‘Ndjeva diçka pas një rivënie të gjatë të topit, mendova se ishte vetëm tension muskular në bicepsin femoral pas shumë lëshimeve. Më pas ndjeva një përkeqësim, u ula për t’u vizituar nga mjeku-tha Courtois-doja të vazhdoja, por nuk ia dilja dot të shkelmoja mirë topin. Trajneri më tha se nëse nuk isha në 100% do të më zëvendësova. I thashë se nuk isha mirë, por doja ta tentoja edhe njëherë. Mendove se duke evituar rivëniet e gjata do të mund të vazhdoja. Por, është mirë kështu, nëse trajneri do një lojtar në 100% të formës është e drejtë që të jetë kështu’.

Në vendin e tij hyri Senne Lammens që u bë menjëherë protagonist negativ me kthimin e shkurtër të topit nga ana e tij që solli golin vendimtar të Merinos, por Courtois e mbrojti zëvendësin e tij.

‘Kështu është futbolli, nuk është e nevojshme të kryqëzosh atë djalë, është një portier i shkëlqyer që ka bërë një sezon fantastik te Manchester United dhe nuk e meriton këtë’, -shtoi Courtois

Ndërkaq, në Belgjikë kanë filluar të bëhen kritika të ashpra në drejtim të trajnerit Rudi Garcia. Ish trajneri i Napolit dhe Romës u shënjestrua nga opinionistët dhe komentatorët për gabimin me zëvendësimin e Courtois dhe për menaxhimin e burimeve të skuadrës, duke përfshirë këtu edhe formacionin titullar që ishte ndryshuar në krahasim me ndeshjen ndaj SHBA me Garcian që kishte aktivizuar në mënyrë surprizë Witsel.

A do të mjaftojë alibia e dëmtimeve për francezin që të qëndrojë në pankinën e Belgjikës? Arritja e çerekfinaleve të Botërorit është një rezultat që e favorizon, por Federata Belge mund të shohë sërish vërdallë, pas pak më shumë se një vit që nga ndryshimi i fundit në pankinën e Red Devils.

The post Belgjika, eliminim dhe polemika, Courtois: Doja të qëndroja në fushë appeared first on Albeu.com.

Ekipi iberik kaloi i pari në avantazh në minutën e 30-të, kur Fabian Ruiz, mesfushori spanjoll i PSG-së, dërgoi topin në rrjetë.

Reagimi i Belgjikës erdhi shpejt dhe pas vetëm 11 minutash Charles De Ketelaere riktheu ekuilibrin, duke barazuar shifrat në 1-1.

Kur gjithçka po shkonte drejt shtesës, Luis de la Fuente përsëriti zgjedhjen që bëri edhe kundër Portugalisë, duke hedhur në fushë Mikel Merinon. Ishte pikërisht ai që realizoi golin vendimtar ndaj Belgjikës, njësoj siç kishte bërë edhe përballë portugezëve.

Me këtë rezultat, Belgjika i jep fund rrugëtimit në Kupën e Botës, ndërsa Spanja avancon më tej dhe në gjysmëfinale do të përballet me Francën e Mbappe dhe Olise, në një sfidë titanësh.

The post VIDEO/ Merino vendos sërish për Spanjën, Belgjika bie 2-1 dhe “Furia e Kuqe” siguron duelin me Francën në gjysmëfinale appeared first on Albeu.com.

Pavarësisht vapës së madhe prej 30 gradësh, të dyja skuadrat e nisën ndeshjen në sulm, duke dhuruar emocione të forta.

Ky barazim bën që Belgjika të ketë humbur vetëm një nga 16 ndeshjet e fundit në fazën e grupeve të Kupës së Botës (8 fitore, 7 barazime). Ndërkohë, edhe pse Egjipti nuk arriti të regjistronte ndeshjen e pestë pa pësuar gol në gjashtë takimet e fundit, kjo paraqitje jep arsye për optimizëm për një nga përfaqësueset më të forta të futbollit afrikan.

Goli i Ashur në minutën e 19-të dhe autogoli i Hanit në minutën e 66-të vulosën këtë përballje.

AUTOGOLI I HANIT: VIDEO 

GOLI I ASHUR: VIDEO 

The post VIDEO/ Belgjika dhe Egjipti ndajnë pikët appeared first on Albeu.com.

Transporti publik mbeti shumë i prekur, megjithëse më shumë tramvaje, autobusë dhe trena ishin në qarkullim sesa në ditët e mëparshme. Sektori i arsimit do të përjetojë gjithashtu ndërprerje të vazhdueshme, me disa mësues që do të bëjnë grevë për të dytën ditë radhazi.

Dy aeroportet kryesore të Belgjikës po përjetojnë ndërprerje të konsiderueshme. Asnjë fluturim nuk do të niset ose mbërrijë në Aeroportin e Charleroi, ndërsa Aeroporti i Brukselit ka anuluar të gjitha nisjet dhe pret probleme të mundshme edhe me fluturimet hyrëse.

“Për shkak të ditës kombëtare të veprimit të planifikuar për të mërkurën, më 26 nëntor, nga një front i bashkuar i sindikatave dhe mungesës së stafit në dispozicion për të siguruar operacione të sigurta, Aeroporti i Charleroi nuk do të jetë në gjendje të operojë nisjet dhe mbërritjet e planifikuara”, shkroi në një deklaratë aeroporti i dytë më i ngarkuar i kryeqytetit belg.

Portet në Flandër u përballën gjithashtu me probleme operacionale, sipas agjencisë së lajmeve Belga, me dhjetëra anije që nuk mund të hynin ose të dilnin nga portet e Antwerpit, Ghentit dhe Zeebrugges.

The post Belgjika në ditën e 3-të të grevës, vijon ndërprerja e shërbimeve dhe transportit appeared first on Albeu.com.

Këtë të hënë, Belgjika ka hyrë në ditën e parë të një greve të gjerë tre-ditore, e cila pritet të paralizojë transportin, shërbimet publike dhe sektorin privat, në shenjë proteste ndaj reformave fiskale të qeverisë së kryeministrit Bart De Wever.

Sindikatat e kanë cilësuar paketën e masave si një “shkatërrim të shtetit të mirëqenies”, duke akuzuar qeverinë se po i ngarkon qytetarët me koston e shtrëngimeve buxhetore.

Që prej së dielës, kompania publike hekurudhore SNCB ka ulur në minimum shërbimet, ndërsa sot vetëm një në dy ose tre trena është në funksion.

Edhe pjesa tjetër e transportit publik është paralizuar, ndërsa linjat Eurostar që lidhin Brukselin me Parisin pritet të preken ndjeshëm. Të martën greva do të shtrihet në shkolla, çerdhe, poste, shërbime të mbledhjes së mbeturinave dhe në një pjesë të madhe të sistemit shëndetësor.

Transporti publik do të vazhdojë të funksionojë me ndërprerje.

Kulmi i mobilizimit pritet të mërkurën, kur do të bashkohen edhe sektorët kryesorë të ekonomisë private.

Aeroportet e Brukselit dhe Charleroit paralajmërojnë se nuk do të ketë nisje të fluturimeve, për shkak të grevës së stafit tokësor dhe personelit të sigurisë. Edhe mbërritjet do të preken rëndë.

Qeveria e qendrës së djathtë, ka njoftuar masa shtrënguese që synojnë kursimin e 10 miliardë eurove deri në vitin 2030, në një kohë kur Belgjika është ndër vendet më të borxhlira të Bashkimit Evropian dhe përballet me kërkesat e BE-së për të respektuar rregullat e deficitit dhe borxhit.

Në të njëjtën kohë, vendi duhet të rrisë ndjeshëm shpenzimet ushtarake sipas angazhimeve të NATO-s.

Protestat kundër reformave janë intensifikuar muajt e fundit. Në tetor, rreth 100,000 njerëz marshuan në Bruksel kundër paketës së qeverisë, ndërsa vala e re e grevave tregon rritjen e presionit ndaj kabinetit De Wever. Në ditët në vijim, Belgjika përballet me paralizën më të madhe sindikale të viteve të fundit.

The post Belgjika paralizohet nga greva/ Ndalen trenat , mbyllen aeroportet, shërbimet publike në kolaps appeared first on Albeu.com.

Në media u raportua se biseda e takimeve do të përqendrohet në mundësinë e marrjes me qira ose ndërtimin e një burgu në njërin prej këtyre shteteve.

Ndërkaq, sot, presidentja e vendit, Vjosa Osmani ka pritur në vizitë dy ministret belge, atë të Drejtësisë, Annelies Verlinden si dhe ministren e Azilit dhe të Migrimit, Anneleen Van Bossuyt.
Ndryshe, Kosova ka një marrëveshje për dhënien me qira të qelive me Danimarkën. Të burgosurit e parë nga ky shtet priten të vendosen në burgun e qytetit të Gjilanit në prill të vitit 2027.

Marrëveshja dhjetëvjeçare parasheh shfrytëzimin e Institucionit Korrektues në Gjilan për dërgimin e 300 të burgosurve nga shteti danez.

The post Belgjika synon marrëveshje me Kosovën për burgje, presidentja Osmani takon ministren e Drejtësisë dhe atë të Azilit appeared first on Albeu.com.

“Përmes kësaj iniciative, ne vazhdojmë të mbështesim të drejtën ndërkombëtare, veçanërisht të drejtën e vetëvendosjes së popujve”, tha kryeministri belg Bart De Wever dje, në Nju Jork në një konferencë mbi konfliktin në Lindjen e Mesme të thirrur nga Franca dhe Arabia Saudite.

Takimi, i zhvilluar një ditë para fillimit të javës së debatit të nivelit të lartë në Asamblenë e Përgjithshme të OKB-së, synonte t’i jepte një vrull të ri zgjidhjes me dy shtete – e cila parashikon që Izraeli dhe një shtet palestinez i pavarur dhe demokratik të jetojnë në paqe krah për krah.

Konferenca synon të rrisë presionin mbi Izraelin për t’u angazhuar në negociata.

“Zgjidhja me dy shtete nuk ka “vdekur”, është e dëmtuar, por mund të ringjallet dhe duhet të jetë për hir të të dy popujve”, tha De Wever.

Disa vende të mëdha perëndimore, kanë njoftuar kohët e fundit qëllimin e tyre për të njohur shtetësinë palestineze. Rreth 150 vende në mbarë botën e kanë marrë këtë vendim.

The post Belgjika njeh zyrtarisht shtetin palestinez appeared first on Albeu.com.

Për mua është çudi se si Kurtua vendos kur të largohet dhe kur të rikthehet në Kombëtare. Nuk kam asgjë kundër tij, por më shumë mendoj se ka faj Federata”.

Deklarata e fortë është e Koen Kastels, i cili është tërhequr nga Belgjika edhe pse prej 2023-it ka qenë portieri i parë i “Djajve të kuq”.

Kastels në një intervistë në podcast-in “MidMid” ka pranuar se me largimin e Domeniko Tedeskos nga pankina e Kombëtares belge situata ka ndryshuar.

Ai ka dhënë dorëhqejen pasi ka mësuar se Federata Belge i ka lejuar Rudi Garsias që të grumbullojë portierin e Realit. Siç dihet ky i fundit u zu me Tedeskon në 2023-in pasi nuk pranoi që ti përgjigjej thirrjes të bërë nga Federata.

The post Belgjika në kaos, Kastels jep dorëheqjen dhe akuzon Federatën: Po i shtron tapetin e kuq Kurtuasë! appeared first on Albeu.com.

Ministri i Shëndetësisë, Frank Vandenbrouck në një intervistë tha se cigaret elektronike të disponueshme janë një produkt i ri që është krijuar thjesht për të tërhequr konsumatorë të rinj.

SHBA shpall 9 janarin ditë zie kombëtare për ish-presidentin Jimmy Carter.

“Cigaret elektronike shpesh përmbajnë nikotinë. Nikotina është e varur dhe e dëmshme për shëndetin tuaj. Këto janë fakte”, është shprehur ai.

“Ata krijojnë mbetje kimike të rrezikshme,” pasi njerëzit thjesht i hedhin në plehra, shpjegoi ai.

The post Belgjika ndalon shitjen e cigareve elektronike nga 1 janari appeared first on Albeu.com.

Shkelja e ndalimit dënohet me gjobë prej 2000 deri në 800000 euro dhe mund të dënohet edhe me burg deri në një vit.

Sipas Shërbimit Federal të Shëndetit Publik, vendimi i referohet cigareve, purove, cigareve elektronike, si dhe filtrave e letrës për përgatitjen e tyre. Synimi i qeverisë është që ta bëjë duhanin më pak tërheqës, veçanërisht për të rinjtë.

Gjithashtu, duhani do të ndalohet edhe në më shumë vende nga viti 2025, në kuadër të fushatës së qeverisë për zhdukjen e tij.

VapBel, Federata belge e Shitësve me pakicë të cigareve elektronike, ose të ashtuquajturat cigare vape, shprehu zhgënjimin e saj me vendimin e qeverisë.

VapBel deklaroi se dyqanet e specializuara kanë rolin e tyre, sepse kontrollojnë efektivisht moshën e klientëve dhe informojnë duhanpirësit e rritur për produktet vape, si një mjet për të ndihmuar në lënien e duhanit.

Kjo Federatë u bëri thirrje autoriteteve që të bëjnë një përjashtim kur bëhet fjalë për dyqanet e specializuara të cigareve elektronike, gjë që u rekomandua edhe nga organi këshillimor shkencor i Këshillit të Lartë të Shëndetësisë.

The post Belgjika ndalon ekspozimin e produkteve të duhanit në dyqane appeared first on Albeu.com.