Për Behar Bajrin alias Bajroviç, i cili konsiderohet si një prej krerëve të grupin kriminal Bajri në Shkodër, SPAK ka kërkuar dënimin me 15 vite burgim, ndërkohë për biznesmenin Pëllumb Gjoka është kërkuar dënimin me 14 vite heqje lirie.

Ndërsa për ish-efektivin e policisë Edmond Preka, është kërkuar dënimi me 11 vite burgim.

Për Astmer Bilalin, është kërkuar dënimi me 10 vite burgim, për ish zv.drejtorin e Policisë së Shkodrës Ardit Hasanbegajn 9 vite burgim, për ish-shefin e Forcave Operacionale të Policisë së Shtetit Oltion Bistrin, 9 vite burgim dhe për ish-prokurorin Xhevahir Litën 6 vite burgim.

Ndaj tyre do të aplikohet edhe gjykimi i shkurtuar për uljen e një të tretës së dënimit.

Në seancën e sotme në GJKKO, në sallë ishin të pranishëm të pandehurit Edmond Preka dhe Oltian Bistri. Mes diskutimesh, u kërkua dhe ndërprerja e seancës së sotme, gjë që nuk u pranua nga GJKKO-ja.

Avokati: M’u dha koha e mjaftueshme për takimin me të pandehurin, por ai ka kërkuar të mos mbrohet prej meje, pa më dhënë arsye.

Edmond Preka: Unë nuk dua të përfaqësohem nga avokati, ai ka në dorë jetën time, ai s’ka lexuar as dosjen.

Avokati: Kërkoj vazhdimin e gjykimit të çështjes ose të kërkojmë ndarje të çështjes, pasi nuk mund të penalizohet klienti im duke iu pezulluar afati i paraburgimit.

Avokati Gurali Brahimllari: Lidhur me vendimet e të pandehurit Edmond Preka, ligji parashikon një mbrojtje efektive, në kushtet kur mbrojtësi i zgjedhur prej tij mungon dhe ka paraqitur një raport mjekësor…

Gjykata: Nuk keni pse ju të flisni për të pandehurit tjerë, ju lutem mbroni klientin tuaj.

Avokati Gurali Brahimllari: Kërkoj që seanca e sotme të ndërpritet për shkak të raportit mjekësor. Flas në emër të vijueshmërisë së seancës pasi preket edhe e drejta e klientit tim

Avokati Rumano: Duke marrë parasysh se gjyqtarja Irena Gjoka ka qenë në situata më kritike se ne dhe ka vijuar të jetë prezent në seanca, por ajo çfarë unë shoh nga gjykata është përshpejtimi i seancës, duke mos lejuar mbrojtjen efektive. Me gjithë respektin për kolegët, nuk munden avokatët kryesisht të përfaqësojnë të pandehurit, Gjykata e përdor si efekt procedurial pa marrë parasysh efektivitetin e mbrojtjes, situatë e cila mund të sjellë rigjykim.

Avokati Gurali Brahimllari: Dua të di nëse prokuroria ka paraqitur konkluzionet e 26 prill 2024, apo qëndrimi që ka mbajtur më 1 tetor 2024? Mbi çfarë baze autoritete ligjore franceze e kanë kryer këtë porosi?

Prokuroria: Do të lexoj vetëm dispozitivin dhe do ua paraqesim avokatëve një kopje.

Gjatë leximit të fakteve të nxjerrja nga hetimi, prej Prokurorisë së Posaçme, avokati Brahimllari u shpreh se; “Ajo çfarë po lexohet është e njëjta, gërmë për gërmë me dosjen që kanë paraqitur për gjykimin e këtij procesi”.

Biznesmeni Pëllumb Gjoka, u arrestua më 27 Korrik të vitit 2023, në bazë të një hetimi të zhvilluar nga SPAK. Bashkë me Pëllumb Gjokën u arrestuan edhe prokurori i Kukësit, Xhevahir Lita, ish-shefi i operacionales së Policisë së Shtetit, Oltion Bistri dhe personazhe të tjerë të kronikës së zezë në zonën e Shkodrës.

Ata akuzohen si pjesë e një grupi kriminal dhe mbi ta rëndojnë akuza të ndryshme, nga vrasja, sigurimi i kushteve dhe mjeteve për kryerje vrasjeje, korrupsion, shpërdorim detyre, pastrim parash e të tjerë.

Hetimi për këtë grup personash nisi, pasi SPAK administroi nga autoritetet franceze dhe belge të dhënat e ç’koduara nga aplikacionet Sky dhe Enchrochat.

Sipas SPAK-ut, Pëllumb Gjoka, rezulton të ketë komunikuar me mesazhe me anëtarë të fisit Bajri në Shkodër për kryerje atentatesh, përfshirë pagesa për ekzekutorët dhe financim për blerje armësh.

SPAK akuzon biznesmenin Pëllumb Gjoka, se në bashkëpunim me Behar Bajrin dhe Edmond Prekën, kanë kryer vrasjen e Gjin Boriçit dhe kanë siguruar kushtet për vrasjen e Kleant Musabelliut, Dorian Dulit dhe Ibrahim Licit.

SPAK thotë se ata u ndihmuan edhe nga ish-shefi i krimeve në Shkodër, Ardrit Hasanbegaj, që u jepte informacione. Teksa hetimet treguan edhe se Pëllumb Gjoka e Behar Bajri, kishin korruptuar ish-prokurorin Xhevahir Lita dhe ish-shefin e forcave operacionale Oltion Bistri.

Pëllumb Gjoka dhe të tjerët kanë kundërshtuar provat e Prokurorisë së Posaçme, duke vënë në pikepyetje edhe vlefshmërinë e marrjes dhe përdorimit të mesazheve nga “Sky Ecc” në procese penale në Shqipëri. Kërkesa e biznesmenit Gjoka, është rrëzuar në tre shkallët e gjyqësorit, si dhe në Gjykatën Kushtetuese.

The post Dosja Metamorfoza/ SPAK jep pretencën, ja sa vite burg kërkon për Behar Bajrin dhe Pëllumb Gjokën appeared first on Albeu.com.

“Nuk i dua gazetarët, sepse më kanë paragjykuar nëpër televizione. Nuk jam dakord të vazhdojë seanca në praninë e tyre”, deklaroi Bajri gjatë seancës.

Prokurori i SPAK, Arben Kraja, kundërshtoi kërkesën e Bajrit, duke theksuar se nuk ekzistojnë rrethana ligjore për zhvillimin e gjyqit me dyer të mbyllura.

“Nuk jemi përballë rastit dhe parashikimeve ligjore kur gjyqi duhet të zhvillohet me dyer të mbyllura”, u shpreh prokurori Kraja.

Edhe avokati i Behar Bajrit, avokati Elton Hyseni, kërkoi që seanca të zhvillohet me dyer të mbyllura pasi ekspozimi i të dhënave të mbrojtjes mund të dëmtojë gjithë procesin.

“Ekspozohen të dhënat e mbrojtjes dhe të organit të akuzës, parashtrimet hyrëse etj., të cilat mund të dëmtojnë procesin e drejtësisë”, tha ai.

Gjykata, duke marrë parasysh kërkesën, vendosi ta rrëzojë atë, duke theksuar se çështja është në fazën e shqyrtimit në themel.

“Jemi në gjykim themeli, dhe nuk ka arsye për zhvillimin e seancës me dyer të mbyllura”, deklaroi trupi gjykues.

The post “Metamorfoza”/ Behar Bajri përplaset me prokurorët gjatë seancës: Nuk i dua gazetarët, më kanë paragjykuar appeared first on Albeu.com.

Me këtë person, Bajri ka qënë në burg gjatë kohës kur hetohej për një seri akuzash nga Krimet e Rënda dhe më pas SPAK-u, i cili i ka sugjeruar që t’i kërkojë punë Vis Martinaj, në këmbim të mbrojtjes nga armiqtë që, sipas tij, ai (Visi) i kishte të shumtë dhe të fortë.

Kjo pasi një muaj para kësaj bisede, në 31 Maj 2020 në Mamurras, Ervis Martinajt, i kishin vrarë dy miqtë e ngushtë Bujar Likën (Ari) dhe Paulin Gjergjin.

Ndërkohë, pas daljes nga burgu të Beharit, ky person e ka udhëzuar atë që të afrohet me Ervis Martinajn, me shpresën se ky i fundit do i jepte punë në trafikun e kokainës.

Gazetari i “Ora News”, Elton Qyno, ka mësuar se personi është i njëjti individ që i linte në përdorim telefonin “Sky” Behar Bajrit, gjatë kohës kur qëndronte në paraburgimin Nr.313.

Telefonin “Sky” të këtij personi, Behar Bajri, e përdorte nga brenda burgut, për të folur me biznesmenin Pëllumb Gjoka, i cili po negocionte me disa njerëz të Drejtësisë, me qëllim lirimin e Behar Bajrit nga burgu.

Behar Bajri, ka mundur të dalë nga burgu në 29 qershor 2020.

Por sapo ai ka shkuar në Shkodër, ai vihet në kontakt në ditët e para të muajit korrik 2020 me biznesmenin Ervis Martinaj, i cili kishte braktisur Tiranën, duke u vendosur në Fushë-Kuqe, pas ngjarjes së rëndë të ndodhur në ish-Bllok, në 4 Tetor 2018, në të cilën Martinaj humbi shokun Fabian Gaxhaj dhe u plagos vetë së bashku me Eljo Haton.

Bajri, ka shkuar vetë tek Ervis Martinaj, duke zhvilluar një takim me të tek hotel “Arbëria Palace”, ku sigurisht së bashku kanë folur edhe për mundësinë që Martinaj do i jepte në trafikun e Kokainës.

Ndërkohë në mëngjesin e 10 korrikut 2020, Behar Bajri i shkruan Ervis Martinajt, duke zhvilluar së bashku këtë bisedë si më poshtë vijon:

Behari: “…Si je shok…”?

Martinaj: “Ça të bajm…ti si ke shku…”?

Behari: “…mirë, po rimë këtej tu u marë me këto kurva me jan ndry si minjtë mrëna…”.

Ndërsa Ervis Martinaj, e këshillon Beharin duke i thënë: “…mos nxito, nji her o shok…”.

Por Behari vijon t’i shkruajë duke i thënë: “…në lagje tu ju ndenjt kurvave, nuk kanë se dalin. Veç mrena, jan nry në dhoma rina…po hajt ishadha e qesin kryt dikun…Po ti si i ke pas punët…?, Ai shoku më shkrojti…”.

Martinaj: “…Hëë…”!

Behari i thotë Martinaj si më poshtë: “…a po na ndihmon najgja, naj punë…kur po takojna prej afër se me celular su flitka me ty, se të kthen mas 3 orëve…”.

“…kur të fus nji punë të fortë, do të fus e ty, 100 copë…”,-i thotë Martinaj, Beharit.

Por Behari ia kthen sërisht mesazhin duke i thënë: “…o shok, nuk jam bubs unë…por të erdha për respekt dhe të takova dhe u shtyva si me të hek armiqt e me ti ba miq…se nuk jam njeri si i rri kujt, si çadër…”.

Ndërsa Martinaj ia kthen: “…100 copë të bardha them…ça ndihme e ke fjalën ti…”?

Behari: “…o vlla, po kam met tu të shkru…”.

Kurse Martinaj i thotë se: “…nuk e mbaj telefonin me vete…”, duke i treguar se e lë tek hoteli.

Por sërish Behari vijon t’i shkruajë, duke dërguar mesazhet si më poshtë: “…nuk asht puna tek nima mar shok, unë jam menduar për mirë për ty…ti s’je në kushte me lan telefonin tek hoteli. Je në kushte me majt telefon afër, por ti din çfarë ban. Unë të erdha… tesh të takon ty me ardhë…buk e kryp e zemër, kam edhe unë…”.

Ndërsa një ditë më pas, në mëngjesin e 11 korrikut 2020 Ervis Martinaj i kthehet Behar Bajrit, duke i shkruar mesazhet:

“…O Behar, s’mu ka vra qeni, mu ka vra njeriu më i afërt i jetës. Kam qënë tu ec nëpër det e mal, tu mendu kaq, ndaj e lej telefonin tek hoteli…”.

Në këtë periudhë Ervis Martinaj, ka qënë i tronditur për vrasjen e Bujar Likës në Mamurras, ndaj nuk ishte fort në terezi në komunikimin me Behar Bajrin, i cili i kërkonte shpjegime se me të nuk flitej, pasi i kthente përgjigjet në “Sky” me shumë vonesë.

Vetëm 4 muaj nga kjo bisedë, në datën 27 tetor 2020, Ervis Martinaj, bisedon në aplikacion “Sky” me Behar Bajrin, për të ndarë muhabetin nëse do e fuste këtë të fundit apo jo në linjën e trafikun të kokainës që e realizonte nga vendet e Amerikës Latine në drejtim të porteve të Europës.

Martinaj i kujton Bajrit, që të qëndrojë diskret në këtë veprimtari kriminale dhe të mos i tregojë kujt, duke i shkruar si më poshtë vijon:

“…asnjë s’du që ta dije dhe do bisedojmë bashkë këto tre ditë. Munesh me fut sa të kesh takat ti…”.
Por Behari ia kthen: “…aaaa, a kena Garanci…”?

Por Ervis Martinaj ia kthen me një përgjigje epike se: “…garanci kam vetëm zgjuarsinë time…dhe ça lekësh kam unë do i fus. E këta çunat ça lekësh kanë do i fusin që të rinë me mua. Ashtu garancie që thua ti, s’kam jetën time more …kapedan…”.

Sërish Behar Bajri ia kthen me ndrojtje duke i shkruar: “…Por nuk kam lekë mor “Kapedan…”. Ti e di, por unë nuk jam në hapat e tua. Por a më the se po të ndihmoj mar “Kapedan…”. A po ma merr rrizikun ti herën e parë, mo “Kapedan”. Më thuaj kur po rimë…”?

Ndërsa biznesmeni Ervis Martinaj e këshillon duke i thënë: “…mos u turr pas fajdeve…”.
Kurse Behari ia kthen: “…po lek po mbledhi…”.

Behari vijon t’i shkruajë në “Sky”, Vis Martinajt duke i pohuar:

“…po rrezikun, a po ma mer rrezikun veq herën e parë dhe nuk ta haroj. 5 për qind i fus vetë dhe po dal në diellë. Por a po ma merr rrezikun, veç kyt herë? A më jep fjalën tani…se më ke në krah, por më ndihmo…”.

Martinaj ia kthen me mesazh duke i shkruar se: “…mos e fol me njeri se më prish punë. Po për zotin, ndihmë kështu as vëllai jot s’ta ka ba…”.

“…Po e di, por ma ban, e ti bij lekët sonte… 5 për qind po i fus unë, po hyj borgj…”,- ia kthen Behar Bajri.

“…Ore ishallah po bëhet…nuk duhen lekët sonte jo… duhen mas 2 javësh… Po rëndësi ka që të bëhet. Lekët duhen brenda muajit nëntor”,- i thotë Ervis Martinaj.

Biznesmeni vijon t’i shkruajë duke i thënë: “…100 copë e ke vendin, aq do fus dhe vetë unë…vetëm mos folë me njeri se më ngelet hatri se veç ty të kam thënë, se çdo muhabet e qet jashtë. Nuk i lej hapësirë kujt, veç teje 100…”.

Behari: “…I qin unë…”?!…”jo jo nuk i them kujt. I qind për mu…”?

Martinaj: “…po i lashë kujt s’jena ma shokë, se veç ti më ke ra mbrapa. 10 për qind edhe hypja 20 dalja…”.

Por Behari ia kthen: “…vlla du me fut për vedi i 100 copë. Në i qin copë, sa i bjen me marë unë 80 copë?. Ok në rregull por ama merr rrezikun veq kyt rradhë, fjalë burrash, lekët i kam ok. Po normal lekët i kam dhe më thuaj ti bij…”.

Martinaj: “…E me turkun…”.

Behari: “…jo mor vëlla, çfarë flet nuk i them kujt…Po jo o vëlla, do i fus veç për vedi për kryet të kalamanjve dhe do ju jap naj gjë dhe këtyreve. Ok e kam të shitur…”.

Por sërish biznesmeni Martianaj, ia kthet Beharit duke i kërkuar këtij të fundit që të mos flasi lart e poshtë, duke i shkruar: “…mos i thuaj kujt, veç atyre që rrimë, Lela e Plluma. Herës tjetër ja fusim nga 200, masanej nga 400…”.

“…Jo mo vlla nuk tregoj…”- i thotë Behari, duke vijuar t’i shkruajë Ervis Martinaj se: ”…ba me dal, do ju jap ka 100 mijë euro Denisit dhe Samos dhe Dorit, se kam shpenzime…”

Sërish Martinaj ia kthen: “…O e ke të dalme, por veç fike News 24… ( shprehje figurative duke i rikujtuar Beharit të mos flasë mos hapi gojën për këtë punë) se të tjerët bajnë nga 1000 copë e nuk folin. Leli s’ta ka futur 1 bukë kurrë, o budalli i dreqit…”.

Behari: “…po nuk kam punë me të o vlla, vari ka**n e tij….”.

Ndërsa Martinaj i thotë: “… po na e bjer ta ballafaqojmë…”.

“…kismet se kam kohë si nuk kam fol, por varja puna e tij…”,- ia kthen Behar Bajri.

Më tej, po në datën 27 Tetor 2020, teksa Behar Bajri bisedon me biznesmenin Pëllumb Gjoka, duke i shkruar këtij të fundit për merakun se s’po e kapte dot Bardhok Pllanaj.

“…atë Bardhokun, si nuk po e kap, se ai vdes prej frike…”,-i shkruan Behar Bajri, Pëllumbit.

Ndërsa ky i fundit ia kthen: “…se gje gja Bardhokun, ka kaluar shumë ai ashtë mjeshtër…”.

Por sërish Behari i shkruan më tej duke qeshur: “…hahaha varet kur e ka ditën dhe ky, po po ashtu është. Po dhe mu më ka vënë në gjumë, po më ka dhënë valjum derisa ta zaj atë Dorin…”.

Në fakt Dorian Dulin nuk mundi ta kapë dot kurrë Behar Bajri. Duli, nuk mundi të kapet dhe nga Prokuroria e Posaçme SPAK, e cila e kërkoi si dëshmitar për ta pyetur dhe ky person nuk u arrit të gjendet në Shqipëri nga oficerët e Policisë Gjyqësore.

The post Do të fus edhe ty 100 copë/ Zbardhen mesazhet në “SKY ECC”, si Behar Bajri i lutej Ervis Martinajt: O shok, erdha që t’i heq armiqtë e t’i bëj miq appeared first on Albeu.com.

Një konglomerat juristësh, deri në nivelet e lartë të Drejtësisë Shqiptare, kanë dhënë ndihmëse përmes vendimeve, ndikimit dhe influencës së tyre në tre shkallët e gjyqësorit Shqiptar, që Behar Bajrit, t`i krijoheshin kushtet ligjore për të dalë nga qelia.

Gazetari Elton Qyno, ka mësuar se në aplikacionin “Sky” flitet për një personazh të njohur të Drejtësisë Shqiptare me emrin “Tani”, i cili 4 ditë pasi Behar Bajri kishte dalë nga burgu shkon në takim me biznesmenin Pëllumb Gjoka, duke u dorovitur financiarisht nga ky i fundit, për ndihmesën që kishte dhënë në operacionin juridik për lehtësimin e kushteve ligjore që ndikuan në lirimin nga burgu të Bajrit.

Në takimin që ka pasur personazhi i Drejtësisë me emrin “Tani”, Pëllumbi i thotë Behar Bajrit në aplikacionin “SKY” si më poshtë vijon:“…vëlla e takova “Tanin”, ja dhashë ato.

Me zor ja kam dhanë me 100 bena…i thashë deshti me të dhanë ma shumë, por unë nuk e lashë.

Shumë faleminderit tha…Por nuk deshi me i marë, tu ba be ja kam dhanë, dhe i erdhi shumë mirë, që je kujtua. Duhet vëlla dhe i thashë që ke thana “…ta paça borxh tan jetën…”.

Por ndaj këtij personazhi të Drejtësisë, kreu i SPAK Altin Dumani, nuk ka vepruar as me marrjen e tij në pyetje për sqarimin e këtij episodi, as me kontrollin e shtëpisë, as me sekuestrim telefoni dhe me asnjë nismë tjetër ligjore, duke e lënë rastin jo të domosdoshëm për ta hetuar.

Një pjesë e bisedave dhe negociatave që çuan në kapërcimin e derës së burgut nga i arrestuari i operacionit “Oaz”, Behar Bajri, janë zhvilluar në aplikacionin “SKY”, të cilat tashmë janë zbardhur në dosjen “Metamorfoza”, që SPAK ka çuar për shqyrtim në gjykatë.

Behar Bajri, arrin të dalë nga burgu në 29 qershor 2020, pasi Xhevahir Lita, kishte krasituar akuzat e rënda si “Vrasje me dashje” mbetur në tentativë, “Vrasje me dashje” kryer në bashkëpunim, “Mbajtje pa lejë e armëve dhe municioneve”, Vrasje me dashje”, “Pastrim i produkteve të veprës penale” dhe “Shtrëngim me anë të kanosjes dhe dhunës për dhënien e pasurisë”.

Në këmbë mbeti vetëm akuza e “Organizimit të lotarive të palejuara”, për të cilën Behar Bajri, u dënua në gjykatën e Shkodrës.

Bajri arrin në dalë nga burgu dhe në 4 korrik 2020, bisedon me Pëllumb Gjokën, për një seri planesh.

Por në bisedë e sipër të zhvilluar në aplikacionin “Sky”, mes tyre zhvillohet një bisedë për respektimin financiarisht të një personazhi me emrin “Tani”, që dukshëm sipas përmbajtjes ka ndihmuar Behar Bajrin për të dalë nga burgu.

Pëllumbi i thotë Behar Bajrit: “…vlla e takova dhe Tanin, ja dhashë ato…”. Ndërsa Behari ia kthen shkurtimisht: “…po po… po…po…”.

Sërish Pëllumb Gjoka vijon t’i shkruajë Beharit që kishte vetëm 4 ditë që ka dalë nga burgu: “…me zor ja kam dhanë me 100 bena, i thashë deshti me të dhanë ma shumë, por unë nuk e lashë…Shum shum faleminderit tha…”.

Behari: “Tanit…”!?

Pëllumbi: “Po Tanit…”.

Behari: “Mirë bane…”.

Pëllumbi: “…Nuk deshi me i marrë, tu ba be ja kam dhanë dhe i erdhi shumë mirë që je kujtuar…I thashë që ke thanë tit a paca borxh tan jetën…”.

Por Behari ia kthen Pëllumbit shkurtimisht:  “…shumë mirë vëlla…dhe ishadha nuk bahet se me pas nevojë më ka gati me pas naj hadh…”.

Ndërsa Pëllumb Gjoka, vijon t`i shkruaja Beharit duke i thënë se: “Tani” që ai kishte takuar i ka lënë një porosi për Beharin që mos flasë dhe komunikojë me Senadin,(personazh i njohur në Shkodër) se nuk është në terezi me mënd e kokës.“…më tha me të porositë, mos fol asgja me Senadin se nuk asht në terezi me mend të kresë.

Senadi të don shumë ty, por qysh kur i ka ra infrakti nuk është normal…”,-i thotë në apikacionin “Sky”, Pëllumb Gjoka, Behar Bajrit.

Bajri ia kthen: “…po po, qa mej than…”. Por Pëllumbi vijon sërisht duke shkruar:”…nuk din ca flet Senadi, më porositi me të thanë…”.

Ndërsa Behari ia kthen shkurtimisht: “…po mirë, ma vlla…”.

The post Zbardhen bisedat në “SKY”/ Kush është “Tani” i drejtësisë që u pagua nga Pëllumb Gjoka 4 ditë pas lirimit të Behar Bajrit appeared first on Albeu.com.

Komunikimi nis në mbrëmjen e 8 dhjetorit 2020, kur SPAK nisi operacionin “Asgjë nuk harrohet”, duke u arrestuar Viktor Imerin e Vlorës dhe persona të tjerë, përfshirë dhe Emiljano Shullazin, për ngjarjen e vrasjes së Klodian Saliut, Vajdin Lamaj dhe Artan Arsin.

Behari dhe Gjoka, komentojnë operacionin e SPAK duke u shprehur se: “…Viktor Imeri, paska shkuar me kamt e veta në polici…”.

Më tej, ata vijojnë bisedën duke folur për Dorian Dulin, një personazh ky që Behar Bajri dhe Pëllumb Gjoka e duan të vdekur.

Në bisedat e zhvilluara në aplikacioknin “Sky”, Behar Bajri, shprehet se ka ka ndërtuar një strategji të qartë që ka vetëm një pikësynim, duke treguar se Dorian Duli votimet nuk i ha, pasi i është prerë bileta.

Madje Bajri tregon se kanë për t’u vrarë dhe “Niklaqurët e Tomës, pasi me ta mburret ai”.

“…kam qef t’i çoj deri në fund, por unë e kam nji pikësynim. Dori votimet nuk i han mar vlla, se i asht pre bileta. Dhe Niklaqurët e Tomës kan me u vra, se këta ka Toma dhe me ta mburret Toma. Thjesht jam tu ju ndejt si në autobus. Se Bardhok, e Blert e tan do ti vras veç nëse vdes…”.

Ndërsa më tej, Behari i thotë biznesmenit Pëllumb Gjokës se:

“…por nji ditë, kam me e hëngur Dorin, se ku, e tek, nuk e di. Por ishalla nuk i thehet në dorë atij dhe mos ti ngelin, sikur ja bani shkosin ai (Ardjani). Jam tu prit me i mbyll ito gjyqe se mbyll tesh dhe atëherë ke me nigju se ça ka mu sjell, e mendosh. Deri në datëlidjen teme, njëri do vdesi prej tynve se kujt do t’i bin lapsi nuk e di, por dikush do ikun…do ikun nji nga grupi…”.

Gjoka-Bajri, flasin së bashku duke u shprehur se Dorian Dulit, ka mundësi t’ja heqin licencën e pikave kazinove dhe pikave të basteve, që ka në Shkodër.

Në mbrëmjen e 8 dhjetorit 2020, Pëllumb Gjoka, i shkruan Behar Bajrit duke i thënë se: “…Dorit ka mundësi me ja hek liçencën, por mos i thuaj gja “Bushetës…(Nofka e një personazhi të Politikës Shqiptare)”.

Mirëpo, sipas kontekstin të bisedës që zhvillohet mes këtyre dy personazheve, duket se Behar Bajrit, nuk i intereson shumë heqja e liçencës Dorian Dulit, por arrestimi i tij.

Behari i shkruan Pëllumbit: “…A thu po e arrestojnë Dorin, se më kan than info këta të shtetit. Tesh nji muaj ka si më kanë thënë. A po e arrestojnë Dorin, këtë p*** motren, se nuk po laj vend me mujt me zen…Kishte ken tesh tek ky “Leksi i Druve…”.

“…Se di…” – i thotë Beharit, Pëllumb Gjoka duke shtuar se: “…ka kush mbron Dorin…”.

Behari ia kthen: “…Kush po e mbron Dorin…?”.

Pëllumbi: “…Pse nuk e di ti…?”

Behari: “…Jo nuk e di…por di që Toma Bardhokun e don të vdekur, kyt e di unë…për Bardhokun se Toma e don të vdekun”.

Pëllumbi: “…Nuk po flasim për Bardhokun…”.

Por Behar Bajri ia kthen se: “…jo kyt nuk e di, Ardjani e di ma mir…se tek ai parkohet më shpesh dhe ato që i ke thënë ti ka shkuar Ardjani ja ka thënë fill Tomës…Dhe Ardjani nuk man gja për vedi, fill me fol…”.

Por Pëllumbi ia kthen: “…E di, por nuk ja kam thanë unë…m’i ka thanë Ardjani…”.

Kurse Behar Gjoka i shkruan më tej se: “…a e ke shok apo asht në dy krahët ai?…se nuk e kuptoj hiq punën e tij…Për Benin (Arben Ndoka), s’kam çfarë flas por Ardjani asht me dy fytyra…”.

Sërish Pëllumbi i thotë Beharit se: “…ai (Ardjan Nikulaj) asht shok me mua, por kur e lyp Toma shkon e rrin me Tomën. Sa i jep naj tokë a naj garazh, bahet me Tomën…Po shok më ka prap…”.

Behari: “…Po e di, jama…. …Jo mu mi ka dhanë dy garazhë dhe nji hymje por me të, nuk jam shok. Veç me dit, e me ble e kam, se për mu kurvë ashtë e kurvë do mbetet…dhe nuk ashtë se i veshi këpucët për të as për vota as për asgja…”.

Pëllumbi: “…Unë nuk rri me dy palë njerëz që nuk shkojnë, unë maj një krah…”.

Por Behari ia kthen se: “…kush man dy krahë…? Ti nuk din gja, se ça asht tu sjell dhe flet në ajër…”.

Ndërsa biznesmeni Gjoka vijon t’i shkruajë Behar Bajrit duke i thënë se: “…Po mirë më shpjego ti që mos të rri në ajër unë….Bardhoku i lyp Dorit me u prish me Tomën…Dori thotë nuk prishem me ta, se e kam për gjithçka…”.

Njëherësh Behar Bajri ia kthen se: “…kam qef ti çoj deri në fund, por unë e kam nji pikësynim. Dori votimet nuk i han mar vlla, se i asht pre bileta. Dhe Niklaqurët e Tomës kan me u vra, se këta ka Toma dhe me ta mburret Toma. Thjesht jam tu ju ndejt si në autobus. Se unë votë nuk ka prej meje. Dhe sa për ty nuk jam bukëshkelës dhe nuk rrij kurrë me hasmin tënd as mik nuk e baj kurrë, por janë disa gjara se do ti shpjegoj, se nuk janë ashtu ku ta realizoj, atëherë ke me kuptu. Se Bardhok, e Blert e tan do ti vras veç nëse vdes…”.

Por Behari ia kthen shkurt: “…Hap syt ti për vetin…”.

Ndërsa Behari i thotë: “…unë sytë e hapun i kam tan ditën, i njoh kurvat mirë se kush janë…i haj tan këta kurva. Por ke me i kuptu shumë shpejt dhe nuk të kam cilësu ma pak se vëllai jem dhe nuk të cilësoj ndryshe, por nuk du me të përzi, se këto i kam personale dhe dua ti qoj deri në fund, por nuk dua të dal në s’kenë me ty për asgja. Dhe përsa i përket votive fol ti me kë të duash dhe mua mrapa më ke…se nuk ta kam s’jedh shpinën se nuk jam Ardjani unë. Në muaj të fundit më ke mas vedit, se nuk jam me dy fytyra unë…”.

Pëllumbi ia kthen: “…O vëlla ti e din që unë dua me të pa sipër tanve…”. Unë kur të flas, të flas për të mirë. Me ba me kamngul unë as Ardiani nuk ma sjell shpinën…”.

Ndërsa Behari vijon t’i shkruajë: “…nese të vijn këto kurva…O nuk më intereson Ardjani, të baj qa të dojn të rrin dhe me Dorin, s’ka problem se po fiton prej tejet dhe prej vllasë së tij dhe kështu i mbydhi sytë. Por nji ditë kam me e hëngur Dorin, se ku, e tek, nuk e di. Por ishalla nuk i thehet në dorë atij dhe mos ti ngelin, sikur ja bani shkosin ai. Jam tu prit me i mbyll ito gjyqe se mbyll tesh dhe atëherë ke me nigju se ça ka mu sjell e mendosh. Deri në datëlidjen teme, njëri do vdesi prej tynve se kujt do ti bin lapsi nuk e di, por dikush do ikun…do ikun nji nga grupi…”.

Kurse Pëllumbi ia kthen: “…o vëlla hap prej shitjeve, ishalla…”.

Por sërish Behari vijon: “…o vëlla, Bardhokun do vras të parin i her, se i kam planifikuar tana nëse nuk më del në shteg deri në fund të Janarit…”. (Në fakt Bardhok Pllanaj u ekzekutua nga klani “Bajri” në 4 Prill në “Dobraç”). Veç Ardjanit mos i thuaj se pin i gotë, e nuk din ça flet…se ta blen Toma shumë…”.

Pëllumbi: “…Joooo, nuk flas unë, ca më duhet me fol…”.

Ndërsa Behari ia kthen: “…i kyt muj ta po vij e të takoj një natë për qejf e rrijmë, se nuk jam tu lëviz kërkund…”.

“…po hajde të rrimë e flasim, po hap sytë…”- i thotë Pëllumbi, Behar Bajrit.

Ndërsa ky i fundit ia kthen se: “…jam tu nejt veç këtej në qytet ku rrim, po nuk flej gjumë unë jo, i njoh këto kurva. Dhe hala nuk i kam vesh këpucët si me pa këta sa dorën e rand e kam, veç jam tu ble dhe tu pa terren. Kyt vit ta hajn…në janar e mrapa atë herë do të ndryshojë loja, ok…Natën…”.

Pëllumbi: “…shumë mirë je aty, flasim kur të takojm, natën e hap sytë…”.

The post Zbardhen bisedat në “SKY”/ Behar Bajri-Pëllumb Gjokës: Njëri do vdesë, se kujt do t’i bie lapsi s’e di… appeared first on Albeu.com.

Imazhet e siguruara ekskluzivisht nga gazetari i “Ora News”, Elton Qyno, tregojnë qasjen e afërt që djali i dekanit dhe profesorit të Juridikut në Shkodër, me Behar Bajrin.

Për më tepër këto imazhe u kthyen në provën kryesore të identifikimin e plotë të Behar Bajrit, pasi në SPAK u thirr Kristjan Kokaj, duke pranuar se fotot i kishte shkrepur Behar Bajri teksa ishin në shoqërinë e njëri-tjetrit.

Përmes këtyre fotove të dy së bashku, Kristjani dhe Behari ecin rrugëve të Shkodrës me “Audi”-n e blinduar, ndërsa shkojnë në Fakultetin e Drejtësisë, për të takuar Gasper Kokajn, pasi dëshironte të bisedonte me të Behar Bajri.

Kristjan Kokaj, shprehet se teksa nuk kanë mundur ta takojnë babain në fakultet, janë larguar në drejtim të “Dobraçit”, ku kanë konsumuar kafe në shtëpinë e Bajrit.

Këto imazhe tregojnë afrimitetin dhe miqësinë që ka djali i Dekanit të Fakultetit të Drejtësisë, me Behar Bajrin, i cili me sa duket kërkonte të depërtonte në Fakultetin Juridik të Shkodrës, duke takuar personalisht Gasper Kokajn.

Aktualisht, Gasper Kokaj, është marrë i pandehur në një çështje tjetër në prokurorinë e Shkodrës, për akuzën e korrupsionit pasiv së bashku me dy pedagoge të tjera, për kalimin në provime të dy studenteve kundrejt shumës prej 500 mijë lekë të vjetra.

Ndërsa djali i tij Kristjan Kokaj, është dënuar pak muaj më parë për një aksident me vdekje të bërë ndaj Martin Pjetrit.

Vendimi për dënimin e Kokajt është marrë nga gjyqtari Tonin Stërkaj, i cili e ka deklaruar fajtor dhe dënuar me 3 vite burgim për akuzën e “Shkeljes së rregullave të qarkullimit rrugor” me pasojë vdekjen dhe “Largim nga vendi i aksidentit”.

Por ky dënim me burg është pezulluar, duke e kaluar vuajtjen e dënimin në periudhë shërbimi prove, me kusht që Kristjan Kokaj të mos kryejë asnjë vepër penale.

Ndërkohë SPAK thotë se në përdoruesin “SKYECC” të Behar Brajoviq me kodin “9E6STL” në bisedat e datës 5 dhe 6 Mars 2021, janë shkëmbyer midis Behar Brajoviq dhe Xhevahir Litës, fotot e Kristian Kokaj, i ulur në sediljen e pasme të një autoveture, një imazh të godinës së Fakultetit Juridik në Shkodër si dhe imazh tjetër ku Kokaj shfaqet i ulur në një kolltuk në një ambient të mbyllur.

Për këto fakte më datë 4 Prill 2024, oficerët e BKH-së kanë pyetur si deklarues Kristjan Kokaj, i cili pasi i janë paraqitur fotot e shkëmbyera në “SKYECC”, ka deklaruar se personi në fotot e shkëmbyer është vetë shtetasi Kristjan Kokaj.

Kristjan Kokaj deklaron se në fotot ku është i ulur në sediljen e pasme të një makine me filxhan kafeje në dorë ka qenë tek autovetura e Behar Brajoviq ndër tjera ai deklaron:

“…në fotot ku unë jam i ulur pasagjer, foto është bërë në makinën e Behar Brajoviq, dhe foton e ka bërë Behar Brajoviq, pasi aty kam qenë vetëm unë pasagjer dhe Behar Brajoviq shofer, nuk ka pasur person tjetër. Makina ka qenë një “Audi” e blinduar por targën nuk ja kujtoj. Ndërsa foto ku kam qenë i ulur në divan, mund të jetë bërë në kafene ose në shtëpinë e Behar Brajoviq, nuk di të them saktë…”.

I pyetur nga oficeri se si është ndodhur në autoveturën e Behar Brajoviq, Kristjan Kokaj ka deklaruar se:

“…unë nuk e kujtoj datën e saktë kur ka ndodhur kjo, por duhet të ketë disa vite. Unë mund t’ju shpjegoj lidhur me ditën kur është bërë foto, pasi nuk kam rastisur pasagjer në makinën e Behar Brajoviq përveç këtij rasti. Në ditën që është bërë foto unë kam qenë duke pirë kafe në lagjen time, pranë banesës. Aty ka kaluar Behari dhe nga makina më ka thirrur “…o nipçe hajde një here…”. Kam takuar Beharin dhe më ka thënë: “…hajde bëjmë një xhiro…”. Unë kam marrë kafenë që kisha porositur dhe jam ulur në sediljen e pasme dhe kemi bërë xhiro nëpër qytet. Gjatë kohës që udhëtonim, Behari më ka treguar se deshte të takonte babanë tim, Gasper Kokaj i cili është Dekan i Fakultetit të Drejtësisë Shkodër dhe për këtë arsye më kërkoi që të telefonoja babanë që të komunikonte me Behar Brajoviq…”.

Nga këqyrja e komunikimeve të përdoruesve SkyECC “TIV9E3” dhe “9E6STL” janë zbuluar vrasja e Gjin Boriçit, korrupsioni në gjyqësor, sigurimi i kushteve për të kryer vrasjen e Dorian Dulit, Ibrahim Licit, Mustafa Licit, Genc Tafilajt, Kleant Musabelliu e shume episode të tjera si trafik droge dhe kultivim droge.

The post Publikohen fotot/ Ja si kapardisej në “Audin” e blinduar të Behar Bajrit, djali i Dekanit Gasper Kokaj appeared first on Albeu.com.

Sipas bisedave të zhvilluara në “Sky”, Martinaj drejtonte dhe financonte një linjë të tijën në trafikun e kokainës, duke e konsideruar të sigurtë dhe nxjerrjen e sasive të drogës nga ambientet e brendshme të Portit.

Në këtë linjë trafiku i lutet të futet dhe Behar Bajri i Shkodrës. Në kohën kur zhvillohet bisedat për futjen e Bajrit në trafikun e drogës, ai kishte vetëm 4 muaj që kishte dalë nga paraburgimi Nr. 313.

Bajri kishte vështirësi ekonomike dhe kërkonte ndihmë tek Ervis Martinaj, që i fundit ta ndihmonte në trafikun e kokainës, ku fillimisht do fuste 100 copë njëherësh.

“…mos e fol me njeri se më prish punë. Po për zotin, ndihmë kështu as vëllai jot s’ta ka ba…”,- i thotë Ervis Martinaj.

Por Behari ka frikën se mos kapet ngarkesa e drogës dhe kërkon me ngulm që herën e parë, të dalë garant Ervis Martinaj dhe ky i fundit t’ia marrë përsipër rrezikun e humbjes.

“…po rrezikun, a po ma mer rrezikun veq herën e parë dhe nuk ta haroj. 5 për qind i fus vetë dhe po dal në diellë. Por a po ma merr rrezikun, veç kyt herë? A më jep fjalën tani…se më ke në krah, por më ndihmo…”- i shkruan Behar Bajri, Ervis Martinaj.

Por Ervis Martinaj ia kthen me një përgjigje epike se: “…garanci kam vetëm zgjuarsinë time…dhe ça lekësh kam unë do i fus. E këta çunat ça lekësh kanë do i fusin që të rinë me mua. Ashtu garancie që thua ti, s’kam jetën time more …kapedan…”.

Në datën 27 tetor 2020, Ervis Martinaj bisedon në aplikacion “Sky” me Behar Bajrin, për të ndarë muhabetin nëse do e fuste këtë të fundit apo jo në linjën e trafikun të kokainës që e realizonte nga vendet e Amerikës Latine në drejtim të porteve të Europës.

Martinaj i kujton Bajrit, që të qëndrojë diskret në këtë veprimtari kriminale dhe të mos i tregojë kujt, duke i shkruar si më poshtë vijon:

“…asnjë s’du që ta dije dhe do bisedojmë bashkë këto tre ditë. Munesh me fut sa të kesh takat ti…”.

Por Behari ia kthen: “…aaaa, a kena Garanci…?”.

Por Ervis Martinaj ia kthen me një përgjigje epike se: “…garanci kam vetëm zgjuarsinë time…dhe ça lekësh kam unë do i fus. E këta çunat ça lekësh kanë do i fusin që të rinë me mua. Ashtu garancie që thua ti, s’kam jetën time more …kapedan…”.

Sërish Behar Bajri ia kthen me ndrojtje duke i shkruar: “…Por nuk kam lekë mor “Kapedan…”. Ti e di, por unë nuk jam në hapat e tua. Por a më the se po të ndihmoj mar “Kapedan…”. A po ma merr rrizikun ti herën e parë, mo “Kapedan”. Më thuaj kur po rimë…”?

Ndërsa biznesmeni Ervis Martinaj e këshillon duke i thënë: “…mos u turr pas fajdeve…”.

Kurse Behari ia kthen: “…po lek po mbledhi…”.

Behari vijon t’i shkruajë në “Sky” Vis Martinajt duke i pohuar:

“…po rrezikun, a po ma mer rrezikun veq herën e parë dhe nuk ta haroj. 5 për qind i fus vetë dhe po dal në diellë. Por a po ma merr rrezikun, veç kyt herë? A më jep fjalën tani…se më ke në krah, por më ndihmo…”.

Martinaj ia kthen me mesazh duke i shkruar se: “…mos e fol me njeri se më prish punë. Po për zotin, ndihmë kështu as vëllai jot s’ta ka ba…”.

“…Po e di, por ma ban, e ti bij lekët sonte… 5 për qind po i fus unë, po hyj borgj…”- ia kthen Behar Bajri.

“…Ore ishallah po bëhet…nuk duhen lekët sonte jo… duhen mas 2 javësh… Po rëndësi ka që të bëhet. Lekët duhen brenda muajit nëntor”- i thotë Ervis Martinaj.

Biznesmeni vijon t’i shkruajë duke i thënë: “…100 copë e ke vendin, aq do fus dhe vetë unë…vetëm mos folë me njeri se më ngelet hatri se veç ty të kam thënë, se çdo muhabet e qet jashtë. Nuk i lej hapësirë kujt, veç teje 100…”.

Behari: “…I qin unë…?!”…jo jo nuk i them kujt. I qind për mu…?!”

Martinaj: “…po i lashë kujt s’jena ma shokë, se veç ti më ke ra mbrapa. 10 për qind edhe hypja 20 dalja…”.

Por Behari ia kthen: “…vlla du me fut për vedi i 100 copë. Në i qin copë, sa i bjen me marë unë 80 copë?. Ok në rregull por ama merr rrezikun veq kyt rradhë, fjalë burrash, lekët i kam ok. Po normal lekët i kam dhe më thuaj ti bij…”.

Martinaj: “…E me turkun…”.

Behari: “…jo mor vëlla, çfarë flet nuk i them kujt…Po jo o vëlla, do i fus veç për vedi për kryet të kalamanjve dhe do ju jap naj gjë dhe këtyreve. Ok e kam të shitur…”.

Por sërish biznesmeni Martianaj, ia kthet Beharit duke i kërkuar këtij të fundit që të mos flasi lart e poshtë, duke i shkruar: ”…mos i thuaj kujt, veç atyre që rrimë, Lela e Plluma. Herës tjetër ja fusim nga 200, masanej nga 400…”.

“…Jo mo vlla nuk tregoj…”,- i thotë Behari, duke vijuar t’i shkruajë Ervis Martinaj se: ”…ba me dal, do ju jap ka 100 mijë euro Denisit dhe Samos dhe Dorit, se kam shpenzime…”.

Sërish Martinaj ia kthen: “…O e ke të dalme, por veç fike Neës 24… ( shprehje figurative duke i rikujtuar Beharit të mos flasë mos hapi gojën për këtë punë) se të tjerët bajnë nga 1000 copë e nuk folin. Leli s’ta ka futur 1 bukë kurrë, o budalli i dreqit…”.

Behari: “…po nuk kam punë me të o vlla, vari ka**n e tij….”.

Ndërsa Martinaj i thotë: “… po na e bjer ta ballafaqojmë…”. “…kismet se kam kohë si nuk kam fol, por varja puna e tij…”,- ia kthen Behar Bajri.

Më tej po në datën 27 Tetor 2020, teksa Behar Bajri bisedon me biznesmenin Pëllumb Gjoka, duke i shkruar këtij të fundit për merakun se s’po e kapte dot Bardhok Pllanaj.

“…atë Bardhokun, si nuk po e kap, se ai vdes prej frike…”-i shkruan Behar Bajri, Pëllumbit.

Ndërsa ky i fundit ia kthen: “…se gje gja Bardhokun, ka kaluar shumë ai ashtë mjeshtër…”.

Por sërish Behari i shkruan më tej duke qeshur: “…hahaha varet kur e ka ditën dhe ky, po po ashtu është. Po dhe mu më ka vënë në gjumë, po më ka dhënë valjum derisa ta zaj atë Dorin…”.

Në fakt Dorian Dulin nuk mundi ta kapë dot kurrë Behar Bajri. Duli, nuk mundi të kapet dhe nga Prokuroria e Posaçme SPAK, e cila e kërkoi si dëshmitar për ta pyetur dhe ky person nuk u arrit të gjendet në Shqipëri nga oficerët e Policisë Gjyqësore.

The post Behar Bajri në “SKY”: Më ndihmo të fus 100 copë, po a ka garanci? Ervis Martinaj: Garanci s’kam jetën time… appeared first on Albeu.com.

Por kjo është vetëm maja e ajsbergut, pasi episode të tjera janë të regjistruara dhe ndërhyrje që i pandehuri Behar Bajri, i kërkonte prokurorit të tij, Lita, për lirimin e Eugen Vasos alias Brajoviq dhe personave të ndryshëm.

Bisedat me natyrë korruptive, janë zhvilluar vetëm 4 ditë pasi Behar Bajri, ishte liruar nga paraburgimi 313 në Tiranë nga gjyqtari S., i cili sipas SPAK dyshohet se ka marrë një sasi monetare deri në 5 milion lekë të vjetra, duke i zbutur në 29 qershor 2020 masën e sigurisë nga “arrest në burg” në “detyrim paraqitje”.

Ndërkohë Xhevahir Lita, kishte krasitur më parë të gjitha akuzat për vrasje, gjobëvënie, pastrim parash të Bajrit, duke lënë në këmbë vetëm “Organizim pa lejë të lojërave të fatit”, për të cilën ai dhe u dënua me disa muaj burgim.

Por indiciet e forta mbi përfshirjen në korrupsion të gjyqtarit Sokol Shehu, shtohen akoma dhe më tepër, kur Behar Bajri, i sapo dalë nga burgu i ofron 100 mijë euro prokurorit Lita që t’ia japi gjyqtarit, me qëllim të mbyllë dosjen dhe zhveshë nga masa e sigurimit “arrest në burg”, të vëllait të tij, Enver Bajri.

I dalë nga burgu, Behari problemin e tij e konsideronte të mbyllur, por në atë valë kërkonte të zgjidhte dhe problemin që kishte me drejtësinë vëllai i tij, Enver Bajri.

Enver Bajri, ishte në të njëjtën dosje penale me Beharin, pasi gjatë një hetimi të kryer nga Krimet e Rënda, ai dyshohej se ishte përfshirë si një nga anëtarët kryesorë të grupit “Bajri” në Shkodër.

Dhe mbi bazën e këtyre dyshimeve gjatë operacionit “Oaz”, Enveri është shpallur në kërkim ndërkombëtar pasi në datën 21 shtator 2018, Gjykata e Krimeve të Rënda, ka caktuar masën e sigurimit “arrest në burg” për akuzën e “Pastrimit të produkteve të veprës penale ose veprimtarisë kriminale”.

Behar Bajri, është liruar nga burgu në 29 qershor 2020 me vendimin Nr.307 të marrë në orën 10:00, duke caktuar “detyrim paraqitje” dy herë në javë të hënën dhe të enjte.

Një ditë më pas, në 30 qershor prokurori i çështjes Xhevahir Lita merr kontakt me të pandehurin e tij, Behar Brajoviq alias Bajri, i cili ka në përdorim Sky@EÇ TIV9E3, ku në orën 16:51:35 Behar Brajoviq i ka dërguar mesazhe Xhevahir Litës si më poshtë:

“…Daci vogel jam… ta paqa borgj vlla…ta po rrim nej dit gjejm nej vend e rrim…tiranë jam…”.

Xhevahir Lita e pyet se çfarë po bën dhe se ku ndodhet? Po ashtu ai orienton “dacin” se si do veprohet më tej, duke dërguar mesazhet si më poshtë:

“…ok ke me u paraqitë të hënën…në prokurori…të hënën në orën 10…”.

Në orë 17:03:31 prokurori Xhevahir Lita dërgon Pëllumb Gjoka mesazhet: “…po bëni qef me Dacin më duket…eheeeee…a ju a ju… jeni të qetë tani…”.

Ndërkohë tre ditë më pas, në 3 korrik 2020 Behar Bajri i shkruan Xhevahir Litës, duke e pyetur për një porosi për një gjyqtar që kanë folur duke i thënë: “…si je ti mirë a po flet me atë si folmë…” dhe Xhevahiri ia kthen si më poshtë vijon:”…po po kam folë dje, ishalla mirë…”.

Behari i shkruan: “…mirë nuk dua thuaj gja gratis…”, kurse Xhevahiri ia kthen: ”…e di e di…”. Më tej Behari i thotë: “…po për punë të vllasë ça bahet, se kam hadh me ja kry dhe vllas. Si mendon ti ça duhet me ja dhanë këtij…”.

Por Xhevahiri ia kthen: “…ai nuk është atje, ai është akoma aty ku ishe ti (nënkupton burgun), nuk ka shku atje për atë vazhdon te ne akoma. Ai është shumë problem nuk kryhet…”.

Ndërsa Behari vijon duke mos hequr dorë duke i ofruar 100 mijë euro Xhevahir Litës, që këtë shumë ta ndajnë me gjyqtarin dhe të mbarojnë punë edhe për Enver Bajrin.

Behari:  “…zotni 100 mijë euro i ka të mi kyn dhe për vllanë dhe të mijat dhe ndaji ti me të a çat dush, kur të dush dhe 100 mijë euro i ke kur të dush. Rregulloji vetë me të ti, por du si mos na çajn nesër kush k***n me na këto histori. Fol me të vetë, nuk ke punë me kën, na e kena drejt për drejt bashkë…dhe kur të dush rrim i ditë për qef bashkë, hajm i drekë…”.

Xhevahiri ia kthen: “…bo bo ça flet, flasim kur të takohemi…ik ore mos fol ashtu, bo bo si fliske ti…të enjten në orën 10:00 mos harro ke me shku ku ishe…”(Nënkupton detyrim paraqitjen)…. “…E fshi këto sms e sotme se ia kemi futur kot…fshi tani në moment se harron”-i thotë Xhevahiri, Beharit, ndërsa ku i fundit ia kthen:”…hahaha ok, pa merak u kry i fshiva…”.

Kurse Xhevahiri e përshëndet: “…ik natën, rrofsh sa malet…”. “…Natën, natën, shyqyr si të kemi…”-ia kthen Behar Bajri.

Ndërkohë pasditen e datës 3 korrik 2020, Behar Bajri bisedon në “Sky” me biznesmenin Pëllumb Gjoka duke i thënë: “…fola me Xhevin dhe i thashë, ke dhe njëqind mijë për gjykatësin, i ndan i thashë ti me të a çat dush, du me kry i her e mir dhe mirë thuj atij gjyqtarit ndaq mos me vdek me kry punë i thashë, por mos i thuaj gja ti, ban demek si nuk e din…se i thashë dhe për punën e vllas me kry punë…”.

“…si i 100 mijë kot vëlla??, A e pe sa pak kanë ik deri tani. Iku kjo punë, për kyt çështje të rruajnë k***n… O vëlla jo aq shumë. A e pe sa pak kanë shkuar për tan atë dallgë, e ka pastru Xhevi…”, -i shkruan biznesmeni Pëllumb Gjoka.

Ndërsa Behari ia kthen: “…po thashë të krym, vari lesht të paktën na bajn biografinë e mirë, se më tha për punë të vllasë jo kështu jo ashtu…e di ma vlla por thashë ta kryen dhe aj kurv fill e mos të na zgjasin kyt histori…”.

Kurse Pëllumbi ia kthen: “…nuk ka ca zgjat ma ai, nejse hap sytë ca sillet…” dhe Behari ia kthen:”…tash po pres dhe nja 3 ditë për punë të Tiranës…nuk bahet fjalë nuk dal hiq a don nej aparaturë me ta porosity si morra unë…?. Pëllumbi:Për ça është ajo aparatura, me blloku valt? Behari:”…për valë se është e mirë, për ku flet me kën nej makinë ambjentale nuk ka përgjime…”. Dhe Pëllumbi që i thotë:

”…e kam një të madhe…”.

Por në datën 7 korrik Behari i shkruan sërisht Xhevahir Litës duke i thënë: “…Po e kam veç ditë të enjte apo dy herë në javë, se kur dal me ta, kom me dalë me 5 makina… të paktën lenë një herë në javë…të shkoj vetëm të Enjten pra…” dhe Xhevahiri ia kthen: “…ke dy herë, por ti shko vetëm të enjten ose të hënën… ok…”.

Por Behari ka harruar dhe datat e seancave gjyqësore dhe në datën 7 korrik 2020 pyet Xhevahir Litën, duke i thënë:

”…a kam naj gjyq, ça më tha avokati…”, kurse Lita ia kthen:”…hahahah, jam që në mëngjes tu marë me këtë punë, me avokat e me gjithë miletin…”. “…E di edi, por ty ta kam lanë në dorë…”,-ia kthen i pandehuri Behar Bajri.

Sërish në datën 7 korrik, prokurori Lita dhe i pandehuri i tij, Behar Bajri flasin për muhabetin e lënë përgjysmë lidhur me korruptimin e gjyqtarit që liroi Behar Bajrin, por tashmë duhet zgjidhur dhe mbyllur dosja e vëllait, Enver Bajri.

“…A fole me të, që të krym punë e ti jap ato…?”-i thotë Behari. Ndërsa Xhevahiri ia kthen:”…kam dashtë me i pregatit që të mos dështojmë, jam marrë me avokatin…”.

Kurse Behari ia kthen: “…po e di, të kam shok e mik dhe nuk ta harroj, inshallah nuk bahesh për mu se si me kën për vëllanë tem eci…”.

Ata flasin dhe për punën e zgjedhjes së çështjes në themel që ishte hapur në prokurorinë e Shkodrës, dhe për të mos zvarritur çështjen hetimore, duhet të kryheshin disa veprime si marrja në pyetje e verifikime shtesë.

Për një moment Xhevahiri i shkruan në 13 korrik Beharit:

”…desha ta mbyll unë se mund të transferohem, e ngel pastaj e nuk ta bën kush…problem është më shumë te ai që është në Itali se ai ka bërë aplikimin, se ty pot ë kaloj, nuk është punë telefoni duhet me dhënë deklarim të shikojë mundësinë të vijë…”,-  Behari ia kthen: “…po nesër po të mer aj ty dhe po ja pres biletën e të vij, për punë të vllasë po vjen ai se më thanë kam fol me ty në telefon…”.

The post Bisedat në “SKY”/ Behar Bajri: Keni 100 mijë €, ndaji ti me gjykatësin mbyllni punën e vëllait, Xhevahir Lita: Bo bo si fliske ti, fshiji appeared first on Albeu.com.

Një pjesë e bisedave dhe negociatave që çuan në kapërcimin e derës së burgut nga i arrestuari i operacionit “Oaz”, Behar Bajri, janë zhvilluar në aplikacionin “SKY”, të cilat tashmë janë zbardhur në dosjen “Metamorfoza” që SPAK ka çuar për shqyrtim në gjykatë.

Nga bisedat e zhvilluara mes Pëllumb Gjokës dhe prokurorit të Shkodrës Xhevahir Lita, problem për këtë të fundit është pushimi i tre akuzave për vrasje të ngritura kundër Behar Bajrit nga Krimet e Rënda.

Bëhet fjalë për ngjarjen e ndodhur në 29 qershor 2002, ku 15-vjeçarja Fabjola Hyseni, bashkëjetuese e Behar Bajrit, është raportuar si e vetëvrarë brenda në banesë me tre plumba, ku mësohet se njërin prej tyre, e ka pothuajse pas shpine me kënd drejtimi nga poshtë-lart.

Në atë periudhë Behar Bajri, i arrestuari kryesor për këtë ngjarje dhe i dyshuari nga prokuroria si personi i dyshuar për këtë vrasje, ka mohuar në mënyrë kategorike se e ka kryer këtë krim kundër gruas së tij.

Krimet e Rënda, pretendonin se me të njëjtën pistoletë tip “TT” që është qëlluar në vitin 2002, 15-vjeçaria Fabjola Hyseni, është qëlluar në 7 shkurt 2001 Arben Tuzi, ngjarje kjo e ndodhur në rrugën “Qemal Stafa” në Shkodër, ku ka mbetur i plagosur dhe miku i tij, Lulzim Molla.

Arma e krimit është gjetur pikërisht në banesën e Behar Bajrit, shumë pranë trupit të pajetë të vajzës 15-vjeçare, Fabiola Hyseni.

Lita e shikon si problem këtë pjesë për pushim akuzash pasi duhet të vijë akti-ekspertimit balistik i armës nga Tirana. Por nga ana tjetër Pëllumb Gjoka e siguron 1 milion për qind se nuk ka gjë ajo arma dhe nuk lidhen të dyja ngjarje pasi sipas tij, e ka bërë 100 herë Anton Martini dhe nuk ka dalë gjë.

Xhevahir Lita, lidhur me sa i thotë Pellumb Gjoka, i dërgon përgjigjet: “…tani ia ka bërë Edi dhe sot ia ka kthy përgjigjen e pashë dhe unë…po po mire, ajo dosje u dhi…”.

Në 18 qershor 2020 Pëllumb Gjoka i kërkon Xhevahir Litës që në 19 qershor të dorëzojë kërkesën për zëvendësimin e masës së sigurimit për Behar Bajrin.

Por Xhevahir Lita e orienton që kërkesën duhet ta bëjë avokati, pasi nuk e dëgjon “ajo”, duke e pasur fjalën për Edlira Cufin me të cilën sipas Litës nuk merret kush.

Pas kësaj kanë lënë takim së bashku, që të takohen të dy tek shtëpia e Xhevahir Litës, i cili e ka orientuar Pëllumb Gjokën që të shkojë nga porta e varrezave të Dëshmorëve.

Pas këtij takimi në datën 20 qershor 2020, ditë të shtune, Xhevahir Lita ka njoftuar Pëllumb Gjokën se e ka dorëzuar kërkesën për zëvendësim mase sigurimi për Behar Bajrin, duke dërguar mesazh si më poshtë: ”…e lashë, i thashë bëj çar të duash…”

Dhe në vijim i dërgon mesazh: “…ai do e rrëzojë kërkesën time…më tha tërhiqe ti kërkesën…i thashë jo jooo bëj çar të duash…me arsyetimin se po e paragjykojmë…”.

Kërkesa për zëvendësimin e masës së sigurisë nga “arrest në burg” në “detyrim paraqitje” tek oficeri i policisë gjyqësore Çlirim Halili është bërë nga Lita në datën 19 qershor 2020, i cili pa pyetur aspak prokuroren tjetër Cufi, ka krasitur akuzat dhe lënë në këmbë vetëm veprën penale të “organizimit pa lejë të basteve sportive” për të pandehurin Behar Bajri.

Gjatë vazhdimit të kësaj dite, në orën 20:35:43, Xhevahir Lita shpreh shqetësim dhe i dërgon Pëllumb Gjokës mesazhet:

“…ajo nga Tirana ka ardhë me të futurë…a ke bërë gjë se nuk po shoh pozitivitet…ai që më the mua se po shkojë takoj, I ka bërë bisht i kishte thënë atij shokut tim ka problem…”.

Në këtë datë flasin Gjoka dhe Lita, për një çështje tjetër gjyqësore dhe Pëllumb Gjoka, mundohet ti japë shpjegim për ecurinë e kësaj çështje, duke i dërguar mesazhet:

“…Lazri ka kërkuar kohë… Ka marr raport Lindita… Në trupë është Aleksi që ka marrë raport… Lindita që mori raport…”, Xhevahir Lita ndërkohë i ka thënë që trupa nuk është formuar ende.

Ndërkohë Xhevahiri vijon të shfaqë shqetësim lidhur me një akt-ekspertimi që pritet nga Tirana dhe se nuk është tek pritshmëritë e tij pasi sipas tij ka qenë i pakuptueshëm, bëhet fjalë për një akt-ekspertimi balistik krahasues.

Në orën 21:03:43 Xhevahir Lita dërgon mesazh: “…akti i ekspertimit që nuk kuptohej e kanë bërë të kuptueshëm…” dhe “… Që gëzhojat janë të qitura nga e njëjta armë?…”

Pëllumbi i thotë: “Nuk është e vërtet… Vetëm nëse e kanë manipuluar… sepse sistemi bën krahasimin automatik të gëzhojave…Si shënjat e gishtave…”.

Xhevahiri i përgjigjet: “…shko nesër e shikoje…ka mbaruar…na e ka dërguar përgjigjen me Whatcap…”.

Pellumb Gjoka i shpjegon se këto prova i ka bërë 100 herë Anton Martini (ish drejtues i Prokurorisë Shkodër 2016-2019).

Ai në orën 21:07:55 dërgon mesazhet: “… Lere ça thonë… Isoj si thon tani, keni përgjime që gjujtsi është Safeti e shoferi Ameri… Nxitsi Behari…… Muhabete pazari o vlla… Po ti kishin ja kishin plas me koh… O vlla i është bërë kërkesë disa herë policisë shkencore, për përgjigjen dhe nuk u dha asnjëherë… Un e di privatisht që nuk kanë lidhje gëzhojat…1 milion për qind…”.

Xhevahir Lita lidhur me sa i thotë Pellumb Gjoka, i dërgon përgjigjet: “…tani ia ka bërë Edi dhe sot ia ka kthy përgjigjen e pashë dhe unë…po po mirë ajo dosje u dhi…”.

Pëllumb Gjoka i dërgon mesazh Litës, ku i konfirmon se përgjigja aktit të ekspertimit balistik të armës është siç ka thënë ai.

Lidhur me këtë moment ku flitet për aktin balistik të pistoletës tip “TT”, është pyetur nga SPAK i arrestuari Xhevahir Lita, ku ndër tjera ka deklaruar:

“… Behar Bajri, hetohej lidhur me tre vrasje të ndodhura disa vite më parë, ku ndër tjera edhe vrasjen e ish-të fejuarë së tij. Nga të treja vrasjet që hetohej Behar Brajoviq, dy kishin ndodhur vite më parë dhe ishin dosje të pezulluara të cilat nuk kishin prova mjaftueshëm, por në rastin e vrasjes së ish të fejuarës, ndodhej një akt- ekspertimi balistik, që ishte i administruar në dosje por i palosur në pjesën e konkluzionit dhe nuk konstatohej se çfarë konkluzioni ishte dhënë, kjo ishte vendimtare në zgjidhjen e çështjes së Behar Brajoviq. Duke qenë se kjo ishte vendimtare, bashkë me prokuroren Cufi, i kemi kërkuar Institutit të Policisë Shkencore që të na sillte kopjen e aktit, i cili pasi është administruar kemi proceduar me njoftimin e akuzës Behar Brajoviq, duke i njoftuar akuzën për “organizimin e paligjshëm të lojërave të fatit”, pasi për vrasjet nuk provohej përgjegjësia, kjo është e dokumentuar edhe në aktet e procedimit penal. Lidhur me dyshimet për vrasjet, ne vendosëm ndarjen e çështjeve dhe pezullimin e hetimeve….”.

Pëllumb Gjoka dhe Xhevahir Lita kanë lënë të takohen bashkë. Xhevahir Lita është i interesuar të dijë se çfarë ka thënë Lindita Hoxha, gjyqtare në gjykatën e Apelit Shkodër.

Pëllumb Gjoka, i ka kërkuar Xhevahir Litës që Behar Brajoviq (Bajri) mos të hetohet për 2 vrasjet, se përndryshe “ngel” në burg. Pëllumbi i ka kërkuar Xhevahir Litës që të diskutoj “Lazrin”, pasi më 15 Qershor shqyrtohet në Gjykatën e Apelit kërkesa për zëvendësim mase, pas njoftimit të akuzës që i është bërë Behar Brajoviq.

Xhevahir Lita, e ka s’qaruar në orën 20:39:31 duke dërguar mesazh: “…o vlla nesër është për atë që nuk është këtu Daci ka mbaru punë…”.

Në 22 qershor 2020, Pëllumb Gjoka pyet Xhevahir Litë nëse ka ndonjë të re. Në orën 19:03:30 Xhevahir Lita dërgon mesazh: “…atë (gjyqtarin) duhet me e heq se nuk e bën…duhet me kërku perjashtimin…”.

Më pas kanë diskutuar lidhur me përjashtimin e gjyqtarit dhe se si do veprojnë. Xhevahir Lita i tregon se kërkesën ja ka dërguar edhe me e-mail dhe ja ka argumentuar. Pëllumb Gjoka e pyet nëse do takohet nesër me gjyqtarin dhe Xhevahir Lita i kthen përgjigje se atë do e takoj dikush tjetër.

Referuar këqyrjes së fashikullit gjyqësor lidhur me vendimin Nr. 307 (2006) datë 29 qershor 2020, rezulton se është zhvilluar seanca e datës 24 qershor 2020, për zëvendësimin e masës së sigurimit të kërkuar nga Prokuroria Shkodër për Behar Brajoviq (Bajri).

Në këtë seancë nuk kanë qenë të pranishëm Behar Brajoviq (Bajri) dhe avokati mbrojtës Alban Bengasi dhe për këtë arsye, seanca është shtyrë për në 29 qershor 2020.

Më 24 qershor 2020, Pëllumb Gjoka ka pyetur nëse Xhevahir Lita është takuar me gjyqtarin që do shqyrtoi çështjen.

Xhevahir Lita i është përgjigjur: “…po më tha me ka çmënë Pllumi…me ka fut 100 veta…”.

Pëllumb Gjoka, i ka kërkuar që ta takojnë bashkë gjyqtarin dhe Xhevahir Lita i kthen përgjigje në orën 18:09:30 i dërgon mesazhet:

“…ai më tha me ka çmene ti thua ta takojme bashkë…ku të takon ai ty… më ka thënë me ia çu ca dokumente ia kam bërë gati do ja jap nesër…”.

Pëllumb Gjoka në orën 18:11:46 ka pyetur Xhevahir Litën nëse i ka ofruar para gjyqtarit, Xhevahir Lita i është përgjigjur që jo.

Në orën 18:19:12 Pëllumb Gjoka i dërgon mesazhet: “… Daci është tu plasë… Dhe me të sjell ato t’ja japësh…” (ku përemrin “ato” i referohet dhënies së parave në këmbim të lirimit të Behar Brajoviq).

Lidhur me këtë moment të përshkruar më lart, më datë 12 Prill 2024, është pyetur nga ana e SPAK në cilësinë e deklaruesit gjyqtari Sokol Shehu, i cili ka qenë gjyqtar i seancës paraprake në çështjen e Behar Brajoviq e personave të tjerë, ndër tjera ai deklaron se:

“….unë nuk kam patur asnjë komunikim me Xhevahir Litën lidhur me shqyrtimin e kërkesës së prokurorisë për zëvëndësimin e masës së sigurimit të Behar Brajoviq. Me Xhevahir Litën kam komunikuar vetëm kur caktoja seanca gjyqësore dhe i njoftoja datën…..”.

I pyetur nëse njihet me Pëllumb Gjokën ai deklaron se:

“…Këtë shtetas nuk e njoh. Hera parë që e kam dëgjuar ka qenë kur u arrestua nga SPAK dhe doli në media….”.

Sokol Shehu është pyetur edhe nëse është kontaktuar nga persona të tjerë për llogari të Pëllumb Gjokës për tu interesuar për Behar Brajoviq, ai deklaron se:

“…Në asnjë moment nuk më është afruar askush të më pyesë për shqyrtimin e kërkesës apo për t’u interesuar për Behar Brajoviq. As Pëllumb Gjoka dhe asnjë person tjetër….”

Më datë 29 qershor 2020 Pëllumb Gjoka ka dërguar mesazh tek Lita: “…Ma në fund…”

Xhevahir Lita i shprehet: “…ke rënë rehat tani…”

Dhe Pëllumb Gjoka ja ka kthyer: “… Te dali Daci i her…”.

Në vazhdim Xhevahir Lita ka dërguar mesazhet: “…iku ai muhabet…tani thuaj meru vete se ka punë përsëri…”.

Në orën 16:48:45 Pëllumb Gjoka dërgon mesazhet: “… Vlla ka me të pru njëni 500. 000…Jepi sa të dojn… Nuk ja ban ma burgun… Pranoje se të ka ba ftesë Daci i vogël….”.

Për ndryshimin e masës së sigurisë së Behar Bajrit janë dhënë apo ofruar një shumë parash.

Në orën 15:34:10 poseduesi i SKY U2BA3G komunikon me Pëllumb Gjokën dhe e pyet nëse Behar Bajri, ka shkuar në Shkodër, dërgon mesazhet:

“…Ça po bën …Arriti shpi…Apo nuk shkoj Shkodër…E mirë… Kush e priti këtu…Apo polici… Ou menova me shok se po e çojn me polici… Ok se do ketë pas civila menoj… Vërdall… Po pin noi got lop tani…”.

Behar Bajri është liruar nga burgu në 29 qershor 2020 me vendimin Nr.307 të marrë në orën 10:00, duke caktuar detyrim paraqitje dy herë në javë të hënën dhe të enjte.

Një ditë më pas, në 30 qershor prokurori i çështjes Xhevahir Lita merr kontakt me të pandehurin e tij, Behar Brajoviq alias Bajri, i cili ka në përdorim Sky@EÇ TIV9E3, ku në orën 16:51:35 Behar Brajoviq i ka dërguar mesazhe Xhevahir Litës si më poshtë:

“…Daci vogel jam…ta paqa borgj vlla…ta po rrim nej dit gjejm nej vend e rrim…tiranë jam…”.

Xhevahir Lita e pyet se çfarë po bën dhe se ku ndodhet. Po ashtu ai orienton “dacin” se si do veprohet më tej, duke dërguar mesazhet si më poshtë:

“…ok ke me u paraqitë të hënën…në prokurori…të hënën në orën 10…”.

Në orë 17:03:31 prokurori Xhevahir Lita dërgon Pëllumb Gjoka mesazhet: “…po bëni qef me Dacin më duket…eheeeee…a ju a ju… jeni të qetë tani…”.

Në këtë datë Behar Bajri është liruar nga Burgu dhe ndodhej me masën e sigurimit “detyrim paraqitje”.

The post Bisedat në SKY/ Si iu hoqën 3 akuza për vrasje Behar Bajrit, Pëllumb Gjoka: Anton Martini e bëri 100 herë, s’doli gjë… appeared first on Albeu.com.

Sipas Ora News, Bajri  prej disa ditësh ai po merr mjekim pasi ka shfaqur shenja të komplikacionit shëndetësor.

Deri në rekuperimin e tij ai do të qëndrojë në spital duke u vëzhguar nga mjekët por edhe gardianë të burgut.

Behar Bajri u ekstradua me 16 Nëntor 2023 nga Franca drejt vendit tonë.

Ndaj Behar Bajrit rëndojën 5 vepra penale, ndër më kryesoret “Grup i strukturuar kriminal” dhe “Vrasje me paramendim”.

Hetimet ndaj Bajrit dhe 14 të tjerëve të implikuar në dosjen “Metamorfoza” nisën që në vitin 2019, pas zbërthimit të rrjeteve “Sky” dhe “EnkroChat” nga vendet partnere, të cilat sollën në vendin tonë gjetjet e tyre.

The post Behar Bajri lë ambientet e burgut dhe trasportohet në spital appeared first on Albeu.com.