Gjithshtu ministrja përmendi edhe debatin e krijuar mes Presidencës dhe Qeverisë për aksin Vlorë -Orikum, mbi rehabilitimin e të cilës, Rama ka akuzuar kreun e shtetit se e ka bllokuar.

“Mirë do ishte të sqaronim mirëmbajtjen që nuk u bë nga FSHZH. Pra përvec faktit të mbylljes së kësaj emergjence do të merremi në një të ardhme dhe me mirëmbajtjen e kësaj rruge që është shumë e rëndësishme që u krijon akses bizneseve në këtë aks, duhet zgjidhur dhe problematika që kemi pasur me rialokimin e fondeve edhe nga bllokimi që është bërë nga Presidenca”, tha Balluku.

“Në janar të këtij viti, FSHZH mori iniciartivën për të rehabilituar këtë aks duke bërë asfaltimin e këtij segmenti me një kërkesë të saj, por fondet munguan për shkak të një zhvendosje të kredisë nga Lumi i Vlorës në këtë kontratë. Më pas para një muaji FSHZH deklaroi që fondet nuk i ka për këtë kontratë dhe u rikthye prap te ARRSH që mori inisiativën për ta bërë”, sqaroi Ergys Verdho i ARRSH.

Lidhur me rrëshqitjen në aksin rrugor Vlorë-Orikum, Balluku tha se është bërë dhe kallëzim në Prokurori.

“Ka pasur punime ilegale nga disa biznese të zonës kemi bërë kallëzime në prokurorinë e Vlorës për të marrë masat e duhura. ARRSH ka nisur me procedurën emergjente për riparimin e kësaj pjese të rrugës, pasoja të dëmshme si për trafikun si për ekonominë e zonës, është një ndërhyrje që s;ka qenë e parashikuar dhe s;duhet të ndodhte. Me rëndësi mos të kemi trafik të rënduar, kemi një plan për të hapur në mënyrë provizore bypass e Vlorës, pra trafiku do procesohet nga ai aks e ky do mbetet vetëm për trafikun e brendshëm për vizitorët që duan të aksesojnë Radhimë e Orikum, të gjithë pastaj drejt rrugës në Bypass e Vlorës.

Kjo është situatë e paprecedentë në fakt, s’kemi pasur ndërhyrje të këtij kalibri, proluroria të marrë masat e duhura se precedentë të tillë s’duhen krijuar. Në 30 ditë duam ta mbyllim ketë ndërhyrje për ta bërë të aksesueshme dhe për kontroll të këtij aksi ku ka pasur ndërtime ilegale gjatë viteve të fundit”, tha Balluku.

The post Rehabilitimi i rrugës Vlorë-Radhimë, Balluku: Punimet përfundojnë brenda 30 ditëve appeared first on Albeu.com.

“Pavarësisht se kanë zgjedhur këtë mënyrë për të operuar, kjo është një grevë e pastër në thyerje të Kodit të Punës, sepse janë arsyetuar të gjithë në të njëjtin moment, duke deklaruar paaftësi. Unë e kuptoj Sali Berishën, sepse e gjitha kjo është një organizim i mirëfilltë politik, në një moment fushate. Për shkak të fushatës elektorale dhe për shkak të të gjitha skemave politike, që po aplikohen, sot në aeroportin e Rinasit nuk do të vijnë dot vaksina, që do të vinin sot pasdite. Sot në Aeroportin e Rinasit, për shkak të kësaj fushate, brenda fushatës elektorale për të nxirë faqen e Shqipërisë, për të prishur imazhin, po ndodh dhe diçka tjetër, po afektohet e gjithë shoqëria.

Sot nëse dikush që është i sëmurë, dhe duhet të kthehet në shtëpi, s’mund të kthehet, se kontrollorët janë të mërzitur se paga e tyre është 2 mijë e 490 dollarë. Një që ka vdekur, e do të varroset këtu, sepse nuk do Sali Berisha, që ka përdorur një gjuhë ekstremisht të ashpër, duke gëzuar gjithmonë në probleme që ky has. Çudi e madhe si ushqehet me këtë gjë. Sidomos për dezinformimet e shpifjet e mashtrimet, qytetari dixhital, kontrollori dixhital.

Ne ndërkohë, do i kërkoja Metës që edhe i ka takuar kontrollorët edhe ka kërkuar informacion nga Albcontrol, dhe ia ka dërguar Presidentit, që të shprehet sot publikisht për këtë situatë. A mundet shteti të kompensojë kontrollorët kur nuk ka pasur kurrë involvim financiar, a mundet sot shteti, Meta i ka të gjitha të dhënat, i ka edhe pagat para 2020, edhe sot. A mundet shteti të kapet peng nga një grup njerëzish që të kërkojnë të marrin 15 rroga sa ç’merr një shqiptar? 4 mijë e 400 dollarë, për një person, do të ishin njësoj sa 14 shqiptarë. Dikush mbrëmë gjatë negociatave kishte thënë, por 60 jemi ne nuk u bë nami. Jo, ju doni sa 600 shqiptarë. A mendon Meta se duhet të bllokohet trafiku ajror, e mos vijnë vaksina, e mos lëvizë askush, as ata për të ikur, as ata për t’u larguar. As të sëmurët. A duhet vallë vendi të kapet peng. Ky është grusht shteti, nga disa persona që janë të pakënaqur me pagën 2 mijë e 490 dollarë. Dhe nëse nuk ja bëjnë 4 mijë e 400 dollarë mbajnë vendin peng”,– tha Balluku.

The post Balluku i vë fajin Berishës për grevën në Rinas: Ky është grusht shteti appeared first on Albeu.com.