Kreu i Shtetit shpreh bindjen se Presidenca Qipriote, do të jetë e përqendruar në avancimin e procesit të integrimit evropian të vendeve të Ballkanit Perëndimor, duke e konsideruar këtë proces si prioritet strategjik.

Presidenti i Republikës, uron që gjatë kësaj periudhe të nisë mbyllja e kapitujve të parë të negociatave për anëtarësimin e plotë të Shqipërisë në Bashkimin Evropian, si një hap i rëndësishëm drejt realizimit të aspiratës evropiane të vendit.

Postimi i Begajt:

“Shqipëria i uron suksese dhe arritje Presidencës Qipriote të Bashkimit Evropian për gjysmën e parë të vitit 2026, në këto momente tejet të rëndësishme për Evropën dhe mbarë botën.

Jemi të bindur se Presidenca Qipriote do të jetë e fokusuar në procesin e integrimit evropian të vendeve të Ballkanit Perëndimor dhe shpresojmë që Shqipëria të nisë mbylljen e kapitujve të parë të negociatave për anëtarësimin e plotë në Bashkimin Evropian”.

The post Begaj uron Qipron për Presidencën në Bashkimin Evropian: Momente të rëndësishme, shpresojmë që Shqipëria të nisë mbylljen e kapitujve të parë për negociatat appeared first on Albeu.com.

Ky rekomandim vjen në kohën kur Pekini po përgatitet të lehtësojë masat e udhëtimit, pavarësisht se shteti po përballet me një valë të re të infektimeve me sëmundjen COVID-19.

Rekomandimi u bë nga Grupi i Integruar Politik për Përgjigje ndaj Krizave – që përbëhet nga zyrtarët e 27 shteteve të BE-së – dhe është në linjë të njëjtë me rekomandimin e bërë paraprakisht nga Komisioni Evropian.

Pekini planifikon që të lehtësojë kufizimet për udhëtime më 8 janar, pavarësisht një vale të re të infektimeve që ka ngarkuar spitalet dhe morgjet në Kinë.

Grupi i BE-së po ashtu rekomandoi që të gjithë pasagjerët në fluturimet për dhe nga Kina, duhet të mbajnë maska. Po ashtu u tha se qeveritë e BE-së mund të aplikojnë testime rastësore të pacientëve që arrijnë nga Kina dhe po ashtu do të marrin mostra dhe të testojnë ujërat e zeza nga avionëve që vijnë nga Kina.

Testin negativ për udhëtarët nga Kina veçse e kërkojnë autoritetet në Spanjë, Francë dhe Itali.

Kina tashmë ka kundërshtuar këto veprime, duke paralajmëruar për “kundërmasa” nëse një politikë e tillë do të vendosej në mbarë bllokun evropian.

Pekini, pas pothuajse tre vjetësh, muajin e kaluar njoftoi për lehtësimin e masave.

Rastet me koronavirusin e ri fillimisht ishin regjistruar në fund të vitit 2019 në Kinë. Që atëherë, ky virus ka vrarë mbi 6.7 milionë persona në mbarë botën./REL

The post BE-ja rekomandon që pasagjerët nga Kina të paraqesin test negativ për Covid-19 appeared first on Albeu.com.

“Në vend të kësaj, duhet të punojmë në reformat kyçe në vend nga të cilat varet cilësia e jetës së qytetarëve tanë”, u shpreh Pendarovski. Ai tha se tezat se status quo-ja e zgjatur mund të shkaktojë destabilizimin e sigurisë së vendit nuk qëndrojnë dhe se në BE nuk duhet të hyhet si “një pemë pa rrënjë”.

“Në kontekstin aktual, kur i njohim vijat tona të kuqe dhe i mbrojmë ato publikisht, nuk duhet të jemi të preokupuar se sa kohë do të duhet që të tjerët të përballen me të vërtetën për ne… Shtetet me zhvillim unik socio-kulturor janë anëtarë të BE-së, e jo ato që shkojnë atje si asnjë vend tjetër, si një pemë pa rrënjë”, tha Pendarovski

Kreu i shtetit maqedonas ka folur edhe për reformat në vend dhe mungesën e sundimit të ligjit, që, sipas tij, kanë bërë që shumë njerëz të ikin nga Maqedonia e Veriut. Ai në këtë rast përmendi tragjedinë me autobusin në Bullgari, ku vdiqën 45 pasagjerë, që ende nuk ka marrë epilog gjyqësor, sikur edhe tragjedinë me spitalin modular në Tetovë, ku vdiqën 14 pacientë që po trajtoheshin nga COVID-19. Sipas Pendarovskit, sundimi i ligjit, duhet të jetë prioriteti kryesor i një vendi që synon anëtarësimin në Bashkimin Evropian.

“E vetmja mënyrë për të rikthyer besimin tek institucionet është përfundimi ligjor në çdo rast kur ka dyshime për krime…Nëse kjo, si dhe disa raste tjera të mëparshme, nuk marrin një vendim gjyqësor brenda një afati të arsyeshëm, mosbesimi tek qytetarët vetëm sa do të rritet”, tha presidenti Pendarovski, cili fjalimin vjetor i nisi me një minutë heshtje për viktimat e aksidentit me autobusin në Bullgari.

Kreu i shtetit foli edhe për largimin e Zoran Zaevit nga kreu i qeverisë duke e vlerësuar si akt demokratik, që sipas tij nuk ndodhë në shumë vende. “Fakti është se ai largohet kur partia e tij është në pushtet dhe kjo është një situatë diametralisht e kundërt nga viti 2017, kur nuk mund të bënim një tranzicion paqësor të pushtetit me një shumicë parlamentare të formuar, e cila provokoi drejtpërdrejt ngjarjet e 27 prillit. Turpi më i madh për demokracinë maqedonase në histori”, tha Pendarovski duke iu referuar ish kryeministrit NIkolla Gruevski, i cili organizoi edhe rezistencë për mos u larguar nga pushteti, në vitin 2017.

Deri nga mesi i janarit të vitit 2022, Maqedonia e Veriut do të ketë Qeveri të re, që do të udhëhiqet nga Dimitar Kovaçevski, kryetari i ri i Lidhjes Social Demokrate (LSDM). Në krye të ekzekutivit, ai do ta zëvendësojë kryeministrin e deritashëm, Zoran Zaev. Dorëheqjen nga Qeveria, Zaev e ka paralajmëruar më 31 tetor, pas disfatës së thellë të Lidhjes Social Demokrate në zgjedhjet lokale.

The post Deklarata e bujshme e presidentit Pendarovski: Të mos hyjmë në Bashkimin Evropian si “pemë pa rrënjë” appeared first on Albeu.com.