PJESA E PARË

BATE 0 – 0 Elbasani

Në stadiumin “Mehdi Huseynzade” ka nisur sfida mes BATE-s dhe Elbasanit.

Rasti më i rrezikshëm i 45 minutave të para erdhi në minutën e 25-të, kur Varaksa provoi me një goditje të fortë me kokë, por portieri Aleksovski reagoi saktë dhe e ndali topin.

Pas 45 minutash lojë, BATE dhe Elbasani shkojnë në pushim me rezultatin 0-0.

The post VIDEO/ Elbasani e mbyll në barazim pa gola pjesën e parë ndaj BATE-s në Azerbajxhan appeared first on Albeu.com.

Elbasani mori një barazim 1 – 1 ndaj BATE Borisov, por pavarësisht se nuk arriti te fitorja, skuadra la përshtypje të mira në fushë. Në takimin e zhvilluar mbrëmë në “Elbasan Arena”, ekipi i drejtuar nga Ivan Gvozdenovic u shfaq dominues dhe këmbëngulës gjatë pjesës së parë, periudhë në të cilën erdhi edhe goli i Ardit Nikaj.

Rrjeta e skuadrës mike u tund pas një bashkëpunimi mes dy afrimeve të fundit të verdhebluve. Rubin Hebaj shërbeu në mënyrë mjaft të mirë për sulmuesin shkodran, i cili e konkretizoi aksionin me gol.

Vetë klubi verdheblu ka publikuar në rrjetet sociale dyshen, që i është bashkuar ekipit vetëm pak ditë më parë, duke qenë kështu transferime të “freskëta”.

Nikaj dhe Hebaj kanë një element të përbashkët, pasi të dy janë shkodranë dhe më herët kanë qenë pjesë e Vllaznisë. Pas rezultatit 1 – 1 mes Elbasanit dhe BATE-s, gjithçka mbetet e hapur për sfidën e kthimit, aty ku do të përcaktohet kualifikimi.

The post Elbasani gjen armën me ish-lojtarët e Vllaznisë, Nikaj dhe Hebaj sinjal për BATE Borisov appeared first on Albeu.com.

Pas barazimit ndaj BATE Borisov në ndeshjen e vlefshme për raundin e parë të Conference League, kapiteni i Elbasanit, Bruno Lulaj, foli për mediat.

“Ndeshjet europiane kanë një specifikë tjetër. BATE ka më shumë ritëm se ne, sepse janë duke luajtur në kampionat. Në pjesën e parë ishim shumë mirë, ndërsa në të dytën ndikoi lodhja fizike.

Te goli që pësuam kishim një gabim në vendosje. Lojtari i tyre erdhi nga vija e dytë. Në futboll ndodhin këto gjëra, ndaj duhet të shohim përpara. Kemi edhe një ndeshje jashtë dhe do të japim maksimumin.

Me këtë rezultat, takimi mbetet i hapur. Sot krijuam shumë raste dhe do të bëjmë gjithçka për kualifikim”, u shpreh Lulaj.

The post Lulaj pas barazimit me BATE Borisov: Pësuam nga një gabim në pozicionim, por kualifikimi mbetet i hapur appeared first on Albeu.com.

Pas barazimit 1 – 1 të Elbasanit ndaj BATE Borisov në raundin e parë të Conference League, trajneri i verdhebluve Ivan Gvozdenovic dha prononcimin e tij për mediat.

“Nuk duhet të harrojmë se çfarë rivali është BATE Borisov. Pjesa e parë ishte shumë e mirë, ndërsa edhe pjesa e dytë ishte e mirë. Ne ishim më pranë fitores për shkak të rasteve që krijuam para portës. Gjithçka mbeti e hapur dhe ky nuk është një rezultat i keq.

Tani na pret një tjetër ndeshje në transfertë. Çdo gjë do të mbetet e hapur deri në përballjen e dytë. Është 50-50. Ne kemi të njëjtën cilësi si BATE.

Ata kanë avantazhin sepse janë duke luajtur në kampionat. Jam i kënaqur me afrimet e reja. U larguan 12 lojtarë dhe kjo nuk është pak. Megjithatë, kemi afruar të tjerë, 6 lojtar me shumë cilësi. E gjitha lidhet me kohën, pra me mënyrën se sa arrijmë të bashkëpunojmë me njëri-tjetrin”.

The post Gvozdenovic vlerëson paraqitjen e Elbasanit ndaj BATE Borisov: Gjithçka mbetet e hapur, është 50-50 pavarësisht largimit të 12 lojtarëve appeared first on Albeu.com.

Mbrëmjen e sotme, Elbasani nis aventurën në turin kualifikues të Conference League, teksa do të luajë ndeshjen e parë ndaj BATE Borisov.

Në dispozicion të trajnerit Ivan Gvozdenovic për këtë sfidë do të jenë jo vetëm shumë prej futbollistëve të skuadrës, por edhe Bernard Karrica dhe Marjo Bajramaj. Të dy lojtarët janë afruar nga Vora në huazim, vetëm për këto përballje europiane, dhe mund të marrin minuta në këtë takim.

Në prag të kësaj ndeshjeje të rëndësishme për nënkampionët, klubi i Superiores ka shpërndarë një mesazh mbështetës për futbollistët.

“Suksese djemve tanë në sfidën ndaj BATE Borisov në kualifikueset e UEFA Conference League! Ju urojmë një paraqitje sa më të mirë dhe shumë fat. Na bëni krenarë”, shkruan Vora.

The post Vora motivon Karricën dhe Bajramajn para duel-it të Elbasanit me BATE Borisov në Conference League appeared first on Albeu.com.

Në prag të ndeshjes së parë ndaj BATE Borisov, e vlefshme për kualifikueset e Conference League, ka dalë në prononcim mbrojtësi dhe kapiteni i Elbasanit, Bruno Lulaj. Takimi do të zhvillohet të martën në stadiumin “Elbasan Arena”, me fillim nga ora 20:00.

“Përballë do të kemi një skuadër me përvojë në këto kompeticione europiane. BATE-n e çmojmë dhe e respektojmë, por nga ana jonë kemi punuar shumë për të qenë gati.

Duhet të tregojmë në fushë gjithçka që kemi përgatitur gjatë kësaj jave dhe të shpresojmë për më të mirën. Jam shumë i bindur që atmosfera do të jetë entuziaste dhe stadiumi do të jetë i mbushur me tifozë. Ky qytet, që e do kaq shumë futbollin, e ka pritur këtë ndeshje prej 20 vitesh dhe ne po e presim me padurim që t’u japim kënaqësi tifozëve dhe gjithë qytetit, si edhe të sigurojmë një rezultat pozitiv për ta.

Kështu është futbolli, sepse lojtarët nuk janë të përjetshëm, ndërsa e vetmja gjë që mbetet përjetë është emblema që mbajmë në zemër. Futbollistët e rinj janë përshtatur shumë mirë me skuadrën, ndërsa ne, lojtarët më të vjetër, i kemi ndihmuar. Janë futbollistë cilësorë dhe djem shumë të mirë dhe shpresoj që do të na ndihmojnë”, u shpreh Lulaj.

The post Para sfidës me BATE Borisov në Conference League, Bruno Lulaj: I njohim vlerat e rivalit, por synojmë një rezultat pozitiv appeared first on Albeu.com.

Elbasani rikthehet në arenën europiane pas 20 vitesh dhe të martën do të luajë sfidën e parë ndaj BATE Borisov, e vlefshme për kualifikueset e Conference League. Takimi nis në orën 20:00 dhe do të luhet në stadiumin “Elbasan Arena”, aty ku verdheblutë synojnë të shfrytëzojnë avantazhin e fushës për të dalë me një rezultat pozitiv.

Në prag të këtij takimi ka folur trajneri i ekipit, Ivan Gvozdenovic, i cili u ndal te gjendja e skuadrës, përgatitjet dhe pritshmëritë për përballjen europiane.

Duke komentuar situatën në grup, ai tha se nga skuadra janë larguar 12 lojtarë, por theksoi se në këtë moment nuk ka vend për shumë diskutime mbi arsyet, pasi vëmendja është e gjitha te ndeshja e rëndësishme e nesërme ndaj BATE Borisov.

Për sa i përket gjendjes së futbollistëve, Gvozdenovic u shpreh se ekipi është gati dhe se kjo do të shihet në fushë. Sipas tij, ndoshta do të duhej edhe një javë më shumë në fazën përgatitore, por kjo është situata që duhet përballuar. Ai shtoi se Elbasani ka një skuadër të mirë, me lojtarë me eksperiencë, të cilët dinë si t’i menaxhojnë forcat deri në minutat e fundit, apo edhe në të 95-tën, në varësi të shtesës.

Sa i përket mundësive për të kaluar më tej, trajneri nënvizoi se gjithçka nuk vendoset në ndeshjen e nesërme. Ai kujtoi se janë dy ndeshje dhe më pas ajo e datës 16, duke theksuar se kualifikimi mbetet i hapur dhe se skuadra do të provojë gjithçka në fushë për të marrë një rezultat pozitiv.

Në analizën për kundërshtarin, Gvozdenovic e cilësoi BATE Borisov si një skuadër të fortë dhe me emër të madh. Sipas tij, kundërshtari ka më shumë eksperiencë dhe hyn me një motivim tjetër në ndeshjen e nesërme. Ai theksoi gjithashtu se kampionati dhe Europa janë dy kompeticione të ndryshme, ndaj është i bindur se BATE do të luftojë shumë fort në fushë.

Nëse Elbasani arrin të sigurojë kualifikimin, trajneri e konsideron atë një dhuratë shumë të bukur për skuadrën, tifozët, qytetin dhe lojtarët.

The post Gvozdenovic para duelit me BATE Borisov: Është një skuadër me emër, por Elbasani do të japë maksimumin për një rezultat pozitiv appeared first on Albeu.com.

Këtë të martë, Elbasani do të zbresë në fushë ndaj Bate Borisov në ndeshjen e vlefshme për raundin e parë kualifikues të Conference League. Takimi do të luhet në stadiumin “Elbasan Arena” dhe starton në orën 20:00.

Ndërkohë, UEFA ka përcaktuar edhe trupën gjykuese që do të drejtojë këtë përballje. Arbitër kryesor për sfidën është vendosur moldavi Ion Orlic.

Në ndihmë të tij do të jenë Denis Oala dhe Anatolie, të dy gjithashtu nga Moldavia. Po nga i njëjti shtet vjen edhe arbitri i katërt, Oleg Stoainov. Vlen të theksohet se në këtë fazë të kompeticionit nuk përdoret sistemi VAR.

The post UEFA cakton katër arbitra nga Moldavia për ndeshjen Elbasani-Bate Borisov në Conference League appeared first on Albeu.com.

Elbasani është në prag të sfidës së parë europiane, teksa në Conference League do të përballet me BATE Borisov. Takimi do të zhvillohet në stadiumin “Elbasan Arena”, të mërkurën në orën 20:09, në një ndeshje të rëndësishme për nënkampionët e Superiores, të cilët synojnë të nxjerrin maksimumin për një rezultat pozitiv përpara duelit të kthimit që do të luhet në Bjellorusi.

Në prag të kësaj përballjeje të veçantë, që shënon edhe kthimin e skuadrës pas 20 vitesh në arenën europiane, drejtori sportiv i verdhebluve, Elton Guranjaku, ka folur ekskluzivisht për “Newsport.al”. Ai është ndalur te objektivat e ekipit në këtë aventurë, situata brenda grupit dhe projektet për sezonin e ri në “Abissnet Superiore”.

Lidhur me gjendjen aktuale të skuadrës pas fazës përgatitore, Guranjaku theksoi se ekipi e ka përfunduar këtë mini-periudhë pune dhe është gati për ndeshjen ndaj BATE. Sipas tij, stafi ka bërë një punë të mirë, pavarësisht vështirësive që kanë ardhur nga ndryshimet e shumta në përbërje, dhe ai beson se skuadra do të jetë gati të martën në mbrëmje.

Për pritshmëritë nga kjo sfidë, drejtori sportiv u shpreh se ato janë të mëdha, pasi vetë rikthimi në Europë pas 20 vitesh për qytetin përbën një emocion të veçantë. Ai sqaroi se trajneri nuk është fokusuar vetëm te kthimi i futbollistëve në formën më të mirë fizike, por edhe te harmonizimi i grupit, që sipas tij mbetet pjesa më e vështirë në një kohë kaq të kufizuar përgatitjesh.

Sa i takon momentit jo të mirë të BATE Borisov, që vjen pas 12 ndeshjeve pa fitore, Guranjaku tha se Elbasani do të japë maksimumin në fushë. Megjithatë, ai nënvizoi se verdheblutë nuk kanë eksperiencë në këto nivele, pasi janë rikthyer në Superligë vetëm dy vite më parë, ndaj nuk e konsideron një shans të artë përballjen me një emër si BATE Borisov, pavarësisht formës së dobët të rivalit.

Guranjaku bëri të ditur gjithashtu se kundërshtari është analizuar. Ai vuri në dukje se BATE po luan javën e 14-të të kampionatit të vet dhe se stafi elbasanas ka parë ndeshjet e fundit të skuadrës bjelloruse. Sipas tij, avantazhi më i madh i kundërshtarit lidhet me ritmin dhe intensitetin e lartë, pasi ndodhet në kulmin e sezonit. Ai shtoi se fizikisht është një skuadër që vrapon shumë dhe që di si të administrojë ndeshje të tilla, por Elbasani ka marrë masat e veta dhe shpreson që ato të japin efekt në fund.

Duke u ndalur te merkatoja, ai pranoi se afrimet janë përqendruar kryesisht në repartin ofensiv, ndërsa largimet e shumta kanë sjellë edhe shqetësim te tifozët. Guranjaku u shpreh se forca e skuadrës në sezonin e kaluar ishte ruajtja e të njëjtit grup për dy vite. Sipas tij, ndryshimet e shumta nuk i bëjnë mirë ekipit, por klubi ka një buxhet të kufizuar dhe nuk mund të dalë jashtë tij. Ai shpjegoi se është e vështirë të negociohet me lojtarë që kërkojnë 3/4 herë më shumë se sa përfitonin më parë, ndërsa theksoi se në ekip kanë ardhur futbollistë që ai personalisht i vlerëson cilësorë. Problemi i vetëm, sipas tij, ka qenë koha e shkurtër në dispozicion për përgatitjen e kësaj ndeshjeje.

Në lidhje me sezonin e ri në Superiore dhe formatin e ri të kampionatit, Guranjaku u shpreh se, edhe pse forma ka ndryshuar, në fund çdo ndeshje vlen për 3 pikë. Ai tha se është kurioz të shohë se si do të funksionojë ky format, por nënvizoi se ai është i njëjtë për të gjithë dhe nuk sjell diferenca. Duke folur për objektivat, ai theksoi se të bësh më mirë se sezoni i kaluar do të thotë të shpallesh kampion, pasi Elbasani e humbi titullin vetëm për shkak të golavarazhit më të dobët. Gjithsesi, ai shtoi se fillimisht synimi është të ndërtohet edhe një herë skuadra, çka nuk është e lehtë, e më pas të shihet se si do të ecin gjërat.

Për rivalët në sezonin e ardhshëm, drejtori sportiv deklaroi se për Elbasanin të gjithë janë rivalë. Ai vlerësoi se shumë skuadra po investojnë dhe se kampionati i ardhshëm do të jetë edhe më i vështirë se ai i kaluar. Megjithatë, sipas tij, duke parë investimet, Egnatia duket një hap përpara skuadrave të tjera.

/Ermal SPAHIU/

The post Elton Guranjaku: Elbasani është gati për BATE Borisov, kemi bërë përgatitjet tona! Në Superiore, Egnatia duket një hap para appeared first on Albeu.com.