Haxhiu renditi disa arsye pse këto ngjarje ndodhin në Shqipëri, si toleranca e autoriteteve, kultura dhe arroganca e personave me mjete luksoze, mungesa e ndërgjegjies së qytetarëve, që nuk respektojnë ligjin dhe në fund, vajtimi i zakonshë i liderëve i cili pasohet nga harresa.

“Ekziston një kulturë e komunikimit në rrugë, që ka një prapavijë socio-psikologjike të rrallë. Ka të bëjë me njeriun dhe me ligjin. Po mundohem me katër rrethana, ose arsye, se si i trajtojmë këto gjëra. E para, trotuari, loja në trotuar tregon se kemi mungesë të vendin për lojë, mungesë të infrastrukturës dhe lagjia ku ndërtohet ka këtë rrezikun se fëmijët e kanë trotuarin vendin e vetëm të lojës. Është mungesë edhe e vëmendjes së prindërve, natyrisht edhe shteti që nuk krijon kushte që fëmijët të kenë hapësirën e vetë.

E dyta, toleranca e Kodit Rrugor, i cili në njëfarë mënyrë vetëdijshëm e shohim shkeljen e çdo ditëshme të ligjit dhe ntyrisht toleranca është e uniformave blu, por natyrshëm edhe e funksionimi të një kohe të gjatë të të fortit në veturat e shtrenjta, që kanë njëfarë arrogance në rrugë.

Kjo e dyta, ka qenë e përqëndruar një kohë të gjatë dhe ky përqëndrim shkakton aksidente me fatalitet.

Pika e tretë, ndërgjegjia e njeriut tonë, që realisht nuk ka respekt për fëmijën, ligjin, infrastrukturën. Të treja këto, kemi plotë raste që nuk e respektojnë gjëra elementare për të qenë funksionale në një shoqëri, një ritëm i jetës normale. Vijmë pastaj te pjesa publike, ku vendi tronditet, vajton, si zakonisht në publik. Kemi këto deklarata, Presidenti, Kryeministri, e me rradhë, që realisht brenda ndërgjegjës thonë diçka, por ndërgjegjia e munguar është se veprimet janë gati të pakta.

Të gjitha përfundojnë me lajme, reagime, ngushëllime, pak debat që bëjmë në studio dhe pastaj kjo shndërrohet në harresë. Çfarë ti thuash pas këtyre? Ku është esenca e problemit që na përsëritet?”, deklaroi Haxhiu.

The post Vrasja e të miturve në Durrës/ Baton Haxhiu: Vajtuan Presidenti, Kryeministri, e të tjerë, por pastaj vjen harresa appeared first on Albeu.com.

Pjesë nga biseda

Haxhiu: Opozita në Shqipëri ka qenë si ajo në Hungari në këto 6-7 vitet e fundit. Ajo që ka ndodhur në Hungari ka dalë grupi që ka shkërmoqur Orbanin, jo opozita. Me një projekt që Magyar e përmbysi nga brenda. Unë e kuptoj që ideologjikisht do ta fitosh betejën ndaj pushtetit, nuk do të bësh kurrë nëse e ke vetëm nga ana morale, nëse dikush nuk ka interes te ty. Unë mendoj se ju duhet ta gjeni rrugën. Kjo që keni bërë deri tani është PD dhe Sali Berisha dhe kjo e pengon opozitarizmin e vërtetë. PD luan të njëjtin rol si një model i politikanit të vjetër pa asnjë shans për ta zëvendësuar pushtetin. Si do ta bëni ndryshimin pa prekur PS brenda?

Qori: Ju bëni dallim mes qasjes morale dhe kontradiktës shoqërore. Ne përfaqësojmë të gjitha shtresat, jo sot për nesër por edhe më tej. Ka dallim mes Shqipërisë dhe Hungarisë, Magyar doli nga partia e Orbanit, por nuk mund të pritet kurrë se mund të dalë dikush nga PS, se ajo është shkretërirë. Ka patur modele edhe më parë në Evropë, modeli i Syriza, Kosova Albin Kurti nuk del nga brinjët e partive, por si lëvizje qytetare.

Rakipi: Arlind, ose është në rregull Rama, ose çalon te opozita.

Qori: Çalon te opozita.

The post Në Hungari u përmbys një autokrat, Baton Haxhiu debat me Arlind Qorin: Po ju si do ta bëni ndryshimin? appeared first on Albeu.com.

“Kam pasur vetëm interes se si është e mundur që një kompani për njëzet e ca vite të funksionojë në mënyrën e tillë dhe të mos ketë pasoja. Dhe edhe për faktin që shteti nuk ka marrë, ose e ka marrë shumë pak nga, po themi, puna dhe fitimet e bankës.

Simbolikisht po them, nuk e di. A e dini se ku në fillim i ka pasur Bankers-i zyrat? Bankers ose kompani si Bankers e kanë simbolikën e zyrave me xhama në qendër të qytetit, diçka madhështore dhe diçka që realisht i jep një simbolikë prezencës së naftës dhe produkteve të saj.

Shqipëria është një vend, i vetmi vend që e ka Bankers-in që ka dikur zyrat në periferi të Tiranës. Dhe të vetmit janë që kanë ikur në periferi të Tiranës për ta mbështetur.

Logjika është te gabimet politike, nuk është as te kinezët. Këto janë rrëmbime, grabitje politike. Unë kur flas për gabimet, pastaj epitetet dhe nivelin e gabimeve i vendosin ekspertët.

E dyta që është problem, është prokuroria dhe gjykatat nuk kanë ekspertë të këtyre fushave, jo vetëm të kësaj fushe. Nuk kanë ekspertë për çështje si, për shembull, digjitalizimi për bankat ose për naftën. Edhe për këto gjëra nuk kanë ekspertë për detektimin e krimit.

Kanë, siç po thonë, këto gjërat e vogla për evazion fiskal apo gjëra të tjera, por për gjërat e mëdha që përcaktojnë dëmin e madh për shtetin…Unë e di, të paktën dy vitet e fundit ka pasur një tentativë që vetë qeveria ose ministria e infrastrukturës ta dërgojë lëndën në prokurori, por pastaj se sa ka pasur fuqi që ta bëjë këtë, unë nuk e kam ndjekur.

Por Bankers-in e kam marrë si njollën më të madhe që Shqipëria ka prej 23 vitesh. Dhe deri më tash nuk ka gjetur asnjëherë se ku është çelësi. Në fakt, kjo është një nga njollat më të mëdha në historinë e shtetit shqiptar. Dhe kurrë nuk e di se pse është lënë kështu. Edhe pse unë e di që këtu janë investime shumë të vështira, sepse i bëjnë kompanitë e mëdha, se shteti nuk mund t’i bëjë. Duhet të kujdesen këto kompani. Në Fier është shkatërruar plotësisht…”- tha Haxhiu.

The post Baton Haxhiu: Bankers-i, njolla më e madhe që Shqipëria ka prej 23 vitesh appeared first on Albeu.com.

Haxhiu e bëri deklaratën teksa në studio po diskutohej për përjashtimin e Alesia Balliut dhe Doris Madhit, të cilat janë shpallur armike nga kupola e PD.

“Është për keqardhje mënyra se si ka përfunduar PD. Këtë detyrë e ka marrë themeluesi i saj, ti japë fundin PD-së. E ka marrë si detyrë politike dhe biologjike për PD-në.

Ju jeni një model për të cilin do të gjenden plot rrugës që do të ketë fati tuaj. Megjithatë, fati juaj, ju e keni si fatkeqësi por konsideroj se duhet ta keni për nder, që përjashtoheni nga një njeri që do ti japë fund PD-së. E keni dhimbje, sepse keni kontribut.

Nuk është rast turpi, pasi në politikë turpi është i mbështjellë me retorikë dhe gjendet gjithmonë një arsye dhe armik brenda, por një parti që po shkon në fund të saj dhe nuk ka shpresë te ngritja, me këtë logjikë, nuk ka luksin që njerëz si ju ti largojë. Këtë luks që përdor Berisha, nuk e di ku e çon, por e di që po i bën nder të jashtëzakonshëm partisë në pushtet, prej kohësh.

Çfarëdo meritë të ketë në të kaluarën, është njeriu më i gabuar. Kërkon rikthimin e tretë duke menduar se baskësia ndërkomëbtare apo SPAK do të rrënojë të gjithë, do të vijë një revolucion”, tha ndër të tjera Haxhiu.

The post “Keqardhje si ka përfunduar PD”/ Baton Haxhiu: Kush përjashtohet nga Berisha, duhet ta ketë për nder! Po i jep fund partisë appeared first on Albeu.com.

Haxhiu në Pressing në T7, duke u thirrë në burimet e tij tha:

“Askush s’pe përmend takimin e Vjosës me Albin Kurtin sot, ka ndodhë ajo çarja e madhe përfundimtare kur Albini ia kumton lajmin e zorshëm Osmanit. Takimi ka përfunduar gjithashtu dhunshëm verbal”, tha Haxhiu në Pressing.

Video:

The post Baton Haxhiu nxjerr informata të padëgjuara: Takimi i Vjosës me Kurtin përfundoi dhunshëm verbalisht appeared first on Albeu.com.

“Një qëndrim të PS, që e tha Balla sot, e ka thënë edhe ne publik, që socialistët do të vendosin standardin e Rumanisë, nuk ka më burg pa vendim gjykate të formës së prerë. Këtë ka vendosur PS për pezullimin dhe arrestimin. Ky do të jetë edhe në ligj.

Ne mund të diskutojmë për këtë. Nëse marrim standarded evropiane, të gjithë deputetët, të të gjithë parlamenteve, nuk mund të hetohen pa vendim të Parlamentit, asnjë. Hiq Luksemburgun. Në Shqipëri, prokurorët kanë të drejtë të hetojnë, pa marrë qëndrimin e Parlamentit. Mund të hetojnë pafund. Pse PS po e merr këtë vendim? Janë tre raste të paraburgimit të gjatë të njerëzve. “Karma is a bitch!” Standarded që kanë krijuar për Metën, duhet të përmirësohen. Askush nuk ka folur për Metën dhe është turp që rri në paraburgim për dy vite.

Çështja e pezullimit dhe burgosjes nuk do të ndodhë më në Shqipëri, pa vendim gjykate të formës së prerë”, tha Haxhiu.

The post “Karma is a bitch!”/ Baton Haxhiu paralajmëron ligjin e ri të PS: Nuk do të ketë më burg, pa vendim të formës së prerë appeared first on Albeu.com.

“Ka një bindje se kur je në ekzekutiv duhet ti durosh të gjitha, pasi fuqia e shtetit nuk të lejon të sulmosh të tjerët. Është një lloj aksiome e pashkruar, por e vetëkuptueshme. Megjithatë, ka kohë që në botë liderët po e sulmojnë median, gjykatën dhe NGO-të. Nuk ka qenë deri para 10 vitesh kjo logjikë. Këtë e filloi Britania, e shtresoi Amerika, doli në Evropë, ka ardhur edhe në Shqipëri. Sulmet e liderëve ndaj mediave dhe të tjerëve, janë të forta, kjo është betejë.

Po kthehemi te kjo që Rama e bën përballë drejtësisë. Natyrshëm që një një njeri kur i sulmohen njerëzite e tij me fakte apo pa fakte, ai gjen gjuhën e tij për ti mbrojtur. Ajo gjuhë e ka jetëgjatësinë të shkurtër apo të gjatë, kur ballafaqohet me fakte.
Këto fakte e bëjnë drejtësinë e fortë, jo mesazhet telefonike. Mesazhet janë keqkuptim mes njerëzve, nuk e arrijnë suksesin, përkundrazi e dobësojnë drejtësinë.

SPAK është dobësuar kur ka kërkuar përmes mesazheve të demonizojë personat, personalitetet dhe situatat, pasi nuk ka qenë i sigurtë, që faktet janë të mjaftueshme për të arritur qëllimin.

E arsyetoj ambientin siptar, ashpërsinë e SPAK, përdorimin e mediave… Nëse ka dikush që ka përdorur mediat, janë njerëzit e SPAK.

Ajo që më shqetëson është se nuk e kemi bashkësinë ndërkombëtare këtu për ta zbutur korruptionin por për të rritur numrin e të burgosuve. Kjo më shqetëson. Ambasadat e kanë memorien afatshkurtër, vijnë dhe kryejnë një detyrë. Vijnë me një mandat. Ata fokusohen në atë detyrë. Por konteksti social dhe politk shkatërorhet nëse largohen liderët pa përgatitur nëj lidership të ri.

Mendoj vetëm shikojeni çfarë ka ndodhur me njerëzit ne Kroaci, Bosnje, Serbi, Kosovë. Në Kroaci sidomos, ndëshkimi dhe burgosja e njerëzve nuk është strukturimi i institucioneve pa korrupsion, kjo nuk ndodh, e kam bindje”, tha Haxhiu.

The post Baton Haxhiu: SPAK merret me mesazhet, kërkon të demonizojë persona, kjo e dobëson drejtësinë appeared first on Albeu.com.

Debati

Baton Haxhiu: Nuk fitoni më pushtetin. Ju nuk i artikuloni si duhet. Ditën kur keni votuar për Bordin e Paqes tregon se sa të paqartë jeni me votuesin dhe qytetarin se jeni konfuzë. Ç’ka është përparësia juaj kohët e fundit. Ju e keni patur një aleat, SPAK, kohët e fundit.

Flamur Noka: Ne kemi kërkuar që SPAK të jetë aleat i ligjit. Me Dumanin ka qenë aleat i Ramës.

Baton Haxhiu: Nuk po them se s’jam PD, por meqë po flasim kështu sikur ta udhëheqja PD do të rrezikoja dhe më i efektshëm.

Flamur Noka: Për t’i shërbyer Ramës.

Baton Haxhiu: Meqë po thua se i shërbej Ramës, njeriu që i shërben Ramës është në krye tuaj, Berisha prej vitit 2019 e këtej ai mban ison politike Edi Ramës.

Flamur Noka: Mos e cito në fund Baton Haxhiu por në fund vendose Edi Rama.

Baton Haxhiu: Nuk kam ardhur të ofendoj.

Flamur Noka: Kjo kërkesë për të larguar Berishën e ka thënë Edi Rama. Mori Lulin peng, mori simbolin dhe nuk arriti ta lërgojë Edi Rama. Tani nxjerr analistët e vet dhe e spinon.

Flamur Haxhiu: Po jap mendim. Ta përmenda SPAK. Nëse opozita sulmon një instuitcion që ka 83 për qind mbështetje të shqiptarëve nuk shkon.

Flamur Noka: Thuaj sipas meje, apo sipas Ramës.

Baton Haxhiu: Qeveria teknike Flamur, është një status quo e re që s’ta blen askush. E përmende që vota ka shkuar 100 euro kur krijon qeveri teknike. Ajo mua më pengon është përsëritja e vetes në vite të tëra me demonstratë. Do të bëja diçka tjetër në 2026. Bota ka ndruyshuar. Zgjedhjet e Tiranës i fituat në 2011 pas demonstratës së 21 janarit.

Flamur Noka: Kur Edi Rama ka parë dy herë bulevardin e mbushur, sidmos herën e dytë me lum njerëzish, aty pastaj filloi me këto që thua ti. Me zgjedhje farsë edhe Muhameti edhe Krishti nuk, fitonin. Edhe Papa po të vinte në Elbasan përballë Sara Miles do të fitonte Sara Mile.

The post Baton Haxhiu-Flamur Nokës: Ti më akuzon se i shërbej unë Ramës, por më shumë nga të gjithë i shërben Sali Berisha! appeared first on Albeu.com.

Haxhiu tha se partitë opozitare nuk kishin ide dhe program dhe dukej sikur luftonin për vendin e dytë. Analisti vlerësoi se opozita ka bërë gabime strategjike gati duke ia dhuruar Kurtit fitoren.

“Një opozitë që e shpjegoi veten në shkurt dhe e ripërsëriti veten ne dhjetor. Iu nënshtrua diskursit të Albin Kurtit. Kërkoi gjëra që Kurti i kishte vendosur në veprim.

Të thuash do të rris paga, kur ai e bënte atë veprim, është gabim strategjik. Të thuash do të rrisim pensionet dhe e bën ai, do të thtoë se nuk kupton strategji politike. Ka patur dy liderë që irracionalitetin dëshironin ta fitonin me një racionalitet shpjegues dhe ajo do kohë. Të flasësh për TVSH në një ambient ku simbolika është gjithçka, do të thotë se nuk kupton strategjinë politike.

Ata kanë patur mundësi të ndërtojnë qeveri në shkurt, kanë patur numrat dhe ata lanë në pushtet Kurtin, duke qenë opozitarë të mirë, duke menduar se duke qenë i mirë në politikë, fiton pushtetin ndaj një njeriu me diskurs të fortë, me qëndrim të fortë në publik dhe funksionon me simbolikë.

Mendoj se gabimet serioze të kryetarit të PDK dhe kryetarit të LDK, duke u sjellë si NGO më shumë sesa liderë të partive politike, i sollën Kurtit fitoren që është më e madhja, ose me numrin më të shumtë që ndonjëherë ka patur një parti politike. Nënshtrimi ishte që e pranuan 28 dhjetorin, që strategjikisht e dinë se diaspora funksionon me simbolik, me një nacionalizëm regresiv. Ia dhanë një grupacioni të madh të shqiptarëve të Kosovës prej 374 mijë që ditën e 28 dhjetorit, këtë simbolikë t’ja dhurojnë Albin Kurtit.

Fitorja e Kurtit është ekskluzivisht produkt i dobësive serioze të dy partive të mëdha të opozitës, pa shpirt, pa program, pa fjalor, pa diskurs, pa ide.

Kurti është fitues, bravo i qoftë, arriti atë që nuk e ka arritur askush. A e ka merituar? Nuk e ka merituar këtë rezultat. A e ka merituar Kosova, që të mos jetë peng e partive që nuk kanë guxim të qeverisin, por kanë një relaksim në opozitë? Relaksimi i tyre bëri Albin Kurtin me guxim që të qeveris dhe tani po largohemi nga ngërçi dhe është fundi i kësaj gjenerate politike. Më vjen keq që kjo gjeneratë e kryesuar nga Lumiri dhe Bedri Hamza, dështoi dhe dështoi me meritë. Ata duhet të shkojnë, për faktin se treguan dobësi të jashtëzakonshme. Asnjëherë nuk e dëshën vendin e parë, luftonin të gjithë për vendin e dytë ose të tretë”, tha Haxhiu.

The post “Pa shpirt, pa program, pa ide!”/ Baton Haxhiu shpjegon pse humbi opozita në Kosovë: Luftuan për vendin e dytë appeared first on Albeu.com.

Zgjedhjet e pritshme të 19 tetorit në Maqedoninë e Veriut. Rrugëtimi i saj ka qenë disi mbrapa në raport me trajtimin e shqiptarëve. Vitet e fundit duket se shumë prej të drejtave që kishin fituar, duket se kanë filluar të reduktohen. Një lloj arrogance në rritje e qeverisë së Mickoskit është e pranishme në RMV në të gjitha fushat. Përballja e parë e fortë do të jetë për zgjedhjet lokale që kanë një specifikë të veçantë.

Për të diskutuar këtë temë ne Opinion kanë qenë të ftua Armand Shkullaku, Idaver Sherifi, Esmeralda Mulaj, Fatjona Medini, Baton Haxhiu dhe Lorik Idrizi.

Analisti Baton Haxhiu, i ftuar në emisionin “Opinion” në Tv Klan, komentoi zgjedhjet lokale në Kosovë.

Haxhiu deklaroi se në këto zgjedhje, Vetëvendosje ka pasur rënie me 11 përqind.

“Zgjedhjet nuk kishin ndonjë surprizë të madhe. Gara për Prishtinën ka qenë interesant. KQZ e Kosovës është shumë hapa përpara në numërimin e votave. Në Kosovë, të gjithë kandidatët janë ballafaquar në televizion. Janë bërë debate në tre a në katër studio. Nëse shihet respekt për qytetarët, Kosova është shembull. Vetëvendosje në parlamentin e Prishtinës është në vendin e tretë. Vetëvendosje ka rënie me 11 përqind të votave në këto zgjedhje”, tha Haxhiu.

Analisti Armand Shkullaku, i ftuar në emisionin “Opinion” në Tv Klan, komentoi zgjedhjet lokale që do mbahen në Maqedoninë e Veriut.

Shkullaku tha se partitë shqiptare në RMV nuk kanë luftuar për të drejtat e shqiptarëve, por për poste ministrore.

Nderkohe, analisti Idaver Sherifi duke folur për zgjedhjet në Maqedoni ka deklaruar se kandidimi i Izet Mexhitit në Cair nuk është për të marrë BDI por për të siguruar ekzistencën e tij si politikan dhe parti, pasi përvec tij, askush nga VLEN nuk mund të marrë Cairin. Në këtë mënyrë, për të gara në Cair eshte nje lloj “jetë a vdekje” dhe nevojë për të konfirmuar veten si lider.

The post Kosova dhe Maqedonia e Veriut në zgjedhje! appeared first on Albeu.com.