Por ndërkohë që Kuvendi vazhdon dhe njëkohësisht në Shqipëri po votohet për referendumin e Berishës, ku bëhet me dije se kanë votuar mbi 34 mijë shqiptarë, Basha ka bërë lëvizjen e radhës.

Burimet nga selia blu bëjnë me dije se Basha ka njoftuar mbledhje të kryesisë në orën 19:30, në selinë blu.

Kjo orë e paracaktuar përkon me disa orë përpara se të mblidhet komisioni për “Rithemelimin e PD” për të dhënë rezultatin e votimeve të referendumit për shkarkimin e Bashës nga posti i kryetarit. /albeu.com/

The post Mbi 34 mijë shqiptarë votuan në referendumin e Berishës? Basha bën lëvizjen e rëndësishme appeared first on Albeu.com.

Duke folur hapur, Basha ka akuzuar Berishën për ndikimin e tij në PD dhe ka ushtruar ndikim si një kryetar i dytë edhe pse kishte dhënë doreheqjen e tij publike.

Kryetari i PD shtoi se vetë ai e ka lejuar Berishën ta bëjë këtë gjë, duke shkaktuar dualitet dhe duke fajësuar këtë të fundit për humbjet dhe përçarjen ndër vite të demokratëve.

Gjithashtu Basha shtoi se për shkak të ndikimit të tij, Basha është detyruar të qëndrojë në hije, sipas tij, në partinë ku është zgjedhur kryetar i tij.

“Ndaj edhe gabimi im më i madh është mbajtja, apo lejimi i dualizmit në drejtimin e PD-së. Dualizmit në përceptim dhe dualizmit real, kur ish kryetari e bëri funksion de facto dublimin e kryetarit, e bëri rutinë hijezimin e  kryetarit me protagonizmin  e tij. Faktet janë me qinda mijëra. Kushdo i ka parë. Kjo histori nuk ndaloi tetë vjet me radhë…”- tha ndër të tjera Lulzim Basha.

Deklarata e Lulzim Bashës:

E gjitha kjo nuk është gjë tjetër vecse një mendësi e së kaluarës, një sedentim i mendësisë puniste që nuk mund të mos e shoqëronin në startin e saj demokracinë tonë të re.

Ne nuk jemi këtu për të bërë gjyqin e ndokujt, ne nuk jemi dogmatikë, as të ngushtë e të paditur që të mos e dimë se me të vërtetë, një sistem i urryer mund të shembet për pak ditë a pak javë, por shembja e mendësive të ngulitura për 50 vjet kërkon kohë.

Aq me shumë në Shqipëri ku terrori sundonte territorin dhe individët, mendjet dhe shpirtrat, ku disidenca ishte e izoluar në burgje e kampe, ku liria merrte frymë me pipë në mjedise të ngushta, ku ndryshimet erdhën nga studentët dhe elitat e formuara brenda sistemit. Për ne mbeten të nderuar të gjithë ata që i dolën zot ndryshimit, ata të vijës së parë dhe gjithë shqiptarët që u bashkuan në rrugën e re.

Por mendësitë komuniste janë një mall toksik, ato nuk mund ta shoqërojnë nga një dekadë në tjetren drejtimin politik të partive dhe të vendit, nuk mund t’i shartohen kaq gjatë demokracisë. Sepse kjo është mënyra për ta vrarë demokracinë.

Ndaj edhe gabimi im më i madh është mbajtja, apo lejimi i dualizmit në drejtimin e PD-së.

Dualizmit në përceptim dhe dualizmit real, kur ish kryetari e bëri funksion de facto dublimin e kryetarit, e bëri rutinë hijezimin e  kryetarit me protagonizmin  e tij.

Faktet janë me qinda mijëra. Kushdo i ka parë.

Kjo histori nuk ndaloi tetë vjet me radhë.

Është përgjegjesia ime që nuk kam mundur ta zgjidh në kohën e duhur ketë nyje gordiane. Berisha nga ana tjetër ka qenë i njoftuar se protagonizmi i tij është një barrë për rritjen dhe fitoren e Partisë Demokratike.

Megjithatë, unë u kërkoj sot ndjesë demokratëve, me bindjen se ata kanë një ide të qartë për hezitimin tim, që ka qenë edhe hezitimi i shumë prej tyre.

Njohja e gabimeve është premisa e korigjimit të tyre. Në këtë kuvend të lirë, unë mbaj shënim me respekt për gabime të tjera nga diskutimet tuaja.  Dua të nënvizoj se kapërcimi i dualizmit përbën zgjidhjen  e një prej nyjeve  të krizës për të  cilën po flasim.

Sot partia ka një kryetar dhe ajo duhet të ketë gjithnjë një kryetar.

Nga ana tjetër, ne caktuam një standart në qëndrimin tonë ndaj personave  që shpalleshin non grata nga SHBA: përjashtimin e tyre nga politika. Sepse përdorimi nga SHBA i sanksioneve kundër zyrtarëve dhe ish zyrtarëve të korruptuar në  Shqipëri ka qenë dhe është një faktor vendimtar për shembjen e sundimit  aktual dhe shumëvjeçar të korrupsionit dhe pandëshkueshmërisë në Shqipëri.

Cfarë mund të bënin ne, çfarë mund të bëja unë kur goditja ra në shtëpinë tonë? Të shkelja standartin që vetë ne, të gjithë bashkë, nga I pari tek I fundit, përfshirë vetë Sali berishën e kishim vendosur, atëherë kur shpalljet non grata binin  mbi bashkëpunëtorë dhe aleatë të Ramës?  A nuk do të ishte ky kulmi i hipokrizisë para shqiptarëve?

A do të kishim fytyrë të përmendnim antikorrupsionin, a do të na besonte njeri, a nuk do të bëheshin shkrumb e hi si parulla bajate qëndrimet  e zotimet tona? /albeu.com/

The post Lulzim Basha i thotë të gjitha: Më la në hije, Berisha ishte kryetar i dytë në PD! (VIDEO) appeared first on Albeu.com.

“Te nderuar anetare te Kryesise, Sot ora 18:00 do te zhvillohet mbledhja e Kryesise se Partise, me rend dite per mbledhjen e Kuvendit te dites se neserme. Ju falenderoj!”.

Rikujtojmë se ditën e nesërme në pallatin e Kongreseve Lulzim Basha do të mbledhë Kuvendin e tij ku pritet të merren vendime të rëndësishme në lidhje me situatën e PD.

Axhenda e Kuvendit të thirrur nga Basha:

1- Vendimmarrje mbi situatën politike me si edhe marrjen e masave për të mbrojtur interesin e PD, duke mos lejuar që problemet apo interesat personale të secilit anëtar të dëmtojnë interesat elektorale dhe politike të PD dhe agjendën e saj politike në përballjen me regjimin e Edi Ramës.

2-Miratimin e Aksionit Politik për të ardhmen e Partisë Demokratike dhe shpalljen e Platformës Qytetare për demokraci, për rikthimin e legjitimitetit dhe demokracisë në vend si edhe ndërtimin e mekanizmit të bashkëpunimit me të gjitha forcat e shoqërisë në përballjen me regjimin e Edi Ramës , i cili në aleancë me krimin e organizuar ka shkatërruar çdo mjet të funksionit demokratike të shtetit shqiptar dhe po nxit braktisjen masive të vendit , kryesisht nga të rinjtë.

3-Miratimin e programit organizativ të Partisë Demokratike për të përgatitur strukturën e partisë për zgjedhjet e ardhshme , sipas Objektit “ partia Demokratike , partia e demokratëve dhe çdo shqiptari të ndershëm-Forca e vetme politike që do të sjellë ndryshimin në Shqipëri”. /albeu.com/

The post Lëvizja e fundit! Nesër Kuvendi Kombëtar, Basha thërret mbledhjen e Kryesisë së PD appeared first on Albeu.com.

Gjatë seancës së sotme parlamentare ka mbajtur fjalën edhe kryedemokrati Lulzim Basha i cili ka akuzuar qeverinë se nuk ia ka dalë dot të menaxhojë pandeminë COVID19.

Kryedemokrati tha sot në Kuvend, se edhe Kosova i dha leksione Shqipërisë, ndërsa shtoi se skemat e hartuara nga qeveria kanë dështuar.

Pjesë nga fjala e Bashës: 

Rendi i ditës së sotme vendos dhe një herë pandeminë në qendër të debateve. Këto ditë është diskutuar në komisione, nga përfaqësuesit e opozitës për vaskinimin dhe diferencën mes shifrave të raportuara nga qeveria dhe nga institucionet. Ashtu si në traditën më të keqe, ajo që nuk thuhet nuk bëhet. Nuk është hera e parë që gënjejnë me pandeminë, gënjyen për ndihmën pandemike për rimbursimin, për tenderat, një dosje e cila këndellet në gjumë, SPAK dhe prokuroria. Për jetët e humbura, 16 mijë më shumë se mesatarja  dhe jo shifra rrenacake.

Këtë nuk  e themi ne, e konfirmon dhe raporti i KE, që konfirmon se Shqipëria ka shtresën më të lartë të vdekjeve. Kur deklarojnë se do ia dalim, zoti na ruajt, ajo fjali ishte si shuplakë dhe pështyre.

Rama shfaqej në ekrane, për të treguar gënjeshta dhe aktrim. Një shuplakë jo vetëm për familjet, duke kaluar një kalvar të gjatë, dhe për ata qindra mijëra që u zhytën në borxhe se ky pushtet i kishte larë duart. Skema e rimbursimit dështoi, në fund të Europës e lanë Shqipërinë, njerëzit humbën punën. Dhanë ndihmën më të ulët ekonomike, na lanë pas dhe vendeve më të vogla që disbursuan më shumë, Kosova po na jep leksion në këtë drejtim, jo më larg se 1 javë më parë, vendosi të ndihmojë familjet që kanë humbur një person nga Covid. /albeu.com/

The post Basha del në Kuvend dhe sulmon ashpër Ramën: Zot na ruaj, shqiptarët u zhytën në borxhe (VIDEO) appeared first on Albeu.com.