dy vitet e fundit, sa të duket pothuajse edhe e pandershme që t’ia kushtosh një shkrim të plotë. Nuk po flas për plakjen e njeriut Edi, por të karakterit Edi.

Kush do të thoshte?

Rama vazhdimisht ka qenë karakter interesant për t’u marrë me të, për t’u shtyrë me të, për të polemizuar me të. Në fakt, e vetmja gjë interesante te politikani Rama ishte karakteri i tij e edhe ai u shua pa e mbërritur as ditën e zgjedhjeve.

Ai duket i lodhur, i mërzitur, jokreativ, i përsëritur. Duket sikur një film që e kemi parë e i cili, le të themi, premierën e ka pasur deri diku interesante, kurse herët e tjera ka qenë monoton. Nuk më bëjnë më për të qeshur polemikat e tij në Facebook me lexuesit, nuk ma marrin vëmendjen as fyerjet që ua bën gazetarëve në studio televizive, as rrobat e tij, as mjekra e tij.

Asgjë.

Më duket sikur një fëmijë, që, për ta marrë vëmendjen, të cilën e ka të domosdoshme, fillon dhe bën gjëra banale, në praninë e mysafirëve.

Edi Rama, për fatin e tij të keq, është duke menduar që viti 2021 është viti 2013, kur ai ishte zgjedhur kryeministër i vendit, përveç tjerash, sepse edhe po bënte shoë. Interneti ishte habitati i tij në atë kohë. Kundërshtarët e tij politikë dukeshin si alienë nëpër rrjete sociale, aty ku Edi po shkëlqente. Ku ai po futej “live”, ku po polemizonte, ku po fliste me shqiptarët pa praninë e gazetarëve.

Një pjesë e të rinjve, edhe të lodhur nga qeverisja PD-LSI, por edhe duke qenë të joshur nga një pjesë e personalitetit të Ramës, kishte rënë në kurthin e tij. Që nga atëherë, Rama nuk është ndalur së shkunduri të njëjtën pemë. Vazhdimisht, prej saj ka rënë ndonjë kokërr molle, por jo edhe në vitin 2021. Nuk ka çfarë të lëshojë më, përveç gjetheve.

Është shumë vështirë të flasësh mirë për politikanin Rama. Edi Rama është kryeministri i vetëm në botë, që, kur të vdesë, – i urojmë jetë të gjatë – gazetari që do ta ketë për nder që të shkruajë ndonjë fjalë për jetën dhe veprën e tij, shpresën e vetme për të gjetur fjalë të mira do ta ketë për punën e tij si kryetar i Tiranës. Nekrologjia do të mund të përfundonte kështu: Në përiudhën 2013 – 2021, ai bëri dëm, ndoshta duke pasur qëllime të mira.

Të thuash që në këto 8 vjet nuk ka bërë asgjë që meriton të përmendet, ndoshta është nihilizëm i tepruar, mirëpo që me të vërtetë ishin tetë vite të humbura për shqiptarët, as kjo nuk mund të kontestohet. Rama vazhdon me muzikën e njëjtë. Vazhdon t’u turret njerëzve në Facebook, në Tëitter, në rrugë, në ara, në ceremoni, në studio televizive. Kudo që gjen një shqiptar që nuk është me të, fillon ta tallë, ndërsa nëse rastësisht afër tij nuk është askush që e kundërshton, atëherë vazhdon t’i tallë edhe ata që e përkrahin. Impulset e tij të para janë ngacmimi, tallja dhe fyerja.

Me të vërtetë, çfarë ka ndodhur në Shqipëri në këto tetë vite? Dua të them, çfarë ka ndodhur për t’u mbajtur në mend edhe pas dhjetë vjetësh? Berisha e bëri “Rrugën e Kombit”. E futi Shqipërinë në NATO. Ua hoqi vizat shqiptarëve. E priti për vizitë në Shqipëri presidentin e ShBA’së, George Bush, i cili e zgjodhi Tiranën për të treguar se Kosova do të bëhet e pavarur. Këto katër gjëra nuk harrohen. Nuk harrohen, sepse falë “Rrugës së Kombit”, një komb i ndarë u bë bashkë, po njihemi më mirë me njëri-tjetrin, po shkojmë te njëri-tjetri e po e ndihmojmë njëri-tjetrin. Ah, harrova. Rama e futi një tra në mes të asaj rruge, sa për të mos thënë që nuk bëri asgjë. Kjo është një mundësi e mirë për ta kujtuar atë, sa herë që t’i paguajmë ato 5 euro.

Nëse rastësisht ka tensione në rajon tonë, prapë na bie ndër mend fakti që Shqipëria është në NATO, që është një shtyllë e fuqishme e sigurisë kombëtare, jo vetëm për Shqipërinë, por edhe për Kosovën. Nëse rusët po bëjnë bazë të tyre në Nish, ne e kemi NATO’n në Kukës.

Po ashtu, qeverisjen e Berishës e kujtojmë edhe sa herë e kalojmë kufirin për në BE, pa pasur nevojë për viza. Po ta pyesësh Berishën, ai do të numërojë edhe qindra punë të tjera, por këto kanë mbetur  nga ato që i rezistojnë kohës. Pastaj, edhe Berisha dhe qeverisja e tij i kishte edhe njëqind faqe të zeza, për të cilat u ndëshkua.

Po Rama çfarë bëri?

Nuk është kjo një pyetje ironike. Unë vërtet e kam vështirë që ta kuptoj këtë. Në këto tetë vite, më shumë është dukur sikur Rama i kishte vënë vetes qëllim që t’i bëjë shqiptarët njerëz, sesa t’i qeverisë ata. Më shumë dukej si kujdestar i klasës, sesa si kryeministër i vendit. Më shumë ka folur për sjellje, për mosdije, për padisiplinë, për mungesë të kulturës, sesa për projekte dhe punë të qeverisë. Dukej sikur Rama po i zgjedhte shqiptarët dhe jo anasjelltas. Dukej sikur Rama kishte alternativë për të zgjedhur një popull tjetër për ta qeverisur, por shqiptarët nuk kishin alternativë për të zgjedhur një kryeministër tjetër. Rama më shumë ka pyetur, sesa është pyetur. Më shumë ka kërkuar përgjigje, sesa ka dhënë përgjigje. Çdo pyetjeje i është përgjigjur me pyetje: Po ti kush je? Po ti çfarë bën? Po ti çfarë di? Po ti ku e ke mësuar?

Rama, si kryeministër, Shqipërinë e shndërroi në projekt personal dhe privat. Për këto tetë vite, në mendjen e tij, Shqipëria nuk ka pasur nevojë për institucione të tjera, nuk ka pasur nevojë për kryetar bashkish e as për ministra e ambasadorë, as për gazetarë e shkrimtarë. Rama është i bindur që të gjitha këto funksione shoqërore ekzistojnë vetëm për ta nxirë punën e tij të mirë, të drejtë dhe të ndershme.

Po çfarë bëri tjetër Rama?

E bëri Shqipërinë vilajet të Turqisë. Nëse Berisha e priste në Tiranë Bushin, Rama i bën masazh Erdoganit, sa herë që ky i fundit ka nevojë për t’u qetësuar. Po po, mu aty, në Dolmabahçe. Ky që me shqiptarët është arrogant, i pacipë, i pasjellshëm, kur takon njerëz më të fuqishëm se vetja, shndërrohet në një kotele. A i keni parë fotografitë e tij me Erdoganin? Duket sikur ndien keqardhje që është më i gjatë se ai. Po të kishte mundësi, do t’i shkurtonte këmbët për disa centimetra. Për këto tetë vite, kjo ishte politika e tij e jashtme: Tiranë – Stamboll dhe anasjelltas. Një kohë ishte edhe Beogradi, por në mënyrë të palavdishme iku si temë.

Po ndonjë gjë tjetër, çfarë bëri Rama?

Shokët e tij i bëri më të pasur, kurse shqiptarët i bëri edhe më të varfër. I pasuroi tre-katër veta, i varfëroi tre-katër milionë veta.

Po tjetër, tjetër, çfarë bëri Rama?

“Screen time”-in në telefon e kishte shumë të lartë, ndoshta më të lartin ndër shqiptarë.

Vetëm një njeri do t’i gëzohej fitores së Edi Ramës më shumë sesa vetë Edi Rama. Ai është Albin Kurti. Ky i fundit do të mbetej, ose do të shitej, si shpresa e vetme për shqiptarët e dëshpëruar. Do të shkonte në Shqipëri për ta luftuar “klasën e vjetër”. Në rastin konkret, Edi Rama do të ishte Hashim Thaçi, Ilir Meta do të ishte Ramush Haradinaj, kurse Lul Basha do të ishte Enver Hoxhaj.

The post Berat Buzhala: Rama na ktheu në vilajet të Turqisë, rrëzojeni appeared first on Albeu.com.