Sipas tij, pasi nuk arriti t’i ndalë këto procese përmes argumenteve politike, BDI tani po mbështetet te Gjykata Kushtetuese.

“Pasi dështuan t’i bllokojnë proceset me argumente politike, BDI sot shpresën e vetme e ka te Gjykata Kushtetuese. Nuk është rastësi. Për vite me radhë, BDI ishte partia dominuese në pushtet dhe ndikimi i saj është ende i dukshëm në shumë segmente të institucioneve. Prandaj, sa herë që humbin betejën politike para qytetarëve, kërkojnë shpëtim te strukturat që i konsiderojnë si trashëgimi të periudhës së tyre të qeverisjes. Në vend që të japin llogari për premtimet e parealizuara dhe për obligimet që i lanë peng për më shumë se dy dekada, ata vazhdojnë të pengojnë proceset dhe reformat që i kërkon koha”, ka shkruar Sali në reagimin e tij.

Ai ka theksuar më tej se Republika e Maqedonisë së Veriut ka nevojë për institucione të pavarura, profesionale dhe të shkëputura nga logjika partiake.

Në reagimin e tij, Sali vlerëson se “Çdo tentativë për ta përdorur sistemin institucional si mjet për beteja politike paraqet rrezik për shtetin multietnik, për besimin e qytetarëve dhe për perspektivën demokratike të vendit”.

The post Bekim Sali: BDI po bllokon ndryshimet e domosdoshme dhe shpresën e fundit e kërkon te Gjykata Kushtetuese appeared first on Albeu.com.

Në këtë debat, raportuesi i Parlamentit Evropian për Maqedoninë e Veriut, Thomas Waitz, përcolli tone inkurajuese për të ardhmen evropiane të vendit, duke nënvizuar se Maqedonia e Veriut ka aftësinë dhe potencialin për t’u bërë pjesë e raundit të ardhshëm të zgjerimit të Bashkimit Evropian.

Sali tha se ky mesazh vjen në një periudhë vendimtare për vendin. Sipas tij, njohja e përparimit të Maqedonisë së Veriut në Parlamentin Evropian dhe vlerësimi se ajo mund të jetë anëtarja e ardhshme e Bashkimit Evropian përbëjnë një inkurajim për të gjitha institucionet që t’i çojnë përpara reformat me intensitet edhe më të madh. “Ky është një mesazh i rëndësishëm që vjen në një moment kyç për vendin tonë. Fakti që në Parlamentin Evropian njihet progresi i Maqedonisë së Veriut dhe theksohet mundësia që vendi të bëhet anëtari i ardhshëm i Bashkimit Evropian është inkurajim për të gjitha institucionet që të vazhdojnë me ritëm edhe më të fuqishëm reformat. Evropa e sheh Maqedoninë e Veriut si pjesë të familjes evropiane dhe detyrimi ynë është që përmes rezultateve ta arsyetojmë këtë besim”, deklaroi Sali.

Ai theksoi gjithashtu se Qeveria është plotësisht e angazhuar për zbatimin e reformave në fushën e sundimit të ligjit, administratës publike, zhvillimit ekonomik dhe fuqizimit të institucioneve demokratike, duke i cilësuar këto si kushte thelbësore për ecjen përpara të integrimit evropian.

Sipas Salit, anëtarësimi në Bashkimin Evropian nuk përfaqëson vetëm një qëllim të politikës së jashtme, por një përcaktim strategjik që sjell institucione më të konsoliduara, zhvillim ekonomik dhe më shumë mundësi për qytetarët. Ai theksoi se rruga evropiane e vendit është e qartë dhe e realizueshme, ndërsa debati i sotëm në Parlamentin Evropian, sipas tij, konfirmon se vendi i Maqedonisë së Veriut është në Bashkimin Evropian. “Anëtarësimi në Bashkimin Evropian nuk është vetëm një objektiv i politikës së jashtme, por një zgjedhje strategjike që sjell institucione më të forta, zhvillim ekonomik dhe më shumë mundësi për qytetarët. Perspektiva jonë evropiane është e qartë dhe e arritshme. Debati i sotëm në Parlamentin Evropian është konfirmim se vendi i Maqedonisë së Veriut është në Bashkimin Evropian. Përgjegjësia jonë është që përmes reformave, rezultateve dhe pjekurisë politike ta shfrytëzojmë këtë momentum dhe ta afrojmë vendin drejt anëtarësimit të plotë në familjen evropiane”, theksoi Sali.

Lidhur me çështjet e përfshira në kuadër të Raportit, Sali nënvizoi se Maqedonia e Veriut vijon të mbetet e përkushtuar ndaj vlerave evropiane, fqinjësisë së mirë dhe dialogut konstruktiv, në përputhje me Kornizën Negociuese dhe parimet e Bashkimit Evropian.

The post Bekim Sali: Debati në Parlamentin Evropian dëshmon perspektivën konkrete evropiane të Maqedonisë së Veriut appeared first on Albeu.com.