Gjithashtu, në fjalën e tij Ndreca theksoi se; “Sali Berisha, banorëve të Bashkisë së Vaut të Dejes, që gjithmonë u është gjendur pranë, dhe sot i ke bashkuar demokratët për t`i çuar drejt fitores historike më 11 maj”.

Fjala e plotë e Ndrecës:

“Të nderuar zonja dhe zotërinj, i nderuar lideri historik i Partisë Demokratike Prof. Dr Sali Berisha, i nderuar Nënkryetar i Partisë Demokratike Z. Luçiano Boçi, i nderuar kandidat për deputet z. Gentian Ndoj, të dashur themelues, anëtarë, simpatizantë, të rinj dhe të reja të Partisë Demokratike.

Dua të falenderoj secilin prej jush, për gjithë mbështetjen dhe kontributin në Partinë Demokratike ndër vite.

Gjej rastin t`ju falenderoj dhe një herë që në këto 12 vite opozitë, kurrë nuk u dorëzuat, por i bëtë ballë të keqës që ka kapluar vendin, duke qëndruar stoikë dhe me dinjitet, duke bërë një opozitë reale dhe gjithmonë të gatshëm, aktivë dhe besnikë, ashtu siç e ka traditë zona jonë.

Një falenderim të veçantë kam për ju Doktor në emër të të gjithë demokratëve, banorëve të Bashkisë së Vaut të Dejes, që gjithmonë u je gjendur pranë, dhe sot i ke bashkuar demokratët për t`i çuar drejt fitores historike më 11 maj.

Nuk mund të lë pa përmendur faktin që ju keni sjellë një program të besushëm, ku çdo pikë e tij është i realizueshëm, pasi kjo ka ndodhur në qeverinë e mëparshme të Partisë Demokratike të udhëhequr nga vetë ju.

Ritheksoj edhe një herë që pika për bujqësinë, ku zonën e Vaut të Dejes e prek në mënyrë të drejtëpërdrejtë, ku subvencionet do të jenë pa burokraci, do të ketë mbështetje njesi prodhimi, për krerë, sipërfaqe dhe pagesa direkte për fermerët.

Gjithashtu, ju keni premtuar mbështetje për çdo pemë të ullinjve të mbjellë dhe 3-fishin e sipërfaqeve me shegë lajthi dhe arra.

Fermerët e Bashkisë së Vaut të Dejes, janë të një rrealiteti të realizuar nga qeveria e Partisë Demokratike, nga viti 2005-2013 të cilët kanë përfituar subvencione në ullishte dhe pemtore të tjera, sot në qarkun e Shkodrës kemi sipërfaqët më të mëdha të ullishteve dhe jemi ndër prodhuesit kryesor.

Për t`u dhënë fund vështirësive të tregtimit të produkteve të prodhuar me aq mund e sakrificë, të cilët për mungesë të tregut kthehet në humnerë për ekonominë familjare.

Dua të përmend edhe projektin për prodhimet “Made in Albania”, që i keni dhënë përparësi absolute, do të rrisë ekonominë e familjeve të Vaut të Dejes.

Doktor, Vau i Dejes të beson ty, Shqipëria të beson që do të realizohen dhe me datën 11 maj, qytetarët do të votojnë numrin 1 Partinë Demokratike dhe Kryministrin e ardhshëm të Shqipërisë Sali Berisha.

Të dashur pensionistë të Bashkisë së Vaut të Dejes, ju jeni dëshmitarë që deri në vitet 2005 kemi pasur pensionet më të ulëta, dhe ka qenë Partia demokratike në vitet e qeverisjes 2005-2013 që i ka rritur.

Prandaj jam i bindur që me zgjuarsinë tuaj, ju do t`i jepni fund talljes që bën Edi Rama me ju në dhënie të bonuesit elektoral dhe jo rritjen e pensioneve.

Edi Rama, nuk për qëllim hallet e popullit apo mirëqënien tuaj, por synimi i tij është vetëm të vjedhë edhe më shumë ashtu siç ka bërë këto 12 vite. Ju e dini më mirë se kushdo tjetër se duke votuar Partinë Demokratike, tallja dhe përbuzja do marrë fund, pasi pensioni minimal do të jetë mbi 200 euro.

Miqtë e mi, unë në emrin tuaj dua të falenderoj nje mik të veçantë, i cili është mik i të gjithë juve dhe familjeve të Vaut të Dejes Z. Zef Hila. Zef Hila në postin e Kryebashkiakut që nga Njesia Administrative Shllak, Temal, Vig Mnele, Hajmel, Bushat dhe në Qytetin e Vaut të Dejes, i bëri menaxhimin më të mirë duke mundësuar nivestime në Shkolla, qendra Shëndetësore, rrugë ujësjellëse bujqësi etj. Zef Hila edhe si deputet, ishte zëri më i mirë i gjithë zonës, ku hallet dhe problemet tona i ngriti me forcë të madhe për t`u dhënë zgjidhje.

Une jam i bindur që dhe kandidati i Zonës së Vaut të Dejes Z. Gentian Ndoj, me mbështetjen tuaj më 11 maj, do të sjellë një vizion të ri për të adhmen e Vaut të Dejes dhe do të jetë një zë i fuqishëm në Parlamentin Shqiptar.

Së fundi, dua t`u drejtohem ju prindër që me sakrifica të mëdha po i arsimoni dhe edukoni fëmijët tuaj, por vendi nuk po u jep mundësi që ata meritojnë dhe po largohen çdo ditë e më shumë, për fëmijët tanë, për të ardhmen e vendit tonë, duhet të votoni Partinë demokratike numrin 1 me Kryeminstrin e Ardhshëm Sali Berisha,.

Faleminderit!“, u shpreh Benard Ndreca.

The post Kreu i PD Vau i Dejës Benard Ndreca: Më 11 maj votoni Partinë Demokratike, t`i japim fund përbuzjes që Edi Rama u bën qytetarëve (VIDEO) appeared first on Albeu.com.

Veç Hilës, Berisha foli dhe për sulmin që iu bë disa javë më parë në makinë, me tritol, kreut të degës së PD Benard Ndreca.

Sipas Berishës, atenatati nuk ishte vetë ndaj tij, por dhe ndaj popullit opozitar.

“I dashur Benard Ndreca, heroi i gjallë i votës së lirë.  Atentati ndaj teje ishte atentat ndaj mbarë popullit opozitar, i cili është i vendosur të përmbysë me 14 maj monizmin e bazuar në banda, krim dhe drogë.

Në emër të demokratëve shqiptarë të përcjell nderimin tim më të madh, përshëndetjen time, nderimin dhe mirënjohjen sepse ata që menduan se do të mund të asgjësonin, fizikisht, pse mund të të mposhtnin moralisht, ata morën turpin e historisë, kurse ti udhëheq, prinë Partisë Demokratike drejt fitores së Zef Hilës në këtë bashki”, tha Berisha.

 

View this post on Instagram

 

A post shared by Albeu.com (@albeucom)

The post Berisha prezanton Zef Hilën në Vaun e Dejës, kujton sulmin me tritol ndaj Ndrecës: Atentat ndaj popullit opozitar appeared first on Albeu.com.

Siç duket edhe nga pamjet Ndreca del nga shtëpia rreth orës 07:00 të mëngjesit, futet në makinë dhe ndez mjetin tip “Audi”.

Me të nisur makinën ndodh shpërthimi.

Në momentin e shpërthimit të lëndës plasëse në mjetin e Benard Ndrecës, shihet edhe nëna e tij e cila ka shpëtuar gjithashtu mrekullisht nga ky moment.

Ajo vrapon direkt tek i biri, e ëma hap derën e makinës dhe sigurohet që është gjallë.

“Nard more, Nard more, ah e mjera unë”, tha nëna e tij.

Për fat të mirë nuk ka pësuar lëndime asnjëri.

Dyshimet e vetme të Ndrecës lidhen me fillimin e fushatës zgjedhore. Ai thotë se nuk ka konflikte të mëparshme me askënd.

Ndreca i ka bërë thirrje autoriteteve që të zbardhin sa më parë ngjarjen, ndërsa tha se, nuk mbahen dot bashkitë e vendeve me presion.

“Në momentin që ka lëvizur makina nga vendi aty ka qenë shpërthimi. Skam konflikte me asnjë, kjo është e përdorur politikisht. S’më është vendosur mua por kreut të PD së Vaut të Dejës sepse këtu janë të organizuar mirë. S’kam përplasje, as kërcënime. Janë parë pamjet, vijnë dy persona, në orën 1:15 të natës, rreth 7 minuta aty, vendosin eksplozivin dhe largohen. Janë të maskuar.
Thirrja ime është, duke filluar që nga kryeministri: Të distancojnë policinë nga politika. Lërini njerëzit të votojnë të lirë. I bëj thirrje çdo lloj kahu politik, se vullneti i njerëzve dihet se ku shkon, nuk i mbani dot bashkitë e vendeve me presion”, deklaroi ai./albeu.com/

The post “Ah e mjera unë”/ I shpëtoi atentatit në Vaun e Dejës, video nga shpërthimi para shtëpisë, reagimi i nënës së Ndrecës appeared first on Albeu.com.

Makinës së Ndrecës iu vendos këtë mëngjes tritol. Për fat të mirë pati vetëm dëme material.

Në një prenoncim për mediet, Berisha tha se atentati ndaj Ndrecës është një akt terrori shtetëror. Berisha akuzon qeverinë Rama për këtë ngjarje, ndërsa u shpreh se shpërthimi I makinës së Ndrecës është atentat i mirëfilltë politik.

Sali Berisha: Sot në mëngjes u krye një akt rëndë me qëllim eliminim e tij fizik. Ndreca është qytetar shembullor, e tillë është dhe familja e tij. Terroristë shtetërorë sipas regjistrimin të kamerave të shtëpisë kanë vendosur në orën 1:15 tritolin në makinën e tij. Fatmirësisht vetë ai shpëtoi.  Ky  eshte atentat i mirëfilltë politik. Me këtë akt terrorist Edi Rama inaguron çeljen e fushatës tij elektorale. Kjo përben një krim të shëmtuar. Një akt të pashembullt në historinë e zgjedhjeve. Rama çeli sot fushatën me atentat. Dënoj këtë krim të shëmtuar.

/albeu.com/

The post Tritoli në makinën e kreut të “Rithemelimit” në Vaun e Dejës, reagon Berisha: Rama çeli sot fushatën me atentat politik appeared first on Albeu.com.