Në reagimin e tij, Këlliçi shprehet se Rama po “ushqen elegjinë” për Ballukun, edhe pse sipas tij ndaj saj rëndojnë akuza të rënda për abuzime me tendera, duke përmendur shifrën 1.1 miliardë euro në 11 procedura.

“Si ka mundësi që ranë të gjitha parimet për përgjegjësi personale dhe mosavokati kur ka probleme me drejtësinë?”, pyet deputeti demokrat, duke e akuzuar Ramën për standard të dyfishtë krahasuar me raste të tjera të ish-zyrtarëve që janë hetuar nga drejtësia.

Ai aludon se qëndrimi i kryeministrit nuk ka asgjë njerëzore apo sentimentale, por është, sipas tij, pasojë e një lidhjeje të fortë politike dhe interesash të përbashkëta.

Sipas Këlliçit, Rama po konfirmon publikisht se është i “kapur” nga Balluku, e cila po hetohet nga SPAK, dhe se kjo ndërvarësi po manifestohet hapur para qytetarëve.

Deputeti i PD-së shkon më tej duke pretenduar se fuqia e Ballukut buron nga përfshirja e vetë kryeministrit në aferat që po hetohen, ndërsa shton se kriza politike dhe institucionale në vend po thellohet.

“Ikja e Ballukut, pa Ramën, vetëm e thellon krizën”, shkruan Këlliçi, duke theksuar se largimi i kryeministrit është, sipas tij, e vetmja rrugë për të dalë nga situata aktuale.

The post Belind Këlliçi: Rama i “nënshtruar” ndaj Ballukut, vendi në krizë nga korrupsioni appeared first on Albeu.com.

Por më tej, deputeti demokrat paralajmëroi forcat e rendit, teksa tha se çdo reagim dhe dhunim ndaj qytetarëve protestues, do të marrë përgjigjen e tyre.

“Nuk kemi për qëllim, tendencë apo objektiv të cenojmë as edhe një oficer të rendit publik, as edhe t’i cenohet fija e flokut as edhe një zyrtari të Policisë së Shtetit, por çdo reagim dhe dhunim ndaj qytetarëve protestues do të ketë pa diskutim edhe përgjigjen proporcionale nga ana jonë”, shtoi Këlliçi.

Sa i përket protestës, ligjvënësi tha se është bashkimi i qytetarëve që janë kundër korrupsionit, hajdutërisë dhe vjedhjeve të qeverisë.

“Është protesta e radhës që është njoftuar nga ana e Partisë Demokratike për një kauzë që bën bashkë demokratë, socialistë, qytetarë të ndershëm me apo pa parti kundër korrupsionit, hajdutërisë dhe kundër vjedhjeve të përditshme që i bëhen xhepave të qytetarëve shqiptarë dhe buxhetit të shtetit nga ana e kryeministrit Edi Rama dhe e bandës që ai ka sot në qeveri”, tha ai.

The post Në nisje të Belind Këlliçi Belind Këlliçi paralajmëron policinë: Çdo veprim i dhunshëm, do të marrë përgjigjen tonë appeared first on Albeu.com.

Ende nuk dihen arsyet e paraqitjes së tij në SPAK por pritet në zbardhen në vijim.

Këlliçi është paraqitur edhe më herët në SPAK. Hera e fundit ka qenë në shtator 2025, ku u pyet lidhur me kallëzimet që ai ka depozituar pranë Prokurorisë së Posaçme.

Ai ka depozituar disa padi në SPAK për abuzime sipas tij në Bashkinë e Tiranës.

Këlliçi ishte ndër denoncuesit e parë sa i takon aferës “5D”, duke çuar më pas në arrestimin e ish-zyrtarëve të Bashkisë.

The post Belind Këlliçi paraqitet në SPAK appeared first on Albeu.com.

Këlliçi i ka quajtur pretendimet të pavërteta dhe të paqena, duke theksuar se një komunikim i tillë është “objektivisht dhe ligjërisht i pamundur”.

Sipas tij, protestat para Bashkisë së Tiranës nisën më 5 prill 2024, ndërkohë që Berberi ndodhej në paraburgim që prej 14 marsit 2024, nën një regjim strikt komunikimi të parashikuar nga Kodi i Procedurës Penale dhe rregullorja e institucioneve të vuajtjes së dënimit.

“Evis Berberi ka qenë i arrestuar dhe në paraburgim që prej datës 14 mars 2024, nën regjimin e kufizuar të komunikimit sipas Kodit të Procedurës Penale dhe rregullores së paraburgimit. Në këtë periudhë, ai nuk ka pasur akses në komunikime të lira telefonike, elektronike apo takime fizike, përveç atyre të autorizuara dhe të dokumentuara zyrtarisht.
Prandaj, është objektivisht dhe ligjërisht e pamundur që një komunikim i tillë të ketë ekzistuar,” deklaron Këlliçi.

Këlliçi e cilëson akuzën si “shpifje të qëllimshme”, të cilën thotë se do ta ndjekë në rrugë ligjore.

Reagimi i Belind Këlliçit:

Në kulmin e hetimeve për aferën korruptive Rama–Balluku, është hedhur publikisht një pretendim i pavërtetë sikur ekzistojnë komunikime mes meje dhe ish-drejtorit të ARRSH-së, Evis Berberi, në lidhje me organizimin e protestave para Bashkisë Tiranë.

Faktet janë të qarta dhe publikisht të verifikueshme: Protesta e parë para Bashkisë është zhvilluar më 5 prill 2024, pas arrestimit të drejtorëve të 5D më 28 mars 2024, ndërkohë që Evis Berberi ka qenë i arrestuar dhe në paraburgim që prej datës 14 mars 2024, nën regjimin e kufizuar të komunikimit sipas Kodit të Procedurës Penale dhe rregullores së paraburgimit.

Në këtë periudhë, ai nuk ka pasur akses në komunikime të lira telefonike, elektronike apo takime fizike, përveç atyre të autorizuara dhe të dokumentuara zyrtarisht.

Prandaj, është objektivisht dhe ligjërisht e pamundur që një komunikim i tillë të ketë ekzistuar.

Çdo hetim i thjeshtë zyrtar nga SPAK ose çdo media investigative mund të verifikojë lehtësisht regjistrat e komunikimeve, autorizimet e takimeve, si dhe protokollet e kontakteve të paraburgimit dhe të konstatojë jo vetëm mungesën e komunikimit, por edhe pamundësinë fizike e juridike të ndodhjes së tij.

Personalisht nuk jam pjesë e konflikteve të brendshme të asnjë partie, nuk përdor kanale të ndërmjetme komunikimi dhe nuk jam instrument në luftëra politike apo propagandistike.

Për këtë arsye, nuk do ta trajtoj këtë çështje si debat publik, por si shpifje të qëllimshme, që do ta ndjek në rrugë ligjore sipas neneve të Kodit Penal.

Ftoj çdo media serioze, gazetar investigativ apo institucion të hedhë dritë mbi faktet dhe të publikojë çdo komunikim të pretenduar, nëse ekziston.

Kjo çështje nuk është thjesht një tentativë për baltosje personale. Është simptomë e një kulture politike që ka ndërtuar sistemin mbi shpifjen, jo mbi provën. Mbi llumin, jo mbi transparencën e ligjin.

Unë nuk jam këtu për ta ushqyer këtë kulturë, por për ta sfiduar atë, me fakte, me standarde dhe me përgjegjësi publike. Ky është terreni ku unë zgjedh të bëj politikë e të luftoj.

The post “Shpifje të qëllimshme”/ Belind Këlliçi mohon komunikimet me ish-kreun e ARRSH: Evis Berberi ishte arrestuar kur nisën protestat për Veliajn appeared first on Albeu.com.

“Ky është lajm shumë i mirë për të gjithë qytetarët e Tiranës që forcat politike kanë një lloj konsensusi për të dalë me një emër, i cili mund të përballet në ditën më të parë me Ogerta Manastirliun”, u shpreh ai.

Këlliçi shtoi se janë diskutuar emra të përveçëm, por që nuk do ta bëjë publike, duke theksuar se ka edhe dakordësinë e PD-së.

“Të kemi një kandidaturë që të bëjë ndryshimin në Tiranë”, përfundoi Këlliçi.

Belind Këlliçi: Ishte një takim shumë pozitiv e produktiv, kemi rëndë dakord për një kandidaturë që duhet të unifikojë të gjithë spektrin opozitar. Ky është lajm shumë i mirë për të gjithë qytetarët e Tiranës që forcat politike kanë një lloj konsensusi për të dalë me një emër, i cili mund të përballet në ditën më të parë me Ogerta Manastirliun, kandidaten që simbolizon COVID dhe vdekjen në kryeqytet e ta mposhtim.

Kemi diskutuar emra të përveçëm, kemi rakorduar sa i përket profilit që do të duhet të kemi për një kandidat.

Unë s’kam ndërmend të dal me emra konkret ditën e sotme. Do të shqyrtojmë çdo propozim e emër.

Ky emër a e ka dakordësinë tuaj?

Ky emër ka marrë OK nga ana jonë për t’u shqyrtuar, do ta shqyrtojmë në ditët në vijim sepse edhe koha nuk pret. Do ia bëjmë me dije publikut, të kemi një kandidaturë që të bëjë ndryshimin në Tiranë.

The post A ka një emër PD si kandidaturë për Bashkinë Tiranë, Belind Këlliçi: Ja për çfarë jemi dakordësuar appeared first on Albeu.com.

Mësohet se Këlliçi, është paraqitur për t’u pyetur lidhur me kallëzimet që ai ka depozituar pranë Prokurorisë së Posaçme.

Anëtari i Kryesisë së PD ka depozituar disa padi në SPAK, për abuzime sipas tij në Bashkinë e Tiranës.

Këlliçi ishte ndër denoncuesit e parë sa i takon aferës “5D”, duke çuar më pas në arrestimin e ish-zyrtarëve të Bashkisë.

Në gjyqin për ish-drejtorët e bashkisë janë disa dëshmitarë mes të cilëve Arbjan Mazniku, Dritan Kadiu, Gazment Haxhia etj.

The post Belind Këlliçi paraqitet në SPAK appeared first on Albeu.com.

Duke iu referuar investigimit të “Piranjave”, Këlliçi thekson se njëri nga drejtorët e “5D”-së prej vitesh ka ngritur një skemë për të vjedhur arkën e buxhetit të Bashkisë Tiranë.

Këlliçi nënvizon se hapësirat publike janë kthyer në mall tregu, taksat janë përdorur si armë shantazhi dhe zarfet nën dorë janë bërë ligji i heshtur i inspektorëve bashkiakë.

REAGIMI I KËLLIÇIT

“Rilindja 2.0 e pompuar gjatë muajve të verës nga kryeministri, rezulton të jetë thjeshtë një upgrade i skemës 5D!
Rrjeti i korrupsionit në Bashkinë e Tiranës, sapo çeli kapitujt e ri!

Arli Naska, një ndër drejtorët e 5D, i amnistuar nga “heronjtë e fëmijëve tanë”, na befasoi mbrëmë me skemën e ngritur në vite prej tij, për të vjedhur arkën e buxhetit të Bashkisë Tiranë!

Pamjet dhe materiali audio i publikuar në emisionin “Piranjat” në Syri TV, tregojnë qartë atë që kryeqytetasit e kanë ndjerë çdo ditë: hapësirat publike janë kthyer në mall tregu, taksat janë përdorur si armë shantazhi dhe zarfet nën dorë janë bërë ligji i heshtur i inspektorëve bashkiakë.

Në qendër të kësaj skeme korruptive që ka lulëzuar për 9 vite me radhë qëndron Arli Naska, tashmë ish-drejtues i Drejtorisë së Taksave dhe Tarifave Vendore në Bashkinë Tiranë. Pikërisht aty ku duhej të mblidheshin të ardhurat për shërbime publike, u ngrit një arkë paralele e ryshfeteve dhe favoreve në këmbim të votave!

Kjo nuk është thjesht një aferë zyrtarësh të vegjël, apo inspektorësh të korruptuar. Ky është një mekanizëm i ndërtuar me qëllim për të kapur paratë e qytetarëve, për të dhunuar hapësirat tona publike dhe për të vjedhur të ardhurat e bashkisë Tiranë.

Kjo skemë duhet të shembet deri në themel dhe Bashkia Tiranë duhet çliruar përfundimisht nga këta banditë ordinerë.

Përgjegjësit duhet të japin llogari para drejtësisë”, shkruan Këlliçi.

The post Rrjeti i korrupsionit në Bashkinë e Tiranës/ Këlliçi: Drejtori i “5D”-së vjedh arkën e buxhetit. EMRI appeared first on Albeu.com.

Sipas Këlliçit, informacione të sigurta pranë Partisë Demokratike konfirmojnë se rrjeti i ambulancave publike do të përdoren si mjet për shpërndarjen e parave me qëllim blerjen e votave.

Demokrati u bën apel SPAK që të vendosë në lëvizje Task-Forcën e zgjedhjeve, ndërkohë që një thirrje e ka dhe për drejtorët e spitaleve të cilëve u kërkon që të mos bëhen palë në këtë shkelje flagrante të ligjit.

“U bëjmë thirrje drejtorëve të spitaleve, përgjegjësve të rrjetit të ambulancave, që të mos përfshihen në këtë shkelje të hapur të ligjit, sepse do të listohen si terroristë elektoralë dhe do të përgjigjen një më një”, tha Këlliçi.

Deklarata e plotë:

Informacione të sigurta të mbërritura në adresë të Partisë Demokratike, konfirmojnë se rrjeti i ambulancave të spitaleve publike të Tiranës do të kthehet sonte në karvan elektoral, duke shpërndarë para për blerjen e votave.

Patronazhistët e Edi Ramës do të lëshohen sonte rrugëve duke përdorur mjetet e transportit të pacientëve dhe të sëmurëve si bankomate për blerjen e vullnetit të zgjedhësve.

I bëjmë thirrje SPAK që të vërë në lëvizje Task Forcën e zgjedhjeve. Toma në Shkodër është vetëm nxënësi i Edit në Tiranë.

U bëjmë thirrje drejtorëve të spitaleve, përgjegjësve të rrjetit të ambulancave, që të mos përfshihen në këtë shkelje të hapur të ligjit, sepse do të listohen si terroristë elektoralë dhe do të përgjigjen një më një.

Ne përsërisim edhe njëherë mesazhin e qartë të Rezolutës së Partisë Popullore Europiane se, nëse makineria shtetërore ndërhyn në zgjedhje, rruga e integrimit të Shqipërisë ndalet.

Kush vjedh zgjedhjet e ka të shkruar qartë fatin në Uashington, Bruksel dhe Berlin! Ju faleminderit.

The post Belind Këlliçi bën deklaratën e fortë nga selia blu: Sot, do të shpërndahen para përmes ambulancave! SPAK të vihet në lëvizje appeared first on Albeu.com.

‘Thirrje publike banditit elektoral Arben Maloku! Ndal presionet në Kasallë dhe Zall Herr. Do mbash përgjegjësi penale dhe ligjore për çdo presion dhe votë të tjetërsuar!’, shkruan Këlliçi në Facebook.

Reagimi i plotë:

Thirrje publike banditit elektoral Arben Maloku!

Ndal presionet në Kasallë dhe Zall Herr. Do mbash përgjegjësi penale dhe ligjore për çdo presion dhe votë të tjetërsuar!

Demokratët nuk ta falin terrorin dhe vjedhjen e votës!

The post Belind Këlliçi mesazh Arben Malokut: Ndalo presionet në Kasallë dhe Zall Herr, demokratët nuk ta falin… appeared first on Albeu.com.

Këlliçi: Fytyra e vërtetë e Edi Ramës dhe Arben Malokut. Kjo është gjendja në Kasallë, ngjitur me shkollën. Bashkë me mësimet e matematikës apo gjuhë-leximit, nxënësit duhet të marrin edhe helmet e plehrave.

Kjo është pasaporta shqiptare e vitit 2025, ku fëmijët rriten dhe shkollohen në gjendje skandaloze, rruga mungon dhe ambulanca e fshatit është në mjerim. Ka një zgjidhje për t’i dhënë fund kësaj batërdie. Më 11 maj, të ndëshkojmë Edi Ramën me votë dhe të sjellim ndryshimin!

The post Belind Këlliçi: Pasaporta e Ramës gjendja skandaloze në shkolla mes plehrave, në 11 maj duhet ndëshkim dhe ndryshim appeared first on Albeu.com.