Kreu i qeverisë pritet të diskutojë me kreun e Aleancës për zhvillimet në kuadër të ndërtimit të bazës navale të NATO-s në Durrës, një projekt të cilin e ka lajmëruar më herët në një nga konferencat e tij për media.

“Po ashtu kemi folur atje për projektin tonë dhe së shpejti do të rikthehemi në Bruksel për të vazhduar diskutimin për propozimin tonë që ka ngjallur interes dhe dëshirë për të thelluar bisedimet për instalimin e një baze navale të NATO-s në portin e ri të Durrësit, që do të jetë në Porto Romano dhe veç pjesës komerciale, parashikohet të ketë dhe një pjesë ushtarake”, tha Rama rreth një javë më parë.

Pas takimit, Rama dhe Stoltenberg do të dalin në një konferencë të përbashkët për shtyp, në orën 13:15./albeu.com

The post Bazë NATO-je në portin e ri të Durrësit, Rama të mërkurën në Bruksel, takim kokë më kokë me Stoltenberg appeared first on Albeu.com.