Ngjarja e rëndë ka ndodhur disa javë më parë, në orët e vona të natës, ku sistemi i alarmit të sigurisë së lartë në ambientet e SPAK u aktivizua në mënyrë të pazakontë dhe tregonte një ndërhyrje të paautorizuar në rrjetin e brendshëm informatik, ç`ka vuri menjëherë në lëvizje oficerët e BKH-së dhe ekipin e IT-së.

Burime të sigurta për mediat konfirmojnë se autor i dyshuar i këtij sulmi është Arnold Rrokaj, tashmë i arrestuar, i cili kishte siguruar akses të paligjshëm në kompjuterët e disa prej prokurorëve më të rëndësishëm të strukturës:

Behar Dibra, Enkeleida Millonai dhe Elida Kaçkini. Këta të fundit janë përfshirë në hetime delikate që prekin zyrtarë të lartë të dyshuar për korrupsion, si dhe rrjete të krimit të organizuar.

Nga hetimet paraprake, rezulton se materialet e marra prej Rrokajt janë shpërndarë më tej tek ish-zyrtari i burgut të Vlorës, Zambak Gjonaj, dhe më pas te persona të tjerë në rrethin e tij shoqëror.

Disa prej këtyre dokumenteve kanë përfunduar edhe në telefonin e Agim Ismailit, ish-drejtor i Përgjithshëm i Burgjeve, si dhe në pajisjen celulare të Dritan Palnikajt, sekretar aktual në Ministrinë e Arsimit.

Palnikaj është marrë në pyetje ditët e fundit nga hetuesit e SPAK dhe telefoni i tij është sekuestruar për ekzaminim të mëtejshëm.

Ndër materialet e komprometuara, ka të dhëna që lidhen me dosjen e inceneratorëve dhe hetime të tjera që përfshijnë zyrtarë të profilit të lartë dhe grupe kriminale.

Pavarësisht këtij sulmi të rëndë kibernetik, falë ndërhyrjes së shpejtë të agjentëve të BKH-së, është arritur të parandalohet depërtimi në sistemet më të ndjeshme të SPAK, përfshirë laboratorin sekret dhe rrjetin e drejtuesve të institucionit.

Hetimet vijojnë, ndërsa ky skandal ngre alarmin për sigurinë e të dhënave konfidenciale të drejtësisë dhe ekspozon rrjedhje të mundshme informacioni në nivelet më të larta të administratës dhe politikës./Syri.net

The post Hakeruan kompjuterat e 3 prokurorëve të SPAK, zbardhet identiteti i 2 të arrestuarve (EMRAT+FOTO) appeared first on Albeu.com.

Sipas “Panorama”,  teksa Prokurori i SPAK, Behar Dibra largohej bashkë me një Oficer të Policisë Gjyqësore të BKH dhe me shoferin e tyre në një makinë tip Honda, në afërsi të tunelit të Elbasanit, janë përballur me një makinë tjetër në të cilin lëviznin Orges Sina dhe Emirjan Sina, konkretisht 24 e 27 vjeç, lindur në Librazhd e banues në Durrës. Njëri prej tyre punon oficer sigurie i një firme private në Portin e Durrësit.

Konkretisht, në hyrje të tunelit, njëri prej personave ka fotografuar mjetin e prokurorit dhe OPGJ, ndërsa nga krahu tjetër i njëjti veprim është bërë dhe nga personat që udhëtonin në makinën Honda. Mësohet se mjeti i Orges dhe Emirjan Sina i kanë prerë rrugën makinës së prokurorit të SPAK duke i kërkuar llogari pse po i fotografonin.

Në këtë moment, debati ka agravuar duke shkuar deri në tentativë të përleshjes fizike, por që është shmangur kur njëri nga vëllezërit ka treguar dokumentin duke pretenduar se është punonjës i Policisë së Shtetit.

Në këto momente prokurori ka treguar gjithashtu dokumentin që tregon se është anëtar i SPAK.

Por kjo nuk i ka ulur tensionet mes palëve që kanë vijuar sherrin duke shkëmbyer fjalë e ofendime ndaj njëri-tjetrit.

Pas neutralizimit të situatës, prokurori mësohet se ka vënë në dijeni për incidentin e ndodhur auroritetet përkatëse dhe automjeti me të cilin lëviznin dy vëllezërit është vënë në kërkim nga Policia e Elbasanit, Durrësit dhe Tiranës.

Për ngjarjen mësohet se është vënë në dijeni edhe Drejtori i Përgjithshëm i Policisë së Shtetit, Muhamet Rrumbullaku.

Sipas Panorama, gjatë ndjekjes së makinës së dy vëllezërve, ata kanë thyer dhe një posto bllok të ngritur posacërisht në qytetin e Durrësit nga policia e qarkut duke shmangur shoqërimin e tyre.

Pas punës së bërë nga të tre drejtoritë vendore të Policisë, është bërë i mundur identifikimi dhe prangosja e dy vëllezërve Orges dhe Emirjan Sina, të cilët sot kanë dalë para gjykatës së Elbasanit dhe janë njohur me masën e “arrestit me burg”, kërkesë e bërë nga prokuroria e Elbasanit.

The post Sherri që gati u kthye në përleshje fizike, dy vëllezërit u prenë rrugën prokurorit të SPAK dhe anëtarit të BKH, Rrumbullaku në dijeni appeared first on Albeu.com.