Barcelona ka vendosur ta nxjerrë në shitje Marc Casadon, pasi mesfushori nuk bën pjesë në planet e trajnerit Hansi Flick. Klubi katalunas kërkon të paktën 30 milionë euro për kartonin e tij, ndërsa interesimi zyrtar vjen nga tri skuadra të njohura evropiane dhe një klub turk.

Shitja e futbollistit vendas do t’i mundësonte Barcelonës të siguronte të ardhura për përforcime të reja, veçanërisht pasi klubi ka arritur t’i regjistrojë blerjet e para në LaLiga.

Siç raporton Mundo Deportivo, agjenti Jorge Mendes është takuar me Casadon në Barcelonë për të shqyrtuar alternativat për të ardhmen e tij. Kontrata e mesfushorit skadon në vitin 2028, ndërsa ai numëron 75 paraqitje me ekipin e parë dhe ka debutuar me kombëtaren e Spanjës. Për këtë arsye, drejtuesit blaugrana nuk pranojnë oferta nën 30 milionë euro në fazën e fundit të afatit kalimtar.

Al-Hilal dhe Al-Ahli janë të gatshme të paguajnë 40 milionë euro për 22-vjeçarin, por Casado, i formuar në akademinë La Masia, e ka përjashtuar mundësinë e transferimit në Superligën e Arabisë Saudite.

I këshilluar nga njerëzit e tij të afërt, lojtari synon të vazhdojë karrierën në Evropë. Benfica, Nottingham Forest dhe AC Milan janë tri destinacionet që ai preferon, pasi te këto klube do të kishte mundësi të siguronte minuta të rëndësishme dhe të tria kanë shfaqur interesim për të.

Brenda 48 orëve të ardhshme, Barcelona dhe Mendes pritet të takohen me përfaqësues të Nottingham Forestit, Milanit dhe Benficës. Klubi katalunas shpreson që nga ky takim të dalë një ofertë zyrtare prej 30 milionë eurosh, në mënyrë që Casado të kryejë ekzaminimet mjekësore para fillimit të javës së ardhshme.

The post Marc Casado në largim nga Barcelona, katër klube evropiane pas mesfushorit appeared first on Albeu.com.

Jose Mourinho ka komentuar përplasjen e diskutueshme mes Vinicius Junior dhe Gianluca Prestiannit, të ndodhur gjatë edicionit të fundit të Ligës së Kampionëve.

Ngjarja shkaktoi shqetësim të gjerë në komunitetin e futbollit, ndërsa trajneri portugez e cilësoi atë si një çështje të ndjeshme për shkak të pozitës në të cilën ndodhej.

Në intervistën ekskluzive për El Chiringuito TV, Mourinho nuk iu shmang polemikës dhe shprehu hapur mbështetjen e tij të plotë për sulmuesin e Real Madridit.

“Për mua, çështja është shumë e qartë. Vini e di se në cilën anë jam dhe se mund të mbështetet tek unë”, deklaroi fillimisht Mourinho.

Trajneri 63-vjeçar sqaroi gjithashtu arsyen pse situata duhej trajtuar me kujdes në përditshmërinë e dhomës së zhveshjes së Benficës.

“Në atë periudhë, Prestianni ishte pjesë e skuadrës sime. Unë do t’i dal gjithmonë në mbrojtje lojtarëve të mi dhe kjo nuk është e negociueshme”, përfundoi “Special One”.

Përmes këtyre komenteve, Mourinho synoi të qetësonte reagimet mediatike, duke nënvizuar se mbrojtja e futbollistëve të tij vazhdon të jetë përparësia kryesore.

The post Mourinho për përplasjen Vinicius Jr–Prestianni: “Vini e di se më ka në krah appeared first on Albeu.com.

Burime nga Italia raportojnë se Milani ka gjetur tashmë gjuhën e përbashkët në parim për kushtet personale me Antonio Silvën, mbrojtësin qendror 22-vjeçar të Benficës. Njësoj si Gonçalo Ramos, edhe ai menaxhohet nga super-agjenti portugez Jorge Mendes.

Pas një periudhe njëmujore paqartësish që pas mbylljes së sezonit zhgënjyes 2025/26, kur klubi mbeti përkohësisht pa trajner, drejtor sportiv, drejtor teknik dhe drejtor ekzekutiv, merkatoja e Milanit ka marrë ritëm të fortë gjatë kësaj jave.

Kuqezinjtë kanë finalizuar një marrëveshje rekord në historinë e klubit për afrimin e sulmuesit portugez Gonçalo Ramos, një operacion që, sipas Fabrizio Romanos, mund të shkojë deri në 74 milionë euro, pa llogaritur bonuset.

Ndërkohë, janë shtuar zërat se Milani, që tani drejtohet nga trajneri portugez Ruben Amorim, mund të afrojë edhe lojtarë të tjerë që përfaqësohen nga Jorge Mendes.

Në listën e emrave të përmendur bëjnë pjesë Antonio Silva i Benficës, Marc Casado i Barcelonës dhe Francisco Trincao, anësori i Sporting Lisbonës.

Sipas gazetarit Nicolo Schira, Milani ka arritur një akord parimor me Antonio Silvën për aspektin personal të marrëveshjes. Mbrojtësi është i përgatitur të nënshkruajë një kontratë pesëvjeçare me kuqezinjtë, e cila do ta mbajë atë në klub deri në verën e vitit 2031.

Raportimet e së dielës bëjnë të ditur se kontaktet mes Milanit dhe Benficës po vazhdojnë, ndërsa klubi italian është gati të dorëzojë ofertën zyrtare.

Nga ana tjetër, sipas Gazzetta dello Sport, Benfica vlerëson kartonin e Antonio Silvës në rreth 20 milionë euro.

Për 22-vjeçarin ka interes edhe nga një klub i Arabisë Saudite, si dhe nga dy ekipe të Ligës Premier.//

The post Milani siguron akordin paraprak me Antonio Silvën pas lëvizjes për Gonçalo Ramos appeared first on Albeu.com.

Mbrojtësi 24-vjeçar do t’i japë fund qëndrimit te Luzern dhe do të kalojë te Braga. Sipas gazetarit Lorenzo Lepore, marrëveshja mes palëve është mbyllur, ndërsa firma pritet të vijë së shpejti. Gjithashtu, të dielën ai do t’i nënshtrohet edhe vizitave mjekësore.

Bajrami e nisi rrugëtimin e tij futbollistik në Zvicër, te moshat e Young Boys, ndërsa në gusht të vitit 2018 u transferua në akademinë e Benfica-s. Në janar të këtij viti ai u largua nga Benfica drejt Luzern për 900 mijë euro, por eksperienca e tij e dytë në Zvicër duket se do të jetë e shkurtër.

Sa i përket përfaqësueseve, Bajrami ka luajtur për Zvicrën U18, Shqipërinë U19, Shqipërinë U21 dhe Kombëtaren shqiptare A. Më pas ai mori vendimin për t’u larguar përfundimisht te Zvicra, por nga këta të fundit u la jashtë Botërorit 2026.

The post Adrian Bajrami pranë rikthimit në Portugali, mbrojtësi lë Luzernin për Braga appeared first on Albeu.com.

Pas ndeshjes të fituar 1-0 në Portugali dhe polemikave që e shoqëruan, sfida e kthimit ishte e ndezur që në start dhe u bë më e ethshme pasi Benfika gjeti golin me Rafa Silva. Por përgjigja e shpejtë e vendasve me Tçuameni bëri që të shuhej shpejt paniku në “Bernabeu”.

Sfida vijoi e hapur, me mundësi nga të dy palët e më Kurtua i cili u detyrua që të bënte edhe ndërhyrje të rëndësishme për të shpëtuar portën, i ndihmuar në një rast edhe nga traversa. Por në fund diferencën e bëri përsëri Vinicius, i cili me një zbritje të shpejtë, transformoi i qetë përballë Turbin, duke i dhënë fitoren 2-1 ekipit të tij dhe vazhdimësinë e mëtejshme në turne.

Goli i Vinicius (VIDEO)

Goli i Tçuameni (VIDEO)

Goli i Rafa Silva (VIDEO)

The post VIDEO/ Reali mund Benfikën dhe kalon turin në Champions appeared first on Albeu.com.

Reali kaloi në avantazh me Mbape, por më pas ishin vendësit të cilët morën kontrollin e ndeshjes, duke qenë gjithmonë në avantazh në vijim, edhe pse francezi shënoi edhe të dytin.

Shifrat 3-2 në fakt nuk kënaqnin asnjërën skuadër, pasi Reali e shihte veten jashtë tetëshes, ndërsa Benfika, për shkak golavarazhi, jashtë play-off.

Por në shtesën e ndeshjes ndodhi gjithçka, me dy kartonë të kuq për Asencio e Rodrigo që ia bënë pak më të thjeshtë punën portugezëve.

Megjithatë, goditja erdhi pikërisht me gjuajtjen e fundit në portë, kur Trubin me kokë mposhti Kurtua dhe i dha ekipit fitoren e kualifikimin.

Goli i Trubin (VIDEO)

Goli i dytë i Mbape (VIDEO)

Goli i dytë i Shjelderup (VIDEO)

Goli i Pavlidis (VIDEO)

Goli i Shjelderup (VIDEO)

Goli i Mbape (VIDEO)

The post VIDEO/ Çmenduri në minutën e 98! Një gol nga portieri fundos keq Realin dhe çon në playoff Benfikën appeared first on Albeu.com.

Golat e Turam dhe Mekenit në pjesë e dytë, i sollën fitoren bardhezinjve, ndërkohë që në minutën e 81-të, greku Pavlidis shpërdoroi një 11-metërsh për “Zonjën e Vjetër”.

Një fitore në transfertë ndaj Monako javën e ardhshme mund t’i shohë bardhezinjtë të përfundojnë mes tetë ekipeve më të mira, për sa kohë që disa rezultate të tjera shkojnë në favorin e tyre, në atë që pritet të jetë një ditë e fundit kaotike e fazës së ligës.

Ndërkohë, Benfika ende mund të kualifikohet për raundin “play-off” të fazës me eliminim direkt, por do të duhet të mposhtin Real Madridin në shtëpi dhe të shpresojnë që një sërë ndeshjesh të tjera të prodhojnë rezultatet e dëshiruara.

64′ GOOOOL JUVENTUS 2-0/  (VIDEO) 

55′ GOOOL JUVENTUS 1-0/  (VIDEO) 

The post VIDEO/ Juventusi mposht Benfikën e Murinjos appeared first on Albeu.com.

“Benfica njofton se ka arritur një marrëveshje me trajnerin José Mário dos Santos Mourinho Félix për të nënshkruar një kontratë pune sportive deri në fund të sezonit 2026/27”.

“Për më tepër, 10 ditë pas ndeshjes së fundit zyrtare të sezonit 2025/26, në të njëjtat kushte, si Benfica ashtu edhe trajneri kanë mundësinë të zgjedhin të mos e rinovojnë kontratën për sezonin 2026/27”.

The post José Mourinho është trajneri i ri i Benfica-s, detajet e marrëveshjes appeared first on Albeu.com.

Gjiganti bavarez u mposht me rezultat 1-0 nga Benfica me jë gol të hershëm.

Ishte minuta e 13-të e takimit, kur Andreas Schjelderup u asistua prej Fredrik Aursnes për golin e epërsisë.

Bavarezët vazhduan më pas me dominim të takimit, por që nuk kishte efekt.

Leroy (51’) Sane krijoi rastin e parë serioz për Bayernin, por që portieri i Benficas bëri pritje bravuroze.

Joshua Kimmich mendoi se kishte shënuar golin barazimit në minutën e 61-të, mirëpo VAR-i e anuloi për pozicion jashtë loje.

Katër minuta më vonë, Harry Kane kërkoi penallti, pasi u rrëzua në zonë, mirëpo gjyqtari sinjalizoi se loja duhej të vazhdonte.

Lojtarët e Vincent Kompany tentuan me të gjitha forcat që të barazonin rezultatin, mirëpo ishte e pamundur, duke u mposhtur në këtë takim.

Benfica kalon në fazën e eliminimi direkt me shtatë pikë, po ashtu edhe Bayern Munichu që ka një pikë më pak, ndërsa ndeshja mes Boca Junior dhe Auckland City vazhdon të jetë e ndërprerë shkaku i kushteve ekstreme atmosferike.

The post Bayern Munichu mposhtet nga Benfica, por kalon tutje appeared first on Albeu.com.

Gjithçka nisi në minutën e 62-të, kur trajneri Bruno Lage vendosi ta zëvendësojë turkun me Renato Sanches.

Gjatë momentit që mefsuhori lë fushën e lojës duket mjaft i nervozuar, ndërsa nuk përshëndet trajnerin.

Por situata agravon më shumë në momentin që Sanches shënon gol dhe trajneri i drejtohet sërish Kokçun, me dyshen që rrezikuan të përplaseshin edhe fizikisht mes tyre. një moment i cili sigurisht ka marrë vëmendjen, teksa ka bërë shumë zhurmë në rrjetet sociale.

The post VIDEO / Nuk mban dot nervat, futbollisti “përplaset” me trajnerin gjatë sfidës në Kupën e Botës appeared first on Albeu.com.