Bastian Schweinsteiger, një nga figurat më të njohura të futbollit gjerman, ka bërë një parashikim që ka ngjallur interes të madh në prag të çerekfinales së Kupës së Botës mes Zvicrës dhe Argjentinës.

Ish-mesfushori i Gjermanisë, fitues i Kupës së Botës në vitin 2014, është i bindur se përfaqësuesja zvicerane i ka të gjitha mundësitë për të nxjerrë jashtë kampionen në fuqi dhe ka parashikuar madje një sukses 2-1 për helvetikët.

Sipas 41-vjeçarit, forca e Zvicrës nuk lidhet thjesht me vlerat individuale të lojtarëve, por sidomos me bashkëpunimin, disiplinën në lojë dhe shpirtin e grupit që kjo skuadër ka krijuar prej vitesh.

“Ndoshta për disa mund të jetë befasi, por unë besoj se Zvicra do të fitojë 2:1. Ka shumë pak skuadra që kanë një harmoni të tillë”.

“Sa herë që zbresin në fushë, duken si një ekip i vetëm. Zvicra po bën një punë të jashtëzakonshme”, ka thënë Schweinsteiger.

Këto komente të Schweinsteigerit janë publikuar nga mediumi zviceran Blick dhe vijnë vetëm pak orë përpara njërit prej dueleve më tërheqëse të çerekfinaleve.

Argjentina e nis këtë ndeshje si kampione në fuqi e botës dhe si një prej pretendentëve kryesorë për të ruajtur trofeun, ndërsa Zvicra ka bindur me paraqitjet e saj në këtë edicion dhe synon të prodhojë një tjetër befasi të madhe.

The post Schweinsteiger sheh Zvicrën fituese ndaj Argjentinës në çerekfinale appeared first on Albeu.com.

Gjermani pranoi se kishte një “përplasje” me Jose Mourinhon, trajnerin e klubit në atë kohë (2016/17).

“Ishte gjithçka shumë e çuditshme. Në ditëlindjen time mbërrita në dhomat e zhveshjes për t’u përgatitur për stërvitje dhe dikush më tha që nuk mund të pajisem dot atje, do të duhej të dilja dhe të stërvitesha me rezervat. Më lëndoi shumë sepse askush nuk më paralajmëroi. Fola me Jose Mourinhon dhe ai më dha një shpjegim të çuditshëm, lidhur me dëmtimin që kisha pasur. Isha shumë i emocionuar të luaja me të në Man United, jo vetëm sepse ai tashmë ishte përpjekur të nënshkruante me mua në Inter dhe Real Madrid.

– Unë kam shumë respekt për të, por nuk e kuptova atë situatë dhe pse më ndaloi të stërvitesha me ekipin.

Profesionalizmi im ishte në rrezik dhe më vonë e tregova kur stërvitesha me fëmijët apo edhe vetëm. Më pas Mourinho erdhi tek unë dhe kërkoi falje, duke pranuar se kishte gabuar. Ishte një lëvizje e mirë nga ana e tij, por deri atëherë ai kishte humbur dëshirën për të qenë në Manchester United, ai nuk ishte më 100% në klub”, pranoi lojtari gjerman.

The post “Mourinho më largoi nga skuadra dhe më pas më kërkoi falje” appeared first on Albeu.com.