Policia e Shtetit i tha Skyweb.al se gjatë tre muajve të parë të këtij viti janë evidentuar 104 rastë në të gjithë territorin e vendit me 184 autorë, nga të cilët 55 janë arrestuar dhe 129 të tjerë janë ndjekur në gjendje të lirë.

Shumica e tyre janë pikërisht si personazhi ynë, i cili herë pas here vendos baste sportive nëpërmjet celularit të tij për persona të tjerë, ndërsa “userin” si “menaxher” thotë se e ka marrë në një lokal në një zonë tepër të frekuentuar të Tiranës, i cili vetë ushtron aktivitet thuajse hapur, pa u trembur nga forcat e rendit.

Bastet sportive, paligjshmëria e ligjëruar në çdo rrugë dhe cep pallati 

Vendosja e basteve sportive është një veprim ende i ndaluar në Shqipëri, megjithatë për momentin siç konstaton Skyweb.al është një ndër “sportet” më të përhapura teksa shihet nga mjaft individë si një mundësi për të siguruar disa të ardhura duke rrezikuar ndërkohë që të arrestohen.

Ushtrimi i aktivitetit online ka bërë që bastet të kapilarizohen në mënyrë të tejshkajshme duke përfshirë dhe persona që në jetën e tyre nuk kanë patur kurrë probleme me ligjin.

Redaksia ka investiguar disa muaj në këtë sektor duke zbuluar të dhëna shqetësuese për numrin e personave të implikuar; sasinë kolosale të parave që qarkullohet në të zezë; nxitjen e aktiviteteve kriminale për shkak të luftës mes grupeve në terren; ekspozimin e një numri të madh personash si shkelës të ligjit si edhe dëmet e mëdha sociale dhe ekonomike që u shkaktohet familjeve shqiptare, shmangia e të cilave ishte edhe argumenti kryesor kur ato u mbyllën në 1 janar të vitit 2019. Qeveria vendosi t’i rihapë në shkurt 2024, por tregu mbetet ende peng i interesave të nëntokës që lëviz shuma të mëdha parash në ilegalitet.

“Unë bëj punë të tjera, por kam dhe userin dhe kush kërkon të vendosë skedina ua vendos. Nëse do fokusohem këtu mund të nxjerr disa të ardhura të mira, por nuk është ky aktiviteti që dua të bëj”, shprehet Eraldi për Skyweb.al duke shtuar se “Kudo gjen lokale dhe njerëz që kanë usera për të vendosur skedina”.

Madje, një burim tjetër, i familjarizuar me këtë sektor i tha redaksisë se vitet e fundit “në lojë” janë futur edhe vajzat, të cilat kanë po ashtu “usera” personal ose edhe si “menaxher”, nëpërmjet të cilit i jep akses personave të tjerë si “user individual”.

Treshja që organizon lojën nuk ka ndryshuar 

I njëjti burim shpjegoi së tregu i basteve sportive në të zezë funksionon në tre fasha, në formën e një piramide ku në majë është “kompania që bën lojën”, më poshtë “bosat e qyteteve” dhe lokalet ose invididët që në rastin konkret ofrojnë lojtarët, pra ata që venë bastet.

Asnjë fashë nuk mund të ekzistojë pa tjetrën, ndërsa Skyweb.al mëson se ky aktivitet nuk mund të përhapej kaq shumë pa mbrojtjen nga përfaqësues të forcave të rendit në zonat respektive.

“Në krye të piramidës është kompania që bën lojën, e cila vendos koeficientët dhe ngre e menaxhon platformën, nëpërmjet së cilës bëhen dhe llogaritë se sa para i takojnë aktorëve të tregut në fund të periudhës përkatëse, që zakonisht është një muaj”.

Skyweb.al mëson se në fakt, asgjë nuk ka ndryshuar në këtë treg nga momenti kur u mbyllen bastet sportive.

Ata që ishin të ligjshëm kaluan “në të zezë” dhe tashmë kanë pozita edhe më të forta në treg.

Mësohet se bëhet fjalë për tre kompani “që bëjnë lojën”, të cilat më pas ua shesin platformat e menaxhimit “bosave të qyteteve” duke marrë prej tyre një pagesë 5 deri 10% të xhiros mujore në varësi të marrëveshjes, për shërbimin e ofruar.

Burime bëjnë me dije se këto personazhe njihen botërisht, janë thuajse të njëjtët që kanë patur në dorë tregun e basteve sportive para se të mbylleshin, por ndërkohë që policia arreston “cironka” me usera bastesh, askush nuk guxon të prekë “ treshen” që “bëjnë lojën” apo as personat që redaksia mësoi se kontrollojnë, organizojnë dhe mbrojnë në në terren bastet sportive nëpërmjet pagesave nën dorë ndaj drejtuesve të caktuar të policisë.

Kush janë “bosat e qyteteve”?

Redaksia ka zgjedhur t’i quajë kështu për lehtësi të identifikimit në këtë shkrim, megjithatë këta mësohet se keta janë personazhet që marrin përsipër një zonë të caktuar, i cili mund të jetë rajon, një qytet, një rreth, një qark apo një lagje ose zonë siç ndodh në rastin e Tiranës, e cila ka një popullsi më të madhe.

Dyshohet se personazhet në fjalë janë kryesisht të lidhur me botën e krimit dhe me aktivitete të tjera të ligjshme apo të jashtëligjshme dhe kanë një prezencë të fortë në terren nëpërmjet lidhjeve me forcat e rendit, politikën dhe administratën.

Në raste të caktuara, personazhe të tillë janë edhe pjesë e krimit të organizuar duke orientuar shpesh edhe votën në terren në raste zgjedhjesh.

Qytetet ndahen sipas “kodit të mafias”

Siç mëson Skyweb.al, e gjithë Shqipëria është e ndarë në territor mes personazheve në fjalë dhe ka një “deal” që askush të mos hyjë me struktura në territorin e tjetrit. Kjo marrëveshje ruajtur deri më tani një llojë paqeje mes tyre, kur rrallë herë ndodh që të ketë konflikte të mëdha për këtë çështje.

Burime bëjnë me dije se janë pikërisht “bosat e qyteteve” që nëpërmjet kompanive të tyre investojnë në ngritjen e infrastrukturës nëpërmjet rekrutimit të personazheve me influencë nëpër qytete dhe lagje, të cilët kanë në pronësi hapësira lokalesh apo hapin lokale për të ushtruar aktivitetin e basteve sportive, ndërkohë që në dukje kanë thjesht aktivitet si një bar normal.

Sipas marrëveshjes, kompania e “bosave të qyteteve” mund të investojë edhe në arredimin e barit dhe pronari i barit merr rolin e “menaxherit” mëpërmjet hapjes së një useri në platformë, i cili menaxhon usera të tjerë individual, të cilët janë thjesht lojtarë bastesh. Këta të fundit kanë kontakt vetëm me “menaxherin” në rastet kur duan kredit në “userin e tyre”apo kur fitojnë dhe marrin paratë e fituata.

Ndërkohë, në varësi të marrëveshjes, “menaxheri”, pra pronari i bari-it, bën shlyerjet një herë në dy javë ose një herë në muaj me kompaninë e “bosit të qytetit” .

Si funksionon skema e basteve

Redaksia mësoi se personi që hap lokalin merr 4% të biletës për baste teke dhe 8% për biletë me më shumë se një ndeshje të vendosur. Po ashtu, kur bëhen likuidimet mujore ose dyjavore, ai merr nga “bosat e qytetit” një pagesë prej 20-30% të fitimit pas rakordimeve. 

Por “menaxherë bastesh” nuk janë vetëm ata që kanë lokale. Siç mëson Skyweb.al ka një numër të madh personash që kanë user “menaxheri”, që nuk kanë lokale në dispozicion, por thjesht kanë një rreth të gjerë njerëzish, me të cilët punojnë. I tillë është personazhi ynë, Eraldi.

Keta individë mund të hapin vetë “usera” dhe të luajnë rolin e lokalit.

Gjatë vitit të fundit, në Tiranë dhe qytete kryesore janë hapur mjaft lokale me logo të dukshme dhe të njohura për vendosje bastesh. Gazetarja Ola Xama referoi rastin e lokaleve me logot “333” dhe “CR7” disa ditë më parë për këtë çështje. Ky treg nuk do vëmendje dhe zhurmë. Disa ditë më vonë tabelat u hoqën, por dyshohet se aktiviteti vijon.

Skyweb.al mëson se e gjithë skema e mësipërme, në rastet kur është e organizuar nga “bosat e qyteteve” funksionon nën tolerimin ose edhe mbrojtjen e forcave të rendit, shërbim i cili dyshohet se shpërblehet me një pagesë mujore.

Atëhere, kush po arrestohet ditë për ditë për baste të paligjshme nëse disa “shefa policie janë në tavë?”

Këtu nis “problemi” i Eraldit dhe personazheve të tjerë si ai. Skyweb.al mëson se ndryshe nga personat që kanë lokal, të tjerë që ushtrojnë këtë aktivitet në mënyrë të pavarur, nuk janë “nën mbrojtjen e policisë”.  

“Këta janë pikërisht ata që mbushin kronikat apo lajmet e portaleve si të arrestuar për vendosje të basteve të paligjshme, pasi të tjerët me lokale nuk arrestohen. Ka raste edhe kur goditen me kast persona që futen, si të themi, pa leje në zonat përkatëse”. 

Redaksia mëson se në Tiranë dhe rrethe gjendet një numër shumë i madh personash që kanë usera si “menaxherë” dhe vendosin baste në mënyrë të pavarur nga “bosat e qyteteve”, të cilët ndryshe nga lokalet, nuk kanë luksin të njoftohen në raste operacionesh policore duke u bërë viktima të paligjshmërisë së tyre për pak qindarka.

Ministria e Financave bën të paditurën, bastet e paligjshme lulëzojnë kudo 

Qeveria shqiptare vendosi rihapjen e basteve dhe ligjërimin e tyre, ndërsa Skyweb.al mëson se procesi ka ngecur prej gati një viti. Ministria e Financave i tha Skyweb.al pas një kërkese për informacion se “rihapja e basteve sportive do të bëhet pasi të jenë gati aktet nënligjore”.

Bëhet fjalë për udhëzimet që rrjedhin pas ndryshimeve ligjore të miratuara vjet me qëllim rihapjen e lojërave të fatit.

Një burim pranë Komisionit të Licencave i tha redaksisë se ata i kishin “kaluar nëpër duar aktet nënligjore për lojërat e fatit që në verën e vitit të shkuar dhe se pretendimi që nuk janë gati nuk duket shumë pranë realitetit”.

Përgjegjës për hartimin e akteve nënligjore janë pikërisht Ministria e Financave dhe institucionet në varësi dhe zgjatja e këtij procesi duket se rrjedh prej një mungese vullneti për të ligjëruar lojërat e fatit.

Kush është i interesuar për të “zezën”?

Redaksia mëson se ka një rezistencë nga vetë aktorët kryesorë të lojërave të fatit që pretendojnë për të marrë licenca për ligjërimin e tregut.

“Duke qenë të pasigurt se kush mund të marrë licencë dhe kush jo, qasja është që të ruhet kjo status quo, në të zezë”, i tha një burim redaksisë duke shtuar se edhe vetë aktorët kryesorë të këtij tregu janë të interesuar për ligjërimin, pasi nëse do të paguanin taksa do t’u dilte më mirë se sa tani që paguajnë rryshfet për të mbrojtur zonat e tyre nga të tjerët si edhe veprimi i forcave të rendit.

“Torta” e lojërave të fatit është tepër e madhe dhe lufta po zhvillohet nëntokë tashmë me aktorë lokalë dhe ndërkombëtare që duan të këpusin copa të kësaj torte, e cila sipas vlerësimeve pararapake mendohet të qarkullojë gati 2 miliard euro.

Zgjerimi masiv i basteve në Shqipëri dëshmon jo vetëm dështimin e ndalimit formal, por edhe funksionimin e një ekonomie të errët, të mbrojtur nga lidhje të fuqishme politike dhe në polici. Ndërsa shteti premton legalizim të rregulluar, realiteti në terren tregon se bastet nuk kanë reshtur kurrë. /skyweb.al 

*Emri është i ndryshuar për arsye sigurie 

The post INVESTIGIMI/ Bastet pushtojnë qytetet: Kush organizon tregun e miliardave, roli i policisë, “peshkaqenët” dhe “cironkat” appeared first on Albeu.com.

Kusht për përfitimin e licencës është regjistrimi i kompanisë në Shqipëri, me një kapital jo më pak se 40 milion lekë ose rreth 400 mijë euro, shkruan BW. Subjekti aplikues ose, të paktën, njëri prej aksionarëve të tij duhet të ketë përvojë në fushën e lojërave të fatit në jo më pak se 3 shtete të Bashkimit europian ose vendeve anëtare të OECD dhe për jo më pak se 3 vjet.

Po ashtu subjekti aplikues ose të paktën njëri nga aksionarët duhet të ketë gjeneruar në vitin e fundit financiar të paktën 2 dy miliardë lekë, ose rreth 20 milion euro xhiro nga aktiviteti në fushën e lojërave të fatit.

Sipas projektligjit, Bastet sportive on-line do të luhen nëpërmjet pajisjeve elektronike apo kompjuterike si smartphone, tabletëve, Ipad-ëve, laptop-ëve, por pa u kufizuar vetëm në to, në faqet zyrtare të internetit, aplikacionet e subjekteve të licencuara për ushtrimin e këtij aktivitetit.

Loja do të zhvillohet vetëm nëpërmjet programeve apo platformave të autorizuara nga Komisioni i Licencave. Projekt ligji i qeverisë që rikthen bastet sportive, në formatin on-line pritet të futet në kalendarin e punimeve te kuvendit sesionin e ardhshëm që nis në sh

The post Me afat 10 vjeçar/ Rikthimi i basteve sportive, qeveria 10 licenca kombëtare appeared first on Albeu.com.

Ministria e Financave ka bërë me dije se bastet do të ligjërohen Brenda muajit mars.

Në buxhetin për vitin 2023 është parashikuar që të arkëtohen 2 miliardë lekë vetëm nga kjo nismë.

Qeveria parashikon që ky fond të përdoret më pas për të nxitur sportin.

Në projektligjin  që ende nuk është zyrtarizuar janë parashikuar që të ashpërsohen kushtet për licensimin e kompanive  si  dhe të rritet taksimi.

Sipas parashikimeve në draft organizatorët e kategorisë “Baste sportive online”  do të tatohen në masën 25 % të të ardhurave bruto nga loja .Më herët taksimi i basteve sportive online ishte vetëm 15%.

Ndërkohë që janë vendosur kritere të forta në lidhje me kushtet që duhet të plotësojnë kompanitë të cilat duan të përfitojnë të drejtën e organizimit të  basteve sportive online.

Në draft është parashikuar që çdo person juridik apo bashkim personash juridikë, që kërkon të pajiset me licencë në kategorinë “Baste Sportive Online”, duhet të përmbushë kriteret, siç janë:

Të jetë shoqëri aksionare, me seli në territorin e Republikës së Shqipërisë, e regjistruar pranë Qendrës Kombëtare të Biznesit, në objektin e veprimtarisë të së cilës të pasqyrohet veprimtaria për lojëra fati në kategorinë “Baste Sportive Online”.

Po ashtu shuma e kapitalit të kësaj kompanie duhet të jetë jo më pak se 1.2 miliardë lekë; Të deklarojë burimin e kapitalit që do të investohet dhe të ketë një veprimtari për jo më pak se 3 vjet në këtë sektor.

Kompania ka detyrimin të regjistrojë paraprakisht çdo lojtar që do të marrë pjesë në baste sportive online si dhe të marrë e të ruajë të dhëna për identitetin e tyre për të paktën 3 vjet./Albeu.com/

The post Ligjërimi i basteve sportive, zbardhet drafti: Ashpërsohen kushtet, rritet taksimi appeared first on Albeu.com.

Ministrja e Financave Delina Ibrahimaj tha se drafti është ende në proces hartimi, teksa dha afat të ri marsin e këtij viti. Faktoje ka siguruar një kopje të draftit, sipas të cilit, taksa për aktivitetin e ‘kumarit’ do të rritet 40% krahasuar me periudhën kur aktiviteti lejohej në Shqipëri.

Esmeralda Topi

“Pritet të dorëzohet brenda muajit dhjetor në Parlament.” –  deklaroi në fillim të dhjetorit ministrja e Financave Delina Ibrahimaj, duke iu referuar draftit të ndryshmeve në ligjin për lojërat e fatit.

Nisur nga kjo deklaratë, një ditë pasi parlamenti mbylli punimet për vitin 2022, Faktoje iu drejtua me një kërkesë për informacion ministrisë së Financave, për të mësuar se ku ‘ngeci’ drafti me ndryshime që duhet të ishte dorëzuar në parlament.

Në përgjigjen zyrtare, financat pranuan se ekspertët nuk kishin arritur të finalizonin ndryshimet në ligjin e lojërave të fatit, por pa dhënë sqarime për shkeljen e afatit të premtuar nga ministrja Ibrahimaj.

“Është në proces përfundimi hartimi i aktit.” – shkruhet në përgjigjen e ministrisë së Financave për Faktoje më 23 dhjetor.

Disa sqarime u detyrua t’i ndante me publikun vetë ministrja Delina Ibrahimaj, në konferencën përmbyllëse të vitit 2022, kur tha se është punuar intensivisht, por dorëzimi i draftit në Kuvend do të duhej të priste fillimin e këtij viti.

“Jemi në proces të finalizimit dhe me fillimin e vitit të ardhshëm do të fillojmë procedurat e miratimit të këtij ligji të cilat do të marrin kohën e tyre. Po në një vlerësim timin, brenda tremujorit të parë të vitit 2023 ky ligj pritet të miratohet në parlament.” – nënvizoi Ibrahimaj, duke dhënë kështu një afat të ri për lojërat e fatit.

Bastet janë ende të paligjshme, por në buxhet llogariten 2 miliardë lekë nga ‘kumari’

Bastet online do të hapen brenda tremujorit të parë të këtij viti, edhe pse drafti ende nuk është hedhur për konsultim publik. Pavarësisht kësaj, financat kanë llogaritur paratë që do të vjelin në buxhet nga rikthimi i basteve sportive online.

Në relacionin e buxhetit 2023 specifikohet se nga miratimi në ligj i lojërave të fatit vlerësohet të arkëtohen në buxhetin e shtetit 2 miliardë lekë, por pa dhënë detaje mbi llojin dhe masën e taksimit të këtij aktiviteti.

Faktoje ka arritur të sigurojë një kopje të draftit që është ende në tryezat e ekspertëve të ministrisë së Financave. Dokumenti parashikon rritje me 40% të taksës për bastet, duke u rikthyer tek e njëjta masë taksimi që ka qenë përpara vitit 2018. Sipas draftit, taksimi i basteve sportive online do të jetë 25% e të ardhurave bruto nga loja, pra diferencën mes shumës që kompania arkëton nga lojtarët dhe fitimin që u kthen mbrapsht atyre. Përpara mbylljes së basteve, taksimi për këtë aktivitet ishte 15% e të ardhurave bruto nga loja.

“Organizatorët e kategorisë “Baste sportive online”nuk tatohen sipas pikës 2 të këtij neni, por në masën 25 % të të ardhurave bruto nga loja. Këshilli i Ministrave përcakton me vendim masën e të ardhurave nga ky tatim e cila kalon për llogari të Ministrisë përgjegjëse për sportin, si dhe mënyrën e shpenzimit të saj.” – shkruhet në draftin e ndryshimeve të ligjit për lojrat e fatit.

Ish kreu i Shoqatës së Basteve në Shqipëri Artan Shyti sheh disa paqartësi te kjo mënyrë taksimi dhe sugjeron saktësimin e tyre përpara se drafti të dalë për konsultim publik.

“Duhet saktësuar se cila quhet e ardhur bruto, në bazë vjetore apo çdo muaj dhe se si do të llogaritet ajo. Sepse gjashtë muaj mund të fitosh dhe gjashtë të tjerë mund të humbasësh dhe në fund të vitit tatimor del me humbje. Po ashtu është e paqartë se sa para do të shkojnë për sportin, pasi shkruan se vendos qeveria.  U tha se rihapja e basteve do të bëhej për sportin, atëherë pse të mos shkojnë të gjitha të ardhurat atje.” – thekson ai, duke shtuar se drafti në tërësi e bën më të vështirë licensimin e kumarit.

“Me këto që shoh, vihet re qartë tendenca për ta shtrënguar dhënien e licensave për këtë lloj aktiviteti. Shoh dy probleme në draft. E para është shuma prej 12 milionë dollarësh si fond garancie dhe e dyta lidhet me faktin që kompania duhet të ketë përvojë 3 vjeçare nga një vend i OECD-së. me Me këto kufizime druaj se njerëzit do vazhdojnë të luajnë si tani, në të zezë.” – pohon Shyti për Faktoje.

Në 25 tetor të 2018 Kuvendi i Shqipërisë miratoi një ligj, që mbyllte thuajse të gjithë industrinë e bixhozit në vend. Por katër vite më vonë, qeveria u angazhua në dëgjesa publike për rikthimin e tyre online, duke zhbërë një nga ligjet më të bujshme dhe populiste të qeverisjes socialiste, që asokohe u cilësua si dhuratë fundviti për çdo familje shqiptare.

Nisur nga verifikimet e bëra dhe informacionet e mbledhura, deklaratën e ministres Ibrahimaj do ta kategorizojmë si të pavërtetë. /Faktoje.al

The post Zbulohet data, kur do të rikthehen bastet, “peshkaqenët” dhe rregullat e reja appeared first on Albeu.com.

E pyetur se kur do të lejohen bastet sportive, Ibrahimaj tha se procesi është duke u finalizuar dhe me fillimin e vitit të ri do të nisin procedurat për miratimin e ligjit.

Pyetje: Kur do lejohen bastet sportive?

Ministrja e Financave Delina Ibrahimaj: Ne kemi punuar intensivisht gjatë muajve të fundit me qëllim finalizimin e ndryshimeve ligjore në ligjin për lojërat e fatit.

Me qëllim lejimin e basteve sportive online duke pasur shumë kudjes të ruajmë ato kritere e parametra që kanë qenë të përcaktuara.

Jemi në proces te finalizimit. Me nisjen e vitit të ri 2023, do nisim procedurat e miratimit të këtij ligji.

Ne gjykimin tim, brenda 3 mujorit të parë të vitit 2023 ky ligj pritet të miratohet në parlament./albeu.com

The post Kur hapet “drita jeshile” për bastet sportive? Ibrahimaj: Në 3 muajt e parë të vitit të ri do të miratojmë ligjin appeared first on Albeu.com.

Haxhi u ndal tek rikthimi i lojërave të fatit, që sipas tij nuk do të kenë një impakt të madh në buxhet, pasi nuk sjellin dobi të madhe.

“Efekti i matur tashmë në këtë projektbuxhet është 2 mld lekë të ardhura shtesë si rrjedhojë e taksimit të tyre. Në këndvështrimin tim nuk është e nevojshme, veç influencës që kanë grupe të caktuara për t’i rikthyer. Ka një impakt të vogël në buxhetin e shtetit. Është harxhim energjish nga ana e atyre institucioneve që merren dhe nga opinioni publik që merren me një lajm të tillë. Mund të ishim marrë me debate të tjera që sjellin një dobi të madhe”, tha Haxhi.

Ai foli edhe për taksimin e prodhuesve të mëdhenj të energjisë, që në një kohë normale e cilësoi të gabuar, por në kohë krize situata ndryshon.

“Është një lëvizje interesante. Kur kanë filluar këto investime, të gjithë luieshin që qeveria tu jepte një marrëveshje për blerjen e energjisë. Qeveria nuk ua ka dhënë. Në atë periudhë këta investitorë u lanë në mëshirë të tregut duke mbajtur të gjithë rrezikun përsipër. Në kushte normale unë do thoja që është një veprim I dëmshëm për klimën e biznesit në tërësi. Duke qenë se jemi në një krië të tillë diskutimi ndryshon. Kur investon, atë investim e rikuperon në 20 vite”, tha ai.

Haxhi komentoi edhe ligjin për amnistinë fiskale, për të cilën tha se përbën një rrezik të madh për pastrimin e veprave që nuk janë subjekt i saj.

“Çështja e aministrisë është e tillë që ka disa element që duhet të rregullohen pasi hap një rezik shumë të madh në lidhje me pastrimin e veprave që nuk janë subjekt i kësaj amnistie. Për më tepër që aminston edhe pasuri të realizuara të tjera. FMN nuk jam i sigurt që ka dhënë rekomandime, përgjithësisht është kundër amnistive. Pa administratë të mirë aministia që nuk e destinuar të zbatohet mirë”, tha Haxhi. /abcnews.al

The post Rikthimi i basteve sportive, Haxhi: Ka impakt të vogël në buxhet, nuk janë të nevojshme appeared first on Albeu.com.

Ndërkohë që la pa akuzuar edhe vëllean i kryeministrit.

“Klani Rama është tashmë i përfolur në të gjithë këto afera, i përfolur në djegësat, Portin e Durrësit, Butrint, bastet, piramidat e ngritura me Call Center. Tani mori dhe bastet.

Se dy persona kanë qenë të njohur në fushën e basteve, Ervis Martinaj, si njeriu më kryesor i kësaj industrie, ai askush nuk merr vesh të vërtetën por e vërteta është që fill pas zhdukjes, eleminimit apo largimit të tij, bastet u rikthyen për t’i marrë Olsi Rama

Ai ka qenë njeriu në hije i basteve“, u shpreh Berisha./albeu.com

The post Berisha me akuza të forta për vëllain e kryeministrit: “Njeriu në hije” i basteve, i riktheu pas zhdukjes së Martinajt appeared first on Albeu.com.

Një ditë më parë u njoftua një seancë dëgjimore mes qeverisë dhe palëve të interesit në këtë sektor, siç janë federatat sportive, të interesuara për taksat që të paguhen prej kësaj veprimtarie, por edhe vetë personazhe të rendësishëm të interesuar që të jenë vetë në këtë “lojë” të madhe që qarkullon qindra milliona euro në vit, raporton abcnews.al.

Argumenti është: Përderisa bastet po luhen në mënyrë të jashtëligjshme, atëhere hajde t’i legalizojmë në mënyrë që t’u marrim taksat!

Ky mund të duket një argument i qendrueshëm në një kohë kur arka e shtetit ka nevojë për sa më shumë para teksa vendi është përballë një krize energjetike, ndërkohë që ka raportime për “kërcime” të frikshme të Borxhit Publik, megjithatë koha kur ka nisur ky diskutim duket shumë e çuditshme.

I gjithë ky argument rri nisur edhe nga paralajmërite e pak ditëve më parë në ABC të gazetarit investigativ Artan Hoxha, i cili tha se një ndër shkaqet që çuan në organizimin e një grupi të madh kriminal kundër Ervis Martinajt ishte pikërisht tregu i lojërave të fatit.

Kush është “Mbreti” tani?

Gazetari i ABC shprehet se përballë Ervis Martinajt janë organizuar disa grupe kriminale, të cilat kanë patur një qëllim të vetëm: Largimin e tij nga “loja” pasi ishte kthyer në një personazh që kishte prishur balancat e marrëdhënieve mes krimit, politikës dhe botës së biznesit.

Hoxha paralajmëroi gjatë intervistës në ABC se grupi në fjalë, i cili ka financa tepër të shëndosha si edhe një grup të armatosur profesionistësh janë ata që do të mbretërojnë gjatë dekadës së ardhshme në fushën e krimit të organizuar.

Sipas tij, ky grup është një “përbindësh” që u krijuar për të hequr qafe Martinajn, ndërkohë që tashmë do të kthehen në një rrezik të madh për vendin pasi kanë gjithçka që iu duhet për të qenë të paprekshëm, qoftë edhe mbështetjen politike, raporton abcnews.al.

Kush e donte të vdekur Ervis Martinajn?

Mësohet se një ndër ndërhyrjet më të forta të Martinajt në këtë trekëndësh ka qenë momenti kur u tentua monopolizimi i tregut ta basteve në Shqipëri, pak vite pas operacionit “Fundi i Marrëzisë” që e goditi rëndë atë në fund të vitit 2013. Bëhet fjalë sipas Hoxhës për kompaninë “Bast Arena”, në të cilin tentuan të futeshin në lojë një politikan i njohur, i shpallur madje “non grata” nga SHBA-të; një biznesmen i fuqishëm si edhe një i afërmi i një politikani tepër të rendësishëm në vend.

Hoxha u shpreh se me ta mësuar këtë, Martianaj kishte kontaktuar me të tre duke iu thënë se duhej të hiqnin dorë nga kjo tentativë për ta nxjerrë atë tërësisht nga loja. “Bast Arena” u mbyll pak muaj më pas sipas Hoxhës.

Largimi nga skena i Ervis Martinajt mund të çojë në një rigjallërim të tentativave për të monopolizuar tregun e basteve në Shqipëri përmes dhënies së ndonjë licence kombëtare.

The post Diskutimi për rihapjen e basteve dhe zhdukja e Ervis Martinajt: Çfarë paralajmëroi gazetari dhe çfarë po ndodh sot, lidhja appeared first on Albeu.com.

Mësohet se gjatë kësaj të marte është pritur edhe një takim mes palëve të interesuara dhe kryeministrit Edi Rama.

Këto takime mësohet se po organizohen me kryeministrin Edi Rama dhe ministrat përgjegjës në kuadër të linjës që kanë lidhje me hapjen e biznesit të basteve sportive.

Pas këtyre zhvillimeve i menjëhershëm ka qenë edhe një reagim nga radhët e opozitës. Ka qenë deputetja Jorida Tabaku e cila me anë të një statusi në rrjetet sociale ka ironizuar Ramën.

“Njeriu që citonte Kuranin për të këqiat e basteve ka lajmëruar diskutimin për rihapjen e tyre. Jam kurioze te di si do ia justifikoje të tijve ndryshimin e mendjes?! Po shqiptarëve që në tetor 2018 u tha se gjithë pronarët e basteve qenë kriminelë?! Cka ndryshuar nga dje?! ?” shkruan Tabaku.

Kujtojmë se bastet dhe lojërat e fatit në vendin tonë janë zyrtarisht të ndaluara që prej 1 Janarit të vitit 2019./albeu.com/

The post “Çka ndryshuar nga dje?!” Tabaku thumbon Ramën teksa bastet janë gati për t’u rihapur appeared first on Albeu.com.

Ministrja theksoi se do të shtyjë investitorët për t’iu afruar sportit ndërsa nënvizoi se është e gatshme të mbështesë kërkesat e komunitetit të futbollit dhe gjetjen e mënyrave për incentivimin financiar të klubeve e akademive në mënyrë.

Në krahun tjetër, Duka vuri theksin në propozimet e tryezës së FSHF për ligjin e sponsorizimeve dhe rikthimin e basteve sportive, në mënyrë që të ardhurat nga taksat e këtij aktiviteti të përdoren për zhvillimin e futbollit.

“Ne organizuam një tryezë me klubet e kategorisë ‘Abissnet Superiore’ dhe Kategorisë së Parë në FSHF për të parë mundësitë dhe alternativat e financimit apo incentivimit për zhvillimin e futbollit në Shqipëri. Duke parë këtë vetë Ministrja e Arsimit, Rinisë dhe Sportit na ftoi në këtë takim sot. Në takim padyshim ajo që i parashtruam Ministres që zhvillimi i futbollit, jo vetëm si një garë profesioniste, jo vetëm si një garë elitare, por duke e parë si një edukim të fëmijëve e jo vetëm sportivisht, por edhe më gjerë, ka nevojë për mbështetje financiare.

Federata e Futbollit herë pas here gjen dhe propozon alternativa, siç ishte edhe siç vazhdon të insistojë në ligjin sponsorizimit apo në krijimin e një fondi për mbështetjen e futbollit. Në këtë këndvështrim bëmë edhe propozimin tjetër, meqë bastet sportive aktualisht luhen në Shqipëri, nuk janë ndërprerë, por vazhdojnë, atëherë taksambledhësi të mos jetë person privat, por të jetë shteti dhe këto të ardhura shteti t’i adresojë për zhvillimin e futbollit.

Qeveria mund të thotë se këto i dimë të gjitha vetë, lëre ligjin e sponsorizimeve, lëri bastet se ne do të vendosim një buxhet dhe mund të jetë edhe kjo një zgjidhje. Por gjithsesi, ne mundohemi që të japim ato alternativa dhe mundësi tonat.

Ligji i sponsorizimit mbetet shumë i rëndësishëm, sepse krijon një lidhje direkte të futbollit dhe biznesit. E shtyn akoma më shumë dhe mund të japë efektet e veta për shtimin e numrit të futbollistëve në Shqipëri, për rregullimin e infrastrukturës sportive, për përmirësimin e kushteve dhe për zhvillimin akoma më shumë të futbollit të vajzave dhe grave.

Sepse dihet që ka disa kërkesa specifike më shumë se sa futbolli i djemve. Kështu që për të gjitha këto kërkohet mbështetje financiare, nga Ministrja na u premtua që do ta vazhdojë, kemi bërë një takim të mëparshëm në fakt për ligjin e sponsorizimeve, do të vazhdojë të organizojë takime edhe me ekspertë dhe do t’ia propozojë qeverisë një nga këto zgjidhje”.

Sakaq, Presidenti i FSHF-së theksoi se futbolli ka nevojë për incentiva financiare pasi siç dihet është sporti më popullor në Shqipëri dhe ka nevojë për buxhete të mëdha. Gjithashtu, Duka u shpreh se Federata e Futbollit e vetme ka financuar dhe vazhdon të financojë projekte të rëndësishme për futbollin e fëmijëve.

“Ne sot i kemi dorëzuar Ministres propozimet tona të ndarë në tre çështje, një për ligjin e sponsorizimit, pothuaj atë që kemi propozuar edhe dy vjet më parë, për bastet sportive dhe detyrimin e Ministrisë së Arsimit e Sportit për të përballuar një fond minimal nga edukimi i fëmijëve që bën Federata e Futbollit. Ju e dini që Federata rreth 6 vite më parë ka filluar një projekt “Topi im”, që i jep topa falas çdo njeriu që luan futboll në Shqipëri. Për herë të parë në vitin 2022, fillojmë në shtator me furnizimin me uniforma loje dhe çdo lloj materiali sportiv që i duhet një fëmije për futboll.

Por nuk mjafton kaq për të shtuar numrin e fëmijëve, do të duhen fusha sportive, duhen paguar trajnerët, arbitrat, që janë buxhete jashtëzakonisht shumë të mëdha. Kështu që nga buxheti i saj, Ministria e Arsimit nuk ka pse e përjashton Federatën e Futbollit, gjithmonë me një lloj arsyetimi që futbolli është i pasur. Vërtetë ka buxhete më të mëdha se Federatat e tjera, por ka një numër shumë më të madh njerëzish që aktivizohen në futboll”.

The post Armand Duka i bindur për rikthimin e basteve sportive appeared first on Albeu.com.