Lajmi është bërë i ditur nga vetë gjiganti i transmetimit të muzikës, Spotify, përmes një publikimi në rrjetin social Instagram, ku janë renditur 10 albumet debutuese më të dëgjuara në botë për periudhën 12-14 qershor.

Në krye të listës renditet albumi “You Seem Pretty Sad for a Girl So in Love”, i ndjekur nga “Withness” i ANOTR në vendin e dytë, ndërsa “Dirty Blonde” i Bebe Rexhës pozicionohet në vendin e tretë, duke konfirmuar rikthimin e fuqishëm të artistes shqiptare në skenën ndërkombëtare.

Suksesi i albumit nuk është kufizuar vetëm në rang global. Në klasifikimin e albumeve debutuese më të mira të momentit në Shtetet e Bashkuara të Amerikës, Bebe Rexha renditet gjithashtu në vendin e shtatë, duke dëshmuar interesimin e madh të publikut për projektin e saj të ri muzikor.

“Dirty Blonde” është albumi i katërt në karrierën e Bebe Rexhës dhe njëherësh projekti i saj i parë si artiste e pavarur, pasi në vitin 2025 ajo i dha fund bashkëpunimit me shtëpinë e saj të mëparshme diskografike.

Albumi përmban 13 këngë dhe tashmë ka prodhuar disa prej këngëve më të komentuara të momentit. Mes tyre spikat “New Religion”, bashkëpunimi me grupin legjendar elektronik Faithless, i cili është pritur shumë mirë nga publiku dhe kritikët.

Po ashtu, pjesë e albumit është edhe bashkëpunimi me DJ-in francez me famë botërore, David Guetta, i titulluar “Sad Girls”, këngë e cila po fiton gjithnjë e më shumë vëmendje në platformat muzikore.

Me këtë debutim të suksesshëm në Spotify, Bebe Rexha dëshmon se vazhdon të mbetet një nga emrat më të rëndësishëm të industrisë muzikore ndërkombëtare, duke forcuar edhe më tej pozitën e saj në tregun global pas më shumë se një dekade suksesi në skenën amerikane dhe botërore.

The post “Dirty Blonde” i Bebe Rexhës debuton si albumi i tretë më i dëgjuar në Spotify në nivel global appeared first on Albeu.com.

Sipas HelloRayo (KISS), Rexha e konfirmoi lajmin përmes një postimi të përbashkët (“collab post”) me Guetta-n, ndërsa më pas të dy publikuan edhe një video ku e paralajmëronin këngën teksa përgatiteshin për American Music Awards.

Në video, Bebe dëgjohet të thotë: “Hej të gjithëve, jam Bebe Rexha dhe ‘Sad Girls’ del këtë të premte, më 29 maj, dhe unë po e pres Guetta-n sepse ai po përgatitet…”.

Guetta, nga ana e tij, u shpreh shumë entuziast për këngën e re: “Jam vërtet i obsesionuar me ‘Sad Girls’, ndaj jam shumë i lumtur që më në fund po del. Më pëlqen shumë”.

Ky bashkëpunim vjen pas suksesit të mëparshëm të dyshes me hitin “I’m Good (Blue)”, ndërsa artikulli përmend se Bebe Rexha e ka konsideruar atë këngë si diçka shumë të rrallë për t’u përsëritur, duke thënë: “Sinqerisht, ta themi troç, ‘I’m Good’ është një ‘unicorn’…”.

Ndërkohë, pas paralajmërimit të “Sad Girls”, fansat kanë vërshuar me komente, ku shumë prej tyre kanë kërkuar që Rexha dhe Guetta të sjellin edhe një album të përbashkët.

The post Bebe Rexha dhe David Guetta paralajmërojnë bashkëpunimin e ri “Sad Girls”, pas shumë hiteve që kanë sjell së bashku ndër vite appeared first on Albeu.com.

E publikuar në fillim të marsit, kënga kryeson me mbi 900 transmetime (spins) në më shumë se 200 stacione radio të monitoruara në mbarë botën gjatë javës së matjes 8–14 maj, sipas World Airplay Radio Monitor.

“New Religion” ka pasur sukses edhe në listat amerikane të Billboard, ku ka qëndruar një javë në vendin e parë në Dance/Mix Show Airplay (datë 9 maj), si dhe ka arritur në vendin e 29-të në Pop Airplay dhe në vendin e 33-të në Rhythmic Airplay.

Kënga përfshin elemente nga hiti i Faithless i vitit 1995, “Insomnia”, i cili vetë ka qenë një sukses në Billboard: qëndroi një javë në vendin e parë në Dance Club Songs në vitin 1997 dhe u rendit në vendin e 62-të në Billboard Hot 100. Një version i ripunuar, “Insomnia 2.0”, gjithashtu kaloi një javë në vendin e parë në Dance Club Songs në vitin 2015.

Me këtë rezultat, “New Religion” shënon vendi i parë i parë në WARM Global Dance Radio si për Bebe Rexhën ashtu edhe për Faithless, që kur Billboard nisi publikimin e kësaj liste në mars.

Ndërkohë, në pesëshen e parë të renditjes, ANOTR me “Talk to You” (me 54 Ultra) bie në vendin e dytë pas gjashtë javësh në krye; FISHER dhe Tones and I me “Favour” mbajnë vendin e tretë; Prospa dhe Cloonee me “Free Your Mind” ngjiten nga vendi i pestë në të katërtin; ndërsa Milky dhe Mall Grab me “Just the Way You Are” ngjiten nga vendi i shtatë në të pestin.

“New Religion” është pjesë e albumit të ri “Dirty Blonde” nga Bebe Rexha që publikohet në qershor 2026

Debutimi më i lartë i javës i takon Calvin Harris dhe Jazzy me “Satisfy”, që hyn në listë në vendin e 14-të, ndërsa në top 20 debuton edhe “Don’t Worry Baby” nga Dom Dolla dhe Tiga në vendin e 16-të.

Billboard njoftoi më 5 mars se ka zgjeruar portofolin e listave dance duke përfshirë edhe WARM Global Dance Radio chart. Kjo renditje debutoi në Billboard.com më 10 mars dhe i bashkohet listave të tjera amerikane si Hot Dance/Electronic Songs, Dance/Mix Show Airplay dhe Top Dance Albums. Lista globale ka 40 pozicione (e publikuar e plotë si renditje me 100 pozicione në platformën e WARM) dhe përmbledh transmetimet nga mbi 200 radio dance në më shumë se 30 shtete, duke reflektuar këngët që janë në trend globalisht.

The post VIDEO/ “New Religion” nga Bebe Rexha arrin vendin e parë në WARM Global Dance Radio chart appeared first on Albeu.com.

Pas “aplikimit” viral që artistja kishte hapur disa muaj më parë në X (ish-Twitter) për ata që donin të dilnin me të, Rexha thotë se aktualisht nuk po kërkon lidhje, pasi është totalisht e përqendruar te puna dhe karriera.

Biseda nisi me batuta nga prezantuesja, e cila i kujtoi se publiku “e di” që ajo nuk është më në kërkim të një “baby daddy”, ndërsa Rexha e preu shkurt: “Nah… No”

Por kur u hap tema e “application process (procesit të aplikimit)”, këngëtarja shpjegoi se gjithë situata nisi sepse shumë njerëz po i shkruanin në rrjete sociale – megjithatë, ritmi i saj i punës e bën thuajse të pamundur një takim normal.

“Kam pasur shumë njerëz që më shkruanin në DM, por sinqerisht, kam qenë kaq e zënë duke punuar… kur do të dal në takim?”, tha Bebe Rexha.

Ajo shtoi se, nëse do të tentonte të dilte me dikë, takimi do të duhej të përshtatej me agjendën e saj profesionale, gjë që sipas saj nuk është “normale” dhe e vështirëson edhe njohjen e dikujt.

“Imagjino tani… të them: ‘Kam një intervistë, por mund të vish të më shohësh duke bërë intervistën’. Ose: ‘Duhet të shkoj në studio’… ose ‘kam një koncert’. Kjo është e vetmja mënyrë”, u shpreh ajo.

Sipas Rexhës, “aplikimet” u hapën për një kohë shumë të shkurtër dhe pastaj u mbyllën, pasi gjithçka “po shkonte me ritëm” dhe ajo e kuptoi se duhet ta vendosë fokusin diku tjetër.

“Hapëm periudhën e aplikimit vetëm për një copëz kohe dhe pastaj e mbyllëm menjëherë…”, tha ajo, ndërsa prezantuesja e ngacmoi duke thënë se “nuk u mbyll menjëherë”.

Megjithatë, Rexha e bëri të qartë vendimin e saj: “Gjërat thjesht kanë qenë duke shkuar, shkuar, shkuar… dhe unë jam si: mendoj se do ta vendos fokusin tim te kjo, te karriera ime”.

The post “Më shkruanin shumë”, Bebe Rexha “mbyll aplikimet” për meshkujt e interesuar për të appeared first on Albeu.com.

Në fotografitë e publikuara, Bebe shfaqet me flokë biondë të prerë shkurt dhe me syze të mëdha dielli me nuanca të errëta, ndërsa veshja e saj bie menjëherë në sy: një korsetë me motive të theksuara e kombinuar me një sytjena të zezë me dantellë, pantallona të errëta dhe një rrip masiv me detaje metalike, që i jep pamjes një karakter të fortë dhe shumë “statement”.

Në disa nga imazhet, ajo e ka kompletuar dukjen edhe me një pallto me jakë me gëzof, duke e bërë kombinimin më dramatik dhe më të përshtatshëm për stilin urban të New Yorkut.

Paraqitjet e shpeshta mediale të Bebe Rexhës nuk janë rastësi, pasi ajo është shumë e angazhuar së fundmi në promovimin e albumit të saj të ri, “Dirty Blonde”, shkruan telegrafi.

Ky projekt, i cili është albumi i katërt në karrierën e saj, pritet të publikohet i plotë më 12 qershor, ndërsa deri më tani janë publikuar disa këngë nga ky material.

“New Religion” po konsiderohet kënga hit e albumit dhe i ka sjellë artistes një sukses të rëndësishëm, pasi e ka renditur atë në vendin e parë në listën Dance/Electronic të Billboard-it. Ky është sinjal i qartë se Rexha po e shënon një rikthim të fuqishëm në skenë, në një fazë të re të karrierës së saj.

Njëkohësisht, ky kapitull vjen edhe si një hap i madh profesional për këngëtaren, e cila tani po vepron si artiste e pavarur në industrinë e muzikës, pas një bashkëpunimi 12-vjeçar me Warner Music. Për fansat, “Dirty Blonde” shihet si një projekt që jo vetëm e rikthen Bebe Rexhën në formë të plotë, por edhe e shfaq atë më të lirë artistikisht se kurrë më parë.

The post Bebe Rexha “mahnit” me paraqitjen e saj në New York! appeared first on Albeu.com.

Në postimin e fundit, Bebe ka ndarë një video të regjistruar më 25 janar 2025, ditën kur – sipas saj – ish-shtëpia diskografike Warner Music i kishte shkëputur kontratën pas 12 vitesh bashkëpunimi.

Në pamjet e asaj dite, këngëtarja shfaqet e thyer emocionalisht, duke qarë dhe duke thënë, ndër të tjera: “Nuk e di ku do të shkoj tani. Ndoshta kjo video s’do ta shohë kurrë dritën, por unë po e xhiroj”.

Megjithatë, postimi nuk mbeti vetëm te ai moment i vështirë. Në pjesën e dytë, Rexha publikoi një fotografi nga top-lista aktuale e Billboard, ku kënga e saj më e re “New Religion” (bashkëpunim me Faithless) është renditur në vendin e parë në Billboard Dance/Airplay dhe US Dance Radio – një sukses që, sipas saj, ka ardhur në një periudhë kur po punon me kushtet e veta.

Në të njëjtin postim, Bebe ka përfshirë edhe një imazh ku shihet duke ngritur dy gishtat e mesit, një thumb i drejtpërdrejtë ndaj atyre që – sipas interpretimit të ndjekësve – nuk besuan tek ajo gjatë rrugëtimit të saj.

“‘New Religion’ është #1 në Billboard Dance/Airplay dhe në US Dance Radio! Së pari dua t’u them fansave: kjo nuk është vetëm fitorja ime – është fitorja jonë. Kjo do të thotë më shumë për mua se çdo çmim tjetër që kam marrë ndonjëherë, sepse po e bëj këtë sipas kushteve të mia. Të bëhesha e pavarur ishte shumë e frikshme; sinqerisht mendova se gjithçka kishte mbaruar për mua. E di që mund të tingëllojë dramatike, por 7 vitet e fundit ishin betejë dhe unë po vuaja në heshtje. Por tani jam e lirë dhe jam e rrethuar me njerëz që më festojnë dhe më ngrejnë lart. Faleminderit Empire që je shtylla ime. Kjo ndihet si një rilindje – dhe gjëja më e fortë është se sapo kemi nisur”, ka shkruar Rexha në mbishkrimin e postimit.

Postimi i saj ka marrë reagime të shumta nga ndjekësit, të cilët e kanë përgëzuar për sinqeritetin dhe për faktin se, pavarësisht një periudhe të vështirë profesionale, ajo ka arritur të rikthehet fuqishëm në skenë – këtë herë, sipas saj, me më shumë kontroll mbi vendimet dhe rrugën muzikore.

The post “Nuk e di se ku do të shkoj tani”, Bebe Rexha publikon videon kur qante me dënesë ditën që ish-shtëpia e saj diskografike hoqi dorë nga ajo – por një vit më vonë ka një hit në krye të Billboard appeared first on Albeu.com.

Artistja ka publikuar në rrjetin social Instagram disa imazhe, ku shfaqet e veshur me bikini të zeza, duke vënë në pah linjat e saj të bujshme trupore dhe atmosferën relaksuese të pushimeve tropikale.

“Me varrosni në Turks”, ka shkruar ajo në mbishkrimin e fotografive, duke lënë të kuptohet se po e shijon maksimalisht këtë destinacion luksoz.

Përveç momenteve nga pushimet, Rexha po shijon edhe suksesin e projekteve të saj më të reja muzikore. Katër këngët e para të albumit të saj në ardhje, Dirty Blonde, tashmë janë publikuar dhe janë pritur mjaft mirë nga publiku.

Bëhet fjalë për këngët I Like You Better Than Me, Çike Çike, New Religion dhe Hysteria, të cilat kanë grumbulluar reagime pozitive dhe interes të madh nga fansat në mbarë botën.

Albumi i plotë pritet të publikohet më 12 qershor, ndërsa deri atëherë këngëtarja duket se po kombinon në mënyrë perfekte suksesin profesional me pushimet luksoze në Karaibe.

The post Bebe Rexha nis pushimet në pranverë, shfaqet provokuese në pozat nga ishujt Turks and Caicos appeared first on Albeu.com.

Në një deklaratë, Alexis Fleischer, CEO i Timeline Management, e përshkroi Rexhën si një artiste të jashtëzakonshme, “një herë në një brez”, e cila ka lënë gjurmë të dukshme si në performancë, ashtu edhe si autore këngësh. Ai vlerësoi guximin e saj për të eksploruar zhanre të ndryshme dhe vizionin krijues që e karakterizon.

Bebe Rexha, e nominuar për çmime Grammy dhe e njohur për bashkëpunimet me emra si The Chainsmokers, Nicki Minaj dhe Florida Georgia Line, pritet të sjellë materiale të reja muzikore nën këtë drejtim të ri menaxhimi. Lëvizja e saj krijon pritshmëri të lartë te fansat dhe kritikët, duke nxitur spekulime për projekte të reja që mund të sjellin stil dhe inovacion.

Ky hap vjen në një moment kur Rexha konsolidon pozicionin e saj si një nga zërat më të spikatur të pop-it bashkëkohor, duke ndërtuar mbi suksesin e albumeve dhe bashkëpunimeve globale. Menaxhimi i ri pritet të ofrojë një fokus më të madh strategjik dhe kreativ, duke i hapur rrugë një kapitulli të ri plot mundësi dhe sfida në industrinë muzikore.

The post Bebe Rexha nis një kapitull të ri/ Çfarë po planifikon ylli i pop-it? appeared first on Albeu.com.

Në lidhje me ndarjen nga jeta të Shpat Kasapit ka reaguar edhe këngëtarja me famë botërore Bebe Rexha.

Bebe Rexha ka shpërndarë një video të Shpat Kasapit duke kënduar këngë patriotike, teksa ka vendosur një emoji të një pëllumbi dhe flamurit shqiptar, një simbolikë që përfaqëson qartë ngushëllimin dhe respektin e saj për artistin e ndjerë.

The post Ndarja nga jeta e Shpat Kasapit, reagon Bebe Rexha/ Ja çfarë shkruan këngëtarja e famshme appeared first on Albeu.com.

Këngëtarja ka ndarë disa fotografi ku ajo shfaqet me një stil krejtësisht të ri, duke sjellë një pamje energjike dhe unike.

Me flokët e saj të ngjyrosura në një nuancë rozë të ndezur dhe një veshje që përfshin detaje si ngjyrat e ndritshme dhe dizajnin modern, ajo ka shpërndarë një atmosferë të freskët dhe të guximshme.

The post Bebe Rexha me ndryshim drastik, vjen me flokë rozë të theksuara në paraqitjen e fundit appeared first on Albeu.com.