Gjithçka nisi kur Beatrix publikoi një mesazh të fortë, ku foli për një person që, sipas saj, prej më shumë se pesë vitesh është i fiksuar pas saj dhe përpiqet të mësojë detaje nga jeta e saj.

“Imagjino të kalosh mbi 5 vite i/e fiksuar dhe i/e obsesionuar pas dikujt dhe ende të mos arrish kurrë t’i afrohesh aq sa ta njohësh vërtet”, shkroi ajo.

Më pas këngëtarja e bëri situatën edhe më serioze, duke pretenduar se bëhet fjalë për mbi 200 llogari false, përmes të cilave personi në fjalë ka kontaktuar familjarë, miq dhe madje edhe njerëz që Beatrix thjesht ndjek në rrjetet sociale.

“Mbi 200 llogari false. Duke kontaktuar familjen time, miqtë e mi dhe madje edhe njerëz që thjesht i ndjek, duke u për pjekur të marrësh informacione për mua, të plotësosh boshllëqet dhe të bindësh veten se e ke kuptuar jetën time”, shkroi ajo.

Beatrix shtoi se pas kaq shumë vitesh nuk ndjen më zemërim, por keqardhje për personin që pretendon se e përndjek. “Pas më shumë se 5 vitesh, nuk ndihem më as e zemëruar. Në fakt, më vjen keq për ty… Shpresoj sinqerisht që të marrësh ndihmën që të nevojitet”, vijoi ajo.

Në një tjetër reagim, këngëtarja theksoi se nuk ka frikë nga e shkuara apo nga zgjedhjet e saj dhe se e zotëron plotësisht historinë e vet.

“Unë e zotëroj jetën time. Unë e zotëroj historinë time. Zgjedhjet e mia. TË GJITHA… Gjithmonë i kam qëndruar besnike vetes”, shkroi Beatrix, duke e mbyllur me një tjetër mesazh të drejt përdrejtë: “Pesë vite janë shumë kohë për t’i humbur duke u marrë me jetën time, e dashur. Shpresoj që një ditë të mësosh ta duash jetën tënde po aq sa unë dua timen”.

Pikërisht këtu rrjeti nisi të ngrinte pikëpyetjen: Kujt po i drejtohej Beatrix? Dhe a kishte lidhje e gjithë kjo me Bora Zemanin? Arsyeja e këtij interpretimi lidhet me historinë e njohur të “Big Brother VIP”.

Gjatë edicionit të parë, Beatrix nisi një marrëdhënie me Donald Veshajn brenda shtëpisë, ndërkohë që historia e tij me Bora Zemanin vazhdonte të ishte një nga temat më të diskutuara jashtë saj. Takimi dhe puthja e Borës me Donaldin brenda shtëpisë kishin ushqyer pritshmëritë për një ribashkim, përpara se ai të afrohej me Beatrix.

Lidhja Donald–Beatrix shkaktoi reagime të shumta dhe këngëtarja u përball me një valë të madhe komentesh e kritikash në rrjetet sociale. Pas përfundimit të “Big Brother VIP”, historia e tyre mori fund, ndërsa Donald Veshaj dhe Bora Zemani më vonë u ribashkuan.

Për këtë arsye, shumë ndjekës i interpretuan automatikisht deklaratat e fundit të Beatrix si një kapitull të ri të asaj historie. Por vetë këngëtarja ka ndërhyrë për të prerë spekulimet.

“Jo ata që po përpiqen ta kthejnë këtë në dramë Big Brother-i. Interpretimi është i çmendur”, shkroi ajo. Beatrix sqaroi se po fliste për një person të vetëm, të cilin e akuzon se e përndjek dhe ngacmon prej më shumë se pesë vitesh përmes qindra profileve false.

“Po flas për NJË person që më përndjek dhe më ngacmon prej më shumë se 5 VITESH përmes qindra llogarive false, duke kontaktuar familjen dhe miqtë e mi. NUK KA ASNJË LIDHJE ME BIG BROTHERIN!!”, përfundoi ajo.

The post Beatrix Ramosaj trazon rrjetin: Mbi 200 llogari false dhe 5 vite obsesion, të gjithë dyshojnë te Bora Zemani! Këngëtarja: Më vjen keq për ty, shpresoj… appeared first on Albeu.com.

Këngëtarja ka publikuar një sërë fotosh në Instagram ku shfaqet e veshur mjaft sensuale. Ky është postimi i parë i këngëtares që pasi Bora publikoi foton me Donaldin.

“Krejt toksinat Ramosaj ty t’i shëron”- shkruan Beatrix krahas fotove.

Fotoja e çiftit nga studioja e “Më Lër Të Flas” u bë kryefjala e mediave dhe rrjeteve sociale pasditen e djeshme (27 shtator). Të shumtë kanë qenë edhe fansat që janë lumturuar për dyshen e tyre të preferuar, por nuk munguan edhe ato që e shfytëzuan seksionin e komenteve për t’u “hakmarrë” ndaj Beatrix Ramosajt.

The post Qëndroi e heshtur për dy ditë, Beatrix reagon për herë të parë pas fotos së Donaldit dhe Borës appeared first on Albeu.com.