Vendimi u miratua në mbledhjen e Këshillit të Ministrave të zhvilluar më 11 mars 2026 dhe synon të rrisë nivelin e kontrollit dhe transparencës në aktivitetin e basteve sportive online që ofrohen nga subjektet e licencuara.

Vendimi përcakton kriteret teknike dhe kërkesat bazë që duhet të plotësojnë sistemet, faqet e internetit dhe aplikacionet për bastet sportive online.

Ndër të tjera, ai parashikon standardet minimale që duhet të përmbushin sistemet përmes të cilave administrohen, menaxhohen dhe zhvillohen bastet sportive online, duke përfshirë si komponentët hardware ashtu edhe ata software.

Po ashtu, janë vendosur rregulla të qarta për procesin e identifikimit dhe regjistrimit të lojtarëve, me qëllim garantimin e aksesit të ligjshëm në këto platforma, mbrojtjen e të dhënave personale dhe parandalimin e aktiviteteve të paligjshme në këtë fushë.

Vendimi trajton edhe mënyrën e kryerjes së pagesave dhe të faturimit. Sipas rregullave të reja, çdo pagesë apo transaksion financiar që lidhet me bastet sportive online duhet të regjistrohet dhe të monitorohet në kohë reale nga institucionet shtetërore përgjegjëse.

Qeveria njoftoi zyrtarisht:

•Përcaktimin e standardeve,që kanë të bëjnë me kushtet teknike dhe standardet minimale, që duhet të plotësojnë sistemet/website-t/aplikacionet e basteve sportive on-line të subjekteve të licencuara, të cilat konsistojnë në:

a) kërkesat teknike minimale, që duhet të plotësojnë sistemet, ku administrohen, menaxhohen dhe luhen bastet sportive on-line, duke përfshirë komponentët hardware dhe software;

b) kërkesat për identifikimin e regjistrimin e lojtarëve, me qëllim sigurimin e aksesit të ligjshëm, mbrojtjen e të dhënave dhe parandalimin e lojës së paligjshme;

c) procedurat në lidhje me faturat dhe transaksionet e pagesave, duke siguruar që çdo transaksion të regjistrohet e të monitorohet në kohë reale nga organet përkatëse;

The post Rikthimi i basteve, qeveria miraton rregullat e reja/ Vendimi, standardet teknike dhe monitorimi në kohë reale appeared first on Albeu.com.

Marrëveshja, e cila zgjat deri në fund të sezonit 2026/27, e sheh kompaninë të bëhet marka e parë e basteve sportive që sponsorizon Champions League.

Kjo është një risi e bërë nga UEFA, e cila më parë ishte e “prerë” në luftën kundër fiksimeve të ndeshjeve, me bastet që sillnin përfitime për klubet.

Gjithsesi gjërat duket se ndryshojnë, me “bet365” që do të sponsorizojë kështu kompeticionin më të madh europian për klube dhe do të marrë ekspozimin e markës në tabelat LED të perimetrit brenda fushës, vendet e mediave dhe në të gjithë kanalet dixhitale të Champions League.

Marrëveshja, e cila është përpjekja e parë e UEFA Champions League në sponsorizimin e lojërave të fatit, vjen në një kohë kur industria e basteve është nën qendër të vëmendjes në futboll. Premier League tashmë po shkon drejt një ndalimi vullnetar të sponsorizimeve të fanellave me lojërat e fatit në vitin 2026 dhe reklamimi i lojërave të fatit është i ndaluar në Spanjë.

Guy-Laurent Epstein, Drejtor i Marketingut në UEFA, tha: “Ne jemi të emocionuar të mirëpresim ‘bet365’ si një sponsor zyrtar global të Ligës së Kampionëve, duke bashkuar kompeticionin më prestigjioz në botë të futbollit për klube me miliona tifozë të pasionuar anembanë globit”.

“Si një nga markat kryesore të basteve sportive në internet, me mbi 100 milionë klientë, ‘bet365’ është i përkushtuar për të rritur emocionet e sportit duke promovuar praktikat e përgjegjshme të lojërave. Ne presim me padurim një partneritet të suksesshëm që jo vetëm që rrit përvojën për tifozët tanë, por gjithashtu mbështet përpjekjet për të mbrojtur integritetin e sportit”, përfundon ai.

Nga ana tjetër, Alex Sefton, shefi i marketingut global i “bet365”, shtoi: “Si marka e parë e basteve sportive që sponsorizon Ligën e Kampionëve, ne jemi të kënaqur që i bashkohemi listës së partnerëve të markave kryesore të profilit të lartë në një kohë kaq emocionuese për kompeticionin. ‘bet365’ ka një trashëgimi të gjatë dhe të suksesshme futbolli dhe ky partneritet prestigjioz pasqyron angazhimin tonë për t’u dhënë tifozëve përvoja të jashtëzakonshme”.

The post Marrëveshje e re! UEFA zyrtarizon bastet si sponsor në Champions League appeared first on Albeu.com.

Franca dhe Anglia shihen si skuadrat favorite për të triumfuar me koeficient 4. Më pas vjen vendi organizator, Gjermania me koeficientin 6, Spanja me 7 dhe Portugalia me 9.

Shqipëria në fakt, në shumë kompani bastesh është e vështirë që ta gjesh. Por sipas njërës prej tyre që e ka listuar, “Squaëka”, kuqezinjtë kanë koeficientin 200 për një triumf të mundshëm në “Euro 2024”, që duket në kufijtë e të pamundurës.

Për momentin jemi skuadra me koeficientin më të lart, teksa më mirë se ne është Sllovenia me koeficientin 150.

Megjithatë, kurrë mos thuaj kurrë!

The post Shqipëria fiton europianin në Gjermani? Sa kuotohet në kompanitë e basteve appeared first on Albeu.com.

Sipas “Sky Sports”, skuadra e Brentford do të kërkojë deri në 90 milionë paund për lojtarin edhe pse me shumë gjasa kjo shifër do të ulet. Aftësia e tij për të shënuar (20 gola në 33 ndeshje të sezonit të kaluar në Premier) e bëjnë anglezin mjaft të lakmuar në merkaton e janarit.

Gjasat janë që 27-vjeçari të lërë skuadrën e Brentford, ndërkohë Chelsea dhe Arsenal janë ato që kanë shprehur më së shumti interesim për të. Por edhe Manchester United e Tottenham mund të hidhen në sulm, ndaj pritet një ankand i fortë për të siguruar lojtarin në merkaton e ardhshme./albeu.com

The post “Bastexhiu” edhe pse i pezulluar, vlen 90 milionë paund appeared first on Albeu.com.

Ai gjithashtu ka zbuluar se është i zhytur në borxhe dhe është kërcënuar se do ti thyejnë këmbët.

“Kam filluar të bëj baste në Tirrenia gjatë kampit stërvitor të Kombëtares U21. Me kalimin e kohës, u gjenda në një gjendje stresi të shkaktuar nga borxhi. Periudha më e keqe ka qenë mars-prill 2023 gjatë ndeshjes Sasuolo-Juventus, aty kam bërë një gabim teknik dhe jam zëvendësuar. Ndërkohë kam qarë në stol pasi kam menduar për borxhet e mia të basteve. Kur isha në Kremoneze nëna ime më këshilloi të shkoja në Sert për kurim, shkova disa herë atje. Ishte Tonali që më sugjeroi të luaja në faqen e Icebet. Në ndeshjen Torino-Milano më 30 tetor 2022, kam vënë bast për një barazim ose një fitore të Milanit. Ndërkohë kuqezinjtë humbën pasi ndeshja përfundoi dy me një për Torinon. Jam i zhytur në borxhe, kam marrë kërcënime të rënda fizike si: “Ti thyejmë këmbët”, ka deklaruar Faxholi.

The post “Milani më dogji skedinën”, shokon Faxholi pas skandalit të basteve: Jam i zhytur në borxhe, më kanë kërcënuar se do më thyejnë këmbët appeared first on Albeu.com.

Po kështu shi zor se do të ketë, pasi mundësia është 17% dhe ajo mund të jetë në mesditë. Siç shihet gjërat do të jenë perfekte për skuadrën kuqezi.

Edhe pse është ende herët, kompanitë e basteve kanë nxjerrë kuotat për takimin Shqipëri-Çeki, që do të luhet më 12 tetor.

Kuqezinjtë janë të parët në grup me dy pikë më shumë, por sërish Republika Çeke shihet si favorite në këtë ndeshje.

Një fitore e tyre ka koeficientin 2.20, ndërsa fitorja e Shqipërisë kuotohet 3.10, ndërkohë që një barazim ka koeficientin 3.00.

The post Euro 2024/ Kompanitë e basteve nënvlerësojnë Shqipërinë, sa kuotohen kuqezinjtë appeared first on Albeu.com.

Ndryshe nga më parë, projektligji i miratuar për Lojërat e Fatit detyron subjketet të ruajnë të dhënat e klientëve të tyre për çfarëdolloj shume të luajtur brenda një periudhe tre vjeçare, ndërsa më herët ligji synonte regjistrimin e individëve që merrnin pjesë në baste me vlera 100 mijë lekë ose më tepër.

Ndryshimet fiskale dhe mospagimi i 15% të tatimit mbi fitimin do të sjellë krijimin e një fondi të posaçëm dhe detyrime monetare fikse për kompanitë që licensohen për aktivitetin e lojërave të fatit, sipas draftit të ri të hedhur për konsultim publik.

Organizatorët e kategorive “Kazino”, “Kazino në hotele me 5 yje” dhe “Resort kazino”, brenda 31 marsit të vitit pasardhës derdhin në llogari të Fondit të Posaçëm shumën 0.4 për qind të xhiros vjetore.

Mekanizma të ngjashëm ligjorë në tregun e lojërave të fatit ndiqen edhe nga vende të Bashkimit Evropian.

The post Bastet online drejt hapjes, qeveria jep “dritën jeshile” appeared first on Albeu.com.

Shërbimet e Komisariatit të Policisë Elbasan, arrestuan 53-vjeçarin, banues në Elbasan, pasi në një lokal në lagjen “Luigj Gurakuqi”, Elbasan, u kap nga shërbimet e Policisë, ndërkohë që po vinte baste sportive me celular. Gjithashtu, nisi procedimi në gjendje të lirë për  administratori i këtij lokali, për veprën penale “Vënia në dispozicion e lokaleve për lojëra të palejuara”.

Po nga këta specialistë u referuan materialet në Prokurori dhe nisi procedimi në gjendje të lirë për pronarin 38 vjeçar, banues në Elbasan, për veprën penale “Fshehja e të ardhurave”, pasi gjatë kontrollit të ushtruar në kuadër të operacionit, ka rezultuar se fshihte të ardhurat e përfituara nga subjekti (lokali) i tij.

Në cilësinë e provës materiale u sekuestruan 2 aparate celulare.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

The post Një bast merr më qafë tre burra në Elbasan appeared first on Albeu.com.

“Nuk më ka tërhequr kurrë bixhozi. Nuk mund të hyj kurrë në një garë ku mes forcat e mia dhe sfidoj fatin. Është një sfidë që e ndalon Kur’Ani. E thotë bukur. Nuk e kam bërë për këtë arsye, por e thotë, mos e sfido fatin e të nesërmes”, thoshte Rama në atë kohë.

Por sot, katër vite më vonë, Rama ka organizuar një dëgjesë për të shqyrtuar mundësinë e rikthimit të basteve online. Kërkesat ishin të shumta nga përfaqësuesit e shoqatave, por për atë çfarë thotë libri i shenjtë i Kur’Anit nuk u fol.

Kujtojmë se Rama ka njoftuar ndryshimin që do bëhet në ligjin për lojërat e fatit më 31 dhjetori i vitit 2018, me ligjin e ri, i cili do të ndalonte së funksionuari të gjitha kazinotë elektronike si dhe do të mbyllen të gjitha pikat e basteve.

Edi Rama: “Sipas ligjit duke nisur nga 31 dhjetor i këtij viti do të pushojnë së funksionuari të gjitha kazinotë elektronike.  Ndryshimi i sotëm përfshin edhe bastet sportive, si edhe çdo lloj basti për çdo garë të ashtuquajtur në pistë, kuaj, qen apo çdo lloj skllavi të faunës shqiptare.

Tej argumenteve të biznesit, të të punësuarve, të të ardhurave të cilat për hir të vërtetës të cilat janë dyfishuar në raport me të shkuarën, 54 milionë dollarë nga rritja e formalitetit dhe nga taksat përmes formalizmit, pavarësisht se 40 kompani kishte në të shkuarën dhe mblidheshin gjysma e taksave, tani ka 20 dhe mblidhen dyfishi i taksave, në territorin e Republikës së Shqipërisë nga 1 janari nuk do të ngrihet asnjë qepen për baste.

Dhe ashtu siç është përcaktuar në ligjin ekzistues nuk do ngihet më asnjë qepen për kazino elektronike në asnjë zonë të banuar në 28 mijë kilometër katror të Republikës së Shqipërisë.

The post Sot nuk u përmend libri i shenjtë, si e justifikoi Rama mbylljen e lojërave të fatit para 4 vitesh (VIDEO) appeared first on Albeu.com.

Falë një operacioni 8 mujor të Policisë së Stambollit, 59 persona janë arrestuar ndër to dhe krerët e bandës.

Sipas Policisë turke operacioni vazhdon dhe është është një nga operacionet më të mëdha të kryer kund goditjes së basteve të paligjshme.

Ekipet e policisë së Stambollit nga departamenti i krimit kibernetik kanë kryer dje operacione të koordinuara në 8 qytete. Gjithashtu u ndalua edhe kreu i bandës, Ozkan G.

Pas monitorimit të llogarive të anëtarëve të bandës, u konstatua se për një periudhë rreth një vjeçare, ata kryenin një xhiro prej 1 miliardë lirash, të cilat dërgoheshin jashtë vendit, kryesisht në Maqedoninë e Veriut në formën e kriptomonedhave.

Autoritetet turke dyshonte se një pjesë e këtyre parave kishin përfunduar tek anëtarët e një organizate terroriste./albeu.com

The post Shkatërrohet grupi ilegal i basteve, 59 persona të arrestuar, 55 mln euro përfunduan në Maqedoninë e Veriut appeared first on Albeu.com.