Anna Shkreli u shpreh se marrëdhënia me Belindin ka kaluar në provën e durimit, të pritjes, dhe është konsoliduar gjithnjë e më shumë.

Ishte pikërisht distanca për shkak të studimeve të saj në Itali, e më tej, masteri në Angli, një prej momenteve që provoi se sa e fortë dhe rezistente ishte ajo çka të dy kishin për njëri-tjetrin.

Anna dhe Belindi, e pranuan se ajo çfarë i mbante bashkë ishte e fuqishme, dhe ja ku janë sot, në një lidhje 10-vjeçare.

Duke u ndalur në angazhimin e Këlliçit në fushatën zgjedhore, si kandidat për Bashkinë e Tiranës, Anna u shpreh se ajo është shfaqur në krah të tij në këtë garë, për shkak se i beson çdo gjëje që ai e thotë, dhe asaj që bën.

Anna Shkreli u shpreh se një nga pikat që vlerëson më shumë tek programi i Belindit, është ajo për biznesin e vogël, ulja e taksave e tarifave, si një mundësi që këto sipërmarrje të mbijetojnë e të zhvillohen më tej.

Anna ka një shtëpi të vogël botuese, dhe ka pasion trashëgiminë kulturore dhe historikun e qytetit.

Ajo theksoi se nëse çdo gjë ndryshon, e asgjë nuk ruhet, atëherë cënohet përkatësia jonë, ajo çfarë na mban të lidhur me një qytet, e me një vend.

Belind Këlliçi u shpreh se ai ka një program me 5 pika që adresojnë problemet kryesore të qytetit dhe që ofrojnë zgjidhje për zbutjen e kostos së rënduar të jetesës, apo trafikut torturues.

Ai tha se është një njeri normal, një nga djemtë e qytetit, që e do Tiranën dhe dëshiron e është i përkushtuar ta shohë të zhvilluar.

The post Anna Shkreli: Jam në krah të Belindit sepse i besoj në atë që bën dhe thotë, ja cila pikë e programit më pëlqen më shumë appeared first on Albeu.com.

7 kandidatë të Partisë Demokratike garojnë me njëri tjetrin për fitoren e tyre vetëm në Bashkinë e Tiranës.

Deputetët kanë dorëzuar të gjitha dokumentacionet e nevojshme ndërkohë deri më 13 nëntor, është koha që i jepet në dispozicion, Kryesisë dhe Këshillit Kombëtar të Partisë Demokratike, për të filtruar të gjithë kandidaturat.

7 kandidatët e Partisë Demokratike për primaret në Bashkinë Tiranë janë:

Adriana Kalaja
Belind Këlliçi
Enkelejda Fejzo
Fatmir Merkoci
Gerti Bogdani
Ilir Alimehmeti
Julian Deda

3 dhjetori është koha e parashikuar në vendimin e Kryesisë së Partisë Demokratike, si koha e fushatës, ndërsa më 4 dhjetor, demokratët dhe simpatizantët e PD-së mund të votojnë për kandidatët./albeu.com

The post Primaret e PD-së, kush nga kandidatët do të fitojë garën për Bashkinë e Tiranës? appeared first on Albeu.com.

Belind Këlliçi: Mbërritja në këtë vendim ka ardhur pas konsultave të përditshme me banorë të Tiranës. Ky vendim u arrit për disa arsye: Tirana ka nevojë dramatike për ndryshim. Veliaj e ka dëmtuar rëndë qytetin. Tirana nuk ngjason me asnjë vend në vendet fqinje, bëhen çdo ditë e më shumë më ndotje dhe kaotike. Për 8 vite ajo humbi historinë e saj për shkak të mafias së betonit. Të rinjve iu duhen 3 jetë për të blerë një apartament.

Veliaj është i vetmi njeri që mund të ketë konkurruar Ramën për abuzim me detyrën, prezanton anën më të errët të Rilindjes. Ai dhe model ii tij antivlerë duhet larguar sa më parë.

Ecuria ime është vetëm përmes votës dhe zgjedhjeve të lira. Unë e njoh verdiktin e votës së lirë.

Mua nuk më lidh asnjë me këtë model të neveritshëm, unë kam vetëm një fytyrë dhe për ato që më njohin dhe për ata që nuk më njohin. I hyj kjësaj gare sepse jam i kundërti i Veliajt, nuk jam peng i askujt që mbi kokë mund t’i tunden dosje abuzimesh. Synimi im është që të fitoj mbështetjen e demokratëve për t’i dalë para.

The post Zyrtarizoi kandidaturën për Bashkinë e Tiranës, Këlliçi: Për 8 vite kryeqyteti humbi historinë për shkak të mafias së betonit appeared first on Albeu.com.