Zgjedhjet për president të Maqedonisë së Veriut do të mbahen në dy raunde, i pari më 24 prill, ndërsa raundi i dytë do të mbahet së bashku me zgjedhjet parlamentare, më 8 maj.

Kryeministri teknik, Talat Xhaferi, tha të martën më 20 shkurt, se nuk mendon se Ali Ahmeti do të pranonte kandidaturën për president pasi “Ai (Ali Ahmeti) ka për mision Bashkimin Evropian dhe po punon për këtë mision”.

“Ai nuk ka nevojë të tregojë se kush është dhe sa ka kontribuar për këtë vend dhe për qytetarët e këtij vendi. Nuk mendoj se është prioritet për të që të konkurrojë për ndonjë pozicion[pozitë]. Sikur të donte, ai mund të kishte cilëndo pozitë në shtet në këto 22 vjet”, deklaroi Xhaferi, i cili është anëtar i kryesisë së BDI-së.

Zëvendëskryeministri Artan Grubi, nëpërmjet rrjeteve sociale bëri të ditur se Ahmeti se shpejti do të dalë me “lajmin e madh”, por pa saktësuar nëse do të prezantohet ndonjë kandidat tjetër për president.

Grubi tha për mediat se “anëtarësia e BDI-së është për kandidaturën e Ali Ahmetit”, por Ahmeti, sipas tij, parapëlqen të punojë për “mision dhe jo për funksion”.

Jozyrtarisht një nga emrat që përflitet në opinion është edhe ai i ministrit të Punëve të Jashtme, Bujar Osmani.

Ndërkohë, me daljen eventuale të BDI-së me kandidat për president, bie poshtë paralajmërimi i Lidhjes Social Demokrate (LSDM) se partitë në pushtet do të dalin me një kandidat presidencial të përbashkët.

Kryetari i LSDM-së, Dimitar Kovaçevski, tha se kjo parti në zgjedhje do të marrë pjesë ma kandidatin e saj, që beson se do të jetë i pranueshëm për të gjithë qytetarët.

“Ne kemi kandidat që i përmbushin të gjithë kriteret për të qenë përfaqësues të të gjithë qytetarëve, personalitete që ndajnë vlerat evropiane, që angazhohen për integrimin e vendit në Bashkimin Evropian”, tha Kovaçevski duke mos përjashtuar mundësinë e kandidaturës së presidentit aktual, Stevo Pendarovski.

Kandidaturat për president deri tani i kanë publikuar vetëm opozita e bashkuar shqiptare, e cila do të garojë me Arben Taravarin dhe partia E Majta, me Biljana Vankovskën.Kandidati i opozitës shqiptare ka mbështetjen edhe të Lëvizjes Vetëvendosje që drejtohet nga kryeministri i Kosovës, Albin Kurti.

Bekim Qoku, këshilltar i Kurtit, ka nënshkruar deklaratën e opozitës së bashkuar shqiptare për pjesëmarrje të përbashkët edhe për zgjedhjet parlamentare, më 8 maj.

Opozita maqedonase e udhëhequr nga VMRO DPMNE-ja, tha se kandidatin e saj do ta bëjë të ditur në konventën partiake, më 2 mars.

Afati për shpalljen e kandidaturave për president skadon më 19 mars.

Kandidatët mund të propozohen në Kuvend nga 30 deputetë apo të mbledhin nga 10 mijë nënshkrime të qytetarëve.

Vetëm LSDM-ja dhe VMRO DPMNE-ja nuk kanë nevojë për nënshkrim pasi në Kuvend janë të përfaqësuara me nga më shumë se 30 deputetë.

The post Pas opozitës shqiptare, edhe BDI-ja me kandidat për president të Maqedonisë së Veriut appeared first on Albeu.com.

Bëhet fjalë për ngjarjet e ndodhura gjatë ditës së djeshme, ku një grup deputetësh dhe anëtarësh partie i kanë dërguar një letër të hapur Ali Ahmetit, me disa kërkesa specifike.

Ahmeti u përgjigj se BDI-ja është një program kombëtar, i investuar në 20 vite dhe nuk mund të zhbëhet aq kollaj dhe sipas tij, kjo parti mund të funksionojë edhe pa Ali Ahmetin, por edhe pa Musa Xhaferin, Izet Mexhitin, Blerim Bexhetin dhe anëtarët e tjerë të partisë./albeu.com/

The post Kërkesa e grupit të deputetëve, Ali Ahmeti: BDI mund të funksionoje edhe pa Ali Ahmetin, Musa Xhaferin, Izet Mexhitin, Blerim Bexhetin dhe të tjerët appeared first on Albeu.com.

”Në kohë kur ne kemi qenë në koalicion me VMRO-në të njëjtën gjë e bënte LSDM-ja. Për të arritur për të rrënuar dhe rrëzuar një qeveri ka qenë nga Bashkimi Demokratik për Integrim, kemi qenë çelësi i qeverisë. Tani të njëjtën metodë e përdor VMRO-DPMNE sepse po të hiqet BDI nga ky partneritet sigurisht që qeveria bie”, tha Ahmeti.

Ahmeti duke folur për rrethanat aktuale politike, menaxhimin e krizës globale, kontestin me Bullgarinë dhe integrimin e vendit në BE, u përqëndrua edhe për iniciativën e bllokimit të Kuvendit nga ana e VMRO-DPMNE-së dhe mbështetjen që merr nga Lëvizja Besa.

“Bllokadat, bojkotet, sabotazhet në proceset demokratike me demokraci të përparuar nuk kanë vend tek ne dhe mendoj se ky paralajmërim i VMRO për bllokadë të Parlamentit nuk i bën mirë shëndetit të partisë së tyre, sepse nuk mbështetet nga asnjë vend demokratik nga vendet ku ne pretendojmë të jemi bashkë atje, në këto procese përparësi i jepet vizionit”, ka thënë Ahmeti duke pyetur se cili është vizioni dhe qëllimi i tyre me bojkotin apo sabotazhën ose bllokadën.

“A duan të përmirësojnë imazhin e partisë apo duan të jenë vrima e zezë në vend se di. Bojkoti nuk ka përkrahje nga asnjë vend me demokraci të përparuar, nuk e di cila është agjenda e tyre por të sabotosh ligjet që janë në dobi të vendit do të thotë se nuk do fitojnë ndonjë imazh të mirë para qytetarëve. Zani kohën e kemi pëpara dhe do shohim cila është agjenda sepse unë fola parimisht dhe e di se nuk kanë përkrahjen e asnjë vendi të BE, ato janë kundër këtyre strategjivee sepse janë në dëm të zhvillimeve dhe proceseve”, ka theksuar Ahmeti.

The post Ahmeti: BDI, çelësi i të gjitha qeverive appeared first on Albeu.com.

“Fushatën për zgjedhjet lokale 2021 e nisim ditën e hënë pikërisht nga Gostivari sepse kemi dëgjuar zërin e qytetarëve të Gostivarit të cilët zëshëm kërkojnë ndryshim në administratën komunale dhe ç’lirim nga qentë endacak, kazinotë, tymi i Rusinos, trafiku i rënduar, mungesa e parkingjeve dhe nga pa-aftësia e Taravarit”, tha Bekteshi, duke shtuar se gjatë ditëve të fushatës do të vizitohen të gjitha qytetet, komunat dhe vendbanimet për të prezantuar kandidatët për kryetar komunash dhe këshilltarë komunale.

Ai tha se BDI fushatën do ta përfundojë në Gostivar Bashkimi Demokratik për Integrim iu bënë thirrje të gjithë pjesëmarrësve në të zhvillojnë fushatë të qetë dhe demokratike. Në vazhdim fjalimi i Kreshnik Bekteshit nga BDI: Të nderuar qytetar, Të nderuar përfaqësues të mediave, Fushatën për zgjedhjet lokale 2021 e nisim ditën e hënë pikërisht nga Gostivari sepse kemi dëgjuar zërin e qytetarëve të Gostivarit të cilët zëshëm kërkojnë ndryshim në administratën komunale dhe c’lirim nga qentë endacak, kazinotë, tymi i Rusinos, trafiku i rënduar, mungesa e parkingjeve dhe nga pa-aftesia e Taravarit.

The post BDI fillon nesër fushatën për Zgjedhjet lokale nga Gostivari appeared first on Albeu.com.