Benitez Archives - Albeu.com

Benitez mund të kthehet në Premier League

admin — Fri, 21 Oct 2022 19:19:20 +0000

Rafael Benitez mund të marrë një punë të re në Premier League.

Çështja e emërimit të spanjollit po studiohet nga Aston Villa, e cila së fundmi u nda me Steven Gerrard, nën të cilin skuadra pati një fillim të pasuksesshëm të sezonit.

Sipas 90min, Benitez është një nga kandidatët për këtë post së bashku me Sean Dyche, Unai Emery, Michael Beal dhe Ruben Amorim. Gjithashtu raportohet se klubi anglez shte në kontakt me Mauricio Pochettino dhe Thomas Tuchel, por ata thanë se nuk ishin të interesuar për punën e propozuar.

Rafael Benitez ka mbetur i papunë që kur u largua nga Everton në janar të këtij viti. /G.D albeu.com/

The post Benitez mund të kthehet në Premier League appeared first on Albeu.com.

Benitez parashikon fituesin e Serie A

admin — Thu, 11 Aug 2022 14:39:50 +0000

Rafa Benitez, ish-trajneri i Interit dhe Napolit, flet për Serinë A 22/23: “Inter dhe Juventus janë në rreshtin e parë. Milani është kampion solid dhe në mbrojtje, por dy të tjerët janë superiorë për momentin. si Roma ka obligim të këndshëm për të luftuar për titullin”, janë fjalët për La Gazzetta dello Sport. /albeu.com/ [...]

Benitez: Liverpooli im dhe Klopp nuk mund të krahasohen, shpenzuan një miliard, unë kisha buxhet 20 milionë euro

admin — Wed, 18 May 2022 16:39:56 +0000

Rafael Benitez tregoi se si Liverpooli i tij ishte i ndryshëm nga skuadra e Jurgen Klopp.

“Nëse analizoni Liverpool-in tim në atë kohë, kush ishte më i miri? Gerrard, një djalë i ri që luante në pozicione të ndryshme, dhe nuk kishte shumë lojtarë të tjerë të klasit botëror.

Ndër lojtarët më të mirë është Fernando Torres, i cili shënoi 15 ose 20 gola në Spanjë dhe me ne arriti në 33 gola. Ne ndihmuam të rritej Mascherano, i cili ishte zëvendësues i West Hamit, Lucas Leiva , i cili kaloi 10 vjet në klub, Agger, i cili u ble për 6 milionë euro, apo dhe Xabi Alonso.

Njerëzit e mbajnë mend këtë ekip, Reina për shembull, por e krahasojnë me Liverpool-in, i cili shpenzoi një miliard, i shpenzoi me shumë mençuri, është e vërtetë, por ata kanë lojtarë për 40 milionë në stol. Kjo është arsyeja pse ju nuk mund të krahasoni Liverpool-in tim dhe ekipin e Klopp, ju duhet të analizoni kontekstin.

Kam pasur një buxhet 20 milionë euro. Më thuaj kë mund të nënshkruajë Liverpooli tani për 20 milionë eur”, tha ish-trajneri i Reds.

Spanjolli ishte trajner i Liverpoolit nga viti 2004 deri në vitin 2010. Ai fitoi 4 trofe me ekipin, duke përfshirë edhe 1 Champions League. /abcnews.al/

The post Benitez: Liverpooli im dhe Klopp nuk mund të krahasohen, shpenzuan një miliard, unë kisha buxhet 20 milionë euro appeared first on Albeu.com.

Evertoni kontaktoi Mourinhon direkt pas shkarkimit të Benitez, përgjigja e portugezit ishte e prerë

E S — Mon, 17 Jan 2022 10:18:04 +0000

Evertoni nuk humbi kohë pasi shkarkoi Rafa Benitez . Siç ka mësuar AS, ata tashmë kanë kontaktuar me Nunon , të cilin u përpoqën ta bindin verën e kaluar, por që zgjodhi Tottenhamin.

Megjithatë, nuk është emri i vetëm që ata po mendojnë. Roberto Martínez, Rooney, Frank Lampard dhe José Mourinho janë po ashtu në listë.

“Telegrafi” bën të ditur se trajneri i Romës është marrë në pyetje për disponueshmërinë e tij, në të njëjtën mënyrë që shtojnë se përgjigja e tij ka qenë e qartë: “Jo”. Opsione janë edhe Paulo Fonseca, Marco Silva apo Duncan Ferguson. r.t/albeu.com

The post Evertoni kontaktoi Mourinhon direkt pas shkarkimit të Benitez, përgjigja e portugezit ishte e prerë appeared first on Albeu.com.

Ja si do të duket Evertoni nëse Rooney bëhet trajner i klubit (FOTO LAJM)

admin — Thu, 16 Dec 2021 08:45:56 +0000

Wayne Rooney mund të bëhet bosi i klubit të tij të fëmijërisë nëse Everton heq nga detyra trajnerin Rafa Benitez.

Dhe forma e dobët e Evertonit mund të bënte që Benitez të shkarkohej dhe Rooney t’i jepte detyrën e tij të parë drejtuese.

Benitez shpenzoi nën 2 milionë funte në verë, duke sjellë Demarai Grey, Andros Townsend, Asmir Begovic, Andy Lonergan dhe Solomon Rondon. Gray dhe Townsend, në veçanti, kanë ofruar një kthim të mirë për paratë.

Nëse Rooney zëvendëson Benitezin, ai mund të kërkojë të bëj pazar te Derbi dhe ish-klubi i tij Manchester United në janar për të ndryshuar sezonin e Evertonit. United ka një numër yjesh të veçantë që mund të bëjnë një punë për Toffees. Jesse Lingard, Phil Jones dhe Donny van de Beek të gjithë kanë parë kohë të kufizuar të lojës këtë sezon. Treshja ka kaluar vetëm 628 minuta mes tyre në të gjitha garat.

Lingard dëshmoi vlerën e tij në West Ham sezonin e kaluar duke shënuar nëntë gola dhe duke marrë pesë asistime në një periudhë katër mujore. Nëse Everton nënshkruan me Lingardin, nëse ai mund të përsërisë formën që tregoi për Hammers, ai mund të ndihmojë të ngrejë Toffees në tabelë. Lingard mund të luajë në mesfushën e Evertonit ose në vijën e parë.

Van De Beek mund të formojë një mesfushë të frikshme treshe përkrah Allan dhe Abdoulaye Doucoure. Dhe Phil Jones mund të kthejë disa shfaqje guximtare në vijën e pasme. Everton gjithashtu mund të blejë Brandon Williams, i cili po kalon një periudhë të pasuksesshme huazimi në luftëtarët e ligës, Norwich.

Rooney gjithashtu mund të kërkojë të sjellë lojtarin kryesor të Derbit, Tom Lawrence, i cili ashtu si Lingard mund të luajë në treshen e parë. /h.ll/albeu.com

The post Ja si do të duket Evertoni nëse Rooney bëhet trajner i klubit (FOTO LAJM) appeared first on Albeu.com.

Dy yjet e Realit kërkohen nga Benitez në janar

admin — Tue, 28 Sep 2021 16:08:39 +0000

Isco dhe Luka Jovic, të cilët nuk po gjejnë hapësira këtë sezon te Real Madrid mund të përfundojnë te Evertoni i Benitez raportojnë mediat në Spanjë. Drejtuesit e Evertonit synojnë që t’i huazojë të dy lojtarët në merkaton e janarit deri në fund të sezonit. Ndërkohë, Isco është në vitin e fundit të kontratës me [...]

Benitez ka ringjallur Evertonin

admin — Fri, 17 Sep 2021 07:59:03 +0000

Ndërsa Evertoni po kompletonte fitoren e fundit në Premier League, me siguri se trajneri Rafael Benitez e kishte parasysh se treshja e tij sulmuese në fushë kushtonte gjithsej rreth dy milionë euro.

Premier League edhe këtë verë e tregoi fuqinë përballë ligave të tjera – klubet elitare të Anglisë shpenzuan rreth 1.5 miliardë euro gjatë afatit kalimtar të verës – megjithatë te skuadra e Evertonit pati një përmbysje të qasjes ekstravagante në krahasim me vitet e shkuara.

Benitez iu bashkua klubit në muajin qershor në një kohë protestash nga disa tifozë për shkak të lidhjeve të tij të forta në të kaluarën me Liverpoolin – rivali lokal i Evertonit – por edhe për “shtrëngim të rripit” sa i përket uljes së shpenzimeve, gjë që nuk ishte parë në klub në pesë vjetët e fundit me aksionarin Farhad Moshiri.

Duke pasur parasysh këto rrethana, askush nuk ka pritur që gjërat të shkojnë kaq mirë për Evertonin këtë edicion. Pas katër xhirove në Premier League asnjë ekip nuk ka më shumë pikë se Evertoni, dhjetë. Nga dhjetë pikë i kanë edhe Manchester Unitedi, Chelsea e Liverpooli. Krahas startit të mirë në kampionat, Evertoni ka startuar me fitore edhe në League Cup dhe e gjithë kjo falë ndryshimeve të papritura taktike të Benitezit. Ndjenjat kundër Benitezit në mesin e disa tifozëve të Evertonit mund të mos zhduken kurrë, por për momentin trajneri spanjoll po i hesht të gjithë me punën e tij.

Një fitore në udhëtim ndaj Aston Villas të shtunën mund ta lërë Evertonin të vetëm në krye të klasifikimit, edhe pse vetëm për një natë. Edhe kritikët më të mëdhenj të Benitezit kanë filluar të pranojnë përparimin e bërë nga spanjolli që nga kthimi i tij në futbollin anglez. Dy nga tri fitoret e Evertonit në ligë erdhën pas disavantazhit dhe të dyja ndeshjet përfunduan me rezultatin 3:1, kundër Southamptonit dhe së fundmi Burnleyt të hënën, për të nxjerrë në pah qëndrueshmërinë mendore që Benitez tashmë ka futur në ekip e të cilën nuk e kishin trajnerët e mëparshëm.

Nëse nuk do të kishte një barazim të vonshëm ndaj Leeds Unitedit (2:2), Evertoni do të ishte ekipi i vetëm me pikë maksimale pas katër javëve të luajtura në elitën e futbollit anglez.

“Ka qenë shumë afër përsosmërisë”, tha Benitez të enjten. “Mirëpo nuk bën të ankohemi, sepse mendoj që kemi pasur një start të mirë, që ndoshta nuk e ka pritur askush”.

E gjithë kjo bëhet me një buxhet të vogël. Ndërsa katër trajnerët e tjerë të Evertonit të punësuar në mbretërimin e Moshirit – Ronald Koeman, Sam Allardyce, Marco Silva dhe Carlo Ancelotti – shpenzuan një shumë marramendëse prej 750 milionë eurosh për lojtarë, Benitezit iu tha kur mbërriti se fonde të ngjashme thjesht nuk ishin në dispozicion për shkak të efekteve të pandemisë dhe ndërtimit të vazhdueshëm të stadiumit të ri të klubit nga bregdeti i Liverpoolit, i cili kushton rreth 700 milionë euro dhe shpresohet të përfundojë deri në fillimin e sezonit 2024/25. Kjo do të thoshte pazare të ulëta në afatin e fundit kalimtar. Evertoni mori katër lojtarë falas, sulmuesin e krahut Andros Townsend, sulmuesin Salomon Rondon dhe dy portierë rezervë. Një tjetër sulmues të krahut, Demarai Grayn e mori për dy milionë euro.

Gray dhe Townsend kanë qenë zbulime deri më tani, me të dy që shënuan në fitoren ndaj Burnleyt dhe duke qenë anëtarët kryesorë të një ndryshimi taktik që ka parë një qasje më të drejtpërdrejtë në një përpjekje për të bërë më shumë harkime në sulmuesin Dominic Calvert-Lewin, i cili në ajër është ndër lojtarët më të mirë të ligës.

Me Calvert-Lewinin që humbi ndeshjen me Burnleyn shkaku i lëndimit dhe sulmuesi i Brazilit, Richarlison, që u zëvendësua, Evertoni shkoi deri në fund të duelit me Grayn dhe Townsendin nga të dy krahët, kurse në qendër të sulmit ishte Rondon, i cili debutoi.

Pas një fundjave që sulmuesit Cristiano Ronaldo dhe Romelu Lukaku luajtën për Manchester Unitedin dhe Chelsean, respektivisht – duke shënuar nga dy herë secili – opsionet e sulmit të Evertonit dukeshin të zbehta në krahasim me ekipet e tjera. Por, siç bën shpesh, Benitez po merr maksimumin nga ajo që ka në dispozicion dhe ka bërë disa ndryshime taktike në lojë, duke preferuar sistemin 4-3-3 gjatë ndeshjes me Burnleyn, që nxori në pah lojën e tij. Ai ende mund të jetë në gjendje të tërheqë tifozët e Evertonit nëse vazhdon me këtë lojë dhe këto rezultate.

“Në fillim ishte e diskutueshme, por unë mendoj se tifozët e vlerësojnë që ne po përpiqemi të bëjmë më të mirën, unë, lojtarët dhe stafi”, tha Benitez.

Për Benitezin, të gjithë tifozët e Evertonit duan të kenë “një ekip që jep gjithçka”.

“Ata mund ta shohin këtë në çdo ndeshje. Lojtarët që ishin vitin e kaluar ndoshta nuk po performonin në nivel dhe tani ata po japin gjithçka dhe tifozët e vlerësojnë këtë”, insistoi Benitezi.

Nuk është aspak për t’u habitur që kolumbiani James Rodriguez, një lojtar i talentuar, niveli i punës dhe qëndrimi i të cilit ndonjëherë vihet në dyshim, nuk ka luajtur ende asnjë minutë nën urdhrat e Benitezit. As fakti që Abdoulaye Doucoure, një mesfushor gjigant identik me Yaya Touren, ka qenë një nga lojtarët më të mirë të Evertonit deri më tani, duke luajtur rregullisht dhe duke asistuar e shënuar gola.

The post Benitez ka ringjallur Evertonin appeared first on Albeu.com.

Bentitez rikthehet në Angli, firmos me ekipin e njohur (FOTO LAJM)

admin — Wed, 30 Jun 2021 12:16:00 +0000

Rafa Benitez do të jetë trajner i ri i Evertonit.

Fabrizio Romano raporton se spanjolli ka nënshkruar kontratën me skuadrën nga Premier League dhe pritet të bëhet shumë shpejt edhe zyrtarizimi.

Ai ka nënshkruar kontratë deri në vitin 20204, pas dy javësh bisedimesh me Evertonin.

Kujtojmë se Benitez ishte kërcënuar pak ditë më parë nga tifozët e skuadrës e Liverpool, kjo për shak të rivalitetit që kanë dy ekipet të të njëjtit qytet. /albeu.com/

Rafa Benitez finally signs his contract as new Everton manager until June 2024 after two weeks negotiations. He’s been approached by Italian clubs but Premier League job was his priority. ??? #EFC

— Fabrizio Romano (@FabrizioRomano) June 30, 2021

The post Bentitez rikthehet në Angli, firmos me ekipin e njohur (FOTO LAJM) appeared first on Albeu.com.

Tifozët e Liverpul nuk e pranojnë Benitez në stolin e rivalëve: Mos firmos, ta dimë shtëpinë (FOTO LAJM)

admin — Mon, 28 Jun 2021 14:19:46 +0000

Rafa Benitez është shumë pranë nënshkrimit për të marrë drejtimin e Everto it, duke qenë se këta të fundit mbetën pa trajner pas kalimit të Karlo Ançelotit te Real Madrid.

Mirëpo, tekniku spanjoll së fundmi ka marrë kërcënime nga tifozë të Liverpul, të cilët duket se nuk e pranojnë idenë që ish-tekniku i tyre të firmosë për klubin rival të qytetit.

This banner is online. It has been posted not far from where Rafa Benitez lives with his wife and his daughters. It’s sinister, it’s reprehensible and the people responsible for it should be ashamed. They are a disgrace. pic.twitter.com/6prhZt16vX

— Dominic King (@DominicKing_DM) June 28, 2021

Me anë të një baneri, ata ia kanë bërë të qartë Benitez se janë kundër këtij hapi të spanjollit, ndërsa theksohet se ata ia dinë shumë mirë adresën se ku banon tekniku.

Një kërcënim i hapur dhe që mbetet të shihet si do të ndikojë te Benitez, ndërsa policia ka nisur hetimet dhe ka dyshime edhe tek tifozët e Everton pasi ata kanë arsye të mos e pranojnë spanjoll si një rival i të kaluarës. Ndërkaq, duhet theksuar se gjesti është shumë i shëmtuar, por edhe shqetësues.

The post Tifozët e Liverpul nuk e pranojnë Benitez në stolin e rivalëve: Mos firmos, ta dimë shtëpinë (FOTO LAJM) appeared first on Albeu.com.

Benitez i vjen në ndihmë Klopp, ja si ta mposhtni Realin

admin — Wed, 14 Apr 2021 15:37:04 +0000

Liverpool luan sot ndeshjen e kthimit ndaj Real Madrid me misionin për të përmbysur humbjen 3-1 që mori në Spanjë.

Para ndeshjes së sotme, ish trajneri i Liverpoolit, Rafael Benitez, i vjen në ndihmë Klopp duke i dhënë këshilla si të mundë Realin.

“Është me të vërtetë e rëndësishme që Liverpool të fillojë me intensitet të lartë, por në të njëjtën kohë të mos nxitojë dhe të bëjë gabime prapa, gjithashtu duhet të mos bëhet panik nëse nuk shënojnë herët”, tha fillimisht Benitez.

“Përqendrohuni, mbajeni ekuilibrin e lojës, mbajeni portën e pa prekur me çdo kusht, edhe nëse një gol i parë vjen shumë vonë, ata do të kenë kohë për të shënuar përsëri me cilësinë e lojtarëve që kanë”, vazhdoi ai.

Trajneri spanjoll foli edhe për reprezentuesin e Spanjës, Thiago Alcantara.

“Ai është një lojtar që mund të rregullojë ritmin e lojës për Liverpoolin”, tha Benitez.

“Ai mund të gjejë pasimin e duhur dhe ka cilësinë të parashikojë lëvizjen e sulmuesve dhe të bëjë diçka pak më ndryshe“, deklaroi ish trajneri i Liverpool.

The post Benitez i vjen në ndihmë Klopp, ja si ta mposhtni Realin appeared first on Albeu.com.