Vllaznia do të ndeshet nesër me Skënderbeun në kuadër të javës së tretë të “Abissnet Superiore”. Takimi që do të zhvillohet në stadiumin “Loro Boriçi” do të fillojë në orën 18:30. Në prag të kësaj sfide, sulmuesi shkodran Bekim Balaj dha deklaratat e tij për mediat.

Balaj pranoi se atmosfera e krijuar nga ndeshja e fundit prek të gjithë, por theksoi se Vllaznia dhe Shkodra kanë qenë historikisht pro paqes dhe kundër dhunës në sport. Ai tha se presidenti Xhaferi kërkoi falje për atë moment irritimi dhe se reagimi ishte deri diku i akumuluar. Sulmuesi vuri në dukje se kjo është dalja e tij e parë publike pas sezonit të humbur të kampionatit, duke mos lënë mënjanë përgjegjësinë që vetë lojtarët duhet të mbajnë për atë kampionat.

Ai përmendi edhe faktorë të tjerë në humbjen e titullit, përfshirë reagimin në Elbasan. Duke u ndalur te ndeshja më e freskët me Egnatian, Balaj tha se brryli ndaj Gurishtës ende i dhemb të gjithëve dhe se gjyqtarët Enea Jorgji e Juxhin Xhaja në VAR kishin të gjitha mundësitë për të marrë vendimin e duhur që e panë të gjithë. Ai kujtoi se loja u ndal për 10 minuta dhe se dalja e Gurishtës nga fusha me hundë të thyer, i pamundur për të luajtur, ndikoi përfundimisht në rezultatin e asaj ndeshjeje.

Balaj e pranoi se një reagim i tillë bëhet në momente tensioni dhe se vendimet e arbitrit në ndeshjen ndaj Elbasanit kërkonin një vendim nga Disiplina. Megjithatë, ai siguroi se Vllaznia dhe Shkodra janë gjithmonë kundër dhunës dhe japin shembull për këtë.

Për fokusin e ekipit, ai tha se janë përqendruar te stërvitja dhe te pjesa tekniko-taktike e ndeshjes së radhës. Ai tregoi se në periudhën e zëvendësimit ishte afër presidentit, i cili argumentonte me VAR-in dhe sipas tij goli i parë ishte i rregullt, por në fund mbetën 2 pikë. Balaj shtoi se presidenti është gjithmonë afër skuadrës dhe se ai veprim i tij u shoqërua edhe me një dënim personal. Presidenti është munduar ta largojë ekipin nga kjo situatë dhe kërkon që ekipi të ruajë qetësinë për të performuar sa më mirë në ndeshjen e ardhshme.

Pas dy barazimeve, Balaj pranoi se Vllaznisë i duhet fitorja, sepse pikët janë gjithmonë të rëndësishme. Ai kujtoi se sezonin e kaluar një pikë e vetme do të bënte diferencën, por e rëndësishme është që skuadra të performojë mirë. Sipas tij, ekipi do të vijë në rritje dhe lojtarët e rinj do të sinkronizohen me kërkesat e trajnerit, ndaj shpreson në rritje dhe rikthim te 3 pikët.

Për Gurishtën, Balaj u shpreh se përvoja dhe qetësia e tij ndihmojnë shumë në prapavijë dhe se ai ka qenë lider i skuadrës për shumë vite, ndaj mungesa e tij është ndjerë.

Duke folur për tensionin dhe incidentet, Balaj theksoi se çdo fjalë apo dalje e Vllaznisë për arbitrat ose padrejtësitë, në Tiranë apo zakonisht në media, shpesh cilësohet si tentativë për të justifikuar dështimin e sezonit të kaluar. Sipas tij, Vllaznia mund të jetë ekipi që ka folur më pak për arbitrimin sezonin e shkuar. Ai përmendi ekipin kampion që javë pas jave ka pasur sulme për arbitrimin, përfshirë edhe braktisjen e fushës në ndeshjen me Vllazninë, gjë që i vuri arbitrat në presion dhe më pas u shpall kampion. Balaj sqaroi se Vllaznia nuk e ndjek atë rrugë dhe se ata kanë qenë dhe do të jenë gjithmonë vetëm kundër të gjithëve. Ai shtoi se kështu ka ecur Vllaznia në gjithë historinë e saj, pa aleanca dhe përkrahje, dhe shpreson se do t’ia dalin.

Balaj vuri në dukje se shumë herë anashkalohet pjesa e fushës apo e sportit në futbollin tonë. Ai theksoi se të gjithë janë të vetëdijshëm që duhet të kontribuojnë më shumë që futbolli të kthejë entuziazmin. Duke kujtuar se janë rritur në shkallët e stadiumit dhe e njohin pasionin, dëshirën dhe entuziazmin që futbolli i ka sjellë Shkodrës dhe Shqipërisë, ai u shpreh se vitet e fundit ndjen mungesën e njerëzve në stadiume dhe se atmosfera nuk është si më parë. Sipas tij, njerëzit e sportit duhet të bëjnë maksimumin që futbolli ta rimarrë atë entuziazëm, duke përfshirë edhe median. Ai shtoi se ekziston një prirje për të evidentuar anën e errët ose pjesën jashtë futbollit, e cila ka qenë gjithmonë prezente, ndërsa sporti duhet të jetë gjithmonë shembull uniteti, bashkimi dhe gëzimi për të gjithë sportdashësit.

Për pyetjen rreth bandave, Balaj tha se nuk shqetësohen dhe përpiqen që çdo gjë ta zgjidhin brenda kuadratit të fushës. Ai shtoi se Vllaznia është mësuar të ecë me vështirësi dhe se nuk është rastësi që shkon 25 vite pa titull kampion. Pa hequr fajin apo përgjegjësinë që kanë vetë lojtarët ndër vite, ai theksoi se sot janë ai dhe shokët e tij, ndërsa më parë kanë qenë të tjerë. Nuk beson se është rastësi që Vllaznia nuk del kampione prej 25 vitesh, duke kujtuar se qyteti i ka dhënë shumë futbollit. Në njëfarë mënyre, sipas tij, futbolli shqiptar i ka njëfarë borxhi Vllaznisë.

Balaj tha se është kthyer me dëshirën maksimale për të dhënë më të mirën te Vllaznia dhe se çështja e titullit është diçka tjetër. Sipas tij, kushdo që ka veshur fanellën e Vllaznisë këto vite i ka mbetur një peng, por për të e rëndësishme ka qenë të japë maksimumin sa herë e vesh atë fanellë.

Për tifozërinë, ai theksoi se ajo ka qenë gjithmonë aty sa herë Vllaznia ka pasur nevojë, përfshirë momentet e vështira kur ekipi luftonte për të qëndruar në kategori dhe stadiumi mbushej. Tifozët kanë dhënë ndihmën e tyre dhe do të jenë gjithmonë mbështetje për skuadrën.

Kur u pyet për titullin kampion, Balaj u përgjigj se është herët për të folur, por beson se kjo pyetje është bërë për shumë vite dhe përgjigjja ka qenë se Vllaznia do të jetë gjithmonë aty për të pretenduar ta fitojë.

Në fund, Balaj theksoi se janë të vetëdijshëm për arsyet e humbjes së titullit dhe nuk e heqin përgjegjësinë që u takon. Ai shtoi se rrugëtimi drejt titullit e kanë më të vështirë se çdo ekip në Superligë dhe arsyet dihen: Vllaznia nuk ka qenë dhe as nuk është pjesë e asnjë aleance. Sezonin e shkuar, në një rrugëtim 40-javor me ulje-ngritje, Vllaznia nuk ka marrë asnjë 3 pikësh dhuratë për ta nxjerrë nga vështirësia, ndryshe nga ekipe të tjera që i kanë marrë rëndom. Kjo e bën rrugëtimin më të vështirë, prandaj duhet të jenë edhe më të fortë dhe të përgatiten për vështirësitë që u kanë dalë dhe do t’u dalin gjithmonë. Ai përfundoi se justifikimet nuk janë pjesë e tij dhe Vllaznia e Shkodra nuk i kanë njohur asnjëherë justifikimet, ndaj do të luftojnë fort.

The post Bekim Balaj në krah të presidentit Xhaferi: Vllaznia ka ecur pa aleanca, reagimi ishte i akumuluar dhe jemi kundër dhunës appeared first on Albeu.com.

Vllaznia do të përballet sot me Malishevën në takimin e parë të raundit të parë kualifikues të Conference League. Ndeshja luhet në stadiumin “Loro Boriçi” dhe starton në orën 20:00.

Mes emrave që trajneri Edi Martini ka grumbulluar për këtë përballje bie në sy edhe portieri 20-vjeçar Rezart Bunjaj, i cili do të jetë në stol.

Megjithatë, një detaj i fundit i publikuar nga mediumi “Flashscore” ka shkaktuar konfuzion te tifozët.

Në profilin e Rezart Bunjajt është vendosur fotografia e sulmuesit Bekim Balaj. Si pasojë, Balaj shfaqet si një 20-vjeçar dhe me pozicionin e portierit, pikërisht në prag të ndeshjes ndaj Malishevës.

The post Flashscore ngatërron Bekim Balajn me Rezart Bunjajn para sfidës Vllaznia-Malisheva appeared first on Albeu.com.

Gjatë fjalës së tij, pas marrjes së trofeut mes batutash Balaj tha se “shkodranët e kanë tepruar pak”, teksa shtoi se ky trofe për të ishte një tripletë personale.

Por, për sulmuesin nuk mjafton, ai shtoi se tashmë synon që ekipi i tij të fitojë titullin kampion.

“E tepruam pak ne shkodranët sonte. Realisht dua ta nis me një falenderim për djemtë e ekipit kombëtar, që na kanë bërë krenar të gjithë shqiptarët, na kanë bërë që të ëndërrojmë për Botërorin. Meqë jemi te kombëtarja dua të falenderoj misterin tim Xhani De Biazi, më ka bërë që të vesh fanellën kombëtaren.

Është një krenari e madhe. Për të kaluar te “Topi i Artë” një tribletë personale e paplotësuar mund të them, e paplotësuar për titullin kampion. Një gjë që ne në Shkodër e presim, një pritje që zgjat, i mërzit të gjithë dhe ndoshta deri diku jam i lidhur me qytetin, Shkodrën, e kujtoj edhe me vitin që shkoi, thëniet e njerëzve që takoja. ‘T’i gëzosh trofetë, por kupën ku po na i sjell’. Fitimi i titullit është kthyer në obsesion në Shkodër.

Vitin që kaloi i shkuam afër, humbëm një finale, por nuk dorëzohemi. Jam i bindur që do të kthehemi me presidentin Xhaferri në krye, me profesorin tim Martinin dhe gjithë atë grup fantastik që kemi, do tentojmë deri në fund titullin kampion”, tha Balaj.

The post Bekim Balaj pas fitimit të “Topit të Artë”: Duam titullin kampion appeared first on Albeu.com.

FSHF si organizatore kishte vendosur që emrin e fituesit ta citonte legjenda e Real Madrid dhe Interit Esteban Cambiasso. Bomberi Balaj foli pas këtij suksesi:

“Jam tifiz i Real Madid dhe më vjen mirë që emrin tim si fitues e tha një legjendë e tyre si Esteban Cambiasso. Vioresin Sinani është një idhur për mua. Po pres të bëhem baba i një djali. Vendosa të bëja sonte publike”.

The post Bekim Balaj nderohet me “Këpucën e Artë” në prezencën e legjendës Esteban Cambiasso: Vioresin Sinani idhull për mua, pres të bëhem baba appeared first on Albeu.com.

Çmimi prestigjioz, sulmuesit shkodran iu dorëzua nga legjenda Sulejman Demollari. Balaj është kandidat edhe për “Topin e Artë” në Shqipëri.

Në fjalën e tij, Balaj u shfaq shumë i lumtur për këtë çmim të marrë.

“Kam nderin që këtë trofe ta marr nga një figurë e nderuar e futbolli si Sulejman Dmeollari. Këpuca e Artë është një trofe i rëndësishëm për sulmuesit, sepse ne vlerësohemi për golat. Pa ndihmën e shokëve të skuadrës do të ishte e pamundur ta merrja këtë çmim”, tha Balaj.

The post Bekim Balaj fiton “Këpucën e Artë” appeared first on Albeu.com.

Gjatë karrierës së tij pati 48 paraqitje me Kombëtaren, ku do t’i mbahet mend gjithmonë goli i fitores 1 me 0 në Portugali, i cili dhe i hapi rrugë kualifikimit në Euro 2016.

“Bekim Balaj ka vendosur të tërhiqet nga Kombëtarja shqiptare. Sulmuesi kuqezi, i cili aktivizohet në kampionatin “Abissnet Superiore” me Vllazninë, i ka komunikuar vendimin e tij trajnerit Silvinjo, stafit teknik dhe Federatës së Futbollit.

Gjatë karrierës së tij me Kombëtaren kuqezi, Bekim Balaj, u aktivizua në 48 ndeshje, duke shënuar 9 gola. I pari është edhe më i veçanti, pasi realizimi ndaj Porugalisë dhe fitorja historike e Shqipërisë me golin e Bekim Balajt në “Estádio Municipal de Aveiro” bëri krenar të gjithë shqiptarët kudo në botë, duke i hapur rrugën kualifikimit të parë historik të Kombëtares në Europianin “Francë 2016”. Gjithashtu, Balaj ishte pjesë e Kombëtares në atë Europian ku u aktivizua në fitoren ndaj Rumanisë me rezultatin 1-0.

Federata e Futbollit falenderon sulmuesin Bekim Balaj, për kontributin e jashtëzakonshëm të dhënë në fushën e lojës me fanellën kuqezi, i cili ka lënë një gjurmë të pashlyeshme në historinë e futbollit shqiptar dhe i uron sa më shumë suksese në të ardhmen”.

The post Bekim Balaj tërhiqet nga Kombëtarja appeared first on Albeu.com.

Plot 6 më shumë se ndjekësi më i afër i tij që është Kristal Abazaj. Pavarësisht se kapiteni i Vllaznisë nuk shënoi në 7 javët e fundit, sërish vendi i parë në listën e golashënuesve nuk u “kërcënua” nga asnjë lojtar tjetër.

Vlen të theksohet se 9 nga 17 golat e shënuar i ka realizuar nga pika e bardhë e penalltisë.

Gjithsesi kjo pak rëndësi ka, pasi Balaj është tashmë “Këpuca e Artë” e Superiores.

Një trofe personal, por tashmë sulmuesi shkodran do të ketë një detyrë të ëvshtirë në finalet e “Final – Four”, të tentojë të fitojë titullin me skuadrën qytetit të lindjes.

The post 6 gola diferencë, Bekim Balaj e fitoi “Këpucën e Artë” 7 javë para fundit të kampionatit appeared first on Albeu.com.

“Stërvitje apo jo, ai është sulmuesi më i mirë në Shqipëri”, shkruan Vllaznia në rrjetet sociale.

Kuqeblutë po ashtu tregojnë numrin e 17 golave të shënuar, nga Balaj gjatë këtij sezoni në Superiore.

Ndeshjen e radhës Vllaznia e luan në transfertën e Durrësit kundër Teutës.

Ditën e shtunë në orën 18:00 do të kërkohet vetëm fitorja, e cila ka mungon prej 1 muaji.

The post Vllaznia mburret me Bekim Balajn: Më i miri në Shqipëri appeared first on Albeu.com.

Kjo për shkak se sulmuesi i Vllaznisë kryeson me 17 gola dhe ndjekësit e tij më të afërt që luajnë në Superiore, janë në kuotën e 8 golave.

Florent Hasani me 10 gola dhe Franklin me 9 gola lanë ekipet e tyre, për provuar eksperienca jashtë Shqipërisë.

Dwamena me 9 gola në 11 paraqitje ishte kryefjala e golashënuesve në fillimin e sezonit.

Kujtojmë se në kuotën e 8 golave janë disa lojtarë. Bëhet fjalë për Kaçorrin, Grudën, Bintsoukan dhe Soboëale.

The post Bekim Balaj i sigurt drejt “Këpucës së Artë”, rivalët e tij nuk janë në Superiore appeared first on Albeu.com.

Ish-bomberi i Kombëtares shqiptare po merr për dorë Vllazninë dhe po shënon rregullisht duke qenë kryegolashënuesi i Superiores me 15 gola në 25 ndeshje që ka luajtur.

Kapiteni i gjithë Shkodrës ka një mesatare prej 0.6 golash për ndeshje, ose 1 gol në 2 ndeshje. “Këpuca e Artë” e këtij sezoni s’mund të quhet më një garë pasi Balaj s’ka më rivalë. Në këtë mënyrë, 33-vjeçari ‘rivalizon’ me rekordet e së shkuarës.

Nëse ecën me një mesatare të tillë edhe në 10 ndeshjet e mbetura, ai e mbyll sezonin me 21 gola. Në këtë mënyrë ai do të kalonte me 1 gol më shumë rekordin e dytë më të mirë të një tjetër bomberi shkodran.

Vioresin Sinani në sezonin 2007-’08 do të shënonte 20 gola me fanellën e Vllaznisë, por objektivi i Balajt është Vioresin Sinani i Tiranës.

Në sezonin 2006-’07, Sinani fitoi Këpucën e Artë me 23 gola me fanellën bardheblu dhe do të shpallte kampion kryeqytetasit.

Rekordin absolut të futbollit modern shqiptar, Vioresin Sinani e mban me plot 36 gola me Vllazninë e 2004-ës, i cili deri më sot mbetet një rekord që as nuk çohet ndër mend për t’u thyer.

Për të kapur kuotën e 23 golave, Balaj duhet të rrisë edhe pak marshin e shënimit. Me 22 gola, Balaj mund të kapë edhe rekordin e ish-lojtarit tjetër të Vllaznisë, Edmir Bilalin, si dhe ish-trajnerin e tij këtë sezon, Migen Memellin. /newsport.al/

The post Sezoni më i mirë në karrierë sjell rekorde, Bekim Balaj synon Vioresin Sinanin e Tiranës appeared first on Albeu.com.