Në lidhje me këtë ngjarje, ka nisur procedim disiplinor edhe ndaj një efektivi të Policisë Bashkiake.

Ngjarja u regjistrua më 19 dhjetor, kur punonjësi i Policisë Bashkiake, I.Dh., njoftoi Përgjegjësin e Sektorit, E.V., se shoferi i një kamioni të ushtrisë, i parkuar brenda territorit të Pikës së Grumbullimit të Mbetjeve dhe i angazhuar në pastrimin e rrjetit të kanalizimeve të qytetit, kishte konstatuar shenja të dyshimta që mund të tregonin marrjen e karburantit nga mjeti i punës.

Pas njoftimit, Përgjegjësi i Sektorit së bashku me efektivin P.M. shkuan në ambientet e Pikës së Grumbullimit të Mbetjeve.

Pas kontaktit me komandantin përgjegjës të mjeteve të ushtrisë, u siguruan dhe u verifikuan pamjet e kamerave të sigurisë në zonën ku ishte parkuar kamioni.

Nga verifikimi i pamjeve filmike rezultoi se kamera monitoruese që mbulonte këtë zonë ishte spostuar qëllimisht.

Një situatë e ngjashme u konstatuan edhe në një tjetër interval kohor, gjatë të cilit me shërbim ishte efektivi i Policisë Bashkiake M.J.

Sipas deklarimit të tij, kamerat u lëvizën pasi dy punonjës të ndërmarrjes së pastrimit, me iniciale A.B. dhe B.H., kishin kërkuar zhvendosjen e pamjes për të furnizuar automjetin e tyre me një bidon naftë.

Policia Bashkiake, ka nisur procedim disiplinor ndaj efektivit M.J. për shkelje gjatë kryerjes së detyrës, ndërsa hetimet administrative vijojnë për zbardhjen e plotë të rrethanave të ngjarjes.

Megjithatë, pavarësisht masave të marra, punonjësit e përfshirë kanë kërkuar të paraqiten sërish në punë.

The post Përdorën karburantin e punës në shkelje, pezullohen nga detyra tre punonjës së Bashkisë Vlorë appeared first on Albeu.com.

Mersini do të jetë e para grua pretendente për të drejtuar Bashkinë Vlorë, ku edhe vetë ajo e cilësoi si një privilegj të veçantë faktin që është gruaja e parë që përfaqëson Partinë Socialiste në garën për drejtimin e Bashkisë Vlorë.

Ajo theksoi se synimi i saj është të punojë me përkushtim për një qytet më të zhvilluar dhe më bashkëkohor, duke vënë theksin tek bashkëpunimi me qytetarët dhe transparenca në çdo vendimmarrje.

Në Cërrik, kryetari i bashkisë Andis Hasalla u emërua në kabinetin qeveritar si Ministër i Bujqësisë. Në Vlorë kryetari i bashkisë Ermal Dredha dha dorëheqjen pas sulmeve të Ramës. Ndërsa në Tiranë Veliaj u shkarkua nga Këshilli Bashkiak me urdhër nga kryeministri Rama.

The post Prezantohet kandidatja e PS-së për kryetare të Bashkisë Vlorë/ Brunilda Mersini: Një nga vendimet më të vështira appeared first on Albeu.com.

Në terren së bashku me policinë dhe strukturat e tjera, ka zbritur edhe kryebashkiaku Ermal Dredha.

“Ne kemi ngritur një taks frocë prej disa ditësh që po bën kontroll gjithë territorin aty ku ka zaptim gardhe dhe kangjekla të rikthehen hapësirat për qytetarët”, tha ai.

Dredha ka komentuar edhe dorëheqjet e drejtuesve të institucioneve në varësi të Bashkisë së Vlorës, duke theksuar se largimi i tyre ishte kërkuar prej kohësh për shkak të mungesës së angazhimit maksimal, ndërsa paralajmëroi një proces vlerësimi të detajuar për punën e secilit.

“Unë e kam kërkuar edhe më parë, edhe në janar, edhe në mars sepse këtë e kam edhe për motivimin e drejtorëve të ma përkthejnë në punë për komunitetin. Nuk është se ka patur hezitim nga ana e kryetarit të Bashkisë, por duhet të gjejmë edhe njerëz më të motivuar dhe të përgjegjshëm që ta bëjnë atë punë me pasion. Të gjithë kanë reaguar pozitivisht do të shikojmë dhe do bëjmë një skanim të plotë dhe më pas do të marrim një vendim final”, shtoi Dredha.

Dy ditë më parë, gjatë takimit me përfaqësuesit e pushtetit vendor në Bashkinë e Vlorës, kryeministri Edi Rama, shprehu kritika dhe pakënaqësi për punën e kryer nga ky institucion, duke i kërkuar kryebashkiakut Ermal Dredha të shkarkojë të gjithë drejtorët e Bashkisë.

The post Dorëheqjet në Bashkinë e Vlorës pas kritikave të Ramës/ Flet Ermal Dredha: Kërkova largimin e drejtorëve që në janar, çdo punonjës në “skaner” appeared first on Albeu.com.

Ai qëndroi më pak se dy orë dhe mësohet se shprehu pakënaqësi për punën e bërë në Bashkinë e Vlorës nga Ermal Dredha për menaxhimin e sezonit turistik, problemet me furnizimin me ujë të pijshëm dhe ankesat e qytetarëve lidhur me cilësinë e shërbimeve.

Kryeministri kërkoi dorëheqjen e disa drejtuesve të institucioneve në Vlorë, të cilët sipas tij, nuk kanë qenë efikasë në detyrat e tyre.

Përveç kësaj, u kërkua largimi i një pjese të administratës së Bashkisë së Vlorës.

Rama kritikoi edhe deputetët e qarkut për performancën e tyre të dobët gjatë periudhës së fundit.

Po ashtu, Rama raportohet se ka ndryshuar kryetarët dhe bashkëkryetarët e Partisë Socialiste Vlorë.

Nga Admir Malaj dhe Vilma Bello si bashkëkryetare, Rama ka komanduar në krye të Partisë Socialiste Vlorë, Klevis Kason dhe bashkëkryetare Erjona Ismailin.

The post Edi Rama “furtunë” në Bashkinë e Vlorës/ Kërkon dorëheqjen e nënkryetarëve dhe disa drejtorëve appeared first on Albeu.com.

Leli është pyetur nga gazetarët se nëse kishte ardhur për kallëzim apo nëse e kishte thirrur SPAK, Leli është përgjigjur se asnjëra prej tyre.

“Për më shumë pyesni në SPAK”,-  është shprehur kreu i bashkisë Vlorë lidhur me këtë çështje.

Ditën e sotme ai u sulmua nga kreu i qeverisë Edi Rama gjatë takimit me kryetarët e bashkive në Pogradec. Rama tha se drejtuesi i bashkisë së Vlorës fle gjumë pavarësisht kapaciteteve që ka bashkia që ai drejton.

“Kemi bashki si Vlora që ka pasur një vëmendje të veçantë me të drejtës nga qeveria por që ka një kryetar bashkie që fle gjumë. Vlora me gjithë potencialin dhe mbështetjen nuk duhej ta diskutonte të qenit xixë nga mëngjesi në mbrëmje. Minimalisht!”, tha sot Rama./albeu.com

The post Dritan Leli del nga SPAK, ja si u përgjigjet gazetarëve appeared first on Albeu.com.

Ai u shpreh se po dorëhiqej nga pozita e tij në Vlorë për një tjetër detyrë në Tiranë dhe nuk ka vonuar shumë konfirmimi i tij në krye të prefekturës së Tiranës.

Kujtojmë se Qëndro shkoi në Vlorë pas debateve të forta që kishte kryeministri Rama me kreun e Bashkisë Dritan Leli.

Vendimi u mor nga organi i Këshillit të Ministrave./albeu.com/

The post Pas pak javësh si “i papunë”, Afrim Qëndro emërohet në postin e rëndësishëm në Tiranë appeared first on Albeu.com.

Gjatë fjalës së tij, Rama tha se janë akorduar mbi 1 miliardë euro për këtë sektor, dhe ndërsa investimet rriten, rriten dhe humbjet.

Sipas Ramës, Bashkia Vlorë është “kampione” për humbje, me 78.9%.

“Në rreshtin mes nesh janë ata që e kanë shoqëruar këtë proces investimesh në ujësjellës. Këtu kam një tabelë për investimet e bëra nga qeveria shqiptare nga viti 2014 dhe të vendosura aktualisht deri në vitin 2013 ku hyjnë fondet e buxhetit të shtetit dhe fondet e akorduara nga partnerët të cilat ju kujtoj që janë kredi që duhen paguar. Shuma që këto dy detyrime që qeveria shqiptare ka vënë në dispozicion është mbi 1 mld euro. Që të jemi të saktë, mbi është faktikisht 1 mld e afro 200 mln euro. Këtu kam tre pyetje për ju si kryetarë bashkish.

A jeni në dijeni të performancës së ujësjellës kanalizimeve në bashkinë tuaj të shërbimit që ofrojnë për qytetarët. E keni parë ndonjëherë që është përtej çdo logjike. Dhe pyetja e tretë, sa fonde keni alokuar nga buxheti i bashkisë për furnizimin me ujë. Faktit flasin vetë dhe fakti i fundit që ishte si pika që ka përmbysur këtë kupë është fakti që ne rrisim investimet, ju rrisni humbjet dhe pastaj qytetarët me të drejtë ankohen.

Rritja e investimeve nuk mund të përkthehet në rritje të humbjeve. Duhet të përputhet me një ulje të humbjeve dhe sens përgjegjësie për atë gropë që i është hapur mu në zemër këtij shteti nga keqadministrimi i ujit për 30 vite që nuk mbyllet dot menjëherë por në nivelin e administrimit nuk po jep shenja që nuk ka tendencë të zgjerohet. Kam listën këtu dhe nuk po hyj t’i marr me radhë. Kampioni bashkia e Vlorës, 78.9% humbje”, tha Rama./albeu.com

The post “Ne rrisim investimet në ujësjellës-kanalizime, ju humbjet!” Rama: Bashkia Vlorë “kampione” appeared first on Albeu.com.

Në Policinë e Vlorës kanë përfunduar ish Drejtori i Ujësjellësit të Vlorës Shkëlqim Leskaj dhe zyrtarë të tjerë të Bashkisë.

Konflikt gjatë mbledhjes së drejtuesve të bashkisë dhe Ujësjellësit. Mësohet se sot, me kërkesë të kryetarit të Bashkisë ishte thirrur mbledhje me këta të fundit. Pas mbledhjes situata ka agravuar, kur ish kreu i ujësjellësit, i cili ka dhënë dorëheqjen disa javë më parë nuk ka pranuar të lirojë zyrën. Sipas burimeve Leskaj nuk ka pranuar të iki nga detyra.

Në komisariatin e Vlorës ndodhet momentalisht edhe kryebashkiaku, i cili besohet se është atje për të sqaruar situatën./albeu.com

The post Plas “grushti” në Bashkinë e Vlorës, Dritan Leli përfundon në Polici (FOTO LAJM) appeared first on Albeu.com.