Keni parë ndonjë bebe të dridhet kur ka ftohtë?

Jo, sepse s’e bëjnë dhe shkenca ka një shpjegim specifik për këtë. Dridhja që shpesh bëjmë ne të rriturit shkakton zgjerim të muskujve dhe kontraktim të shpejtë të tyre, gjë që çon në rritjen e temperaturës së trupit.

Por ndryshe nga ne, bebet kanë një lloj përbërjeje yndyrore që i ndihmon ata të mos kenë ftohtë. Në qafë, kraharor dhe shpatull ata kanë një element që quhet “yndyra kafe”, e cila djeg kalori dhe çliron nxehtësi.

Kjo substancë humb me kalimin e viteve, edhe pse mbetet në sasi shumë të vogla. Ekspertët kanë zbuluar se kjo substancë është në nivele më të larta tek njerëzit e dobët krahasuar me ata mbipeshë, pasi “yndyra kafe” në vend që të grumbullojë masë dhjamore, e djeg atë./albeu.com

The post Nuk e kishim imagjinuar, pse bebet nuk dridhen kur kanë ftohtë? appeared first on Albeu.com.

1. Bizhuteri të bëra nyje

Mos humbni më kohë duke u munduar të zgjidhni ato nyjet e bezdisshme. Spërkatini me pak pudër dhe ndajini me ndihmën e një gjilpëre.

2. Mobilje që zënë myk

Mbajini sirtarët ose dollapët të pastër dhe të freskët duke i spërkatur me pak pudër bebesh. Kjo shërben sidomos për mobiljet antike që kanë erëra karakteristike.

3. Flokë të yndyrshëm

Pjesa më e madhe e shampove të thata kanë në përbërjen e tyre niseshte, prandaj edhe pudra jep të njëjtin efekt. Hidhni pak pudër në pëllëmbën e dorës dhe masazhojeni në flokë për të thithur yndyrën e tepërt.

4. Për një krevat të freskët

Të shtrihesh në një krevat të nxehtë gjatë verës vetëm gjumë relaksues nuk nënkupton. Spërkatni pak pudër në çarcafët tuaj që të thithë djersën dhe t’ju mbajë të freskët.

5. Një familje milingonash

Mbaji milingonat jashtë kuzhinës duke hedhur pudër në vendet ku ato dalin. Milingonat e urrejnë erën e pudres.

6. Njollat e vajit

Hidhni pudër mbi njollat e vajit përpara se t’i fusni rrobat e njollosura në lavatriçe.

7. Parkete të zhurmshme

Hidhni pudër bebesh mbi parketet që bëjnë zhurmë kur ecni, dhe shtyjeni atë në hapësirat e vogla boshe për të ndaluaf zhurmën.

9. Për qerpikë voluminozë

Blogeret e bukurisë betohen mbi këtë marifet. Gjatë aplikimit të maskarës, spërkatini me kujdes qerpikët me pak pudër, dhe vazhdoni aplikimin si normalisht. Do të shihni çfarë volumi do të kenë qerpikët në fund.

10. Këmbë të djersitura

Spërkatni pudër brenda këpucëve për t’i mbajtur këmbët e thata dhe erërat e këqija larg./albeu.com

The post Jo vetëm një zbutës, ja çfarë mund të bëni me një pudër bebesh appeared first on Albeu.com.

Në traditën e përvitshme, Ministrja Ogerta Manastirliu ishte mëngjesin e sotëm pranë fëmijëve të parë të vitit 2022, ku shpërndau çekun e bebes për të porsalindurit, me urimin që ky vit të jetë i shëndetshëm dhe i begatë për të gjithë shqiptarët.

“Viti 2022 do të jetë viti i fëmijëve, i zbatimit të politikave dhe programeve të reja për fëmijët tanë. Do të vijojmë programin e kujdesit neonatal me investimet në maternitetet e reja të Beratit, Kukësit, investimin madhor në maternitetin “Mbretëresha Geraldinë” si dhe në maternitetin Koço Gliozheni. Investimet tona nuk do të ndalen”, tha Manastirliu.

Duke folur për vitin 2022 si vitin e fëmijëve, Ministrja e Shëndetësisë u shpreh:

“Politikat për mirërritjen e fëmijëve do të jenë akoma më shumë pjesë e politikave të zhvillimit të gjithë sektorëve, ndaj ky vit do jetë viti i fëmijëve. Siç e ka deklaruar Kryeministri Edi Rama, ky vit do të hapë një erë të re për fëmijët, sa i përket programeve shkollore dhe jashtë shkollore për fëmijët, nga programet për kulturën, artin dhe zejen, tek programet e reja në teknologji dhe inovacion. Nga ana tjetër, në politikat e reja shëndetësore dhe sociale, çelim këtë vit programin e kujdesit të syve për 300 mijë fëmijë; programi i mbështetjes së fëmijëve pa kujdes prindëror me trefishimin e ndihmës ekonomike për fëmijët jetimë; dyfishimin e ndihmës ekonomike për familjet me tre fëmijë nën 18 vjeç”, tha Manastirliu.

Duke folur për programin universal të bonusit të bebeve, Manastirliu u shpreh:

“Janë më shumë se 115 mijë fëmijë që kanë përfituar nga programi i bonusit të bebes që prej vitit 2019. Vetëm këtë vit mbi 40 mijë fëmijë e kanë marrë bonusin dhe ky program që mbështet të porsalindurit, do të vijojë”./albeu.com/

The post Lindën 12 djem dhe 2 vajza, Manastirliu viziton bebet e para të vitit 2022: Do jetë viti i fëmijëve appeared first on Albeu.com.