“Dhimbje/ Vdes këngëtarja e njohur”, shkruan postimi në Facebook. Teksti shoqërohet me një kolazh fotosh të një prej këngëtareve më të njohura shqiptare.

Faqja thotë se ajo ka ndërruar jetë dhe të sugjeron të lexosh lajmin që ndodhet në një “link” të fshehur në komente.

Linku të dërgon në një faqe interneti me tekst të krijuar nga inteligjenca artificiale, i mbushur me pikëçuditëse e pikëpyetje dhe shpesh me fjalë pa kuptim.

“Ajo ka lënë një trashëgimi të gdhendur në industrinë e muzikës”, shkruhet aty.

Por këngëtarja nuk ka vdekur dhe qëllimi i linkut karrem është t’iu shfaqë një mori reklamash që shoqërojnë tekstin e gjoja lajmit dhe që ju premtojnë “kura mrekullibërëse”, për prostatën, nishanet, reumatizmën dhe problemet seksuale.

Me qëllim për të ndarë këto reklama me përmbajtje mashtruese, një faqe Facebook në gjuhën shqipe e quajtur “Jetë & Yje”, e administruar nga Vietnami dhe me tekste të prodhuara përmes inteligjencës artificiale, ka “vrarë” apo “shpallur të vdekur” më shumë se një duzinë personazhesh të “shoëbiz”-it apo politikës në Shqipëri, Kosovë apo Maqedoninë e Veriut.

BIRN, zbuloi se shpesh lajmet shoqërohen me video në YouTube që kanë mijëra shikime çdo ditë, të prodhuara po ashtu me inteligjencë artificiale dhe informacion të rremë.

Procesi që njihet si “Affiliate Marketing Scams” (mashtrimi i konsumatorit përmes ndërmjetësuesve) është një formë e krimit kibernetik, ku mashtruesit abuzojnë me modelin legjitim të marketingut për të fituar para në mënyrë të pandershme.

Duke tërhequr vizitorë përmes lajmeve e videove të rreme dhe duke i shtyrë ata të klikojnë në linqe reklamash për kura mjekësore të pacertifikuara, kompani të ndryshme shesin suplemente bimore që pretendojnë se kurojnë sëmundje të ndryshme.

Kur viktimat e reklamës regjistrojnë të dhënat online, ata i nënshtrohen presionit psikologjik nga marketuesit dhe, nëse blejnë produktin, paguajnë kur ai i dorëzohet në shtëpi.

Produktet shpesh janë preparate pa asnjë efekt.

Faqja “Jetë & Yje”, është krijuar vetëm në mesin e nëntorit të vitit që shkoi, por ajo ka tashmë 13 mijë ndjekës dhe poston thuajse çdo orë “lajme tronditëse”.

Shpesh postimet janë të përsëritura. Faqja, që luan në këtë skemë rolin e ndërmjetësuesit, ka njoftuar dy herë aksidente tragjike të ish-deputetit Lulzim Basha, duke përdorur emrat Luiz dhe Lulzim Basha dhe, në një rast mes këtyre aksidenteve, ka bërë lajm edhe arratinë e tij nga burgu.

Gjuha e përdorur është shqipe e shkruar keq. “TRAGJEDI QË MPREH GJAKUN”?? – shkruhet me shkronja kapitale titulli pa kuptim.

Por edhe pse informacioni, si në këtë rast, është shpesh dukshëm i rremë, numri i personave që ndërveprojnë në faqe është i madh.

Për shembull, në lajmin për Bashën që u publikua më 15 janar, në 20 minuta pas postimit u bënë 18 pëlqime dhe 12 komente.

Komentuesit shpesh janë të revoltuar pasi e kuptojnë se janë gënjyer, por kjo, nga ana tjetër, e ndihmon faqen t’u shfaqet edhe më shumë personave, çka është edhe qëllimi i botuesve.

Numri i atyre që klikojnë është i pamatshëm, por ndërveprimi tregon se shumë persona e klikojnë linkun.

Këta, përpos materialit të rremë e grotesk, përballen pastaj me linqe reklamash që i dërgojnë në faqet e kompanisë që tregton kryesisht “kurat mrekullibërëse”, të cilat përgjithësisht janë pak a shumë ujë me ngjyrë apo vajra e kremra të thjeshtë të shitur shtrenjtë.

Për ta bërë skemën të besueshme, faqet që hapen janë kopjime të faqeve serioze dhe kanë format apo logo mediash të njohura.

Në një rast të ndarë nga “Jetë & Yje” uebfaqja ka vjedhur logon e “Sky News”, një media e njohur britanike. URL-të e përdorura tregojnë për hostim të lirë dhe shpesh për përdorimin e formateve blog me hostim falas.

Në faqen e rreme, lexuesit përballen me informacion shtesë tronditës. Ky zakonisht përmban emra të rremë ose të vërtetë doktorësh dhe sugjeron blerjen e ilaçeve me emra të çuditshëm.

Viktima e mundshme vihet para presionit përmes kohës që po mbaron për të fituar ofertën e të ngjashme. Produktet zakonisht janë me çmime të përballueshme, mes 3 mijë dhe 4 mijë lekë të reja.

Nëse viktima lë numrin e telefonit, ai kontaktohet për adresën, produkti dorëzohet me postë dhe i mashtruari e mëson të vërtetën vetëm pasi ka paguar. Kjo e mbyll skemën.

Përhapja e skemës në YouTube

BIRN gjeti se faqja në fjalë nuk është e vetme. Përmes postimeve të ngjashme në Facebook, gjenden edhe 3 faqe të tjera që riprodhojnë të njëjtin material, apo materiale të ngjashme dhe që të dërgojnë në faqe reklamash.

Faqet kanë emra që tingëllojnë seriozë, “Gjithçka Shqip”, “Mërgimi shqiptar” apo “Media Shqiptare”, dhe kanë dhjetëra mijëra ndjekës.

Ky grup faqesh ka disa vite që vepron dhe përbëhet kryesisht nga faqe të menaxhuara në Maqedoninë e Veriut e Shqipëri.

Për t’i bërë të besueshme, apo për t’i detyruar ndjekësit të klikojnë edhe më tej, faqet ofrojnë po ashtu linqe në video të prodhuara, po me inteligjencë artificiale dhe të publikuara në YouTube.

Me një kërkim të thjeshtë, BIRN gjeti 8 profile në YouTube që së bashku kanë rreth 350 mijë ndjekës, ndërsa kanë video që kanë marrë mbi 175 milion shikime. Përmbajtja varion nga informacioni mbi kurat e çajërat, te materiale pornografike audio apo lajme të rreme shokuese.

Video e rreme për Bashën, e publikuar më 2 janar, ka marrë 75 mijë shikime dhe ka 167 komente nga ndjekës të revoltuar.

Ndryshe nga faqet në Facebook, kanalet në YouTube që publikojnë të njëjtat materiale me zëra robotikë dhe foto, janë të vendosura në Britaninë e Madhe ose në SHBA, prej nga shikimet mund të monetizohen.

Faqet duken të lidhura për shkak të ndarjes së përmbajtjes së njëjtë, por nuk është e qartë nëse menaxhohen nga të njëjtët persona.

Ironikisht, shumica e ndjekësve të painformuar besojnë se faqet në fjalë apo kanalet në YouTube janë faqe mediatike.

Por edhe pse bien në kategorinë e lajmeve të rreme, njerëzit pas këtyre skemave nuk janë gazetarë dhe as propagandues.

Arsyeja pas titujve makabër për vdekje apo arrestime VIP-ash nuk është politika apo informimi, por komisioni financiar.

Për çdo produkt që shitet me çmimin standard prej 3900 lekësh, si në rastin në fjalë, shitësi ndan një fitim të majmë me ndërmjetësin.

I gjithë ky proces monitorohet automatikisht përmes linqeve gjurmuese dhe “cookies”, kode digjitale që i tregojnë shitësit se klienti erdhi specifikisht nga kanali i mashtruesit.

Për ta realizuar këtë, përdoren taktika teknike si maskimi i faqes reale nga robotët e sigurisë së Google/Facebook, dëshmi të rreme nga mjekë fiktivë dhe strategjia “hap dhe digj”, pra krijimi dhe fshirja në një kohë të shkurtër e faqeve./BIRN

The post Vdes Lulzim Basha dhe Xhensila Myrtezaj/ BIRN: Faqja online që po u bën “funeralin” personazheve publike për të shitur… appeared first on Albeu.com.

Si pasojë e përmbytjeve, qarkullimi është vështirësuar për banorët të cilët kanë gjetur një zgjidhje alternative, përmes lundrimit në ujë.

Dhjetëra makina janë përmbytur në rrugë, ndërsa lëvizja në këmbë është e pamundur. Një qytetar a përdorur një dërrasë sërfi.

Gjithashtu, në pamundësi të lëvizjes së prindërve, fëmijëve dhe nxënësve, mësimi është pezulluar në disa çerdhe e kopshte përkatësisht në kopshtet “Sotir Noka”, “Met Hasa”, “Neim Babameto”, “Durrësi i Ri”, “Fidanishtja”, çerdhja nr.1 dhe konvikti “Beqir Çela”.

Po kështu, procesi mësimor është pezulluar në të gjitha shkollat. Në kodrën e Currilave, janë evidentuar rrëshqitje dheu, ndërsa disa akse rrugore janë bërë të pakalueshme për shkak të reshjeve të dendura.

Rrugët problematike janë: “Mujo Ulqinaku”, “Hysen Myshketa”, “Marta Buda”, “Jahja Ballhysa”, “Kristo Sotiri”, “Glaukia”, “Vaso Pasha”,“Jeta Re”, “Vllazërimi”, “Jezerca”, “Azem Hajdari”, “Mbreti Pirro” dhe rruga “Enkelejve”

Këto rrugë ndodhen në lagjet nr. 12, 13, 14, 17 dhe 18.

Gjithashtu, ka bllokime të qarkullimit nga zona e Mauzoleumit të Dëshmorëve deri në zonën e Durrësit të Ri.

Situatë problematike paraqitet në njësinë administrative Rrashbull si dhe në Manzë, ku ura e fshatit Borç rrezikon shembjen për shkak të prurjeve të mëdha të ujit.

The post Makinat nën ujë, qytetari gjen zgjidhje, “bën Sërf” në rrugët e Durrësit appeared first on Albeu.com.

Avokatët i sugjerojnë Gjykatës Kushtetuese të caktojë një datë sa më të shpejtë në kalendar, duke e lidhur këtë kërkesë me një sërë argumentesh, mes tyre edhe dëmet që vijnë nga mungesa e kryebashkiakut në detyrë.

Kjo padi për përshpejtim vjen dy javë pasi Veliaj, i arrestuar që nga muaji shkurt, kërkoi shfuqizimin e vendimeve të gjykatave më të ulëta që aprovuan mbajtjen e tij në paraburgim.

Në Kushtetuese ende nuk është caktuar një datë, ndërkohë që më herët e njëjta gjykatë i dha të drejtë Veliajt, duke e kthyer në detyrë dhe duke shfuqizuar në këtë mënyrë vendimin e Këshillit të Ministrave.

Aktualisht, dosja penale që implikon 30 të pandehur, mes tyre edhe organizata jofitimprurëse, ka ngecur në seancë paraprake.

SPAK ka artikuluar akuza për korrupsion dhe pastrim parash, të qarkulluara sipas Prokurorisë së Posaçme pas abuzimit me fondet dhe tenderat.

Një ditë më parë, kryebashkiaku, i pranishëm në proces, përsëriti lutjen që t’i aksesonin fashikujt e hetimit dhe për këtë akuzoi drejtësinë për standarde të dyfishta, pasi ish-presidentit Meta dhe të pandehurve të tjerë u janë vënë në dispozicion materialet.

Në këtë pikë, edhe SPAK edhe mbrojtja e Veliajt i përmbahen të njëjtit vendim të Strasburgut, në precedentin Khodorkovski kundër Rusisë, ku përmendet se të pandehurve mund t’u jepen materialet me USB, një mundësi që e ofron akuza, megjithëse në Shqipëri të pandehurit i është dhënë USB-ja, por jo kompjuteri. Ndaj të dyja palët qëndrojnë te i njëjti vendim, të cilin e lexojnë sipas frontit ku ndodhen.

SPAK thotë se mjafton USB-ja, ndërsa Veliaj parashtron se, në mungesë të kompjuterit, t’i jepet fashikulli i printuar.

Dhe duke cituar të njëjtin vendim që përdor drejtësia, Veliaj vijon më tej kur kujton se Strasburgu, në këtë rast, pra në të njëjtin vendim, vlerëson si shkelje të rëndë edhe mbajtjen në kafaz xhami të të akuzuarit, ndaj sipas tij Strasburgu duhet lexuar deri në fund.

Se kush do të tërhiqet, mbetet për t’u parë nga 5 janari e në vazhdim, kur edhe do të mbahet seanca e radhës.

The post Erion Veliaj bën padi të re në Gjykatën Kushtetuese: Të shpejtohet vendimi për daljen nga burgu, kryebashkiaku mungon në detyrë appeared first on Albeu.com.

Një dëgjues në frekuencë raportoi: “DY1935 po devijon në Split për shkak të dritares së çarë dhe humbjes së presionit”.

Në Aeroportin e Splitit, situata kaloi në gjendje alarmi, ku të gjitha shërbimet e emergjencës – zjarrfikësit, ambulancat, infermierët dhe forcat e policisë – u vendosën në gatishmëri në pistë.

Për fat të mirë, pilotët arritën ta ulin avionin në mënyrë të sigurt dhe nuk pati asnjë të lënduar në bord.

Nga burime të pakonfirmuara, mësohet se ky ishte incidenti i dytë brenda të njëjtës ditë për të njëjtin avion.

Më herët, gjatë mëngjesit, avioni që operonte fluturimin DY1934 Oslo–Tiranë, ishte detyruar të devijonte në Berlin, për arsye që ende nuk janë sqaruar zyrtarisht.

Autoritetet kanë nisur hetimet për të kuptuar arsyet teknike dhe për të shqyrtuar procedurat e ndjekura gjatë këtij incidenti të dyfishtë, që ka ndodhur brenda disa orësh.

Fakte për incidentin:

Data e incidentit: 20 maj 2025

Linja ajrore: Norwegian Air Shuttle

Numri i fluturimit: DY1935

Itinerari: Nisja nga Tirana, Shqipëri – Destinacioni: Oslo, Norvegji

Regjistrimi i avionit: LN-NIP

Lloji i avionit: Boeing 737-800 /EURONEWS

The post Panik në ajër/ Çahet xhami në kabinë, avioni i linjës Tiranë–Oslo bën ulje emergjente në Kroaci appeared first on Albeu.com.

Veliaj ka theksuar se burgosja e tij është pa asnjë justifikim të arsyeshëm. Gjithashtu, ai ka shtuar se është duke u penguar që të kryej detyrat e tij si kryetar i Bashkisë Tiranë.

“Shumë të dashur miq, Sot bëhen 100 ditë nga burgimi im pa asnjë justifikim të arsyeshëm. Ndalimi im i padrejtë dhe arbitrar vazhdon, megjithëse nuk jam akuzuar për asnjë vepër penale. Si pasojë, po pengohem forcërisht nga ushtrimi i detyrave të mia si Kryetar i zgjedhur, me votë masive 3 herë, i Bashkisë së Tiranës.

Vazhdimi i këtij paraburgimi nuk përbën vetëm një sulm ndaj meje dhe familjes sime, por është edhe një ndërhyrje e panevojshme dhe joproporcionale në përmbushjen e detyrave publike, që më janë besuar nga qytetarët e Tiranës. Pavarësisht burgimit mbetem i papërkulur. Çdo ditë që kalon, ma forcon edhe më shumë vendosmërinë.

Angazhimi im ndaj Tiranës, ndaj jush, ndaj demokracisë, sundimit të ligjit dhe të ardhmes së Shqipërisë mbetet i palëkundur. Do të vazhdoj të ndjek të gjitha rrugët ligjore për të siguruar lirimin tim, në mënyrë që të vazhdoj t’i shërbej qytetit tonë të mrekullueshëm si kryebashkiaku juaj. Me mall dhe dashuri për secilin prej jush!”, shkruan Veliaj.

The post Erion Veliaj bën bilancin e 100 ditëve të para në burg: Po më sulmojnë mua dhe familjen time, ndalimi im është i padrejtë appeared first on Albeu.com.

“U premtova atyre se do e kaloja dhe do të dilja më e mirë nga kjo periudhë. Dhe e bëra,” tha 55-vjeçarja me bindje. Sot, kur sheh fëmijët e saj 17-vjeçarë më të qëndrueshëm dhe të pjekur, ajo ndjen një paqe që nuk ka ardhur lehtë.

J.Lo nuk e fsheh se ka qenë një vit i vështirë – jo vetëm për shkak të divorcit, por edhe për anulimin e turneut të saj dhe sfidat emocionale që e shoqëruan. Por ajo nuk u mbyll, përkundrazi: u përball. Me meditim, introspeksion, terapi dhe, siç thotë ajo, “një zhytje të thellë brenda vetes për të kuptuar pse disa gjëra përsëriten”.

“Jo marrëdhënia, jo burri – por mënyra si e përballon dhimbjen është ajo që të përkufizon,” thotë Jennifer. Dhe ndoshta, për herë të parë në kohë të gjatë, ajo po e përkufizon veten pa u ndikuar nga të tjerët.

E lumtur, më e qetë dhe më e vetëdijshme, J.Lo sot nuk ka nevojë për miratimin e askujt. Ajo ka gjetur paqen – dhe këtë herë, jo në një histori dashurie, por në veten e saj.

The post Jennifer Lopez flet për ndarjen me Affleck: Kisha dy arsye për të qëndruar e fortë appeared first on Albeu.com.

Kujtojmë se së bashku me partnerin e saj, Luizin, ajo ndodhet në Maldive.

Në këtë ditë speciale, artisti postoi në profilin e tij në “Instagram” disa foto, ku ai shfaqet në pamjen piktoreske të Maldiveve.

Poshtë fotove Ejlli shkroi: “Nuk ka aspak rëndësi vëndi ku je apo ku do të jesh…
Me rëndësi është se kush të qëndroj dhe vazhdon ta kesh në krah”.

The post Kiara feston ditëlindjen, Luizi i bën dedikimin special: Me rëndësi kë ke në krah (FOTO) appeared first on Albeu.com.

Gjithashtu, Karamuço deklaroi se politikanët aktivë në selinë rozë, kanë dalë zbuluar në përgjimet e ‘Sky ECC’.

Ervin Karamuço: “Përpara 10 ditësh i thash Babaramos që Sky ECC do të ketë politikanë që do të vihen në pranga, kur më tha aman. Në Sky ECC do të ketë arrestime të tjera të politikanëve, po flas të majtë, të cilët vitet e fundit janë përzierë si rasti konkret në shumë ngjarje. Politikanë aktivë të së majtës do të arrestohen. Është një vështirësi shumë e madhe për t’i konkretizuar me prova të tjera, kur të konkludohet do të arrestohen. Por ka edhe të shpejtë, mund të ndodhin edhe shpejt. Është një periudhë që është punuar dhe vetëm punuar”, shprehet ai.

The post Eksperti Ervin Karamuço bën paralajmërimin e fortë: SPAK gati të ndalojë eksponentë të lartë të Partisë Socialiste appeared first on Albeu.com.

Dajti ka depozituar një kërkesë me anë të avokatëve të tij në Gjykatën e Elbasanit, ku kërkon që të konstatohet pavlefshmëria dhe pamundësia për ekzekutimim e vendimit të Gjykatës për Krimet e Rënda të korrikut 2014, vendim me të cilin ai u la në burg përjetë.

Raportohet se Dajti pretendon se vendimi i dhënë është i pavlefshëm, për shkak se i mungojnë nënshkrimet e katër anëtarëve të trupit gjykues.

Gjithmonë sipas pretendimeve të vetë Dajtit, urdhri i ekzekutimit të prokurorit për ekzekutimin e këtij vendimi nuk ekziston.

Më datë 11 qershor të vitit 2024, Gjykata e Lartë prishi dënimin e Apelit për dënimin me 25 vite të Dajtit, duke e lënë në burg përjetë.

Më herët, Dajti i është drejtuar Gjykatës së Elbasanit, duke kërkuar lirimin nga qelia, pasi sipas tij, e ka konsumuar dënimin me 25 vite burg dhe se prej datës 17 gusht 2024, po qëndron në qeli në kundërshtim me ligjin.

The post I dënuar me burgim të përjetshëm për vrasjen e 4 policëve, Dritan Dajti bën tjetër përpjekje për lirim nga qelia appeared first on Albeu.com.

Aktori, 52 vjeç, buzëqeshi ndërsa mbante një kafe të ftohtë gjatë mbërritjes në një kostum blu dhe këmishë rozë. Ylli mbante një çantë lëkure për ditën në zyrë dhe kishte një pamje të pastër të rruar.
Kjo vjen pas lajmeve se Lopez, 55 vjeçe, është ‘e lehtësuar’ pasi mori hapin zyrtar për t’i dhënë fund martesës së saj me Affleck, në përvjetorin e dytë të dasmës së tyre në Georgia, shkruan DailyMail.

Mes lajmeve për divorcin, Ben është parë të kalojë kohë me vajzën e RFK Jr., Kick, në javët e fundit. Ai më parë ka pasur një lidhje të shkurtër me Kick, para se të rilidhej me gruan tani të ndarë, Lopez, kanë zbuluar burimet.

Burimet kanë treguar për DailyMail se Kick dhe Ben po ‘shijojnë kohën së bashku’, por shkrimtarja po qëndron ‘e mbyllur’ për lidhjen e tyre sepse nuk dëshiron të shihet si një ‘dashnore’.

‘Ben dhe Kick kishin një lidhje përpara se ai të kthehej me JLo’, filloi burimi. “Ata u njohën sepse Ben është nga Bostoni dhe kur jeton në Boston, familja Kennedy është shtëpi mbretërore”.

Burimi vazhdoi: “Pra, kur ai filloi të shoqërohej me Kick, ai mendonte se kishte hyrë në familjen Kennedy. Por ajo ishte shumë e re dhe nuk ishte gati për asgjë serioze”.

Burimi theksoi se romanca e tyre nuk ka ndodhur gjatë marrëdhënies së aktorit me Jennifer.

“Ata nuk kishin asnjë lidhje gjatë martesës së tij, por është interesante për miqtë e Kick se sa më shpejt që ndodhi ky divorc, papritmas Ben po kalon kohë me një lidhje të vjetër, të cilën ai e konsideron si mbretërore”.

Sa i përket mënyrës sesi Kick e sheh aktorin, burimi deklaroi: “Ajo mendon se ai është inteligjent dhe shumë i përshtatet stilit të saj, por po qëndron shumë e mbyllur pasi nuk dëshiron të shihet si një dashnore. Ajo nuk është një dashnore. Ajo nuk është aspak si JLo dhe dëshiron ta mbajë jetën e saj private”.

Burimi shpjegoi se Kick nuk po humb shumë kohë duke u shqetësuar për ndjenjat e Jennifer në lidhje me vendimin e Ben për t’u ribashkuar, ndërsa shtoi: “Kick është e dashur për Ben dhe ajo nuk i intereson shumë çfarë mendon JLo, sinqerisht”.

Burimi vazhdoi: “Ata po e marrin ditë pas dite, por deri tani ajo po shijon kohën me të. Ata kalojnë kohë në Beverly Hills Hotel sepse ofron një nivel privatësie për të famshmit që nuk e bën asnjë vend tjetër”.

Ndërkohë, Lopez është ‘duke bërë më mirë sa mundet’ edhe pse ‘nuk dëshironte një divorc’ nga aktori, tha një burim për People të hënën.

“Pas paraqitjes së kërkesës për divorc, duket e lehtësuar”, ndau burimi. “Familja dhe miqtë e saj bien dakord se ishte vendimi i duhur. Ajo është e rrethuar nga shumë dashuri dhe mbështetje. Ajo do të jetë mirë. Ajo është e fortë dhe gjithmonë del në krye”.

Në mënyrë të dukshme, Jennifer paraqiti vetë letrat e divorcit dhe nuk kishte avokat të listuar si përfaqësues të saj, edhe pse mund të ketë një avokat të listuar në të ardhmen. Ajo citoi ‘dallime të pakapërcyeshme’ si arsye për paraqitjen e divorcit. Edhe pse ishte ajo që paraqiti letrat, dhe Ben duket se ka vendosur të mos e bëjë, raportoi të premten që ai ishte në dijeni të planeve të saj.

The post Po shijon “beqarinë”? Ben Affleck fotografohet i buzëqeshur sapo del nga zyra appeared first on Albeu.com.