Safet Gjici u shkarkua nga detyra pasi u përfshi në një skandal seksual në zyrën e tij brenda institucionit.

Vajza, e cila u shfaq në video duke kryer marrëdhënie seksuale me Gjicin është identifikuar, por ende nuk është marrë dëshmia e saj.

Rrëfimi i saj do të jetë vendimtar për hetimin.

Ndërsa për të dëshmuar do të thirren edhe zyrtarë të tjerë të bashkisë. Vetë Gjici i cili dha dorëheqje nga detyra pak orë para se të shkarkohej, e pranoi autenticitetin e videos dhe tha se me vajzën kishte lidhje intime. Por u shpreh se u fut në kurth nga kundërshtarët.

SPAK po heton për të zbuluar nëse në videon e plotë ka patur biseda apo dhënie të favoreve që do të rëndonte pozitën e tij si dhe të zbulojë se kush e realizoi videon.

Dyshimet janë që materiali filmik është me i gjatë, por nuk ka konfirmime për brendinë. Prokurorja Manjola Kajana po kryen veprime hetimore qe nga sekuestrimi i regjistrit të hyrje daljeve në Bashki pamje filmike e po ashtu edhe dokumente./Albeu.,com/

The post Në pyetje do të merren edhe zyrtarë të bashkisë, SPAK në kërkim të videos së plotë të Safet Gjicit. Ja arsyeja appeared first on Albeu.com.

Gazetarja Aida Topalli ka zbuluar detaje rretha vajzës në fjalë, për të cilën tha se është e njohur për shantazhet përmes videove erotike.

Sipas Topallit, vajza është e njohur në zonën e Durrësit dhe përpara disa javësh ka një tjetër denoncim në komisariatin numër 2 për një vepër tjetër të ngjashme me rastin e Kukësit.

Gazetarja ka thënë në Euronews Albania se nuk dihet nëse vajza është organizatore apo zbatuese e planeve.

“Vajza në video nuk është një punonjëse e bashkisë së Kukësit, ne kemi arritur ta mësojmë identitetin, por për arsye etike nuk mund ta bëjmë publike. Meqënëse është dhe nënë fëmijësh preferojmë të mos ia themi emrin e plotë. Megjithatë më duhet të jap disa detaje. Zonja në fjalë është e njohur nga organet ligjzbatuese për bëma të tjera të tilla. Vetëm dy muaj më parë ajo ka një regjistrim në komisariatin e policisë numër 2 për një vepër të tillë të ngjashme. Por ndërkohë në Durrës ajo njihet më tepër. Në shumicën e rasteve ajo gjuan dhe piketon zyrtarë shtetërore, lokal apo qendror.

Ekziston dhe një mit i hidhur në Durrës për një ngjarje të rëndë, kur organet ligjzbatuese të hetojnë të shkuarën e vajzës, ndoshta mund të zbulojnë dhe detaje rrëqethëse dhe shumë të rënda. Nuk mund të them nëse kjo është një organizatore apo zbatuese e atye planeve. Referuar të shkuarës dhe personave që piketon nuk mund të jetë organizatore, është dikush tjetër që qëndron prapa saj për t’i krijuar lidhjet, për t’i bërë video dhe për t’i bërë shantazh zyrtarëve.

Janë të shumta videot e pushtetarëve që qarkullojnë që janë bërë në mënyra të tilla për t’i bërë santazhe apo për t’i eliminuar nga skena politike”, tha Topalli.

The post “Ka video të tjera”, gazetarja tregon detaje për vajzën që shfaqet në skandalin e Gjicit: Gjuan dhe piketon zyrtarët appeared first on Albeu.com.

Një video e kryebashkiakut tashmë të dorëhequr, Safet Gjici, ku ai shihet duke kryer seks në zyrë, u bë publike në rrjet dhe në media.

Videoja ishte filmuar në datën 6 qershor, rreth orës 16:00, teksa nuk dihet ende si dhe nga kush u publikua.

Menjëherë pas lajmit, Prokuroria e Posaçme nisi procedim penal për Gjicin. Ndërkohë, ipas nenit 105 të Kodit Penal kryerja e e marrëdhënieve seksuale duke shpërdorur raportet e vartësisë ose të detyrës, dënohet me burgim gjer në tre vjet.

Gjici dha dorëheqjen pas publikimit të videos, duke thënë se ra në një kurth, teksa pretendon se me vajzën në video kishte marrëdhënie prej disa muajsh.

Deklarata e plotë e Gjicit:

Ndjesë të thellë publike çdokujt që sot ka parë atë material të shëmtuar video. Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rash pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve.

Jam shumë i keqardhur për ngjarjen dhe jam mëse i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë por sigurisht nuk kam asnjë justifikim për atë çka ka ndodhur pavarërisht se i rënë në kurth.

Nuk mund të jem më unë njeriu që punon në atë zyrë shteti pasi e kam tradhëtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mirë.

Ndjesë të gjithëve dhe mirënjohje gjithë jeten kujtdo më besoi dhe mbështeti. Ishte nderi i jetës time që u njollos nga një mendjelehtësi e pafalshme ndaj sot ndjej detyrimin minimal të jap dorëheqjen! Zoti ju bekoftë të gjithëve!

Ndërkohë, pas mbledhjes së qeverisë, ministrja e Financave, Delina Ibrahimi bëri me dije se Këshilli i Ministrave mori vendimin për të shkarkuar menjëherë Gjicin.

Nga ana tjetër, opozita e ka quajtur fytyrën e vërtetë të pushtetit skandalin në fjalë.

Tashmë pritet vendimi i SPAK për ish-kryebashkiakun e Kukësit, i cili akuzohet për veprën penale “Shpërdorim Detyre”.

The post Videoja erotike në Bashkinë e Kukësit, SPAK nis procedimin penal për Safet Gjicin, saga e një skandali seksual appeared first on Albeu.com.