Konferenca do të shërbejë për të konfirmuar përmbushjen e piketave të ndërmjetme nga Shqipëria, si dhe për përcaktimin e piketave përmbyllëse për këtë grupkapitull, i cili mbetet thelbësor për ecurinë e përgjithshme të negociatave me Bashkimin Evropian.

Sipas axhendës së publikuar nga BE, Konferenca e 8-të do të zhvillohet në margjinat e Këshillit të Çështjeve të Përgjithshme të BE-së, nën drejtimin e zëvendësministres për Çështjet Evropiane të Qipros, Marilena Raouna.

Delegacioni shqiptar do të kryesohet nga Kryeministri Edi Rama, ndërsa pala e Bashkimit Evropian do të drejtohet nga zëvendësministrja Marilena Raouna, me pjesëmarrjen e Komisioneres për Zgjerim, Marta Kos.

Konferenca pritet të nisë rreth orës 19:00 në mbrëmje në Bruksel, ndërsa në përfundim të saj do të mbahet një konferencë për shtyp.

Grupkapitulli 1 përfshin kapitujt kyç të procesit të integrimit, përfshirë:

Kapitullin 23 – Gjyqësori dhe të drejtat themelore

Kapitullin 24 – Drejtësia, liria dhe siguria

Funksionimin e institucioneve demokratike

Reformën në administratën publike

Kriteret ekonomike të anëtarësimit

Kapitullin 5 – Prokurimi publik

Kapitullin 18 – Statistikat

Kapitullin 32 – Kontrolli financiar

Ky takim vjen pas një serie konferencash ndërqeveritare që kanë çuar në hapjen e të gjithë grupkapitujve negociues, duke përfshirë “Themeloret”, “Tregun e Brendshëm”, “Konkurrueshmërinë dhe rritjen gjithëpërfshirëse”, “Agjendën e gjelbër dhe ndërlidhjen e qëndrueshme”, “Burimet, bujqësinë dhe kohezionin”, si dhe “Marrëdhëniet e Jashtme”.

Konferenca e 8-të konsiderohet një moment i rëndësishëm në fazën aktuale të negociatave, pasi fokusohet në përmbylljen e kushteve të ndërmjetme që përcaktojnë ritmin e mëtejshëm të procesit të integrimit evropian të Shqipërisë.

Procesi i negociatave me Bashkimin Evropian vijon sipas metodologjisë së re të zgjerimit, ku progresi në Grupkapitullin 1 “Themeloret” mbetet vendimtar për ecurinë e përgjithshme të rrugës së anëtarësimit të Shqipërisë në BE.

Procesi i negociatave me Bashkimin Evropian vijon sipas metodologjisë së re të zgjerimit, ku progresi në Grupkapitullin 1 “Themeloret” mbetet përcaktues për ritmin e përgjithshëm të rrugës së anëtarësimit të Shqipërisë në BE.

The post Integrimi/ Shqipëria dhe BE-ja zhvillojnë sot Konferencën e 8-të Ndërqeveritare, në fokus mbyllja e kushteve të ndërmjetme appeared first on Albeu.com.

Shefja e KE-së, Ursula von der Leyen, tha se shpreson që të 27 shtetet e Bashkimit Evropian do të pajtohen për paketën e re, që është pjesë e sanksioneve të përbashkëta me grupin G7, në përvjetorin e parë të nisjes së pushtimit rus të Ukrainës më 24 shkurt.

“Ne po shënjestrojmë industrinë e mallrave që Rusia ka nevojë, e të cilat mund të merren nga shtetet e treta”, tha ajo, duke cituar “mallrat vitale, sikurse ato elektronike, makinat e specializuara, pjesë për makina dhe kamionë, por edhe motorë për avionë”.

Ajo tha se Brukseli tha se dëshiron të shtojë edhe 17 komponentë elektronikë në listën e sanksioneve “që mund të përdoren në sistemet e arëve ruse, përfshirë dronët, raketat dhe helikopterët”.

Paketa e re e sanksioneve po ashtu shënjestronë prodhuesit e dronëve në Iran që kanë furnizuan Rusinë me dronë për të sulmuar infrastrukturën e Ukrainës.

“Garda Revolucionare e Iranit i ka ofruar Rusisë dronë Shahed”, tha von der Leyen.

“Prandaj, ne po shtojmë tani shtatë entitete iraniane në listën e sanksioneve. Ata tani do të kenë ndalesë të plotë sa i përket shitjes së pajisjeve të ndjeshme në Rusi”, theksoi ajo.

BE-ja veçse ka vendosur nëntë paketa sanksionesh ndaj Moskës, që kur Rusia nisi pushtimin e Ukrainës shkurtin e vitit të kaluar.

Sanksionet kanë goditur eksportet kyçe ruse, sikurse ato të naftës, dhe kanë pasur për qëllim që të godasin të ardhurat e luftës së presidentit rus, Vladimir Putin./REL

The post BE-ja vendos sanksione të reja ndaj teknologjisë ruse appeared first on Albeu.com.

Kurti tha se do të mirëpriste aplikimet e Ukrainës, Moldovës dhe Gjeorgjisë në familjen e madhe evropiane, dhe po ashtu tha se pret që BE-ja ta pranojë statusin e Kosovës si vend kandidat.

“Do ta mirëprisnim aplikimin e Ukrainës, Moldovës dhe Gjeorgjisë në Bashkimin Evropian, dhe po ashtu kërkojmë që BE-ja të pranojë aplikimin tonë këtë vit”, tha Kurti.

I pari i Qeverisë po ashtu përmendi aplikimin në Këshillin e Evropës, dhe tha se pret liberalizimin e vizave, të cilin e quajti një proces të tejzgjatur.

The post Kurti: Kërkojmë që BE-ja të pranojë aplikimin tonë këtë vit appeared first on Albeu.com.