Berisha u shpreh se; Binaj është një artist që mbron kauzat e qytetarëve.

“Ftoj aleatët dhe opozitarët, qytetarët, të mbështesin këtë kandidaturë si një kandidaturë që i bë nder çdo qytetari dhe kryeqytetit të vendit”, thekson Berisha.

Berisha: Jam sot këtu për t’u informuar ju dhe qytetarët e Tiranës, dhe mbarë Shqipërisë, se midis kandidaturave shumë të mira që kanë ardhur direkt nga drejtues dhe personalitete të PD, tashmë të bëra publike, për të cilat unë kam vlerësimin më të madh, kandidaturave realisht të personaliteteve të pavarura nga fusha të ndryshme, nga Shqipëria dhe nga diaspora, PD duke falënderuar me mirënjohje secilin prej atyre që vendosi të paraqesë kandidaturën e tij në shërbim të qytetarëve të Tiranës dhe përballjen me të keqen e këtij vendi, që është Edi Rama, informon se grupi i mandatuar nga PD do u paraqesë aleatëve tanë mendimin dhe sugjerimin që të mbështesim së bashku artistin e mirënjohur, personalitetin e shquar të artit, luftëtarin e paepur të kauzave të qytetarëve shqiptarë, komunikatorin e talentuar, e lindur, zotin Florjan Binaj.

Shpresoj që aleatët, opozitarët, të bashkohemi në këtë mbështetje ndaj një personaliteti me reputacion të gjerë, tek i cili gjejnë veten më shumë se kushdo tjetër të përfaqësuar, qytetarët e Tiranës.

Ai ishte për vite e vite me radhë, yll apo superyll i shfaqjes më të shikuar të vendit dhe në çdo rol, interpretimi i tij ishte më i pëlqyeri, ishte i përsosur.

Florian Binaj është nga ata artistë që konsideron kauzat qytetare si kauzat e tij.

Dhe të gjithë ju jeni dëshmitarë të betejave që ai ka bërë së bashku me të tjerë në mbrojtje të këtyre kauzave.

Ai, së bashku me bashkëpunëtorë, me ekip, kanë ndërtuar dhe paraqesin një nga emisionet investigative më të shikuara, Piranjat, të cilat Edi Rama, i tmerruar, i përzuri nga televizioni ABC dhe u zhvendosën tek televizioni SYRI.

Pra, mund të themi se në këtë kontekst, Florian Binaj, së bashku me ekipin drejtues të Piranjave dhe stafin, janë në linjën e parë të luftës kundër korrupsionit.

Kundër kësaj dukurie shkatërrimtare për Shqipërinë dhe shqiptarët.

Ndaj dhe njëherë ftoj aleatët dhe të gjithë opozitarët, ftoj qytetarët të mbështesin këtë kandidaturë si një kandidaturë që i bën nder çdo qytetari dhe kryeqytetit të vendit. Është një “luftëtar” i kauzave qytetare”, U shpreh Berisha.

The post Berisha shpall Florian Binajn kandidat të PD për Bashkinë e Tiranës: Luftëtar i kauzave qytetare appeared first on Albeu.com.

Avokati e ka njoftuar kandidimin përmes një postimi në rrjetet sociale.

“Tirana vizioni ynë”, është slogani i tij me të cilin do të kërkojë votën e kryeqytetasve.

Zgjedhjet e pjeshme për Bashkinë e Tiranës, do të zhvillohen më 9 nëntor në 6 bashkitë e vendit.

Ndërkohë për Tiranën kandidaturat e zyrtarizuara janë Ogerta Manastirliu nga Partia Socialiste, Arlind Qori nga Lëvizja Bashkë dhe aktori Florjan Binaj si i pavarur, i cili kërkon voton e të gjithë qytetarëve majtas dhe djathtas.

Nga opozita ende nuk ka një emër konkret, por një ditë më parë Sali Berisha tha se do ti lenë dy dite kohe kandidateve te pavarur dhe me pas te shprehin qëndrimin e tyre se cilin kandidat do te mbështesin.

The post Zgjedhjet e 9 nëntorit/ Avokati i njohur shpall kandidaturën për Bashkinë e Tiranës appeared first on Albeu.com.

Burime bëjnë me dije se; opozita ka rënë dakord deri tani parimisht për tre emra, kandidate potenciale për Bashkinë e Tiranës, Edlira Cepani, Ermal Hasimja dhe Florian Hackaj.

Takimi ka përfunduar vetëm pak më parë, ndërsa në deklaratat për mediat, Belind Këlliçi, Ilir Alimenhmeti dhe deputeti i Partisë Mundësia Erald Kapri, kanë bërë me dije se është rënë unanimisht dakord për faktin që opozita do të dalë me një kandidat të vetëm.

The post Gara për Bashkinë e Tiranës, zbulohen tre emrat potencialë të opozitës si kandidatë appeared first on Albeu.com.

Kreu i qeverisë, u shpeh se duhet menjëherë të adresohet emergjenca për drejtimin e Bashkisë Tiranë, e cila është pa kryetar pas arrestimit të Erion Veliajt.

“Do të na duhen të adresojmë menjëherë këtu edhe emergjencën për drejtimin e Tiranës, nuk mban më, ama duhet të them që në fillim sa më qartë, atë që besoj dhe ndajmë të gjithë së bashku mbi çështjen e drejtësisë dhe raportin tonë me to”, tha ai.

Më tej, ai tha se PS nuk e ka bërë kurrë dhe nuk do ndërhyjë në punët e drejtësisë.

Rama: Sot shiu ka punë tonë, se po bie me të madhe për të lajmëruar bereqetin e punës për Shqipërinë 2030 në BE. E nderuar Asamble Kombëtare, jemi mbledhur në këtë takim të parë të 4-vjetarit tonë më sfidues, për të çelur kapitullin e mandatin tonë të katërt, i cili nis zyrtarisht pak ditësh me betimin e Kuvendit.

Do të na duhen të adresojmë menjëherë këtu edhe emergjencën për drejtimin e Tiranës, nuk mban më, ama duhet të them që në fillim sa më qartë, atë që besoj dhe ndajmë të gjithë së bashku mbi çështjen e drejtësisë dhe raportin tonë me to.

Ne PS, nuk kemi hyrë në asnjë radhe dhe për asnjë rast aq më tepër kur drejtësia nuk e ka thënë deri në fund fjalën e saj, nuk e kemi bërë dhe nuk e bëjmë asnjëherë avokatin e kujto të kësaj familje që hetohet dhe ndalohet nga drejtësia dhe kur nuk do duket drejtë.

Nuk do të kemi asnjw pendesë për lirinë dhe pavarësinë që i kemi dhënë drejtësisë me Reformën dhe mbi të gjitha, me tërheqjen historike të pushtetit nga Gjyqësori.

Përmes Reformës i kemi larguar me vetëdije të plotë duart e ekzekutivi, nga ccdo proces. I kemi lënë Gjyqësorit t’i qeverisë vetë punë e veta, përmes organeve të parashikuar nga Reforma në Drejtësi

The post Asambleja e PS/ Rama flet për Bashkinë e Tiranës: Nuk mban më, do të na duhen të adresojmë menjëherë emergjencën për drejtimin appeared first on Albeu.com.

Burime për mediat, bëjnë me dije se bëhet fjalë për një hetim të për veprat penale “shpërdorim detyre” dhe “korrupsion”, e cila nuk ka lidhje me çështjen e arrestimit të Erion Veliajt.

Mediat raportojnë se kontrolli është ushtruar mbrëmjen e djeshme në zyrat e dy drejtorëve të Bashkisë së Tiranës, si dhe janë sekuestruar dokument tek Drejtoria e Pastrim Gjelbërimit dhe Punëve Publike të Bashkisë.

Burime bëjnë me dije se me vendim gjykate janë sekuestruar edhe 5 aparate celularë, të cilat nga zbërthimi i tyre shpresohet të hidhet më shumë dritë mbi aferën që po hetohet.

Ende nuk dihen detajet konkrete të hetimit, se për çfarë çështje bëhet fjalë.

The post Hetim i ri në Bashkinë e Tiranës/ BKH kontrolle në zyrat e dy drejtorëve, sekuestrohen 5 celularë e dokumente appeared first on Albeu.com.

Pas shkarkimit të Ermal Goxhajt dhe Arbër Dokushit, janë larguar edhe drejtori i Protokollit dhe drejtoresha e Shërbimeve Mbështetëse, së bashku me një numër punonjësish të tjerë, përfshirë shoferë, sekretare dhe staf mbështetës, disa prej të cilëve kanë shërbyer në Bashki për më shumë se një dekadë.

Këto lëvizje vijnë në një kohë trazirash për Bashkinë e Tiranës, pas arrestimit të Veliajt dhe në pritje të zhvillimeve të mëtejshme në skenën politike dhe institucionale.

The post Valë shkarkimesh në Bashkinë e Tiranës/ Anuela Ristani largon bashkëpunëtorët e afërt të Veliajt appeared first on Albeu.com.

Pas këtij vendimi, Ristani theksoi se Bashkia e Tiranës vazhdon të funksionojë pa probleme, duke mbajtur të njëjtin vizion dhe angazhim që ka pasur gjithmonë Veliaj.

Gjithashtu, ajo shprehu mirënjohje edhe për mbështetjen e kryeministrit Edi Rama në këto kohë të vështira, duke siguruar se të gjitha kanalet e komunikimit janë të hapura për bashkëpunim dhe transparencë.

Anuela Ristani: Nuk ka krizë funksionale në Bashkinë e Tiranës. Puna vazhdon me të njëjtin vizion që e ka udhëhequr Veliaj. Unë kam qenë 10 vite përkrah Veliajt, kam punuar kaq shumë kohë për t’i shërbyer qytetit. Nuk ka asnjë media, që të shuajë respektin për Veliajn dhe për respektin ndaj tij, duhet të punojmë e të punojmë. Në fund historia do kujtojë veprat dhe jo thashethemet. Dua të shpreh mirënjohje edhe për kryeministrin Edi Rama, që në këto ditë të vështira na është gjendur pranë. Të gjitha kanalet tona janë të hapura.

Deklarata e Kryetares së Deleguar Anuela Ristani:

Të nderuar qytetarë të Tiranës,

E ndiej si një detyrim ndaj secilit prej jush që, pas një sërë njoftimesh që kanë qarkulluar këto ditë në media, të ndaj sot në këtë konferencë për shtyp një sqarim të plotë mbi mënyrën se si po vijon puna në Bashkinë e Tiranës dhe si po menaxhohet institucioni që drejton kryeqytetin e vendit tonë.

Kryetari i zgjedhur i Tiranës, Erion Veliaj, në përpjekje për të garantuar vijimësinë e punëve të nisura, sic e sqaroi dhe vetë dje nëpërmjet statusit në rrjetet e tija sociale ka marrë disa vendime. Këto vendime te marra në kushtet e një informacioni të cunguar, por edhe të pasqyruara në media në mënyrë të nxituar dhe të pakonfirmuara asnjëherë nga Bashkia e Tiranës, kanë krijuar një keqkuptim dhe kanë sjellë konfuzion dhe shqetësim të panevojshëm, të cilin e sqaroi ai dje vetë.

Nuk ka asnjë krizë funksionale në Bashkinë e Tiranës. Puna vazhdon me të njëjtin përkushtim, me të njëjtën energji dhe me të njëjtin vizion që na ka udhëhequr ndër vite nën drejtimin e Kryetarit Erion Veliaj.

Ne nuk do të ndalojmë së punuari për qytetin e së ardhmes, për fëmijët tanë, për një Tiranë që nesër do të na bëjë krenarë përpara tyre. Këtë e kemi për detyrë – ndaj qytetit, ndaj çdo qytetari të Tiranës.

Po ashtu, më lejoni të ndaj me ju edhe një mesazh personal. Kam qenë pjesë e kësaj Bashkie dhe e ekipit të drejtuar nga Kryetari Erion Veliaj prej 10 vitesh. Kam punuar çdo ditë përkrah tij, duke sakrifikuar kohën me familjen time për t’i shërbyer qytetit tonë. Për ne, Bashkia e Tiranës ka qenë gjithmonë më shumë sesa një institucion – ka qenë një mision i përbashkët. Nuk ka masë sigurie apo artikull mediatik që mund të zbehë respektin dhe besimin që kemi ndërtuar me njëri-tjetrin.

Unë besoj fort se mënyra më e mirë për të nderuar punën dhe përkushtimin e Erion Veliajt është që Bashkia Tiranë të vijojë të kryejë punët më së miri për qytetarët e saj. Sepse në fund, historia do të kujtojë veprat dhe jo fjalët – punën që shihet dhe jo thashethemet që i merr era. Gjithashtu, dua të shpreh mirënjohjen time për Kryeministrin z. Edi Rama, i cili, në këto ditë sfiduese, po i qëndron pranë stafit të Bashkisë dhe qytetit të Tiranës.

Në përfundim, për çdo qytetar që kërkon informacion të saktë, të gjitha kanalet tona të komunikimit mbeten aktive. Zyra e Komunikimit me Qytetarët vazhdon të jetë në dispozicion me përgjegjshmëri dhe përkushtim në sportelet përkatëse. Numri i gjelbër 0 800 0 888 është gjithashtu në funksion, së bashku me adresat tona online në info@bashkia.al.

The post Lëvizjet në Bashkinë e Tiranës/ Anuela Ristani: S’ka asnjë krizë funksionale në institucion, falenderoj kryeministrin Rama appeared first on Albeu.com.

Në videon e publikuar nga Kalaja, përpara Bashkisë së Tiranës, një mjet (kamion) ka zbarkuar për të mbledhur qindra dosje me dokumente që i përkasin Bashkisë.

Nuk dihet ende nëse këta dokumente do të përdoren nga grupit hetimor, apo kryebashkiaku Veliaj po vijon me fshehjen e këtyre provave.

“Është shumë e rëndësishme që SPAK urgjent të vijë të bëjë inventarin lidhur me provat që administron Bashkia Tiranë, por sidomos me këto provat që po meren sot”,- u shpreh Kalaja.

Denoncimi i Adrijana Kalasë:

‘Erion Veliaj vijon prishjen dhe manipulimin e provave. Ku po shkojnë këto dosje?

I bëj thirrje prokurorëve të çështjes, i bëj thirrje Olsi Dados dhe Dumanit të marrin masa të menjëhershme se çfarë janë këto dosje, ku po shkojnë dhe çfarë kërkojnë të fshehin.

Shikojini të dashur miq, nodhemi te Bashkia Tiranë, shihni dhe mjetin i cili nuk ka asnjë logo që i kujt institucioni nën varësinë e bashkisë është ky mjet.

Shikoni se si po transportohen dosje pafund nga bashkia Tiranë, ku i lutem prokurorisë së posaçme të paraqitet të paraitet në Bashkinë Tiranë se kush janë këto.

Ndërkohë që Erion Veliaj është nën masën e arretsit me burg, këta mësyjnë për të zhdukur provat.

Ky është mjeti në varësi të Bashkisë Tiranë, që po bëjën transportimin e këtyre dosjeve.

Ligji e përcakton saktë, se si është marrja në dorëzim e materialeve që mund të ndikojnë në procesin hetimor e në këtë rast ju e dini mirë se Veliaj po fsheh provat, sepse vetëm këtë di të bëjë.

Është shumë e rëndësishme që SPAK urgjent të vijë të bëjë inventarin lidhur me provat që administron Bashkia Tiranë, por sidomos me këto provat që po meren sot’.

The post Publikohen pamjet/ Pas zjarrit në Bashkinë e Tiranës, kuti me dosje po largohen me kamion (VIDEO) appeared first on Albeu.com.

Kjo është hera e tretë që kryeministri shkon në Bashkinë e Tiranës, që pas arrestimit të kryebashkiakut Erion Veliaj.

Ky i fundit, ja deleguar drejtimin e bashkisë nënkryetares Anuela Ristanit.

Veliaj u arrestua në zyrën e Bashkisë më 10 shkurt, si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga peronat nën hetim, specifikisht Veliaj edhe bashkëshortja e tij, Ajola Xoxa është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.

The post GJKKO la në burg Veliajn/ Rama shkon sërish në Bashkinë e Tiranës appeared first on Albeu.com.

Kreu i qeverisë, ka mbërritur në Bashki rreth 1 orë pas komunikimit të tij live me ndjekësit në rrjetet sociale, ku foli për prangosjen e Veliajt.

Nga pamjet shihet se kryeministri del nga Bashkia e Tiranës, i shoqëruar nga një prej nënkryetareve Anuela Ristani.

Rama dhe Ristani bisedojnë për pak çaste, para se kryeministri të largohet.

Në takimin me kryeministrin Edi Rama, kanë qenë 5 nënkryetarët e Bashkisë së Tiranës, Andi Seferi, Keti Luarasi dhe Anuela Ristani, Frida Pashako dhe Jonida Halili.

Rama u shpreh më herët se kryebashkiaku Erion Veliaj dhe bashkëshortja e tij, po trajtohen si kriminelë.

Ai tha se Veliaj u arrestua pa gjyq, ndërsa shtoi se gjykatësi “dënoi” edhe një fëmijë 6 vjeç të cilin nuk ka kush ta shoqërojë në shkollë.

Kryeministri theksoi se procesi hetimor ndaj Veliajt është i çuditshëm, ndërsa shtoi se gjithçka nisi nga një novelë anonime në shkurt të vitit të kaluar, kur një person me gjeneralitetet Nesti Angoni kallëzoi në SPAK, kryetarin e Bashkisë së Tiranës.

The post Arrestimi i Erion Veliajt/ Rama në Bashkinë e Tiranës, takim me nënkryetarët (VIDEO) appeared first on Albeu.com.