Bashkim Fino Archives - Albeu.com

Vajza e socialistit të mirë Bashkim Fino, zgjidhet në krye të Këshillit të Bashkiak: Jam qytetare e Tiranës evropiane dhe do punoj si e tillë

M C — Wed, 11 Jun 2025 18:38:37 +0000

Ish-zëvendësministrëja Megi Fino është zgjedhur kryetare e Këshillit Bashkiak të Tiranës. Vajza e socialistit të mirë, intelektualit dhe ish-kryeministrit të Shqipërisë, Bashkim Fino ka hedhur një hap tjetër në karrierën e saj publike.

Ajo është votuar dhe prezantuar dje përpara anëtarëve të Këshillit Bashkiak, duke zëvendësuar në këtë pozicion Romina Kukon, e cila u zgjodh deputete më 11 Maj. Ndërkohë, zëvendës i saj do të jetë Endrit Braimllari, i cili i bashkohet radhëve të PS nga ish-LSI.

Megi Fino ka shkruar një emsazh falenderimi dhe kjo detyrë e re është për të një sfidë, përgjegjësi dhe një moment i veçantë reflektimi për të bërë më të mirën për qytetarët e Tiranës.

“Zgjedhja në krye të Këshillit Bashkiak të Tiranës për mua është sfidë, përgjegjësi dhe një moment i veçantë reflektimi për të bërë më të mirën për qytetarët. I jam mirënjohëse çdo këshilltari që me votën e tij më besoi këtë detyrë, që shkon përtej pozicionit zyrtar.

Sepse mbi të gjitha jam qytetare e Tiranës evropiane do punoj si e tillë, përballë çdo vështirësie e pengese. Shumë suksese dhe urime Endrit Braimllari për zgjedhjen si nënkryetar i Këshillit Bashkiak dhe falenderuese për gjithë kontributin dhe punën e deritanishme të Romina Kuko.

Bashkëpunimi, ekuilibri dhe respekti për njerëzit e punës janë parimet në jetën time profesionale, tek të cilat do mbështetem fort edhe në këtë mision të ri që mu besua”, shkruan Megi Fino, teksa ndan disa fotografi zyrtare nga ceremonia.

The post Vajza e socialistit të mirë Bashkim Fino, zgjidhet në krye të Këshillit të Bashkiak: Jam qytetare e Tiranës evropiane dhe do punoj si e tillë appeared first on Albeu.com.

Katër vite pa të atin, vajza e Bashkim Finos rikujton ish-kryeministrin: Me ty çdo fitore ishte e sigurt!

M C — Sat, 29 Mar 2025 21:28:11 +0000

Vajza e Bashkim Finos, Megi Fino, përmes një postimi në rrjete sociale ka kujtuar të atin i cili u nda nga jeta katër vite më parë.

Krahas fotos së të atit, Megi Fino ka shprehur mungesën e pranisë së tij në familje, ndërsa shton se e ka të atin ende forcë të madhe.

“Katër vite pa ty, por çdo ditë e ndjejmë praninë tënde. Si gjithmonë, je mbështetja dhe forca ime më e madhe. Na mungon pafund”, ka shkruar ajo krahas fotos.

Vajza e ish-kryeministrit ka publikuar edhe një shprehje të Ben Blushit për Bashkim Finon.

“Me Bashkimin çdo fitore ishte e sigurt dhe çdo humbje ishte një fitore, qoftë ajo një domino, një ndeshje apo një palë zgjedhje kombëtare.”

The post Katër vite pa të atin, vajza e Bashkim Finos rikujton ish-kryeministrin: Me ty çdo fitore ishte e sigurt! appeared first on Albeu.com.

Dy salla në Kuvend emërohen “Bashkim Fino” dhe “Gerti Bogdani”

V K — Thu, 27 Feb 2025 09:37:12 +0000

Këtë të enjte, në Kuvendin e Shqipërisë, janë emëruar dy salla me emrat e dy figurave të shquara të politikës shqiptare, Bashkim Fino dhe Gerti Bogdani.

Ky akt nderimi u bë për të përkujtuar dhe vlerësuar kontributin e tyre të çmuar në historinë politike dhe shoqërore të vendit.

Elisa Spiropali, kryetare parlamenti, theksoi se Bashkim Fino dhe Gerti Bogdani, ishin politikanë modelë që dhuruan shumë për Shqipërinë.

Spiropali vuri në dukje se Fino ka drejtuar vendin gjatë periudhës më të vështirë, duke kontribuar në hartimin e disa prej reformave më të rëndësishme, ndërsa Bogdani ishte një lider i respektuar, i cili dha një kontribut të jashtëzakonshëm për shoqërinë shqiptare.

Elisa Spiropali: Nderuam kontributin e dy politikaneve dhe parlamentarëve të shquar të Shqipërisë të cilët janë ndarë nga jeta para kohe, Bashkim Fino dhe Gerti Beogdani, duke emërtuar dy salla këtu në mejdeset e sallës së seancave me emrat e tyre.

Në sallë janë familjarët e tyre, të cilët i përshëndes ngrohtësisht. Bashkim Fino dhe Gerti Bogdani ishin dy politikanë aktiv me integritet të lartë, prindër që frymëzojnë për me kontributin, dashrinë dhe mirësinë që na kanë dhënë ne. Ishte kjo arsyeja për të emëruar këto dy salla.

The post Dy salla në Kuvend emërohen “Bashkim Fino” dhe “Gerti Bogdani” appeared first on Albeu.com.

U ndanë nga jeta para kohe, propozimi i Spiropalit: Dy salla të Kuvendit me emrat e deputetëve të ndjerë Bashkim Finos dhe Gerti Bogdanit

V K — Wed, 11 Dec 2024 11:38:07 +0000

Ditën e sotme, në mbledhjen të Konferencës së Kryetarëve, Kryetarja e Kuvendit, Elisa Spiropali, propozoi emërtimin e dy sallave të Kuvendit me emrat Bashkim Fino dhe Gerti Bogdani.

“Dëshiroj t’ju bëj me dije se kam vendosur që për të nderuar emrin dhe kontributin politik, shoqëror e parlamentar të dy personaliteteve të shquar, të ndarë nga jeta, dy sallave të mbledhjeve në mjediset e ndërtesës së sallës së seancave të Kuvendit, t’u vemë njërës emrin Bashkim Fino dhe tjetrës emrin Gerti Bogdani.

Bashkim Fino, ish-Kryeministër i Shqipërisë, ish-ministër dhe deputet i Kuvendit për 6 legjislatura, u nda nga jeta në detyrë, si deputet i Kuvendit.

Gerti Bogdani, deputet i Kuvendit, për 2 legjislatura, u nda nga jeta në moshë të re. Besoj se kam mbështetjen tuaj dhe të deputetëve të Kuvendit”,-u shpreh Spiropali.

The post U ndanë nga jeta para kohe, propozimi i Spiropalit: Dy salla të Kuvendit me emrat e deputetëve të ndjerë Bashkim Finos dhe Gerti Bogdanit appeared first on Albeu.com.

“Na mungon prania jote ba …”, vajza e Bashkim Finos bën dedikimin e ndjerë për të atin

Tau Lanti — Wed, 29 Mar 2023 16:13:00 +0000

Si sot dy vite më parë u nda nga jeta pasi u prek nga Covid-19 Bashkim Fino, ish-kryeministër i Shqipërisë dhe deputeti i Partisë Socialiste në disa legjislatura, u nda nga jeta si sot dy vite më parë.

2 vite pa të atin, vajza e Bashkim Finos, Megi Fino, përmes një postimi në “Facebook” ka treguar se sa shumë i mungojnë këshillat, vlerësimet, bautat dhe dashuria që ai u jepte.

Krah fotove të bukura me të Megi shkruan ndonëse koha po kalon dhimbja që ndjejnë nuk po bëhet më e lehtë.

“Thanë se do të bëhej më e lehtë me kalimin e kohës, në fakt nuk eshtë aspak kështu.

2 vite pa ty ba, dhimbja dhe mungesa është ende shumë e madhe. Na mungon prania jote, këshillat dhe vlerësimet e tua gjithmonë të balancuara, batutat e shumta, dashuria jote pa kufi.

Megjithatë, forca që më jep për të vazhduar përpara e përballuar çdo sfidë, shtohet përditë.

Të duam shumë, na mungon çdo moment i shtrenjti ynë!”, shkruan ajo.

The post “Na mungon prania jote ba …”, vajza e Bashkim Finos bën dedikimin e ndjerë për të atin appeared first on Albeu.com.

Rama përkujton 1-vjetorin e vdekjes së Bashkim Finos

admin — Tue, 29 Mar 2022 17:54:36 +0000

Kryeministri Edi Rama ka përkujtuar 1-vjetorin e vdekjes së deputetit socialist Bashkim Finos. “Sot 1 vit më parë në lamtumirën e mikut tonë të mirë, Bashkim Fino. I paharruar gjithmon”, shkruan Rama në një postim në rrjetet sociale. Kujtojmë se Fino u nda nga jeta një vit më parë, si pasojë e komplikacioneve që shfaqi [...]

Martohet vajza e Bashkim Finos, dalin fotot nga ceremonia ( FOTO LAJM)

E B — Mon, 23 Aug 2021 18:03:17 +0000

Vajza e politikanit të ndjerë Bashkim Fino është martuar. Ajo ka zhvilluar një ceremoni në ambientet e Bashkisë Tiranë, ndërsa pranë saj shihen njerëzit më të afërt. Më poshtë mund të shikoni fotot e Megi Finos, e cila tashmë mban postin e lartë si zv.ministre e Punëve të Jashtme në qeverinë Rama. Lajmin e bëri [...]

Vajza e Bashkim Finos emërohet zv.ministre

E B — Wed, 30 Jun 2021 17:51:43 +0000

Vazja e ish-deputetit të ndjerë të PS-së Bashkim Fino, Megi, është emëruar zv.ministre për Europën dhe Punët e Jashtme.

Vendimi është marrë sot në mbledhjen e Këshillit të Ministrave.

Vendimi:

V E N D I M PËR EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Megi Fino emërohet zëvendësministër për Evropën dhe Punët e Jashtme.

Ky vendim hyn në fuqi menjëherë.

Kujtojmë se në Kongresin e PS-së, gjatë fjalës së saj, vajza e Finos dha lajmin se do të jetë pjesë e partisë Partisë Socialiste, familjes së dytë të babait të saj.

“Sot është dita t’ju rrëfej një sekret. Babai im e donte kaq shumë këtë familje të madhe sa donte me patjetër që unë të bëhesha pjesë e juaja. Por ne në shtëpi jetonim aq shumë me hallet dhe dertet e PS-së sa na dukej e paimagjinueshme që të shtonim në çatinë tonë numrin e të angazhuarve direkt të partisë. Në një farë mënyre e munda babanë në konfliktin tonë të brendshëm ose mendova se e bëra. Por në fund fitoi ai, që me ikjen e tij më solli këtu mes jush për të mos ikur më”, pati thënë në fjalën e saj Megi Fino./albeu.com

The post Vajza e Bashkim Finos emërohet zv.ministre appeared first on Albeu.com.

Fjalimi që përloti socialistët! Vajza i plotëson amanetin Bashkim Finos: Shpresoj të jesh krenar

admin — Sat, 12 Jun 2021 16:47:51 +0000

Ditën e sotme gjatë Asamblesë së PS për herë të parë ka folur publikisht vajza e të ndjerit Bashkim Fino i cili humbi jetën pas infektimit me COVID-19.

Gjatë fjalës së saj, Megi Fino foli për dashurinë e babait të saj të ndjerë për PS dhe lajmëroi se do të plotësonte amanetin e tij.

Ajo pranoi se tashmë do të bëhet pjesë e strukturave të PS pas dëshirës së madhe që kishte babai i saj.

Vajza e Bashkim Finos, Megi Fino: Ai e donte me zemër këtë familje të dytë. Nuk u nda dhe nuk na ndau as ne prej halleve dhe sfidave. Ishte 30 vjeç kur mori nga gjirokastritët mandatin e qytetarit të parë. Nuk ishte barrë e lehtë.

Një ndër ato gjëra që nuk do i harroj kurrë është se u rritën me presionin për të qenë shembullor në mësime. Im atë mbajti mbi supe barrën e frikshme të asaj periudhe aq të trazuar. Vetëm kush rritet me një prind politikan e di sa e vështirë është. Për kohë të tëra të puth vetëm në gjumë, sa e vështirë është që të kalosh kohët e vështira. Pavarësisht detyrave të rëndësishme, babai u kujdes që të mos harronim vlerën e punës.

Unë u përpoqa që t’ja kthej dashurinë me nota të mira dhe arritje që ta bënin sa më të lumtur. Me babain kemi pasur vetëm një konflikt. Donte të bëhesha pjesë e juaja. Ne jetonim me hallet e PS. Pas diplomimit në drejtësi në Londër unë u ktheva në Shqipëri. Në fund fitoi ai. Me ikjen e tij, më solli mes jush për të mos ikur më.

Baba uroj që të jesh duke më parë sot nga atje lart, shpresoj që të jesh krenar me mua. Do të bëj çmos që të jem në lartësinë e emrit që më le. Do angazhohem me mish e me shpirt në këtë familje të madhe. /albeu.com/

The post Fjalimi që përloti socialistët! Vajza i plotëson amanetin Bashkim Finos: Shpresoj të jesh krenar appeared first on Albeu.com.

Ndarja nga jeta e Bashkim Finos, mësohet kujt i kalon mandati i deputetit

admin — Tue, 25 May 2021 10:36:39 +0000

Bashkim Fino ndërroi jetë në fund të marsit pas një beteje të vështirë me COVID-in. 29 marsi u shpall ditë zie, ku flamujt e të gjitha institucioneve publike dhe shtetërore u ulën në gjysmë shtizë.

The post Ndarja nga jeta e Bashkim Finos, mësohet kujt i kalon mandati i deputetit appeared first on Albeu.com.