Në një prononcim për “Euractiv”, Glenn Micallef ka pranuar se i ka biseduar me numrin një të FIFA-s për këtë argument delikat. Sipas tij bashkëbisedimi i mbajtur në Bruksel një javë më parë ishte konstruktiv.

“I kërkova që të ketë në vëmendje sigurinë e tifozëve, të cilët do të udhëtojnë drejt Shteteve të Bashkuara të Amerikës. Për ne ky aspekt është mjaft i rëndësishëm dhe të njëjtën rëndësi duhet të ketë edhe organizatorët.

Duke iu përgjigjur shqetësimeve, një zëdhënës i Departamentit të Shtetit të SHBA-së tha në lidhje me këtë çështje se “siguria e ndeshjeve të Kupës së Botës, atletëve, tifozëve dhe vendeve ku zhvillohen ndeshjet, si dhe siguria e vazhdueshme e Shteteve të Bashkuara janë përparësi kryesore të organizimit të ndeshjeve”.

The post Bashkimi Europian i kërkon garaci FIFA-s për sigurinë e tifozëve që do të udhëtojnë për Botërorin appeared first on Albeu.com.

“Për shumë aktorë të politikës ndërkombëtare, paqja e qëndrueshme në Ballkanin Perëndimor duket të jetë një libër i mbyllur. Administrata e Clintonit hodhi themelet për paqen saktësisht 30 vjet më parë. Mosinteresimi i Perëndimit në vitet e fundit dhe politikat agresive të Beogradit dhe guvernatorëve të tij në vendet fqinje, me mbështetjen e Moskës, kanë bërë që ky themel të gërryhet.

Ai thotë se ka politikanë të cilët, përkundër rolit destruktiv të Beogradit në Kosovë dhe Bosnjë, gjithmonë përpiqen ta portretizojnë Serbinë si një “spirancë stabiliteti”.

Shembulli më i fundit, thotë Rhotert, ishte vizita e kryeministrit bavarez Markus Söder në Beograd, i cili “u përpoq të ringjallte atë që Uashingtoni nuk kishte arritur të bënte gjashtë muaj më parë: të tërheqë Beogradin në anën e Perëndimit.

“Për këtë ai u nderua me një medalje serbe nga autokrati Vuçiq, një nga aleatët më të ngushtë të presidentit rus”.

Rhotert shkruan se vetëm pak ditë pas vizitës së Söder-it në Beograd, Vuçiq paralajmëroi Perëndimin se do të duhej të zgjidhte mes Kosovës dhe Serbisë.

“Kjo tregon edhe një herë se politikat e zbutjes inkurajojnë autokratët të bëhen radikalë”.

Ai thotë se 30 vjet më parë, në kulmin e luftës në Bosnje, kishte plane serbo-kroate për të ndarë vendin, siç e mbrojnë disa politikanë, veçanërisht Milorad Dodik.

“Në atë kohë, SHBA-të ndërhynë dhe e detyruan Zagrebin t’i japë fund luftës kundër Sarajevës. Në mars të vitit 1994, në Uashington u nënshkrua marrëveshja me të njëjtin emër midis Kroacisë dhe Bosnjës, e cila u bë një pikë kthese në luftë. Forcat e armatosura kroate dhe boshnjake, tani duke vepruar sërish së bashku, gradualisht i zmbrapsën agresorët serbë. Kur ushtria kroate, me mbështetjen e SHBA-së, çliroi të tretën e Kroacisë të pushtuar nga serbët në gusht 1995 dhe NATO bombardoi pozicionet serbe në Bosnje, balanca e fuqisë ndryshoi rrënjësisht. Në mbrojtje, pala serbe ishte e gatshme të negocionte një marrëveshje paqeje. Një ekuilibër i fuqive ishte parakusht për paqen në Ballkan. Sot ky bilanc nuk ekziston më”.

Prandaj, si 30 vjet më parë, ai thotë se Uashingtoni dhe Berlini duhet të krijojnë një koalicion midis Zagrebit dhe Sarajevës, duke përfshirë Prishtinën.

“Popullsia e Kroacisë, Bosnjës dhe Kosovës është kryesisht pro-evropiane. Fatkeqësisht, e kundërta është rasti për shumicën e serbëve, me shumë njerëz që favorizojnë gjithnjë e më shumë Rusinë ndaj Perëndimit”./Express/

The post Studiuesi gjerman në Die Welt: Uashingtoni dhe Berlini duhet të krijojnë një koalicion Zagreb- Sarajevë-Prishtinë appeared first on Albeu.com.

Radio Evropa e Lirë mëson nga burimet diplomatike në Bruksel se për këtë vendim janë pajtuar strukturat e Komisionit dhe në takimin e së martës, më 12 mars, ai do të formalizohet.

Sipas procedurave të Bashkimit Evropian, Komisioni Evropian jep rekomandime ndërsa vendimet i merr Këshilli Evropian.

Në këtë rast, pasi të rekomandojë Komisioni, vendimin për nisjen e negociatave të anëtarësimit me Bosnje e Hercegovinën duhet ta miratojnë liderët e 27 vendeve anëtare, në samitin e BE-së m 21 dhe 22 mars në Bruksel.

Liderët e BE-së, edhe në samitin e tyre në dhjetor të vitit të shkuar, kishin shprehur gatishmërinë për hapjen e negociatave të anëtarësimit me Bosnje e Hercegovinën por kishin përmendur edhe disa kushte që ky vend do të duhej t’i përmbushte deri në fund të muajit mars.

“Këshilli Evropian është i gatshëm të nisë negociatat e anëtarësimit në BE me Bosnje e Hercegovinën, kur niveli i nevojshëm i përputhjes me kriteret e anëtarësimit, të arrihet”, ishte thënë në konkluzat e atij samiti.

Vendimi i paralajmëruar për Bosnje e Hercegovinën konsiderohet nga diplomatët në Bruksel si shenjë e përkushtimit të BE-së për paqen dhe stabilitetin e rajonit të Ballkanit Perëndimor dhe si përgjigje edhe ndaj sfidave gjeopolitike në Evropë, pas nisjes së invazionit të Rusisë ndaj Ukrainës.

Por burimet diplomatike tërheqin vërejtjen se deri te zhvillimi i samitit të liderëve të vendeve anëtare në Bruksel, Sarajeva duhet të bëjë edhe disa hapa në reforma, me të cilat rritë gjasat për një vendim më pozitiv të BE-së.

Sipas të njëjtave burime, ende ka disa shtete që janë skeptike ndaj vendimit për nisjen e negociatave me Bosnje e Hercegovinën, apo që kërkojnë që ky vendim të ketë edhe disa kushte shtesë para se negociatat të nisin.

Në Procesin e zgjerimit ndodhen momentalisht 10 vende.

Prej tyre, 9 kanë status kandidati dhe vetëm Kosova është vend i cili nuk e ka një status të tillë, edhe pse ka aplikuar për anëtarsim në bllok.

Turqia, Mali i zi, Serbia, Shqipëria, Maqedonia e Veriut, Ukraina dhe Moldavia kanë edhe vendimin për nisjen e negociatave të anëtarësimit.

Status kandidati kanë edhe Bosnje e Hercegovina dhe Gjeorgjia, por deri tash nuk kanë vendim për hapjen e negociatave.

The post Komisioni Evropian në takimin e kolegjit të martën pritet të miratojë nisjen e negociatave të anëtarësimit me Bosnjë-Hercegovinën appeared first on Albeu.com.

Këto komente ai i bëri në përgjigje të deklaratave të ambasadorit amerikan në Prishtinë, Jeff Hovenier, një dite më parë i cili i bëri thirrje qeverisë së Kosovës të kërkojë sa më shpejt mendimin e Gjykatës Kushtetuese për projekt statutin e hartuar nga perëndimi për këtë Asociacion.

“Është gabim të mendosh se është kompetencë e Bashkimit Evropian që të na caktoj neve, e kompetencë e jona vetëm ta dërgojmë në Gjykatën Kushtetuese. Ndoshta zoti Hovenier e ka pasur fjalën që Kosova të propozoj një draft të Asociaconit… Unë e kam kuptuar që Kosova t’i drejtohet Gjykatës Kushtetuese me një draft, por unë nuk mendoj se është kompetencë e BE-së t’i propozojë draft Kosovës dhe nuk mendoj që Kosova duhet të qëndrojë gatitu dhe ta dërgojë draftin që BE-ja e propozon. Nuk pajtohem me këtë procedure”, tha zoti Konjufca.

Në tetor të vitit të kaluar diplomatët perëndimorë paraqitën një projekt statut për themelimin e Asociacionit duke i bërë thirrje qeverisë së Kosovës për fillimin e punës për zbatimin e tij dhe ndërsa Beogradit të përmbushë detyrimet që çojnë drejt njohjes de fakto të Kosovës.

Kryeministri i Kosovës Albin Kurti tha se propozimi parasheh që Gjykata Kushtetuese të jep vlerësimin e kushtetutshmërisë dhe është shkruar me kujdes ndaj shkronjës dhe strukturës kushtetuese të vendit.

Ai tha se ishte i gatshëm të nënshkruajë projektin nëse Serbia pajtohet të nënshkruaj marrëveshjet e arritura një vit më parë në Bruksel dhe Ohër. Por, Serbia ka pohuar se do nuk do të zbatojë marrëveshjet që çojnë në njohjen de facto të Kosovës.

Ambasadori amerikan i bëri thirrje qeverisë të bëjë pjesën e saj të punës duke dërguar në Kushtetuese projekt statutin.

“Në këtë mënyrë, Kosova do të përfitonte në mënyrë thelbësore. Do të ketë një përgjigje nëse është kushtetues apo jo, do të dihet a ka përgjegjësi ekzekutive apo jo dhe mendojmë se vetëm Gjykata mund ta japë atë vlerësim”, tha ambasadori amerikan duke nënvizuar se kjo do të pasqyronte përkushtimin e Kosovës për t’i përmbushur detyrimet e saj.

Ai tha se po të ishte themeluar Asociacioni, nuk do të ishin krijuar shqetësimet lidhur me përdorimin e dinarit serb në Kosovë. Një rregullore e Bankës Qendrore të Kosovës, sipas së cilës euroja është valuta e vetme që mund të përdoret për pagesa të gatshme në Kosovë, nxiti reagimin e zemëruar të Beogradit, dhe shqetësimet e diplomacisë perëndimore për ndikimin e saj në jetën e serbëve të Kosovës që vazhdojnë të mbështeten financiarisht nga Beogradi, por edhe për tensionet ndërmjet palëve.

Shtetet e Bashkuara e kanë kritikuar Kosovën dhe kanë paralajmëruar se partneriteti ndërmjet dy qeverive është dëmtuar me qasjen e saj ndaj çështjes së dinarit./ VOA

The post Konjufca: Nuk mendoj se është kompetencë e BE-së t’i propozojë draft Kosovës appeared first on Albeu.com.

Fermerët polakë qëlluan me vezë një zyrë të Komisionit Europian në qytetin perëndimor të wroclaw të enjten.

Fermerët u mblodhën edhe para selisë së qeverisë së qarkut ku ndezën një zjarr të madh. Pavarësisht kërkesave nga organizatorët për t’u shpërndarë, ata nuk u larguan.

Sipas organizatorëve, në demonstratë morën pjesë rreth 1000 protestues me 500 traktorë dhe automjete të tjera bujqësore. Pamjet e protestës të transmetuara nga stacioni televiziv privat TVN24 tregojnë protestuesit nëpër rrugë duke mbajtur flamuj polakë dhe pankarta.

Fermerët polakë po planifikojnë një bllokadë të plotë të të gjitha pikave kufitare me Ukrainën dhe një protestë të madhe në kryeqytetin e vendit Varshavë më 20 shkurt.

The post Fermerët polakë qëllojnë me vezë zyrat e Komisionit Europian appeared first on Albeu.com.

Pjesë nga fjala e kreut të PD-së, Sali Berisha:

Të dashur miq, në 10 vite, Rilindja, fara më e ligë e 30 viteve që ka mbirë në këtë vend, ka bërë tre gjëra.
Mashtrimet më të mëdha, vjedhjet më të mëdha, përzënien më të madhe të shqiptarëve nga Shqipëria.
Edi Rama erdhi në pushtet duke u premtuar shqiptarëve dhjetëra e dhjetëra mirësira dhe premtime me të cilat, zotohej se do ndryshonte rrënjësisht jetën e tyre.
Që të gjitha pa përjashtim u provuan mashtrime dhe akoma më keq, njeriu që premtoi shëndetësinë falas, solli atë shëndetësi në të cilën sot, secili prej jush paguan nga xhepi për kujdes shëndetësor, më shumë se çdo qytetar në Europë. Paguan nga xhepi 60 përqind të atyre që shpenzimeve që duhen.
Barbari Edi Rama çon në parlament ligjin për shkatërrimin e pasurive shekullore të shqiptarëve
Paguan nga xhepi 50 përqind më shumë se sa ç’paguante në vitin 2013.
Erdhi në pushtet duke premtuar heqjen e TVSH-së për ushqimet, lirimin e tyre, sot çdo shqiptar paguan, blen ushqime me 110 përqind të mesatares së BE, pacak se ata kanë rroga 5 herë më të larta se ne shqiptarët.
Rilindja ishte pra, mashtrimi më i madh i shqiptarëve. Nuk jemi njëlloj, jo kurrë, sepse ne premtimet i bëmë realitet.
Premtuam rrogat, i dyfishuam. Premtuam Rrogën e Kombit, e ndërtuam. Premtuam integrimin, u integruam.
Të dashur miq, Edi Rama pasi erdhi në pushtet, u mburr me muaj dhe vite për inceneratorët, që do pastronin Shqipërinë.
Në fakt, ajo do të ishte vjedhja më e madhe e shekullit. Atë që ky hajdut e quante krenaria e tij, do të ishte fatkeqësia e shqiptarëve.
Sot 130 milionë euro janë zhdukur, gjurmë inceneratori në Tiranë nuk ka, dy të tjerë nuk funksionojnë.
Arben Ahmetaj e akuzoi dhe tha se nëse qytetarët do të dinë bëmat e Edi Ramës për djegësat e të tjera, do llahtarisen.
Nuk jemi njësoj, absolutisht kurrën e kurrës. Edi Rama është kryeministri më hajdut që ka pasur ndonjëherë Shqipëria.
Nuk jemi njësoj! Edi Rama vraponte nga studio në studio me pincën e thyer për të mbuluar vjedhjen e tyre me Ilir Beqën dhe muratorin e tyre, ndërkohë që çmimi rritje për sterilizimet 83 herë.
Mijëra shqiptarë në muaj nuk futeshin në salla operacioni, sepse spitalet nuk blinin dot kompletet e sterilizimit për ta.
Nuk jemi njëlloj, sepse Edi Rama, vetëm procesin e hapjes së negociatave e festoi dy herë gjatë këtyre viteve me shampanjë, me dekorata, me fishekzjarre.
Por në të vërtetë, edhe dhjetorin që kaloi, negociatat nuk u hapën, por përkundrazi Shqipëria mori 5 kushte.
20 shkurti është dita e Europës, është dita e qytetarëve shqiptarë për të çelur dyert e integrimit në Europë.
Është dita për të goditur mashtrimet e Edi Ramës, vjedhjet e tij.

The post Berisha: Rilindja ishte mashtrimi më i madh i shqiptarëve. appeared first on Albeu.com.

“Mbyllja e papritur e këtyre zyrave do të ketë efekte negative në jetën e përditshme dhe kushtet e jetesës së komuniteteve serbe të Kosovës, meqë kjo do e kufizoj qasjen e tyre në shërbimet themelore sociale duke pasur parasysh mungesën e dukshme të alternativave në këtë moment”, thuhet në komunikatën e nënshkruar nga zëdhënësi i BE-së, e cila u publikua të dielën në mëngjes.

Ky reagim i Brukselit vie pasi që gjatë kësaj jave janë mbyllur zyrat e komunave paralele serbe: në Dragash, Pejë, Istog dhe Klinë si dhe objektet e Organizatës Jo Qeveritare ‘Qendra për Paqe dhe Tolerancë në Prishtinë’.

Në komunikatën e Bashkimit Evropian precizohet se statusi i këtyre strukturave është paraparë të zgjidhet në dialogun mes Kosovës e Serbisë e në kuadër të themelimit të Asociacionit të komunave me shumicë serbe në Kosovë.

“Prandaj, BE-ja i kërkon Kosovës që të shmangë veprimet e njëanshme që mund të rrisin tensionet dhe t’i adresojë këto çështje përmes Dialogut të lehtësuar nga BE-ja”, porositet nëpërmjet të kësaj komunikate.

The post BE shpreh shqetësim për mbylljen e institucioneve të drejtuara nga Serbia appeared first on Albeu.com.

“Periudha e shkurtër e tranzicionit për zbatimin e rregullores, e kombinuar me mungesën e informacionit dhe zgjidhjeve praktike për të gjitha komunitetet e prekura, rrezikojnë të ndërlikojnë seriozisht jetën e tyre”, thuhet ne komunikatën e lëshuar nga zëdhënësi i Bashkimit Evropian, Peter Stano.

Në anën tjetër nëpërmjet kësaj komunikate pranohet se institucionet evropiane kanë parasysh faktin se rregullorja e Bankës Qendrore të Kosovës, synon të rrisë transparencën e flukseve financiare, të sigurojë stabilitetin financiar dhe të luftojë pastrimin dhe falsifikimin e parave.

Thuhet gjithashtu se kjo rregullore do të ketë ndikim në mbështetjen financiare që serbët e Kosovës marrin nga Serbia.

“BE-ja është e shqetësuar për pasojat që ky vendim mund të ketë në jetën e përditshme të serbëve të Kosovës dhe komuniteteve të tjera në mbarë Kosovën për shkak të mungesës së konsultimeve paraprake, veçanërisht për ndikimin e tij në shkolla dhe spitale, duke pasur parasysh mungesën e dukshme të alternativave në këtë moment”, thuhet ne komunikatë.

The post BE: Kosova të sigurojë periudhë tranzicioni për dinarin, zgjidhja në dialog appeared first on Albeu.com.

“Ne kemi tre prioritete. Së pari, t’i mbrojmë qytetarët tanë. Së dyti, të përforcojmë ekonominë tonë me norma të qëndrueshme. Prioriteti ynë i fundit është të përgatisim Evropën për të ardhmen”, tha Aleksandar de Kro- kryeministër i Belgjikës.

Procesi i zgjerimit të Unionit nuk është përfshirë si temë kyçe, por përmendet në pjesën e sundimit të ligjit. Aty thuhet se Unioni do të vazhdojë të diskutojë për mënyrën e marrjes së vendimeve lidhur me anëtarësimin e vendeve të reja. Debati kryesor është rreth çështjes së heqjes së unanimitet dhe marrjes së vendimeve me shumicë të kualifikuar.

“Zgjerimi i Bashkimit tonë duhet të na bëjë të gjithëve më të fortë. Prandaj, presidenca është e përkushtuar të mbështesë vendet kandidate në përpjekjet e tyre për t’u bashkuar me Unionin tonë. Në të njëjtën kohë, do të jetë thelbësore të përgatiten politikat, burimet dhe strukturat vendimmarrëse të Bashkimit për anëtarësimet e ardhshme”, thonë nga Presidenca belge e BE-së.

Përveç Bashkimit Evropian, OSBE-ja prej sot ka presidencë të re. Në Samitin e Shkupit u vendos që ajo të jetë Malta kurse shefi i diplomacisë së vendit, Jan Borg, tha atëherë se Organizata për Siguri dhe Bashkëpunim duhet të fokusohet në përfundimin e luftës dhe ndalimin e agresionit ushtarak rus kundër Ukrainës.

The post Belgjika merr presidencën e BE-së appeared first on Albeu.com.

Gjatë një konference për media, zëdhënësi i BE-së, Peter Stano, megjithatë tha se duhen edhe hapa të tjerë që do të çonin në shtensionimin e mëtejmë të situatës në veri, përfshirë mbajtjen e zgjedhjeve të reja.

“Këta janë hapa të rëndësishëm në drejtimin e duhur, por nevojiten hapa të tjerë. Sikurse çdo gjë në dialog, afatet kohore nuk janë në dorë tonë. Afatet kohore varen nga aftësia e palëve për të përmbushur kërkesat e nevojshme, kriteret apo zotimet. Në mënyrë që të zbutet kriza aktuale, e kemi thënë shumë shpesh, zgjedhjet e parakohshme duhet të mbahen sa më shpejt që të jetë e mundur në të gjitha katër komunat. Ato duhet të organizohen në mënyrë gjithëpërfishirëse. Kjo nënkupton pjesëmarrjen e plotë dhe të pakushtëzuar të serbëve të Kosovës”, tha Stano.

Stano tha se për bllokun evropian, si ndërmjetësues i dialogut mes Kosovës dhe Serbisë për normalizimin e raporteve, është shumë e rëndësishme që ky proces të rinisë, në mënyrë që palët të mund të trajtojnë çështje të rëndësishme.

“Dhe çështjet më të rëndësishme janë Marrëveshja e Ohrit dhe Aneksi i saj”, tha Stano, duke iu referuar marrëveshjes së arritur në Bruksel në shkurt, dhe aneksit të saj të arritur në Ohër një muaj më pas. Kjo marrëveshje synon që të shtyjë palët drejt normalizimit të plotë të raporteve.

Më 10 korrik, Kosova dhe Bashkimi Evropian u pajtuan për disa hapa për shtensionimin e situatës, përfshirë zvogëlimin e pranisë policore dhe organizimin e zgjedhjeve të reja në katër komunat veriore.

Megjithatë, kryeministri i Kosovës, Albin Kurti, ka deklaruar se zgjedhjet e reja në veri, nuk mund të mbahen pa shtensionimin e plotë të situatës.

Tensionet në veri u rritën në maj të këtij viti, pasi kryetarët e rinj shqiptarë, nën përcjelljen e Policisë së Kosovës, hynë në ndërtesat komunale.

The post BE-ja do hapa të tjerë pas zvogëlimit të pranisë policore në veri të Kosovës appeared first on Albeu.com.