Spiegel, i cili raportoi fillimisht incidentin, raportoi se rrjeti i furnizimit me ujë të bazës me 4,300 ushtarakë dhe 1,200 personel civil mund të jetë kontaminuar pasi dikush ka shkelur perimetrin.

Rasti është duke u hetuar nga policia ushtarake dhe shërbimi inteligjent ushtarak MAD.

Janë marrë mostra uji dhe janë duke u testuar.

Siç raporton Agjencia Gjermane, në një gardh të bazës, e cila kufizohet me aeroportin, u zbulua një vrimë dhe u ngritën dyshime për sabotim të sistemit të ujësjellësit të bazës, edhe pse kjo ende nuk është konfirmuar. Janë marrë mostra uji dhe janë duke u testuar.

Aktualisht askush nuk lejohet të hyjë apo të dalë nga baza dhe policia ka rrethuar zonën më të gjerë, tha DPA.

Baza është shtëpia e flotës së avionëve ushtarakë të përdorur për udhëtimin e kancelarit dhe ministrave të tij.

Reuters vëren se ministria e mbrojtjes në Berlin dhe agjencia e inteligjencës ushtarake MAD nuk ishin menjëherë të disponueshme për koment. Policia e Këlnit tha se nuk mund të komentonte.

The post ALARM në Gjermani/ Mbyllet baza ushtarake në Këln, dyshohet se… appeared first on Albeu.com.

Një person duket se ka humbur jetën dhe gjashtë të tjerë janë plagosur.

SkyNews, citon dy burime të cilat konfirmojnë se ngjarja ndodhi si pasojë e një sulmi ajror.

SHBA ka distancuar veten nga sulmi, pasi një zyrtar amerikan ka deklaruar se vendi i tij nuk është i përfshirë.

Baza përdoret nga Forcat e Mobilizimit Popullor të Irakut (PMF), një grup prej dhjetëra grupesh të armatosura.

“Një shpërthim ndodhi në selinë e Forcave të Mobilizimit Popullor në bazën ushtarake Kalsu në distriktin al Mashrou në autostradën, në veri të Guvernatorit Babil. Në vendngjarje ka mbërritur menjëherë grupi hetimor, ku shpërthimi ka shkaktuar dëme materiale dhe të lënduar. Detajet do t’ju japim pasi të ketë përfunduar hetimi paraprak”, thuhet në njoftimin e bazës.

Pamjet e shpërndara në rrjet, të filmuara nga një makinë në lëvizje tregojnë një zjarr që pasohet nga një shpërthim i madh që duket se lëshon fragmente të ndritshme në ajër.

Baza është përdorur dikur nga forcat amerikane dhe është rreth 50 km në jug të Bagdadit.

Shpërthimi në Irak vjen një ditë pasi Izraeli goditi Iranin.

The post Sulmohet një bazë ushtarake në Irak, humb jetën një person, plagosen gjashtë të tjerë appeared first on Albeu.com.

Sipas një amendamenti përkatës, i cili është dorëzuar në fillim të javës në Projektligjin e Buxhetit të Mbrojtjes së SHBA-së (NDAA) dhe tashmë është votuar nga Dhoma e Përfaqësuesve e SHBA-së, Sekretari i Mbrojtjes i SHBA-së dhe Sekretari i Shtetit janë të ftuar që së bashku të t’i dorëzojë komisioneve përkatëse raportin e Kongresit për marrëdhëniet e sigurisë midis SHBA-së dhe Greqisë duke u fokusuar në hetimin e zgjerimit të mëtejshëm të pranisë ushtarake amerikane në territorin grek me theks në ishujt.

Edhe pse jepet mundësia e vendosjes së deri në 20 bazave shtesë amerikane brenda territorit grek, interesi amerikan duket se është i përqendruar në ishujt Lemnos dhe Skyros.

Bëhet fjalë për dy ishuj, pozicioni i të cilëve u jep mundësinë amerikanëve të mbulojnë dhe në të njëjtën kohë të “bashkojnë” me qendra të ndërmjetme ushtarake dy bazat e mëdha që atakanë në Greqi, bazën detare të Soudës dhe atë enorme, për nga madhësia dhe rëndësia, ushtarake dhe një bazë tranzite që ata kanë ngritur në Aleksandropoli.

Sa i përket Lemnosit, vendosja e forcave amerikane atje pritet të forcojë rrjetin e sigurisë së bazës së Aleksandoupolit, pasi ishulli do të marrë rolin e një poste të avancuar që do të mbrojë nënbarkun e tij të butë, ndërsa nga ana tjetër do të të jetë në gjendje të kontrollojë ngushticat e Dardaneleve, duke vënë në mikroskop lëvizshmërinë e flotës ruse të Detit të Zi dhe në të njëjtën kohë duke ushtruar një formë shtesë presioni mbi Turqinë.

Për sa i përket Skyros-it, kjo nuk është hera e parë që ky ishull i veçantë, një nga më të rëndësishmit në planet e mbrojtjes greke për t’u përballur me kërcënimin turk, është objekt i një diskutimi midis Greqisë dhe SHBA-së për t’u bërë një bazë ushtarake për të dytën.

The post Amerikanët gati për 20 baza në Greqi, çfarë po ndodh në Mesdhe?! appeared first on Albeu.com.

“KFOR-it dërgon ushqim bazës së tyre në pjesën veriore përmes linjës ajrore për shkak të bllokimit të rrugës nga barrikadat”.-thuhet në njoftim.

Kujtojmë se ka disa ditë që në veri janë vendosur barrikadat nga serbët lokal atje dhe nuk janë duke i larguar edhe pasi Kosova ka shtyrë zgjedhjet lokale në komunat veriore.

Kosova, Shtetet e Bashkuara të Amerikës dhe institucionet e tjera perëndimore kanë kërkuar heqjen e barrikadave si dhe uljen e tensioneve./Express/

The post Të bllokuar nga barrikadat, KFOR i dërgon ushqim me dy helikopter bazës së tyre në veri appeared first on Albeu.com.

Kanalet në Telegram Belaruski Hayun dhe Flagshtok cituan dëshmitarë të kenë thënë se gjatë natës janë dëgjuar të paktën tetë shpërthime, por edhe janë parë shkreptima në afërsi të aeroportit ushtarak, Ziabrauka, që gjendet në juglindje të rajonit Homel.

Ministria e Mbrojtjes së Bjellorusisë tha se në orën 23:00 më 10 gusht, motori i një makine ushtarake u përfshi nga zjarri dhe se “masat për të shuar zjarrin janë duke u ndërmarrë”. Në deklaratën e kësaj ministrie u shtua se nuk raportohet për viktima.

Incidenti vjen pak ditë pas një serie shpërthimesh në bazën ajrore ruse në gadishullin ukrainas të Krimesë, ku janë shkatërruar të paktën nëntë avionë luftarakë rusë.

Kievi nuk ka marrë përgjegjësinë për këto shpërthime, ndërkaq Rusia ka mohuar se baza Saki në Krime është sulmuar, por ka thënë se shpërthimet janë shkaktuar për shkak të shkeljes së rregullave kundër zjarrit.

Zyrtarët ukrainas kanë thënë se baza Ziabrauka në Bjellorusi është përdorur nga forcat ruse në pushtimin e Ukrainës, që Moska nisi më 24 shkurt.

Muajin e kaluar, ushtria ukrainase tha se Rusia kishte vendosur sistemet e raketave S-400 dhe Iskander-M në aeroportin bjellorus dhe po i përdor ato për të sulmuar Ukrainën./REL

The post U përdor nga rusët për të sulmuar Ukrainën, shpërthime të fuqishme në një bazë ushtarake në Bjellorusi appeared first on Albeu.com.

Më, 27 shkurt, ministri i Mbrojtjes i Kosovës, Armend Mehaj, përmes një shkrimi në rrjetet sociale, ka thënë se është koha për përsëritjen e kërkesës në adresë të Shteteve të Bashkuara të Amerikës, “për vendosjen e Bazës së Përhershme Ushtarake të Forcave Amerikane, si garanci e plotë e paqes, sigurisë dhe stabilitetit rajonal dhe më gjerë”.

Në një përgjigje të shkruar për Radion Evropa e Lirë, koloneli Sefer Isufi, shef i Komunikimit Strategjik në Ministrinë e Mbrojtjes së Kosovës, thotë se “përsëritja e kërkesës është edhe rezultat i situatës së krijuar pas agresionit ushtarak të Rusisë mbi Ukrainën dhe refleksionit të kësaj situate edhe në rajonin tonë, duke pasur parasysh përvojën e keqe të provokimeve të Serbisë dhe qëndrimit të saj armiqësor ndaj Kosovës”.

Më 24 shkurt, forcat ushtarake të Federatës Ruse kanë nisur pushtimin e Ukrainës, gjë që po vazhdon ende.

Isufi: Presim përgjigje pozitive nga SHBA-ja

Kolonel Isufi thekson që kërkesa e ministrit të Mbrojtjes së Kosovës, Armend Mehaj, për vendosjen e një baze të përhershme ushtarake të SHBA-së në Kosovë, ishte adresuar edhe vitin e kaluar në Pentagon, në Departamentin e Shtetit dhe Këshillin e Sigurisë Kombëtare të SHBA-së, gjatë vizitës zyrtare të ministrit Mehaj në SHBA.

“Kur është adresuar nga ministri Mehaj, është konsideruar dhe vlerësuar seriozisht nga autoritetet amerikane dhe besojmë se është në proces të trajtimit serioz. Përgjigje konkrete ende nuk kemi marrë, por besojmë se në rrethanat e krijuara dhe pas riadresimit nga ana e ministrit Mehaj, kemi shumë besim për një përgjigje pozitive nga autoritetet amerikane”, thotë kolonel Isufi.

Radio Evropa e Lirë i është drejtuar Departamentit amerikan të Shtetit me pyetjet se a e kanë shqyrtuar kërkesën e ministrit të Mbrojtjes së Kosovës për një bazë të përhershme ushtarake amerikane në Kosovë dhe se a e konsiderojnë si të domosdoshme Shtetet e bashkuara një bazë të tillë. Por, Departamenti amerikan i Shtetit nuk u është përgjigjur këtyre pyetjeve deri në publikimin e këtij teksti.

Vrajolli: Rajoni i pasigurt, shkak për kërkesën e Kosovës

Mentor Vrajolli, drejtor ekzekutiv në Qendrën Kosovare për Studime të Sigurisë, vlerëson se në dekadat e fundit është dëshmuar se prania amerikane në Ballkan ka qenë në funksion të krijimit të ambientit të paqes dhe sigurisë, në përgjithësi.

Ai shpreh mendimin që SHBA-ja, si aktor global i sigurisë, ka interes që të ketë shtrirje të gjerë për të kontribuar për sigurinë dhe bashkëpunimin rajonal. Por, sipas tij, interesi më i madh në këtë pikë është i Kosovës.

“Në përgjithësi, indikacionet janë që konfliktet që kanë ekzistuar në Kosovë dhe rajon gjatë viteve ’90, edhe më tutje nuk janë zgjidhur përfundimisht. Prandaj, arsyeja për një kërkesë të tillë (nga Kosova), është e lidhur edhe me faktin që rajoni është ende i pasigurt dhe ndikimi i Serbisë në rajon ka dëshmuar që është dekonstruktiv për sa i përket krijimit të një sigurie të qëndrueshme në rajon”, thotë Vrajolli.

Ibishi: Kërkesa për bazë ushtarake amerikane, e konsumuar

Njohësi i çështjeve të sigurisë, Nuredin Ibishi, ish-deputet i Kuvendit të Kosovës, në një bisedë me Radion Evropa e Lirë, vlerëson se kërkesa e autoriteteve të Kosovës për një bazë të përhershme ushtarake amerikane në Kosovë, është vështirë të realizohet tash për tash. Kjo për faktin se, sipas tij, Komanda Evropiane e Operacioneve Speciale të Ushtrisë Amerikane, e njohur me akronimin SACEUR, në janar të këtij viti ka vendosur për themelimin e një bazë ushtarake në Shqipëri, për të rritur efikasitetin e pranisë së saj.

Shtabi i Forcave Operacionale Speciale të SHBA-së në Shqipëri, siç thotë Ibishi, do të jetë një bazë logjistike për koordinimin e veprimit të të gjitha njësive tokësore, ajrore dhe detare, për ndërhyrje të shpejtë në rajon.

“Mendoj se vendosja në Shqipëri, e njësive speciale, si bazë logjistike për veprim dhe komponentëve tjerë të Shteteve të Bashkuara të Amerikës, por edhe të NATO-s, e konsumon këtë kërkesën tonë, për arsye se ka përfshirje rajonale. Nuk është vetëm për Shqipërinë, por është për të gjithë rajonin”, thotë Ibishi.

Vendimi i Komandës Evropiane për Operacionet Speciale të Ushtrisë Amerikane për ngritjen e shtabit pararojë të dislokuar në Shqipëri, kishte pasuar tensionimin e raporteve ndërmjet SHBA-së dhe Rusisë rreth kërcënimeve ruse në Ukrainë.

Forcat amerikane janë të stacionuara në kampin Bondsteel, në afërsi të Ferizajt, rreth 40 kilometra nga Prishtina dhe operojnë së bashku me partnerët tjerë në kuadër të KFOR-it, misioni i të cilit në Kosovë realizohet në bazë të Rezolutës 1244 të Këshillit të Sigurimit të Kombeve të Bashkuara. Bondsteel është kampi ushtarak amerikan i vetëm në Evropën Juglindore.

Por, cili do të ishte dallimi i pranisë së forcave amerikane në Kosovë përmes një baze të përhershme ushtarake dhe pranisë aktuale në kampin Bondsteel?

Kolonel Isufi thotë se ky dallim, tash për tash, nuk është diskutuar, për shkak se për kërkesën e Kosovës për një bazë të përhershme ushtarake amerikane dhe konceptin e saj ende nuk ka ndonjë vendim nga SHBA-ja.

“Kampi Bondsteel është funksional dhe vazhdon të shërbejë për trupat amerikane dhe KFOR-it për përmbushjen e detyrave sipas misionit dhe mandatit që kanë. Por, për konceptin, formatin, misionin dhe aspektet tjera të kampit të mundshëm të përhershëm amerikan, do të mbetet të vendoset në të ardhmen, pasi të ketë një vendim paraprak në parim”, theksoi kolonel Isufi.

Mentor Vrajolli thotë se në rast se eventualisht do të pranohej kërkesa e Kosovës për një bazë të përhershme ushtarake të SHBA-së, dallimi i saj nga prania ushtarake amerikane në kampin Bondsteel do të ishte i madh.

“Dallimi është jashtëzakonisht i madh, për faktin se baza aktuale (Bondsteel) është në kuadër të misionit të NATO-s, i cili në njëfarë forme nuk e njeh subjektivitetin e Kosovës. Ndërkaq, vendosja e një baze amerikane në Kosovë, me ftesën e Qeverisë së Kosovës, do të kishte një mandat kushtetues dhe ligjor të shtetit të Kosovës. Misioni i KFOR-it në Kosovë është i paraparë edhe në Kushtetutë, por KFOR-i prezencën e tij në Kosovë e arsyeton me Rezolutën 1244 dhe jo me Kushtetutën (e Kosovës)”, theksoi Vrajolli.

Sipas Rezolutës 1244 të Këshillit të Sigurimit të Kombeve të Bashkuara, forcat e NATO-s, në kuadër të misionit KFOR, janë forcat e vetme ushtarake në Kosovë. Kjo e përjashton mundësinë e një baze ushtarake të re, jashtë këtij misioni në Kosovë, nga cilido shtet.

Nuredin Ibishi, thekson që baza eventuale e përhershme amerikane në Kosovë, mund të jetë Bondsteel-i, por vetëm pas shuarjes eventuale të misionit KFOR-it.

“Mendoj që mund të themi se eventualisht baza e Bondsteel-it të jetë e përhershme, pas përfundimit eventual, për një kohë të caktuar, të misionit të KFOR-it në Kosovë, sipas Rezolutës 1244. Pra, që baza ushtarake të vazhdojë të jetë kjo ekzistuesja, e Bondsteel-it, por jo një bazë tjetër ushtarake e re”, thekson Ibishi.

Forcat ushtarake amerikane janë të pranishme në Kosovë, në kuadër të forcave të NATO-s, që nga përfundimi i luftës dhe largimi i forcave serbe, në vitin 1999.

Aktualisht, misioni paqeruajtës i NATO-s në Kosovë, KFOR, ka 3.746 trupa që vijnë nga 28 vende të botës. Forcat amerikane në këtë mision numërojnë 635 ushtarë dhe shënojnë praninë më të madhe ushtarake në krahasim me 27 vendet tjera pjesëmarrëse në këtë mision.

Shtetet e Bashkuara të Amerikës kanë një numër të madh të bazave ushtarake në Evropë. Prania më e madhe ushtarake amerikane është në Gjermani, ndërkaq baza ushtarake të SHBA-së ka edhe në Itali, Britani të Madhe, Portugali, Turqi, Belgjikë, Spanjë, Bullgari, Holandë, Hungari, Greqi dhe të tjera./REL

The post A do ta aprovojë Amerika kërkesën e Kosovës për bazë të përhershme? appeared first on Albeu.com.