Një marrëveshje e re zbatimi u firmos mes Kosovës dhe Gjermanisë, duke shënuar një etapë të re në partneritetin e tyre për veprimin ndaj ndryshimeve klimatike dhe transformimin e sektorit energjetik.

Në ceremoninë e nënshkrimit morën pjesë atasheu për Klimën pranë Ambasadës Gjermane në Prishtinë, zyrtarë të Ministrisë së Ekonomisë, përfaqësues nga Ministria e Mjedisit, Planifikimit Hapësinor dhe Infrastrukturës, si dhe ekspertë të GIZ Kosovo, njoftoi përfaqësia diplomatike gjermane.

Dokumenti i ri shndërron Partneritetin e gjerë për Klimën dhe Energjinë mes dy vendeve në një plan veprimi konkret, duke synuar të përmirësojë dialogun mbi politikat, të rrisë bashkërendimin ndërinstitucional dhe të forcojë aftësitë vendore. Njëkohësisht, ai mbështet diplomacinë klimatike të Kosovës, i jep shtysë profilizimit të saj në arenën globale dhe nxit pjesëmarrjen më të gjerë të qytetarëve në nismat për mbrojtjen e mjedisit dhe tranzicionin energjetik.

Sipas Ambasadës së Gjermanisë, kjo marrëveshje përbën një tjetër gur kilometrik në bashkëpunimin afatgjatë ndërmjet dy shteteve dhe dëshmon angazhimin e përbashkët për një zhvillim të qëndrueshëm të Kosovës, si dhe për përshpejtimin e rrugës së saj drejt integrimeve evropiane.

The post Kosova dhe Gjermania thellojnë aleancën për klimën dhe energjinë appeared first on Albeu.com.

Sekretari i Përgjithshëm i OSBE-së, Feridun H. Sinirlioglu, është pritur në Camp Film City në Prishtinë nga komandanti i KFOR-it, gjeneralmajor Ozkan Ulutash.

Në qendër të bisedës ishte situata e sigurisë në rajon, për të cilën Ulutash paraqiti vlerësimin e tij. Ai ritheksoi angazhimin e pandërprerë të KFOR-it për ruajtjen e stabilitetit në Kosovë.

Në njoftimin e KFOR-it thuhet se komandanti ka nënvizuar përpjekjet e misionit për të ndihmuar në krijimin e një ambienti të sigurt dhe të qetë për të gjithë banorët e Kosovës.

Takimi trajtoi gjithashtu aktivitetet dhe prioritetet kryesore të misionit. Sipas KFOR-it, gjatë diskutimit iu kushtua vëmendje e veçantë nevojës për koordinim dhe bashkëpunim të vazhdueshëm me partnerët ndërkombëtarë.

KFOR-i rikujtoi se misioni vazhdon të veprojë në bazë të mandatit që buron nga Rezoluta 1244 e Këshillit të Sigurimit të OKB-së e vitit 1999.

Sipas njoftimit, ky mandat synon të kontribuojë në një mjedis të sigurt dhe të qetë për të gjithë njerëzit që jetojnë në Kosovë, si edhe të sigurojë lirinë e lëvizjes në çdo kohë dhe në mënyrë të paanshme.

KFOR-i njoftoi po ashtu se ruan bashkëpunim të ngushtë me Policinë e Kosovës dhe EULEX-in, në përputhje me rolet e tyre si reagues të sigurisë.

The post Ulutash dhe Sinirlioglu bisedojnë për gjendjen e sigurisë dhe stabilitetin në Kosovë appeared first on Albeu.com.

Kryetari i Partisë Demokratike të Kosovës, Bedri Hamza, ka përcjellë urimin e tij me rastin e 250-vjetorit të Pavarësisë së Shteteve të Bashkuara të Amerikës.

Sipas tij, raporti me ShBA-në përbën një pjesë të identitetit tonë shtetëror dhe tregon se vlerat e lirisë, demokracisë dhe partneritetit ndërtojnë lidhje të fuqishme dhe bashkëpunim afatgjatë.

“Aleancë e përjetshme. Mirënjohje e përhershme për aleatin tonë më të madh, simbolin e lirisë në mbarë botën.

Gëzuar 4 Korrikun stafit diplomatik, popullit amerikan dhe institucioneve të ShBA-së”, shkroi Hamza.

The post Hamza për 250-vjetorin e Pavarësisë së ShBA-së: Miqësi e përhershme dhe falënderim për aleatin kryesor appeared first on Albeu.com.

Sipas tij, zgjidhja që do të parapëlqente është një bashkëpunim mes partive opozitare dhe komuniteteve joshumicë.

Në vlerësimin e tij për qeverisjen aktuale, Totaj kritikoi Vetëvendosjen, duke thënë se kjo parti ka dëshmuar se di të fitojë zgjedhje, por jo të qeverisë.

“Është dëshmuar që Lëvizja Vetëvendosje nuk di të qeverisë. Ata po dinë të bëjnë opozitë, të marrin votat, të marrin pushtetin, por të qeverisin nuk dinë”.

Ai deklaroi më tej se, sipas tij, mënyra e vendimmarrjes brenda kësaj partie është e përqendruar dhe varet nga lideri.

“Kemi parë qeveri të praktikantësh që nuk kanë energji e as vizion sepse aty funksionin sipas hierarkisë, sipas urdhrave edhe askush nuk e të drejtën të marrë vendim pa aprovimin e liderit suprem. Andaj një mendësi e tillë nuk na duhet”, theksoi ai.

The post Totaj flet për mundësinë e koalicionit pas zgjedhjeve dhe për raportin me Vetëvendosjen appeared first on Albeu.com.

Takimi po mbahet pas rezultatit të zgjedhjeve të 7 qershorit, në një kohë kur janë shtuar edhe kërkesat për dorëheqjen e kryetarit të LDK-së, Lumir Abdixhiku.

Në selinë e partisë janë ftuar kryetarët e degëve nga vetë Abdixhiku, ndërsa anëtarët e Kryesisë kanë nisur tashmë grumbullimin.

Nënkryetari i LDK-së, Lutfi Haziri, deklaroi se sot po mbahet Kolegjiumi i Degëve dhe se trajtimi i gjendjes paszgjedhore është pjesë e punës së rregullt të kryetarit dhe organeve të partisë.

“Sot e kemi Kolegjiumin e Degëve të LDK-së. Në situatë paszgjedhore është pjesë e punës ku kryetari i LDK-së dhe organet e LDK-së fillojnë me e trajtu situatën paszgjedhore. Kjo është në funksion të proceseve politike në të cilën LDK-ja ka vendosë parimisht të jetë pjesë aktive e ndërtimit të institucioneve. Dhe natyrisht për krejt çështjet, pas përfundimit të takimit del dikush në emër të LDK-së që flet. Gjithçka që do të dalë nga ky takim do të njoftoheni pas takimit”, tha Haziri.

Ai theksoi se LDK-ja e ka përcaktuar në parim që të jetë pjesë aktive e ndërtimit të institucioneve, ndërsa bëri të ditur se qëndrimet zyrtare do të publikohen vetëm pasi të përfundojë mbledhja.

Kryesia e LDK-së e ka nisur mbledhjen në orën 15:00 me pjesëmarrjen e kryetarëve të degëve, ku pritet të diskutohen zhvillimet politike pas zgjedhjeve dhe pozicionimi i partisë në proceset e ardhshme institucionale.

Më herët, lidhur me arsyen e thirrjes së kësaj mbledhjeje, nuk ishte bërë publik ndonjë sqarim zyrtar. Megjithatë, sipas gazetares, teksa po hynin në ndërtesën e partisë, Haziri u ndal para mediave dhe tha se ishte e qartë që po zhvillohej një mbledhje e Kryesisë për shkak të rezultateve të fundit të zgjedhjeve të qershorit, me qëllim diskutimin më të gjerë të procesit dhe rezultateve të LDK-së.

Pas përfundimit të takimit, pritet që përfaqësues të LDK-së të deklarohen për media.

Në qendër të diskutimeve pritet të jenë edhe zhvillimet e fundit brenda partisë, si dhe orientimi i saj për periudhën në vijim.

Në rend dite, sipas njoftimeve, pritet të përfshihen hapat e ardhshëm politikë, mundësitë për bashkëpunime të reja, si dhe debatet për qëndrimet dhe pakënaqësitë që janë shfaqur së fundmi në publik.

Ky takim po zhvillohet në një periudhë kur brenda LDK-së janë intensifikuar debatet për drejtimin e partisë dhe strategjinë që ajo do të ndjekë në skenën politike gjatë muajve të ardhshëm.

The post LDK mbledh Kryesinë dhe kryetarët e degëve, Haziri: Jemi të përkushtuar në ndërtimin e institucioneve appeared first on Albeu.com.

Kjo mbledhje vjen në një moment kur debatet e brendshme në LDK për drejtimin e partisë dhe strategjinë politike për muajt e ardhshëm janë shtuar.

Në fokus të diskutimeve do të jenë zhvillimet më të fundit brenda subjektit politik, si edhe orientimi që pritet të ndiqet në periudhën e ardhshme.

Pjesë e rendit të ditës pritet të jenë edhe hapat e ardhshëm politikë, përfshirë mundësitë për bashkëpunime të reja, si dhe trajtimi i qëndrimeve dhe pakënaqësive që së fundmi janë bërë publike.

The post LDK mbledh sot kryetarët e degëve për diskutime mbi rezultatin zgjedhor dhe zhvillimet e fundit appeared first on Albeu.com.

Në një reagim të publikuar në Facebook, ai është shprehur se Lidhja Demokratike e Kosovës ka qenë një forcë që ka vënë në lëvizje procese të rëndësishme politike në vend.

“Veç bashkëpunimi për procese politike e normalizon dhe e stabilizon Republikën. Lidhja Demokratike e Kosovës është parti që ka shkaktu procese dhe ka realizu ëndrra”, ka shkruar Haziri.

Ai ka nënvizuar gjithashtu se LDK-ja u ka qëndruar zot angazhimeve të saj politike në raport me të gjitha partitë, sa i përket agjendës shtetërore.

“Ne e kemi mbajtë fjalën me të gjitha partitë për agjendën e Republikës. Ne jemi për bashkëpunim për procese politike, për normalizim e stabilizim të Republikës”, ka deklaruar ai.

Sipas Hazirit, vendi nuk mund të nxirret nga krizat politike në rast se partia e parë nuk tregon gatishmëri dhe instinkt për bashkëpunim.

“Nuk nxirret vendi nga kriza nëse partia e parë nuk e zhvillon instinktin e bashkëpunimit. E kundërta është me shkaktu procese”, ka thënë Haziri.

Ai ka folur edhe për raportet me subjektet e tjera politike, duke dalluar mënyrat e ndryshme të veprimit të tyre.

“Nëse doni me na provu qysh shkaktohen proceset, pyetne PDK-në. Nëse doni me e kuptu qysh bashkëpunohet, pyetne AAK-në”, ka deklaruar ai.

Haziri ka theksuar më tej se edhe çështjet strategjike për vendin kërkojnë bashkërendim të gjerë politik.

“Edhe BE, NATO e gazi amerikan janë procese strategjike”, ka thënë ai.

Në përmbyllje, ai ka përsëritur se bashkëpunimi mbetet elementi themelor për funksionimin e shtetit.

“Unë jam për Republikën dhe bashkëpunimi është shpirti i saj”, ka përfunduar Haziri.

The post Haziri: Pa vullnet bashkëpunimi nga partia e parë, vendi nuk del nga kriza appeared first on Albeu.com.

Debati u nxit edhe më tej pasi në rrjetet sociale qarkulluan pretendime se Serbia ua kishte vënë në dispozicion autoriteteve të Kosovës të dhënat personale të qytetarëve të saj. Pas kësaj, Ministria e Drejtësisë e Serbisë deklaroi se institucionet shtetërore “nuk kanë marrë pjesë dhe nuk do të marrin pjesë në dorëzimin e këtyre letrave”.

Ministria serbe shtoi gjithashtu se organet kompetente do të shqyrtojnë të gjitha rrethanat që, sipas saj, “kanë shqetësuar opinionin publik”.

Në reagimin e saj thuhej edhe se “qytetarët duhet ta dinë se nuk janë të detyruar t’i trajtojnë këto letra si akte të vlefshme”.

E pyetur nga Radio Evropa e Lirë se sa ftesa janë dërguar në adresa në Serbi dhe në ç’mënyrë janë shpërndarë, Prokuroria Speciale e Kosovës u përgjigj shkurt: “Nuk kemi koment”.

Meqenëse Serbia nuk e njeh pavarësinë e Kosovës, të shpallur në vitin 2008, ajo nuk i pranon as institucionet e saj. Për pasojë, ndërmjet dy vendeve mungon bashkëpunimi i drejtpërdrejtë juridik.

Ky bashkëpunim realizohet përmes misionit të Bashkimit Evropian për sundimin e ligjit në Kosovë, EULEX, i cili, mes të tjerash, mbikëqyr funksionimin e sistemit të drejtësisë në vend.

Në vitin 2018, EULEX-i ua dorëzoi institucioneve vendore të Kosovës të gjitha lëndët që kishin të bënin me krimet e luftës.

Megjithatë, nga EULEX-i thanë për Radion Evropa e Lirë se nuk kanë ndërmjetësuar në shpërndarjen e fundit të ftesave për marrje në pyetje në rastet e krimeve të luftës, të dërguara në adresat e personave që jetojnë në Serbi.

Si kanë arritur ftesat në adresat në Serbi?

Ish-komandanti i Xhandarmërisë së Serbisë, Goran Radosavleviq Guri, deklaroi në fillim të qershorit se veteranë të ushtrisë dhe policisë serbe kanë marrë në adresat e tyre në Serbi ftesa për marrje në pyetje.

Ai tha se dyshon që “dikush nga tanët” ua ka dhënë autoriteteve të Kosovës të dhënat e tyre personale.

Shtetet e Bashkuara e lidhin Radosavleviqin me vrasjen e vëllezërve Bytyqi pas përfundimit të luftës në Kosovë, në vitin 1999.

Në të njëjtën kohë, në rrjetet sociale nisën të përhapen pretendime se ftesat nga Kosova kanë mbërritur në adresat në Serbi përmes Vjenës.

Ushtruesi i detyrës së drejtorit të Postës së Serbisë, Zoran Angjellkoviq, tha për Radion Evropa e Lirë se të gjitha dërgesat postare mes Kosovës dhe Serbisë kalojnë përmes shkëmbimit ndërkombëtar, për shkak se Beogradi dhe Prishtina nuk kanë marrëveshje për bashkëpunim postar.

“Nuk kalojnë vetëm përmes Vjenës, por edhe përmes qyteteve të tjera, si Lubjana dhe Budapesti. Të gjitha dërgesat nga Prishtina klasifikohen në Vjenë dhe, më pas, ato që janë të adresuara për Serbinë, dërgohen atje. E njëjta procedurë vlen edhe për letrat që dërgohen nga Beogradi drejt ndonjë vendi në Kosovë”, tha Angjellkoviq.

Deputeti i Partisë Përparimtare Serbe, partisë në pushtet në Serbi, dhe anëtari i Komisionit Parlamentar për Mbrojtje dhe Çështje të Brendshme, Millovan Drecun, deklaroi se nuk e di se si institucionet e Kosovës i kanë siguruar adresat e ish-pjesëtarëve të ushtrisë dhe policisë.

Sipas të dhënave që ai ka, “ka shumë adresa të pasakta dhe të paplota”.

Drecun rikujtoi se Marrëveshja e Brukselit ka paraparë një mekanizëm për ndihmë juridike ndërkombëtare, i cili duhet të funksionojë përmes EULEX-it, por, sipas tij, institucionet e Kosovës e kanë anashkaluar atë dhe “ua kanë dërguar ftesat drejtpërdrejt njerëzve”.

Kosova dhe Serbia, me ndërmjetësimin e Bashkimit Evropian, arritën në vitin 2013 një marrëveshje për ndihmë të ndërsjellë juridike, por ajo nuk është zbatuar në praktikë.

Blakaj: Pa bashkëpunim nuk mund të ketë drejtësi dhe as pajtim

Bekim Blakaj, nga Fondi për të Drejtën Humanitare në Kosovë, tha për Radion Evropa e Lirë se vëmendja nuk duhet të përqendrohet tek mënyra se si institucionet e Kosovës i kanë dorëzuar ftesat për marrje në pyetje në territorin e Serbisë, por tek vendosja e drejtësisë.

Sipas tij, drejtësia tranzicionale në hapësirën e ish-Jugosllavisë ka dështuar pikërisht për shkak të mungesës së bashkëpunimit mes shteteve të rajonit.

Në këtë kuadër, ai e përshkroi si për “keqardhje” reagimin e Ministrisë së Drejtësisë në Serbi.

“Në vend që të gjendet një mënyrë për të bashkëpunuar me institucionet e Kosovës ose që vetë t’i ndjekin penalisht këta persona, bëhet thirrje për bojkotimin e ftesave për marrje në pyetje. Si pasojë, jo vetëm që familjet e viktimave të krimeve të luftës do të mbeten pa drejtësi, por edhe do të mohohet e vërteta. Në vend të ballafaqimit me të kaluarën, secila palë do të vazhdojë ta ketë të vërtetën e saj, në kundërshtim me atë të palës tjetër”, tha Blakaj.

Ai shtoi se mungesa e bashkëpunimit në ndjekjen penale të krimeve të luftës nënkupton edhe mospranim të viktimave, gjë që, sipas tij, e bën të pamundur pajtimin.

“Paqja në rajon nuk është e mundur nëse nuk përballemi me të kaluarën dhe nuk i pranojmë viktimat dhe krimet që janë kryer”, tha Blakaj.

Gjatë luftës në Kosovë, në periudhën 1998-1999, u vranë mbi 13.000 njerëz, ndërsa mijëra të tjerë u zhdukën.

Edhe sot vazhdojnë kërkimet për rreth 1.600 persona të zhdukur, shumica e tyre shqiptarë.

Në kuadër të dialogut për normalizimin e marrëdhënieve, Kosova dhe Serbia kanë miratuar Deklaratën për Personat e Zhdukur, pas së cilës është krijuar edhe Komisioni i Përbashkët.

Qëllimi i tij është të ofrojë mbështetje politike për grupet punuese që merren me identifikimin e varrezave të mundshme masive ose individuale, përmes shkëmbimit të informacionit.

Gjykimet dhe dënimet në mungesë

Prishtina dhe Beogradi nuk kanë marrëveshje për ekstradim.

Megjithatë, pas ndryshimeve të bëra në Kodin e Procedurës Penale të Kosovës në vitin 2022, janë mundësuar gjykimet në mungesë.

Sipas ligjit, ato mund të mbahen vetëm pasi prokuroria dhe gjykata të kenë shteruar të gjitha mjetet për të siguruar praninë e të akuzuarit.

Aktgjykimi i parë i dhënë pas një gjykimi në mungesë u shpall në dhjetor të vitit 2024, në rastin e Çedomir Aksiqit, i cili u dënua me 15 vjet burg për krime lufte kundër popullsisë civile, të kryera në fshatrat Reçak, Mollopolc dhe Petrovë.

Më herët, Instituti i Kosovës për Drejtësi (IKD) i ka thënë Radios Evropa e Lirë se institucionet e Kosovës kanë të drejtë të kërkojnë lëshimin e një ‘njoftimi të kuq’ të Interpolit për personat e dënuar në mungesë për krime lufte.

Për shkak se Kosova nuk është anëtare e policisë ndërkombëtare Interpol, këto kërkesa dërgohen përmes Misionit të Kombeve të Bashkuara në Kosovë, UNMIK.

Megjithatë, ‘njoftimi i kuq’ i Interpolit nuk është i njëjtë me urdhërarrestimin.

Secili shtet anëtar zbaton legjislacionin e vet dhe vendos në mënyrë të pavarur nëse do të veprojë mbi bazën e tij.

Në praktikë, kjo nënkupton se Serbia, me shumë gjasë, nuk do të vepronte ndaj një kërkese të Kosovës, pasi nuk e njeh pavarësinë e saj.

Por një shtet tjetër anëtar i Interpolit mund të arrestojë dhe ekstradojë në Kosovë një person të dënuar në mungesë për krime lufte.

Sipas legjislacionit në fuqi, çdo person i dënuar në mungesë ka të drejtë për një rigjykim të ri dhe pa kushte, nëse arrestohet dhe ekstradohet në Kosovë.

The post Dërgimi i ftesave gjyqësore në Serbi pa ndihmë juridike direkte ngre pikëpyetje appeared first on Albeu.com.

Këto çështje u ngritën në panelin e diskutimit me temë “Forcimi i kapaciteteve profesionale në ndjekjen dhe gjykimin e krimeve të luftës në Kosovë”, të organizuar nga Fondi për të Drejtën Humanitare në Kosovë.

Sipas Amer Alijës nga Fondi për të Drejtën Humanitare në Kosovë, proceset që lidhen me krimet e luftës vazhdojnë të përbëjnë një nga sprovat më të ndërlikuara për sistemin e drejtësisë.

Alija: Gjykimi për krime lufte një nga sfidat më komplekse të sistemit të drejtësisë

“Në Kosovë mbetet një nga sfidat më të rëndësishme dhe komplekse të sistemit të drejtësisë. Përtej rëndësisë juridike këto procese kanë ndikim të drejtpërdrejtë në sigurimin e drejtësisë të viktimave të luftës, luftimin e mosndëshkimit dhe forcimin e besimit të qytetarëve ne institucione e drejtësisë. Gjatë viteve të fundit kemi parë zhvillime të rëndësishme në këtë fushë, përfshirë rritjen e numrit të aktakuzave për krimet e luftës dhe zbatimin e gjykimeve në mungesë”, tha Alija.

Udhëheqësi i Departamentit për Krime të Luftës në Prokurorinë Speciale, Ilir Morina, deklaroi se ekziston gatishmëri institucionale për trajtimin e këtyre rasteve, por se vështirësitë tejkalojnë vetë vullnetin e institucioneve.

Ai nënvizoi se një nga problemet për prokurorinë mbetet përdorimi i ligjeve të vjetra të ish-Jugosllavisë, si dhe mungesa e bashkëpunimit juridik ndërkombëtar, veçanërisht me Serbinë.

Morina tha gjithashtu se mungesa e një databaze për mbledhjen e provave po ia vështirëson Prokurorisë Speciale procesin e grumbullimit të tyre.

Morina: Ka mungesë të një databaze të veçantë të rasteve të krimeve të luftës

“Mungesa e vullnetit nuk është, ka një gatishmëri për punë në aderimin e krimeve të luftës, sfidat janë përtej vullnetit. Ne kemi bërë maksimumin brenda kapaciteteve dhe mundësive, çoftë buxhetore, institucionale… Korniza ligjore aktuale nuk është e mjaftueshme, një kornizë ligjore e cila është e përshtatshme për krim të organizuar. Ne këtë sfidë e kemi ende sepse po punojmë me ligje të vjetra, çoftë ai i ish Jugosllavisë, kodi i procedurës i cili nuk është mjaftueshëm i përshtatshëm në rastet e krimeve të luftës. Struktura institucionale, kur e kemi pranuar këtë çështje nga EULEX-i, është dashur t’i ndërtojmë mekanizmat e brendshëm, në mënyrë që të jemi të gatshëm të përballemi me sfidat.. sfidë shumë e madhe mungesa e bashkëpunimit juridik ndërkombëtare, në theks të veçantë me Serbinë por edhe me vende të tjera, ish gjykatën penale e Jugosllavisë. Te gjitha provat gjenden ne serbi apo jashtë territorit të Kosovës, por edhe të pandehurit. Mungesa e këtij bashkëpunimi është një sfidë e madhe. Tani kemi një mundësi të paraqesim aktakuza në mungesë, gjykimi në mungesë nuk është për herë të parë. Është zgjidhja më e mire dhe po mundohemi me apliku. Në kuadër të kësaj, është mungesa e një data baze të veçantë të rasteve të krimeve të luftës, identifikimi i provave është një sfidë e madhe, shume informacione ekzistojnë por janë të shpërndara. Frika që nuk ka informacion nuk ekziston, por ato duhet mbledhur dhe vendosur ne një vend në shërbim të prokurorisë speciale”, tha Morina.

Nga ana tjetër, zëvendëskryetari i Odës së Avokatëve të Kosovës, Naim Rudari, tha se një prej sfidave për këtë institucion mbetet gjykimi në mungesë, të cilin shumica e avokatëve nuk po e pranojnë edhe pse bëhet fjalë për detyrë zyrtare.

Rudari: Ka sfida për gjykimin në mungesë

“Po e shohim se është përforcuar, janë shumëfishuar edhe aktakuzat, ndonëse është e vështirë për prokurorinë për të mbledhur provat, pasi kanë kaluar shume vite pas luftës. Nevojitet për ta argumentuar secilindo krim. Kemi persona që kërkojnë drejtësi, ndonëse prokuroria na ka kundërshtarë në aspektin profesional, por në këtë rast oda e avokatëve dhe prokuroria kemi sfida me angazhimin e avokatëve sipas detyrës zyrtare në gjykimin në mungesë. Gjykimi në mungesë është institut i ri tek ne, akoma ka nevojë për përgatitje, trajnime, aplikimin e këtij institucioni me profesionalizëm të lartë.. ne jemi munduar që t’i bindim përveç detyrimit është ndihmesë në drejtësi. Na mungojnë trajnimet sidomos nga ekspertë ndërkombëtarë të kësaj fushe, ka vështirësi të aplikimit të gjykimit në mungesë”, tha Rudari.

The post Korniza e vjetruar ligjore dhe mungesa e një databaze vështirësojnë hetimet për krimet e luftës në Kosovë appeared first on Albeu.com.

Sipas tij, çdo zgjidhje që synon ndërtimin e institucioneve duhet ta vendosë në plan të parë programin zhvillimor dhe agjendën strategjike të Kosovës.

“Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit”, ka shkruar Haziri.

Ky është postimi i plotë i tij:

“Bashkëpunimi partiak e institucional është udha e vetme për ta thyer rrethin vicioz që po e lodh Republikën!

Kosova sot ka nevojë për agjendë të zbardhur kur jemi në fund të javës së dytë pas zgjedhjeve të 7 qershorit.

Cilido opsion që arrin marrveshjen gjithëpërfashirëse, programin zhvillimor dhe agjendën strategjike duhet ta ketë në qendër të saj, ndërkaq skenari i ndarjes së përgjegjesive institicionale vjen në fund.

Bashkëpunimi partiak e institucional është udha e vetme për ta thyer rrethin vicioz, për t’i dhënë fund krizave politike, që nënkupton kthimin e stabilitetit.

Kemi premtu që Republika e Kosovës është faktor i stabilitetit rajonal, duke respektu vlerat demokaratike. Ky rol i stabilitet rajonal buron nga stabiliteti dhe bashkëpunimi brenda Kosovës.

Republika e Kosovës i ‘duron’ zgjedhjet e shpeshta vetëm kur e kujton që mundet me mbetë edhe pa zgjedhje një ditë.

Një njeri dhe një parti është kauzë e humbur me 17 shkurt!

Republika, mbi të gjithë!”

The post Haziri: Dalja nga kriza institucionale vjen vetëm përmes bashkëpunimit politik appeared first on Albeu.com.