According to SPAK, Beqaj’s motions are unfounded in law and should not be accepted by the court.

Prosecutor Edvin Kondili stated that most of the defendant’s claims had already been addressed during the investigation phase, at the preliminary hearing through the decision allowing the case to proceed to trial, and during the substantive examination of the case file.

SPAK believes there are no legal grounds to accept the motions filed by the former minister.

The “Sterilisation” Case File

Former minister Ilir Beqaj has been charged in the sterilisation concession case, while on March 18 he was also notified of the charge of abuse of office committed in cooperation. Beqaj faces charges of “abuse of office,” committed in cooperation. The SPAK investigation concerns the concession for “integrated services for the provision of personalised sets of surgical instruments, the supply of single-use sterile medical materials in operating theatres, as well as the treatment of biological waste and the disinfection of operating theatres,” during the period when Beqaj headed the Ministry of Agriculture.

Eight others have also been charged in connection with the sterilisation case, including former deputy minister Klodian Rrjepaj and concession beneficiary Ilir Rrapaj, both of whom have been in custody since August last year. Six former officials of the Ministry of Health, who were members of the sterilisation concession commission, will also stand trial.

The post Beqaj Hearing on “Sterilisation”/SPAK Opposes Former Minister’s Requests: Unfounded in Law appeared first on Albeu.com.

Sipas SPAK, kërkesat e Beqajt janë të pabazuara në ligj dhe nuk duhet të pranohen nga gjykata.

Prokurori Edvin Kondili, deklaroi se pjesa më e madhe e pretendimeve të të pandehurit kanë marrë përgjigje që gjatë fazës së hetimit, në seancën paraprake, përmes vendimit që lejoi kalimin e çështjes për gjykim, si dhe gjatë shqyrtimit në themel të dosjes.

SPAK vlerëson se nuk ka arsye ligjore për pranimin e kërkesave të paraqitura nga ish-ministri.

Dosja “Streilizimi”

Ish-ministri, Ilir Beqaj është i pandehur për dosjen e koncesionit të sterilizimit, ndërsa më 18 mars iu komunikua edhe akuza shpërdorim detyre e kryer në bashkëpunim. Ndaj Beqajt rëndojnë akuzat “Shpërdorim detyre”, e kryer në bashkëpunim. Hetimi SPAK është kryer për koncesionin “shërbime të integruara për ofrimin e setit të personalizuar të instrumenteve kirurgjikale, furnizimin me material mjekësor steril njëpërdorimësh në sallat kirurgjikale, si dhe trajtimin e mbetjeve biologjike dhe dezinfektimin e sallave kirurgjikale”, në kohën kur Beqaj drejtonte ministrinë e Bujqësisë.

Për sterilizimin janë marrë të pandehur edhe 8 të tjerë, mes tyre ish-zv-ministri Klodian Rrjepaj dhe përfituesi i Koncesionit Ilir Rrapaj të dy në pranga që prej gushtit të vitit të kaluar. Në gjykim do të shkojnë edhe 6 ish-zyrtarë të Ministrisë së Shëndetësisë të cilët kanë qenë anëtarë të Komisionit të koncesionit të sterilizimit.

The post Seanca e Beqajt për “Sterilizimin”/ SPAK kundërshton kërkesat e ish-ministrit: Të pabazuara në ligj appeared first on Albeu.com.

Sipas vendimit të gjykatës, ndryshimi i masës do të hyjë në fuqi nga seanca e radhës, pasi të kryhen procedurat përkatëse dhe të njoftohet Drejtoria e Përgjithshme e Burgjeve për të marrë masat e nevojshme.

Vendimi vjen në kuadër të kërkesave për të pandehurit gjatë proceseve gjyqësore, një çështje që ka qenë shpesh objekt debatesh nga disa të pandehur.

The post Pranohet kërkesa e Ilir Beqajt, ish-ministri i Shëndetësisë do të qëndrojë jashtë kafazit të xhamit gjatë seancave appeared first on Albeu.com.

Kërkesa nga ana e Beqajt është bërë ditën e sotme në seancën e shqyrtimit paraprak ndaj ish-ministrit dhe 10 të bashkëpandehurve në Gjykatën e Posaçme.

Në dëshminë e tij, ish-ministri Beqaj ka mohuar akuzat që rëndojnë ndaj tij dhe ka kërkuar pushim të çëshjtes penale, ose në të kundërt kthimin e akteve në SPAK për plotësim të hetimit.

Në rastin e kalimit të dosjes në gjyq, ish-ministri ka kërkuar gjykim me procedurë të shkurtuar.

Kujtojmë Ilir Beqaj në lidhje me dosjen “SASPAC” akuzohet për 6 akuza, që dyshohet se janë kryer në 27 episode të ndryshme.

Ndaj Ilir Beqajt rëndojnë veprat penale të korrupsionit, shkelje e barazisë në tendera, fshehje e pasurisë dhe ajo e mashtrimit.

Ish-ministri i shëndetësisë Ilir Beqaj u arrestua më 4 korrik të 2024 në bazë të hetimeve në lidhje me dosjen e SPASPAC, si i dyshuar për shpërdorim të fondeve europiane në kohën kur drejtonte Agjencinë për Koordinimin e ndihmave Europiane.

Pasi u mor në hetim nga SPAK, ish-ministri Ilir Beqaj, dha dorëheqjen nga detyra e drejtorit për Agjencinë Shtetërore të Programit Strategjik dhe Koordinimit të Ndihmës, e njohur edhe si State Agency for Strategic Programming and Aid Coordination (SASPAC).

Së bashku me Beqajn, në dosjen e SASPAC të pandehur gjithashtu janë Ermal Kurtulaj, Bledar Leka, Gazmend Haxhia dhe Mira Topçiu.

The post Nën akuzë për shpërdorim të fondeve europiane! Ish-ministri i shëndetësisë kundërshton drejtësinë, Beqaj kërkon gjykim të shkurtuar appeared first on Albeu.com.

Beqaj ka pretenduar se nuk është njoftuar sipas ligjit për akuzën ndaj tij, ndërsa gjatë seancës ka shprehur pakënaqësi për dokumentacionin që i është vënë në dispozicion.

“Me sa duket më duhet një Diell, s’kam si t’ia bëj… ose një kompjuter”, u shpreh Beqaj.

Ish-ministri ka kontestuar gjithashtu procesin paraprak, në të cilin akuza ndaj tij është rikualifikuar nga “shpërdorim detyre në bashkëpunim” në “vjedhje duke shpërdoruar detyrën në kuadër të grupit të strukturuar kriminal”.

“Procesverbalet që më keni dhënë janë të paplota”, tha Beqaj.

Në përgjigje, gjyqtarja sqaroi se ato janë “shënime të përmbledhura” dhe se i gjithë materiali ndodhet në CD.

Gjatë leximit të procesverbaleve të seancës paraprake — e zhvilluar me dyer të mbyllura — Beqaj tha se gjyqtarja kishte përdorur si argument faktin që ai është “informaticien dhe i vëmendshëm në seancë”.

Dosja ndaj tij është voluminoze, me rreth 600 fashikuj, që përkthehen në mbi 30 mijë faqe dokumentacion gjyqësor.

The post Ish-ministri i Shëndetësisë Ilir Beqaj kërkon Diellën në burg appeared first on Albeu.com.

Beqaj deklaroi se vendimi nuk iu vu në dispozicion nga SPAK, ndonëse e kishte kërkuar disa herë, por më pas e siguroi përmes Kuvendit, ku dokumenti ishte dërguar si pjesë e materialeve për komisionin hetimor.

“Prokuroria ka për detyrë ligjore të shqyrtojë çdo provë, si ato që mbështesin akuzën, ashtu edhe ato që vërtetojnë pafajësinë. Ky vendim duhet të merret në shqyrtim nga gjykata”, tha Beqaj para trupës gjykuese të kryesuar nga Bib Ndreca.

Ndërkohë, SPAK ka kërkuar kalimin për gjykim të çështjes duke theksuar akuzat për “vjedhje duke shpërdoruar detyrën” dhe “pjesëmarrje në grup kriminal” për Beqajn, Klodian Rrjepajn dhe Ilir Rrapajn.

Prokurori Edvin Kondili, deklaroi se ndjekësit e çështjes janë në përputhje me vendimin e mëparshëm të gjyqtarit të seancës paraprake.

Avokati i Beqajt, Ermal Yzeiraj, shprehu paqartësi për natyrën e saktë të akuzës:

“Verbalisht flitet për vjedhje duke shpërdoruar detyrën dhe grup kriminal, por në dokumente flitet vetëm për shpërdorim detyre. Pa një formulim të qartë, nuk mund të përgatitemi për mbrojtje”.

Beqaj shtoi: “Në çdo fazë na janë vendosur akuza dhe nene të ndryshme. Nuk mund të mbrohem kur nuk më është paraqitur një akuzë e shkruar e qartë”.

The post Sterilizimi/ Ish-ministri Ilir Beqaj: Jam gjykuar një herë dhe është pushuar çështja, ajo është pafajësi appeared first on Albeu.com.

Gjatë deklarimeve të tij para trupës gjykuese, Beqaj kërkoi pushimin e menjëhershëm të çështjes dhe shpalljen e pavlefshmërisë së vendimit të gjyqtares Etleva Daviđi.

“Ky procedim nuk duhej të niste fare. Çështja është hetuar më parë nga Prokuroria e Tiranës”, u shpreh Beqaj.

Ai iu referua gjithashtu direktivave të Bashkimit Europian dhe legjislacionit në fuqi për mbrojtjen e të drejtave të personave të akuzuar, të cilat i lexoi para gjykatës si pjesë e mbrojtjes së tij.

Duke iu referuar mbrojtjes ligjore, Beqaj tha: “Avokati që u largua u njoh me një dosje voluminoze për vetëm dy javë. I bëj thirrje kreut të Dhomës së Avokatëve, Maks Haxhia, të shohë me vëmendje këtë situatë”.

Ai shtoi gjithashtu se nuk është takuar asnjëherë me avokatin në burg, ndërsa konsultimi i tij me dosjen ka ndodhur vetëm në gjykatë.

Aktualisht, Beqaj po gjykohet në masën e sigurisë “arrest shtëpie” për çështjen e sterilizimit, ndërsa ndodhet në paraburgim për dosjen “SASPAC”, në lidhje me fondet e Bashkimit Europian.

Në seancën e kaluar, ai paraqiti një deklaratë në të cilën kërkonte shtyrjen e seancës për shkak të gjendjes shëndetësore, të shoqëruar me dokumentacion mjekësor dhe recetë të terapisë që po ndjek në paraburgim.

Prokuroria e Posaçme kundër Korrupsionit dhe Krimit të Organizuar ka ngritur ndaj tij pesë akuza: korrupsion pasiv i funksionarëve publikë, mashtrim, falsifikim dokumentesh, shkelje e barazisë në tendera dhe fshehje të pasurisë.

The post “Sterilizimi”/ Beqaj në seancë: Procedimi nuk duhej të niste fare, është hetuar appeared first on Albeu.com.

Sipas burimeve zyrtare, në kuti janë gjetur dy fletë votimi më shumë sesa numri i votuesve të regjistruar.

Për këtë arsye, kutia e votimit është pezulluar dhe rezultati i saj nuk është marrë në konsideratë.

Komisioni Qendror i Zgjedhjeve (KQZ), pritet të dalë me një vendim përfundimtar në lidhje me vlefshmërinë e votave në këtë qendër votimi.

The post Zgjedhjet parlamentare 2025/ Pezullohet QV në burgun ku votuan Erion Veliaj, Lefter Koka dhe Ilir Beqaj, dalin 2 vota më tepër se numri i votuesve appeared first on Albeu.com.

Raportohet se në sallë nuk ishte ish-ministri i Shëndetësisë, tashmë i arrestuar, Ilir Beqaj.

Po ashtu, mungon dhe avokati i Beqajt dhe seanca pritet të shtyhet për një datë tjetër.

Gjykata vendosi shtyrjen e seacnës për 7 Maj dhe pranoi kërkesën për pezullimin e afateve të paraburgimit, për të pandehurit në masë “arrest me burg” dhe “arrest shtëpie”.

Ish-ministri i Shëndetësisë, do të hetohet për “shpërdorim detyre e kryer në bashkëpunim” në procedurat e koncesionit nën masën e sigurisë “detyrim me paraqitje” dhe “ndalim të udhëtimit jashtë”.

Të pandehurit e tjerë të kësaj dosje janë Klodian Rjepaj, Ilir Rrapaj, Marsela Serjani, Saimir Kadiu, Petref Mersini, Arben Gjata, Genc Burazeri dhe Naile Ajazi.

The post Shtyhet seanca për “Sterilizimin” në GJKKO, mungojnë ish-ministri Ilir Beqaj dhe avokati i tij appeared first on Albeu.com.

Në një deklaratë të shpërndarë në “Facebook” nga avokati i tij, Ermal Yzeiraj, Beqaj thotë se do të thërrasë në seancë Sali Berishën, Albana Vokshin dhe Petrit Vasilin.

“Natyrshëm që Berisha dhe Vokshi e kanë duartrokitur qëndrimin e Gjyqtares. Të njëjtës gjyqtare që i hoqi masën “arrest shtëpie” Sali Berishës. Të dy këta, si edhe Petrit Vasilin, do t’i thërras dëshmitarë në gjyq. Të ma thonë në sy fjalën “hajdut” dhe po në sy t’u them përgjigjen time”, shprehet ish-ministri.

Ilir Beqaj, shprehet se të dyja proceset zgjatën me muaj të tërë dhe të dyja dështuan, sipas tij, duke përfunduar me urdhra dhe skema për t’i mbyllur gojën.

“Albana Vokshi mori urdhër për të më mbajtur dy ditë peng në Kuvend pa më dhënë të drejtën për të folur dhe për t’u mbrojtur nga akuzat e saj disa vjeçare. Edhe Gjyqtarja në fund të procesit gjyqësor mori një vendim absurd dhe të pazakontë që të gjithë të heshtnin dhe të mos flisnin për thelbin e çështjes – akuzën e re që ajo shpiku në fund të procesit. Kjo ishte dhe arsyeja e “shpërthimit” tim ndaj masakrës që ajo i bëri procesit gjyqësor dhe të drejtave tona procedurale si të pandehur”, shprehet Beqaj.

Ish-ministri i Shëndetësisë Ilir Beqaj dhe ish-zëvendësministri Klodian Rjepaj, do të gjykohen për akuzën e vjedhjes duke shpërdoruar detyrën e kryer në kuadër të grupit të strukturuar kriminal, në procedurat e koncesionit dhjetëvjeçar të sterilizimeve kirurgjikale prej 100 milionë eurosh.

Deklaratë publike e Z. Ilir Beqaj

Në cilësinë e përfaqësuesit ligjor të Z. Ilir Beqaj, në emër të tij po përcjell këtë deklarim publik:

Së pari, dua të falenderoj të gjithë ata që kanë shprehur mbështetje dhe besim tek e vërteta që unë dhe të tjerët po mbrojmë në Gjykatë në lidhje me çështjen e koncesionit “për shërbime të integruara për ofrimin e setit të personalizuar të instrumenteve kirurgjikalë, furnizimin me material mjekësor steril njëpërdorimësh në sallat kirurgjikale si dhe trajtimin e mbetjeve biologjike dhe dezinfektimin e sallave kirurgjikale”, që rëndom cilësohet vetëm si “çështja e sterilizimit”, duke reduktuar ndjeshëm në opinion publik gjithë komponentët përbërës të saj.

Gjyma e përballjes sonë në Gjykatë lidhet me të vërtetën e kësaj çështjeje dhe provave të saj të pakundërshtueshme. Gjysma tjetër ka kohë që lidhet vetëm me pengesat artificiale dhe të paligjshme që na u krijuan vazhdimisht gjatë këtij procesi, i cili para së gjithash duhet të garantonte të drejtat minimale të të akuzuarve, për të kuptuar akuzën, për të marrë provat ku bazohet akuza, për të folur dhe për të patur në sallë prezencën e medias.

Ekziston një ngjashmëri shumë e madhe midis procesit hetimor që zhvilloi Albana Vokshi si drejtuese e komisionit hetimor parlamentar të kallëzimit të saj dhe procesit gjyqësor që zhvilloi Gjyqtarja e seancës paraprake. Të dyja proceset zgjatën me muaj të tërë dhe të dyja dështuan duke përfunduar me urdhëra dhe skema për të mbyllur gojën time.

Albana Vokshi mori urdhër për të më mbajtur dy ditë peng në Kuvend pa më dhënë të drejtën për të folur dhe për t’u mbrojtur nga akuzat e saj disa vjeçare.

Edhe Gjyqtarja në fund të procesit gjyqësor mori një vendim absurd dhe të pazakontë që të gjithë të heshtnin dhe të mos flisnin për thelbin e çështjes – akuzën e re që ajo shpiku në fund të procesit. Kjo ishte dhe arsyeja e “shpërthimit” tim ndaj masakrës që ajo i bëri procesit gjyqësor dhe të drejtave tona procedurale si të pandehur.

Gjyqtarja vendosi që të mos shpjegonte/arsyetonte vendimin e saj të ndërmjetëm kur ftoi prokurorët që të korrigjonin akuzën, e cila ishte në thelb një akuzë totalisht e re. Dhe për këtë kishte një arsye. Në Njoftimin e Akuzës nga prokurorët dhe në provat bashkëlidhur nuk kishte asnjë provë që përligjte ngritjen e kësaj akuze të re. Si unë, si të akuzuarit e tjerë, si avokatët tanë dhe mbi të gjitha si vetë Prokurorët e çështjes, i kërkuam asaj që të shpjegonte arsyet e këtij qëndrimi dhe në cilin fakt apo provë të akuzës ajo bazohej për të pretenduar që në rastin konkret unë isha “hajdut” dhe “grup i strukturuar kriminal”. Për më tepër që ky është një detyrim ligjor i saj dhe një e drejtë e pamohueshme e imja për të kuptuar akuzën e re që më bëhej.

Pavarësisht këtyre kërkesave, Gjyqtarja vendosi të kyçte gojën. Pra, të mos shprehej. Pastaj vendosi që as Prokurorët të mos shpreheshin dhe të mos shpjegonin akuzën e re të saj. Gjoja na dha neve fjalën për t’u mbrojtur duke na thënë paturpësisht që nëse nuk kishim ndonjë gjë për të folur, edhe mund të mos flisnim. Po si mund të mbrohesha unë dhe të tjerët për një akuzë të re të bërë nga Gjyqtarja që vetëm nenin tregon dhe nuk shpjegon asgjë se çfarë u vodh, sa u vodh, kur u vodh dhe cila është kjo strukturë kriminale që nuk shpjegohet në asnjë rresht të akuzës?! Po ashtu, a nuk e rregullon dhe e detyron ligji bashkëpunimin e ministrit me zv. ministrin, a nuk e rregullon dhe e detyron ligji bashkëpunimin e titullarit të Autoritetit Kontraktor me kryetarin e Komisionit të Koncesionit, a nuk e rregullon dhe e detyron Kodi Civil dhe kontrata bashkëpunimin e Autoritetit Kontraktor me koncesionarin? Prandaj, ky ka qenë një proces fiktiv, që ashtu si komisioni hetimor parlamentar, duhej të mbyllej me heshtjen time. Disa herë kam kërkuar mediat të jenë prezent në sallë, sepse nuk ka asnjë sekret në fjalën e mbrojtjes sime. Ama në të gjitha rastet më është mohuar një kërkesë e tillë nga Gjyqtarja se gjithë ky proces sipas saj është sekret hetimor.

I ngjashëm ka qenë reagimi im në fund të dy proceseve. Tek procesi hetimor parlamentar duhet patjetër të reagoja kur Ina Zhupa dhe Albana Vokshi e mbyllën gjithë atë “pengmarrje” timen pa dashur kurrsesi të më jepnin fjalën. Ndërsa tek procesi gjyqësor vendosa të mos qëndroja më në sallën që më mbajti peng nëntë muaj dhe në fund Gjyqtarja jo vetëm heshti në mënyrë të paligjshme, por edhe na mbylli gojën ne të tjerëve, të akuzuarve, mbrojtësve tanë ligjorë dhe prokurorëve.

Natyrshëm që Berisha dhe Vokshi e kanë duartrokitur qëndrimin e Gjyqtares. Të njëjtës gjyqtare që i hoqi masën “arrest shtëpie” Sali Berishës. Të dy këta, si edhe Petrit Vasilin, do t’i thërras dëshmitarë në gjyq. Të ma thonë në sy fjalën “hajdut” dhe po në sy t’u them përgjigjen time.

The post Sterilizimi/ Ilir Beqaj nuk pranon asnjë akuzë: Do të thërras në gjyq Berishën, Vokshin e Vasilin appeared first on Albeu.com.