Raportohet se çifti është arrestuar në Padova pasi një urdhër ndalimi ishte lëshuar për ta nga Norvegjia. Dy të arrestuari akuzohen se kanë rrëmbyer djalin e tyre nga Norvegjia dhe janë arratisur.

Mësohet se djali 11 -vjeçar ishte marrë nga autoritetet norvegjeze gjatë kohës ku familja jetonte në Norvegji, për shkak të keqtrajtimit.

Djali i vogël ishte marrë nga prindërit e tij dhe ishte besuar në një komunitet në Oslo. Më 14 shkurt 49-vjeçari dhe gruaja e tij 43-vjeçare morën fëmijën dhe u nisën me makinë në Padova, ku ishin fshehur nga disa bashkatdhetarë.

Pas verifikimeve policia i gjeti dhe më pas i arrestoi.

The post Bashkëshortët shqiptarë rrëmbejnë djalin e tyre në Norvegji, kapen dhe arrestohen në Itali appeared first on Albeu.com.