Pas aventurës së tij në Poloni, mesfushori Bastien Toma do ta vijojë karrierën në Zvicër, ku është transferuar te Yverdon Sport, skuadër që militon në Challanger League.

Futbollisti 27-vjeçar ka arritur marrëveshje me klubin zviceran për pjesën e mbetur të sezonit. Yverdon synon ngjitjen në elitën e futbollit zviceran dhe e konsideron Tomën një përforcim të rëndësishëm për këtë objektiv.

Lajmi u bë i ditur nga vetë klubi përmes një komunikate zyrtare, ku konfirmohet afrimi i mesfushorit.

“Yverdon përforcon mesfushën me arritjen e Bastien Tomës, 27-vjeçari me eksperiencë të madhe në Superligë. Ai vjen për t’i shtuar opsione më shumë skuadrës për pjesën e mbetur të sezonit”, thuhet në komunikatë.

Toma kishte shprehur gatishmërinë për të përfaqësuar Kosovën, ndryshe nga vitet e kaluara, por duket se “Dardanët” nuk janë më të interesuar për shërbimet e tij.

The post Bastien Toma rikthehet në Zvicër, firmos me Yverdon Sport appeared first on Albeu.com.